مكافأة 100 دولار لمن يشاهد هذا الفيديو إلى أخره

[se_ Elsyed]

أنا الحمد لله ربنا فتحها عليه من الكتاب الأخراني . وبألعب بالفلوس لعب وما يهمنيش دلوقت ...

وهاحط في الصندوق حوالي 55 الف دولار مكافأة لكل الأعضاء ... ولأي واحد يدخل ياكد لي إنه إتفرج على الـ 5 دقائق كاملة وخرج سليماً معافاً البدن والنفس والدم .. وهاصدقة وأحول له الميايه فوري ...

لكن أنا باخلي مسئوليتي أمام الله لو في ناس فيصت في الدقيقة 1.30

إديها يا ابو أشرف

http://www.youtube.com/watch?v=Izi2ryxnG8c

[raouf]

ايدك على 300 دولار يا ريس

شاهدته 3 مرات وبصراحة ساعدنى انى اخف شوية من كثر قاح الفم والضحك هههههههههههه

[se_ Elsyed]

ايدك على 300 دولار يا ريس

شاهدته 3 مرات وبصراحة ساعدنى انى اخف شوية من كثر قاح الفم والضحك هههههههههههه

كنت عارف إنك هاتقول كده

بس يا رؤوف .. خدها من أخوك الدكتور سين سين

ده أسلوب علاج بنتبعه في الصين . إسمه " العلاج التصادمي "

يعني أصدم المريض بحاجه جامدة .. اخلى الخلايا اللمفاوية تغلي عنده ... وبالتالي ينسى المرض والحاجات التانية

بس إيه رأيك ؟

[se_ Elsyed]

للأسف .. نجح كثير من الحكام العرب الديكتاتورين والأشد فتكاً على شعوبهم من التتار .. نجحوا في تحويل شعوبهم إلى مسوخ شبه ادمية ..

كما رأينا في هذا الفيديو

معايا في العمل أصدقاء وزملاء سوريين ...

وبصراحة السوري والسوداني بالنسبة للمصري .. تحس إن في قوى مغناطيسية بتجذبنا لبعض لا أرادياً ..

وأثناء الثورة المصرية كنا بنتكلم في كل شيء وكنا بنشرح لهم الظروف والملابسات والخفايا التي بالتأكيد لا يعرفونها عنا

لكن لما قامت ثورتهم على استحياء منذ أيام قليلة وسال دم الشهداء ..

اكتشفت إن الناس إتحولوا إلى كائن غريب ...

كائن يخاف حتى من نفسه ... من همسه هو

فالكل غاضب مما يحدث .. ويُريد أن يرحل الطاغية وعلامات الغضب واضحة على وجوههم بالتأكيد ...

لكن لا أحد يتكلم . حتى خلف الأبواب المغلقة علينا ..

وبدون مبالغة في ناس من أصدقائي دول ما يعرفوش بعض ... من هنا وهناك وثقافات مختلفة ويمكن محافظات سورية مختلفة ..

لكن الجميع عندما اتحدث معهم يردد جُملة واحده فقط وهي " إدعوا لنا إدعوا لنا "

لا تعليق على أحداث ..

لا تعبير عن الغضب

لا كلام مطلقاً

من حوالي شهر بالظبط ذهبت أنا وبعض الأصدقاء لشراء إكسسورات موبيلات .. وصاحب المحل طلع سوري هو وصديقة .. شباب صغير يمكن في الثلاثينات .. ولما عرفوا إن إحنا مصريين باركوا لنا وفضلوا يهزروا .. فواحد من اصحابي بيقول لهم : عقبال لكم لما تتحرروا ... وفجأة أنقلب وجه الولد وكان ناقص يطلع فوق فاترينة المحل ويهتف وقعد يقول : لأ لأ ما تقولش كده ... عاش الرئيس بشار الأسد ... عاشت سورية . إحنا بنحب الرئيس القائد

والله أول مره في حياتي وجهاً لوجه اسمع الشعارات بتاعت الأفلام دي ..

