القوات المسلحة: لــــم ولــــن نكون ضد الشباب الحُـــر

[fatfouta]

البيان رقم 30 للجيش يخص شاب من اللى اعتقلهم الجيش وهو طالب وفنان تشكيلى واسمه عمرو عيسى

القوات المسلحة: لم ولن نكون ضد الشباب الحر

صدق رئيس المجلس الأعلى للقوات المسلحة على قرار إعادة الإجراءات القانونية لمحاكمة الطالب والفنان التشكيلي عمرو عيسى، ذلك ما أكده البيان الصادر عن المجلس على حسابه الرسمي بموقع التواصل الاجتماعي فيس بوك، وحمل عنوان الرسالة رقم 30 .

وأكد المجلس في رسالته على أن القوات المسلحة المصرية أعلنت في بداية الثورة على موقفها الواضح والقاطع تجاه شباب الثورة، وانها لم ولن تكون ضد الشباب الحر وأن كافة الاجراءات القانونية التي اتخذت خلال الفترة الأخيرة لم تكن موجهة سوى لأعمال البلطجة التي تروع هذا الشعب.

[fatfouta]

هو يعنى ايه اعادة الاجراءات القانونية؟؟؟انا مش فاهمة الجزئية دى بس الشباب عالفيس بوك بيباركوا وبيقولوا انه كده خلاص هيفرج عنه؟؟

كانوا عاملين لعمرو صفحة عالفيس بوك للمطالبة بالافراج عنه

عمرو عيسى فنان تشكيلي مش بلطجي

[ام سلمي]

تعليق نوارة نجم علي البيان ظريف جدا

ربنا يخليكوا ليا يا رافعين راسي، ويسعدكم ويفرحكم ويعزكم عشان ما كسفتونيش قدام العيال اللي اكلت وشي

طب والنبي بقى محمد الجندي ده من شباب 6 ابريل وحيتقدم لمحاكمة عسكرية، وياريت فيه خمستلاف قضية اتقدموا لمحاكمات عسكرية، يا ريت يعاد النظر فيهم، لأن فيه منهم كتير لا هم مناضلين ولهم ضهر، ولا هم بلطجية كمان، عيال غلابة

احنا كنا عايزين ايه كمان؟

اه

1- محاكمة شلل الاطفال والثلاثي، عمر سليمان، وصفوت الشريف بشنبه ده، وفتحي سرور، وزكريا عزمي، اساسا عزمي ده المفروض يتكهن

2- محاكمة مبارك العاجلة

3- الاعلان الدستوري.. الاعلان الدستوري فين؟ خلاص احنا بقينا التلات.. ربنا يستر، بس واحد كتب على التويتر قال ان الدعوى بأن مبارك خان قسمه، يعني خيانة عظمى.. طب قشطة، لو حكموا ببطلان تنحيه، حنمسك في خان قسمه دي ونطالب بمحاكمته عسكريا بتهمة الخيانة العظمى.. ومش مسامحينه على تنحيه الخاين الغشاش اللي اتجوز علينا شرم الشيخ ههههههههه

4- فاضل ايه؟ فاضل ايه؟ فكروني.. انا من الفرحة نسيت الباقي

بس شلل الاطفال والثلاثي ومبارك وعيلته يتحاكموا واي حد حيفتح بقه بعد كده حاجز لسانه من لغاليغه.. آه.. والاعلان الدستوري

واحد صاحبي عايش في امريكا باعت لي على السكايب بيقول لي جيتس وزير الدفاع الامريكي راجع زعلان من زيارته لمصر والنيويورك تايمز ابتدت تشتم في الجيش

هيهيهيهيييييييييي... قشطة

كل دي اخبار مطمئنة الحمد لله، دي ناس شتيمتهم لنا نتوضى بيها

المهم بقى بقية المطالب احنا منتظرين اهو