ادعوا لى بالشفاء

[raouf]

الحمد لله تعرضت الى وعكة صحية من الاسبوع الماضى

جالى التهاب فى العصب السابع

مما ادى الى شبه توقف فى التحكم بجانب الوجه الايسر

لم اكن اعلم كثيرا عن اسباب المرض ولم يحدث اى احتكاك بينى وبين مرضى من هذه القبيل رغم عملى بالمستشفيات

الحمد لله على كل شىء هى الصدمة ان دى اول وعكة صحية قوية تحدث لى

العلاج ان شاء الله هيستمر لمدة 4 اسابيع بها جلسات علاج طبيعى للوجه

مفيش سبب واضح على وجه الدقة للمرض لكن اكثر الاسباب المعروفة كالتالى :

- ضغط عصبى وده ما اكثره عندنا كلنا

- التعرض لهواء بارد مفاجىء وللاسف بحكم عملى كمدير مشروع اى تى فمعظم شغلنا فى سيرفررووم ودرجة الحرارة 16

- ميكروب فى الجو ويسبب التهاب الاعصاب وده ظاهر نتيجة العاصفة الترابية الاخيرة

المهم فى هذه الفترة حافظوا على نفسكم واولادكم من التراب

ومن تغير درجة الحرارة المفاجىء من جار الى بارد والعكس

وياريت الكل يدعى لى بالشفاء

نسبة شفاء المرض 70% ربنا يجعلنا منهم

[tarek hassan]

قلبي معاك يا أخي العزيز

وندعو الله العلي القدير أن يشفيك شفاء لا يغادر سقما

وأن يرزقك الصحة والعافية

اللهم اجعل أخانا هذا من الناجين بفضلك ورحمتك يارب العالمين

[Howayda Ismail]

الف سلامة على حضرتك

ربنا يشيفيك ويعفى عنك ويشفى كل مريض

ان شاء الله يحتسب فى ميزان حسناتك

[لونا]

ربنا يتم شفاك على خير إن شاء الله ياأ/ رؤوف

اللهم رب الناس

إذهب البأس

إشف أنت الشافي

شفاء لا يغادر سقمًا

[dongol]

أدعو الله رب العالمين ان يشفيك

بس الموضوع ان شاء الله بسيط لانه جه لزوج أختي و تم شفائة منه في خلال شهرين

و كمان جه لواحد زميلي في العمل و برضه تم شفائة منه في خلال مده بسيطة

اهم حاجة متابعة العلاج الطبيعي و عدم الجزع او الخوف من المرض لان نسبة الشفاء كبيرة ان شاء الله

[jasmin hamed]

اللهم اشفك شفاء ليس بعده سقما ابدا

اللهم اجعله في ميزان حسناتك

الف سلامة

يا استاذ رؤوف

[الباشمهندس ياسر]

ان شاء الله هتخف و هتبقي زي الفل يا رؤوف

انت بس متقلبش و خليك مع الوسط و متجريش تروح ناحية الاخوان و متدافعش عنهم تاني و هتبقي زي الفل

شد حيلك بقي و تقوملنا بالسلامة

[se_ Elsyed]

نتمنى لك الشفاء العاجل يا عم رؤوف وبإذن الله معاف ....

وموضوع العصب السابع ده من ابسط ما يمكن وشفناه كتير .

وكما قال لك الأخوة .. مع المداومة على العلاج الطبيعي الامور هاترجع زي الأول وأفضل

إوعى تفكر تحقن بوتكس بقى وتنفخ شفايفك وتقول بالمره طالما هايشتغلوا في وشي

ههههههههههه

[aimen]

اسأل الله العظيم رب العرش العظيم أن يشفيك.اللهم رب الناس مذهب البأس اشف أنت الشافي لا شافي إلا أنت.

الف لا بأس عليك يا استاذ رؤوف

تم تعديل 29 مارس 2011 بواسطة aimen

[م تيمور المراغي]

الف الف سلامة عليك يا رؤوف

انا حكلمك حالا

[Om Zayd]

اسأل الله العظيم رب العرش العظيم أن يشفيك

في ميزان حسناتك باذن الله

[hOuSsAm]

الف سلامة عليك يا بشمهندس

اسال الله العظيم رب العرش العظيم ان يشفيك ويبعد عنك اى مكروه او شر

اقترح عليك لو تقدر تاخد اجازة بسيطة تروح مكان هادى تغير فيه جو وتستجم وتهدى اعصابك شوية

ممكن تروح ليبيا

او سوريا

او اليمن

وباذن الله هتروق وتحلو وتبقى زى الفل :D

تم تعديل 29 مارس 2011 بواسطة hOuSsAm

[اغابي]

الف سلامة عليك يا بشمهندس رؤوف

ربنا يشفيك ويطمنا عليك

وحاول انك تلتزم بمواعيد العلاج لانها خطوة مهمة

[pocy]

الف لا بأس عليك اخى الفاضل واتمنى من الله عز وجل الشفاء لك ولى وجمع المسلمين ان شاء الله

وبرضه بحذر من التراب لانه بسبب العاصفه الترابيه فى الكويت اصبت بالتهاب فى القرنيه ولازلت اتعالج منه ويارب الشفاء لانى قلقانه لعينى تروح خالص

والحمد لله الحمد لله على نعمه البصر

اللهم انك الشافي فاشفي اخى الفاضل من كل داء

اللهم انك مجيب الدعاء فاستجب لدعائنا لاخينا الفاضل

[fatfouta]

سلامتك يا رؤوف الف سلامة

ان شاء الله خير ماتخافش هتخف وهتبقى ذى الاول واحسن كمان

بس انت تفائل كده وخلى ظنك بالله دايما خير

ربنا يطمنا عليك يارب

[الســـاري]

الف الف الف سلامة لك استاذ رؤوف .. اعرفه هذا المرض .. يسموه عندنا ابو وجه

اسئل الله العظيم رب العرش العظيم ان يشفيك ..

اللهم اشفي رؤوف ومن عليه بالصحة والسلامة والعافية

لا تنسى المداومة على العلاج الطبيعي

وما تشوف شر بإذن الله

[ام سلمي]

اسأل الله العظيم رب العرش العظيم ان يشفيك

[ozoozo]

طيب عادي مانا عندي فسفوسه في صباع رجلي الصغير وعادي خالص ....انت بس اللي بتدلع

علي العموم ماتقلقش انا اعرف كذا واحد جاله الموضوع ده وخفو

انت بس ممكن تكون مخضوض من شكلك

لكن ماتقلقش بسبطه ان شاء الله

واهم حاجه ابعد عن الهواء البارد لانه السبب الرئيسي في موضوع العصب السابع

[باهى الطائر الحزين]

(اللهم)

(انت القادر الشافى المعافى

البر التواب الرحمن الرحيم

الملك القدس السلام المؤمن

المهيمن العذيذ النافع)

اشفيه شفاء عاجلا لا يغادر سقما

ومتعه بنعمة الصحه والعافيه

امين رب العالمين

[raouf]

الف شكر لكم جميعا على دعواتكم

وربنا يتمم شفائى على خير ويديم علينا جميعا الصحة والعافية