فقلت لهم يالا بينا يا عم وربنا يهنيهم ويموتوا في دباديب بشار وابوه كمان

[الغريب]

كله كوم والراجل اللي قالوا "ياسيادة الرئيس العالم العربي قليل عليك ، أنت تستحق أن تحكم العالم أجمع" كوم تاني

على فكرة لو بشار ليه أي إيجابية ، النفاق ده هيلغيها

[اغابي]

يعنى ما هو معروف تاريخه الاسود - كفاية انه عمل سمعة لسوريا انهم على قائمة الارهاب

لازم الشعب يكون ايد واحدة لان سوريا كدا هتضيع - على فكرة حكومة سوريا مجرمة مع

الشعب ولا تقل اجراما عن معمر القذافى لازم الشعب يتحد - مش يروح ياجر ناس

من جنوب لبنان من عند حسن نصرالله ويوقفهم فى مظاهرة - فين صوت الشعب

انا مش فاهمة - هو ميراث وورثتوه يا بشار - فين صوت الشعب

هو بالعافية تحكمو شعب - اذا واحد خرج من الشعب بيقول انا مش عاوزك يا بشار تحكم البلد

ولو عندك دم ورجولة وكرامة - تمشي فورا لو بس صوت واحد قالك كدا

ما بالك كل الشعب مش عاوزك

ايه داه

ايه النفاق داه

سيناريو سخيف وممل

ايه الهرجلة دى - دول استحالة يكونو بيمثلو الشعب

هما دول مجلس الشعب

تم تعديل 31 مارس 2011 بواسطة اغابي

[se_ Elsyed]

أي حاكم يستحل دم شعبه ... لا يجب أن نذكر له أي إيجابية

انا ما أثرش في غير إتنين

1- رجل الدين اللي قايم يقول فيه شعر من غير أن يتقي الله

2- الوليه اللي كانت قاعدة في الأخر بتكلمه على إن دماء شهداء اللاذقية بتسقف له وبتحييه .. وهو اللي قاتلهم بإيده الأسبوع اللي فات .. لا حول ولا قوة إلا بالله

[se_ Elsyed]

في واحده ست هجمت على عربيته أمبارح بعد ما خلص الخطاب في مشهد نارد الحدوث

رحمةالله عليها وعلى أهلها وعلى كل ما قال لها ذات مرة " سالخير يا حاجه " منذ أن ولدت إلى يوم امس

http://www.youtube.com/watch?v=Bt1ZVaYXg4M

[اغابي]

في واحده ست هجمت على عربيته أمبارح بعد ما خلص الخطاب في مشهد نارد الحدوث

رحمةالله عليها وعلى أهلها وعلى كل ما قال لها ذات مرة " سالخير يا حاجه " منذ أن ولدت إلى يوم امس

http://www.youtube.com/watch?v=Bt1ZVaYXg4M

اه بس دى مش بس واحدة ست - على فكرة لو ركزت فى نهاية الفيديو تلاقى انهم هى فى الاول وفى بعدها كام شخص هجمو تانى

على عربية بشار الاسد

الله يرحمهم جميعا بقى كانو ولاد حلال وبيدورو على حقوقهم

الله يرحمهم

[jasmin hamed]

الشعب يريد يحرق مجلس الشعب و اعضاءه

اولا احب احمد ربنا الحمدلله ان مبارك كان بيقول هطلع يطلع فى نفس ذات اليوم

الشاب المبجل بقالنا ٣ ايام مستنيونه يطلع علينا بطلعتو الباهيه

و بعدين العرب كلنا مستعدين نفدى الرئيس بروح و الدم

ليه ان شاء الله

و انا عايزه اقترح قانون يجرم و يحرم استخدام هتاف بالروح بالدم فى الوطن العربى

يمنع كتابه و نطق ال ب و راها روح او دم و ان كان و لابد تنكتب البه فى صفحه و الروح فى صفحه تانيه بعدا عن الشبهات

