تطلعات الشعب المصري عن الرئيس الجديد

[Simba]

يكون بيشرب شاي العروسه

مايسكنش في ميدان مصطفى محمود :D

مايذلناش باللقمه و الخلف الكتير

يكون مقتنع بان الزيادة السكانية مش سبب تخلف مصر

يعلن مرتبه و لو زاد قرش نقطع صابع رجله الصغير

ميكونش جاي يقضي فترة التقاعد بتاعته في الرئاسة

مايكونش منوفي

كان بيروح يــعد جنب ماكدونالدز علشان يلـــقط وايرلـــس ببـــــلاش

يكون أقرع و بشنب و بيلبس نضارة =D

بيكــــــــره نـــاديه الجــندى و ميعرفــــش مين اسامه منيــــــــــر

مايقرفناش ويقول لنا أجيب لكم منين ؟؟؟ ما أنتوا كتير

مش عايزينه أول اسم في كل موجز الأنباء وأول صفحة في كل جريدة.

ميكونش سكرتير 22 ديكتاتور ،، ميكونش وزير نظام فاسد لمدة 12 سنه

ميصليش العيد في شرم الشيخ ،يصليه في الجامع اللي جنب بيتهم زي كل المصريين

ما يصبغش شعره

ما يقولناش الأخوة المواطنون

و كمان يكون عنده سنس و لما مايعرفش حاجة يسأل مش يفتى . و يفهم أن آخره معانا أنه موظف

مايكونش ساكن فى مصر الجديدة و كل يوم يقفلوا صلاح سالم عشانه هو و مراته و عياله

يرجع قانون الجرسة بتاع محمد علي, عشان الفاسدين نركبهم الحمار بالمقلوب بدري بدري

لازم يكون قماش بنطلونه بيزحلق عشان يساعده ميلزقش

ما يستقبلش منتخب الكورة حتى لو فزنا بكاس العالم

الرئيس الجديد لمصرلازم يكون مبيخلفش

يقول لنا هيطلع يخطب الساعة كام بالضبط عشان ميذنبناش عشر ساعات على ما يتكرم ويطل علينا

يكون بيمشى بعريبته عال الدائرى ويشوف الميكروباصات والنقل بيعملوا فينا ايه :-)

يكون عنده سي دي لمرتضي منصور

ميقولش على نفسه أب لينا .. لو حبكت يعنى وعاوز مشاعر أسريه عائلية .. ممكن يعتبر نفسه ابن عمنا الصغير

وبعدين لما يبقى الشعب مصدع مايخطبش ويوجع دمغنا وان اضطر يقصر في الخطبة

ولو الرئيس عمل حاجه غلط يقف قدام الحيطه وايديه لفوق

مراته مالهاش دعوة باي حاجة في مصر لو مش عارف يحكم عليها هيحكمنا ازاي

مفيش اي حاجة تتسمي باسمه في عهد رئاسته بعد فترته ممكن نتعطف عليه باسم شارع ولا حاجة

مراته مالهاش دعوة بالكتاب ولا معارض الكتاب

مراته مالهاش دعوة باطفال مصر البلد محتاجلهم

يكون بيقعد علي القهوة ويخسر ويحاسب علي المشاريب

ميقعدش في قصر الرئاسة يقعد في شقة مطرحين وصالة

يروح يبات يومين في الاسبوع في العشوائيات علشان يحس بالناس اللي هناك

واحد يقف وراه وكل ما يعمل مس سامع زي اللي قبله ينسكع علي قفاه

يعمل اكونت علي الفيس بوك ويعمل ادد للشعب كله ويسيب الوال بتاعه مفتوح

ينزل يقف في طابور العيش بالبيجاما م الفجرية

ما يكونش له اي انجازات قبل كده ولا طلعات جوية علشان ما يذلناش كل شوية

يحط صور شهداء 25 يناير في كل اقسام الشرطة

يكون شرب سجاير لف قبل كده

اي حد يطبل له في الجرايد الحكومية والتلفزيون الرسمي يتشد من قفاه

زهقنا من اكل الكاريزما عايزين ناكل عيش

يحسن الانتاج الحريمي في مصر بتشجيع الشباب بالزواج من اهل الشام

يكون بيتفرج علي قناة الجزيرة

بيتفرج علي فيلم رعب كل ليلة اسمه الشعب في ميدان التحرير

[arkan]

يبقى شكلنا هنقعد من غير ريس

[تامر مصطفى]

