تايه يا ولاد الحلال

[مهندس عمرو]

مغتربين الرياض انشاء الله الشهر الجاي هيزيدو واحد بأذن الله هو العبد لله

وعلى هذا الاساس انا بقى متلخبط ومش عارف اعمل ايه ولا اجيب معايا ايه ولا الجو عامل ايه وكل الاسئلة الي فيها ايه هتلاقوني ناطط فيها :waving:

وبالتالي سؤالي بقى :

الجو عندكو شكلو ايه يعني الهدوم اجيبها نظامها ايه ؟؟

ثانيا فين ممكن الاقي سكن تلات اوض يكون كويس يعني مش فمنطقة عاليه زي العليا ولا تعبانه زي منفوحة يعني حاجه في النص وتكون كويسة دي تعملها كام تقريبا ؟؟ مع العلم ان شغلي هيبقى في المنطقة الشرقية من الرياض .

ثالثا هل ينفع اسوق بالرخصة المصري وياترى اسعار العربيات الهيونداي النترا مثلا موديل خمس سنين فاتو كده تعمل كام ؟

السؤال الاخير بقى هي اجراءات الاقامة بتاخد وقت اد ايه من يوم الوصول كده باذن الله مع العلم ان وظيفتي هي مهندس مدني .

والنبي بقى تردو عليا وساعدوني وبلاش تحسسوني اني :malta: طبعا بهزر معاكو ونفسي تقبلوني صديق ليكم جميعا ... وتحيا جمهورية :egyflag: العربية

تم تعديل 29 مارس 2011 بواسطة مهندس عمرو

[محمد الشافعى]

السلام عليكم ورحمة الله وبركاته

سعر سكن كويس فى حدود 14000 أو 15000 فى المنطقه الى انت شغلك فيها

بخصوص الأنترا ممكن تحصل موديل 2004 فى حدود 14000 الف يكون نضيف

[الفقير الى الله]

ربنا يجيبك بالسلامة ان شاء الله

اولا الاقامة بتطلع على حسب الشركة اللى انتة فيها ممكن تاخد من اسبوعين لتلات اسابيع واحيانا شهر عقبال ما الشركة تطلعها

ثانيا مينفعش تسوق بالرخصة المصرية هنا اللهم هيا ليها فايدة ليك هنا بس بيشوفها وبياخد منها صورة فى المرور وعلى اساسها بيقلل عليك التكلفة شوية

ثالثا لازم الاول يا بشمهندس تكون مطلع الاقامة عشان تطلع رخصة السواقة

هذا والله اعلى واعلم ولك منى كل الدعاء بالتوفيق والسداد

[Nileman]

أهلا و سهلا يا باشمهندس

بالنسبة للجو من دلوقتي لغاية نوفمبر اللي جاي حر نار فحتحتاج ملابس صيفي و الشتوي ابقى اشتريه من هنا ارخص من مصر

بالنسبة للهيونداي موديل 5 سنين فاتوا ماقدرش اقولك بالظبط ده حسب حالة العربية هي الجديدة بحوالي 34 او 35 الف ريال

بالنسبة للسكن في شرق الرياض لو معاك عيلتك من 16 الف لغاية 25 الف و اكتر لو انت عايز حسب عدد الغرف و حالة الشقة

لازم تطلع رخصة سعودي بس برضه حتحتاج الرخصة المصري عشان لو مش معاك الرخصة المصري حتدخل مدرسة تعليم القيادة اجباري

و قبل كل ده لازم تطلع اقامة الأول و دي بتاخد من 7 أيام ل 30 يوم حسب شركتك

و أي خدمة