و يعاقب بالاعدام رميا بالصرم كل من يخالف هذا القانون

اذ

انى بعد تفحيص و تمحيص اكتشفت ان الهتاف ده هو السبب وراء تخلفنا

الهتاف ده بيعملى نوع من الارتكريا المزمن و اه والله بحس انى مش طايقه نفسى

[se_ Elsyed]

اه بس دى مش بس واحدة ست - على فكرة لو ركزت فى نهاية الفيديو تلاقى انهم هى فى الاول وفى بعدها كام شخص هجمو تانى

على عربية بشار الاسد

هههههههههههههههههههه

عيبك إنك طيبة يا أغابي

يا أغابي باشا كل دول حرس سري مندسين في وسط الناس وهجموا على العربية عشان يحموه ويعجنوا في الست ... ولو دققتي شويه هاتلاقي منهم ناس طلعت الطبنجات

يا فندم النظام القمعي زي اللي كان مع صدام ومبارك وبشار والقذافي وزين العابدين .. بيبقى الحرس بتوعهم أكتر من الجيش نفسه

هذه حقيقة على فكرة ...

ولنا أن نتخل مليون ونص عسكري امن مركزي بيامنوا الريس ...

مش هاقول الحرس الجمهوري كام ولا المخابرات كام ولا أمن الدولة كام

يا حلولي يا حلولي

[se_ Elsyed]

انى بعد تفحيص و تمحيص اكتشفت ان الهتاف ده هو السبب وراء تخلفنا

طب عارفه الأكتر من كده يا جاسمينا ؟

إني من غير حلفان .. لو حد الشيطان وزه وعلق صورة لأي رئيس قاد لمصر .. ولو كان ملاك بجناحين .. لأولع في الصورة وصاحبها واللي معلقها واللي مصورها

[مسافر زاده الخيال]

"الوطن العربي قليل عليك....انت ﻻزم تقود العالم" :waving:

[عطر الجنة]

لما يكون نصف الشعب جاسوس على نصفه الثانى يحصل اكتر من كده

لما السورى يوصل بيه الحال انه يحس ان اى جنسية تانية ممكن تكون جاسوسة عليه حيكمم فمه بيده

رغما عما كنا فيه فى عهد مبارك لكن كنا على الاقل بنتكلم مع الاخرين وفى كل مكان و كانوا بيحسدونا على تلك النعمة

سوريا اللى حيعطل ثورتها شوية ان الشعب يتخلى عن خوفه اللى اصبح جزء من تكوينه لان بشار جزء من ابيه ... احسبو كم سنة حكم

لنا الله يا عرب

تم تعديل 31 مارس 2011 بواسطة عطر الجنة

[Yasser_71]

الحمد لله الذي عافانا مما ابتلاهم به

يعني الغريبة ان مفيش أي تطور حصل لسوريا في عهده الميمون

ومع ذلك برضه بيلاقوا جمل جديدة ولوزعية للنفاق

أعتقد لو فيه مسابقة لأعلي نسب النفاق في بلد أكيد سوريا تكسب بالثلث

أنا كنت في سوريا في عام 2000 قبل تولي بشار الحكم

كان فيه أزمة قماش واضحة لان كل القماش اتعمل يفط تأييد ما عدا الجينز بس

[Howayda Ismail]

للأسف .. نجح كثير من الحكام العرب الديكتاتورين والأشد فتكاً على شعوبهم من التتار .. نجحوا في تحويل شعوبهم إلى مسوخ شبه ادمية ..

" قصيدة الأمل "

أمس اتصلت بالأمل ..

قلت له هل ممكن ان يخرج العطر لنا من الفسيخ والبصل ؟

قال : أجل

قلت : وهل يمكن أن تشعَل النار بالبلل ؟

قال أجل

قلت : وهل من الحنظل يمكن تقطير العسل ؟

قال : نعم

قلت : وهل يمكن وضع الأرض في جيب زحل ؟

قال : نعم , بلى , أجل

فكل شيء محتمل

قلت إذن عربنا سيشعرون يوما بالخجل ؟

قال : تعال ابصق على وجهي إذا هذا حصل !!!