الشروط دي تنطبق فقط على موظفي التأمينات والمعاشات

او موظفي هيئة نظافة وتجميل القاهرة

بس بالنسبة للبيجامه

لازم يكون مشمر رجل وسايب التانية

ويكون لغاية دلوقتي متمسك بالتقاليد

يعني ياخد معاه كزروله علشان يشتري الفول مش ياخد فول في كيس

ويجيب العيش في الشنطة الشبك او البلاستيك

[أبوعمار]

عسل يا سمبا والله

ممكن أضيف؟

ماشي:

يكون عاقر (لا يلد ولا يبيض حتى)

ومايكونش له أي قرايب اسمه مبارك أو جمال

مايعملش أوبريتات أبدا ابدا في المناسبات الوطنية ويقعد يهزّ دماغه وهو بيتفرج عليه

مايلبسش بدل مكتوب عليها اسمه من جوه "ولا بلوفر على شكل V "

ولي عودة إن شاء الله

يحسن الانتاج الحريمي في مصر بتشجيع الشباب بالزواج من اهل الشام

الموضوع ده معلّق في دماغك من زمان

فاهم أنا يا لئيم

[أبوعمار]

:egyflag:

حذف للتكرار

تم تعديل 30 مارس 2011 بواسطة أبوعمار

[Simba]

يبقى شكلنا هنقعد من غير ريس

وماله

البلد زي الفل من غير ريس اهي

اهو يوفر مرتبه :closedeyes:

[Simba]

الشروط دي تنطبق فقط على موظفي التأمينات والمعاشات

او موظفي هيئة نظافة وتجميل القاهرة

بس بالنسبة للبيجامه

لازم يكون مشمر رجل وسايب التانية

ويكون لغاية دلوقتي متمسك بالتقاليد

يعني ياخد معاه كزروله علشان يشتري الفول مش ياخد فول في كيس

ويجيب العيش في الشنطة الشبك او البلاستيك

احب وطنيتك دي ووتمسكك بالفلكور المصري bv:-

[Simba]

الموضوع ده معلّق في دماغك من زمان

فاهم أنا يا لئيم

لا لا مش انا

انا دايما مظلوم كده

دي الشباب قاعدة تحكي علي النت :)

[تامر مصطفى]

الموضوع ده معلّق في دماغك من زمان

فاهم أنا يا لئيم

لا لا مش انا

انا دايما مظلوم كده

دي الشباب قاعدة تحكي علي النت :)

صحيح ان الشباب بيحكوا لكن الكلام جه على هواك ومزاجك يا ريس

[Simba]

الموضوع ده معلّق في دماغك من زمان

فاهم أنا يا لئيم

لا لا مش انا

انا دايما مظلوم كده

دي الشباب قاعدة تحكي علي النت :)

صحيح ان الشباب بيحكوا لكن الكلام جه على هواك ومزاجك يا ريس

نعم للاستقرار :wub:

[arkan]

من الفيس

ليه البلد دي عايزة دكتور يحكمها ؟؟

اولا : لان دماغه نضيفة وشغالة

ثانيا : عنده قوة ...صبر وتحمل .. وده لأنه مر بحوالي 10 امتحانات ترم .. و 10 ميد ترم .. دا على فرض انه خلص الكلية في7 سنين بس

ثالثا : يتكيف مع الاوضاع بسهولة .. يعني مثلاً هو داخل الطب على انها كلية عملية واكتشف بعد كده انها كلية نظرية .. ومع ذلك ......مقالش لأ

رابعا : دبلوماسي ..بيستحمل رخامه وغلاسه الدكاترة وفكرهم وتهزيقهم .....ومع ذلك مبيعترضش .. لانه لو اعترض الدكتور هيسقطه في المادة

خامسا : عنده ذوق .. يعني مثلاً الدكتور اللي قدامه يكون مش فاهم اي حاجة في اي حاجة ومع ذلك بيحضرله علشان ميحرجوش بس

سادسا : بيتحمل الـ

Stress :D

تلاقي اصحابه كل يوم خارجين وهو سهران يشرب في قهوة ويذاكر

سابعا : قليل المصاريف .. وده لانه مش فاضي يخرج ولا يتفسح ولا ياكل ولا يشرب .. ولا حتى يروح يحلق شعره

ثامنا : مش هيغتت على شعبه زى ما الدكاترة بيغتتو عليه .. وده لانه بيقابل السيئة بالحسنة

تاسعا : عنده فضول وحب استطلاع .. تلاقيه يبقى مش مذاكر ولا عارف اي حاجة في المادة ومع ذلك يروح الامتحان .. ليه ؟؟ .. متعرفش .. اهو فضول وخلاص