أحمد مطر

[eslam elmasre]

دول لسه عايشين في الستينات

كفايه ان عندهم هذا النص في دستورهم

ومش هاقل لك اكثر من كده

خد عندك

المادة 8

حزب البعث العربي الاشتراكي هو الحزب القائد في المجتمع والدولة ويقود جبهة وطنية تقدمية تعمل على توحيد طاقات جماهير الشعب ووضعها في خدمة أهداف الأمة العربية

يعني تطلعوا تنزلوا تروحوا تيجوا حزب البعث هايحكمكم هايحكمكم ولا تقولي احزاب ولا معارضه ولا ديموقراطية

[عطر الجنة]

كل ده ولا مياية ادفعت

يبدو اننا كلنا بقلب حديد

طيب شوفوا دى و تحدى لو سى سيد نفسه قدر يكمل الشوفة وده واحد زى بشار بيلعب بشعبه

http://www.youtube.com/watch?v=lko8APUVHm4

تم تعديل 31 مارس 2011 بواسطة عطر الجنة

[Alattar]

ابعتلي رقم حسابك في الراجحي..أو شوف البنك اللي يعجبك و أنا أبعلتك عليه 500 دولار .. بس تشيل الهباب ده

أنا أقر و أعترف اني ما قدرتش أكمله..و مش بس كده..ده أنا تقريبا مسحت من ذاكرتي اللي شفته ده

:blink: و مين المدام اللي بتقوله ان دماء الشهداء معرفش فين كده بتقول نعم لبشار مفجر الثورة..

مفجر الثورة اللي ضده؟؟

[جسار]

منظر السيدة اللى أعترضت سيارة الاسد ذكرنى منذ عشر سنوات مضت بالرجل المسكين

بتاع بور سعيد اللى كان معاه ورقة عايز يقدمها لمبارك ومش واخد خوانه وفاكره

ريس بيحب شعبه زى ما الاغانى بتاعة التليفزيون ماهى شغالة على ودنه وحرمت لنا

ودانا من كتر أذاعتها وما كانش من نصيبه الا ان الحرس الخاص خرموا جسمه بالرصاص

فور اقترابه من السيارة وبعد كده لفوا ايدين مبارك بالشاش وقالوا على القتيل

ده مجنون وكان معاه سنجه وبيهاجم الريس والحمد لله على سلامة الزعيم .

أما الاخوة فى سوريا فيبدوا انه من طول القهر والظلمة اللى عايشينها مش قادرين

يفتحوا عينيهم علشان يشوفوا النور بتاع ربنا مش نور عيلة الاسد الصناعى المزيف

أبن واحد صاحبى من حوالى 12 سنة كان بيشتغل على سفن تجارية بين مصر واليونان

وسوريا ، اعتقلوه هناك علشان كتب جواب لابوه من سوريا وقت ما كانت السقينة

بتحمل بضائع من هناك ونسى نفسه وكتب جملتين ينتقد فيهم الوضع هناك و اتريق

على حافظ الأسد وفجأتن وجد رجال الامن بيعتقلوه ... أزاى يجيب سيرة القائد

الملهم والزعيم المفدى فى الجواب ..ز

ستة اشهر ووالده دايخ فى اروقة ودهاليز وزارة الخارجية المصرية ودموعه زودت

كمية مياه النيل سنتها ومن غير فايدة لحد ما نكرموا وعتقوه وطبعا أخد اللى

فيه النصيب من التعذيب والاهانة ومن بعدها الواد ما سافرش خالص وبيشتغل فى بلده

بورسعيد مندوب مبيعات وبطل يكتب جوابات ولاحتى بيتصل بالتليفون بحد من اهله

......حرمت يابابا