مكافأة 100 دولار لمن يشاهد هذا الفيديو إلى أخره

[jasmin hamed]

اه انا نسيت اقولك يا استاذ س س انا ماقدرتش اكمل فيديو (سيدى بشار)

على راى واحده ست سوريه جارتنا

الى شاطت فيا لما حاولت اطمن على اهلها فى سوريا

متهمنا ( المصرين) اننا مابنحترمش حد و لسنا طويل و احنا اس بلاوى الوطن العربى الى جرائنا

على حكامه من ساعت ما عملنا برامج تشتم الحكومه

قلتلها يا سيتى ماهما الى ولاد ستين هوزء و حراميه هو احنا كونا بنشتمهم و هما بيصلوا

فراخت تحكيلى على جمال سوريا و حلاوتها و الاكتفاء الذاتى و الدعم الحكومى

و البنيه التحتيه و الصرف الصحى

(قولت فى عقلى الله يحرق الصرف الصحى الى حكامنا ذلو اهلنا بيه

ما علينا بعد السؤال عن سبب هجرة السوريين بره بلدهم لما الجو حار جاف صيفا

دافئ ممطر شتاء راحت سايبانى و ماشياه

عموما انا معنديش امل فى ثورة سوريا الراجل ده و ابوه العن من ستالين

و عامل لمعظم شعبه غسيل مخ

[ozoozo]

من حوالي شهر بالظبط ذهبت أنا وبعض الأصدقاء لشراء إكسسورات موبيلات .. وصاحب المحل طلع سوري هو وصديقة .. شباب صغير يمكن في الثلاثينات .. ولما عرفوا إن إحنا مصريين باركوا لنا وفضلوا يهزروا .. فواحد من اصحابي بيقول لهم : عقبال لكم لما تتحرروا ... وفجأة أنقلب وجه الولد وكان ناقص يطلع فوق فاترينة المحل ويهتف وقعد يقول : لأ لأ ما تقولش كده ... عاش الرئيس بشار الأسد ... عاشت سورية . إحنا بنحب الرئيس القائد

والله أول مره في حياتي وجهاً لوجه اسمع الشعارات بتاعت الأفلام دي ..

فقلت لهم يالا بينا يا عم وربنا يهنيهم ويموتوا في دباديب بشار وابوه كمان

انا ماكنتش فعلا اعرف موضوع الخوف ده واللي خلاني اتخانق مع واحد زميلي سوري بس دلوقتي عرفت هو ليه عمل كده

كان عندنا اجتماع من حوالي شهر وكنا قاعدين في فندق واحد لعده ايام

وكان لي زملاء يمنيين لما كنت اشوفهم سهرانين اقولهم يالا يابني انت وهو ناموا عشان عندكم ثوره الصبح بدري .احنا خلصنا ثورتنا خلاص فمن حقنا نسهر وكان الموضوع بيقلب بضحك وهزار وبعض الدعاء علي عبدالله طالح

ولما قولت الكلام ده لزميلي السوري وشه اتغير وقالي ليه انت فاكر ان بشار زي حسني ؟

قولتله لأ بس انتم الي مش زي المصريين وعمركم ماهاتكونوا زيهم

تم تعديل 31 مارس 2011 بواسطة ozoozo

[raouf]

ايدك على 300 دولار يا ريس

شاهدته 3 مرات وبصراحة ساعدنى انى اخف شوية من كثر قاح الفم والضحك هههههههههههه

كنت عارف إنك هاتقول كده

بس يا رؤوف .. خدها من أخوك الدكتور سين سين

ده أسلوب علاج بنتبعه في الصين . إسمه " العلاج التصادمي "

يعني أصدم المريض بحاجه جامدة .. اخلى الخلايا اللمفاوية تغلي عنده ... وبالتالي ينسى المرض والحاجات التانية

بس إيه رأيك ؟

طول عمرك جامد يا سين سين وعلاجك التصادمى شكله هيجيب علاج عكسى

الحاجات دى فتحت بقى بس قفلت عقلى هههههه هو لسه فيه ناس كده ؟ لا وايه الراجل مبسوط ومش حاسس انهم بيغرقوه وينافقوه كمان

فيه موضوع هاعمله محصوص لواح استاذ زيك هانقل كتاباته هنا

اسلوبه رائع علشان اسخنك وتطلع الابداعات المختفية عندك بكره هابدأ الموضوع وعايز اشوف مسابقة السحاب

[jamalpody]

الشعب السوري معذور لان القمع الممارس ضده

قمع من خاص لا يمكن تصوره ومذبحة حماه ما ذالت في ذاكرة كل السوريين

http://www.youtube.com/watch?v=nzT6-5ZVsAU

[Ahmed Anwer]

انا برده ليا صديق سوري و بينا شغل و بستورد منهم حاجات

و كلمت في التليفون اطمن عليه ،،

قالي مفيش حاجة ،،، سوريا زي الفل ،،

عموما اهل مكة أدري بشعابها

و من تدخل فيما لا يعنيه سمع ما لا يرضيه

و ربنا يهني سعيد بسعيده ،،،

و علي رأي عمو البرادعي ،، لا استطيع أن أفعل شيئا بدون الشعب

تم تعديل 31 مارس 2011 بواسطة Ahmed Anwer

[وطني حر]

منظر بايخ جدا جدا ف وسط البرلمان وتصقيف زي الصبيان رجاله بشنباتها

هل هذا هو العهر السياسي ام ماذا نسميه

بالنسبه لبشار لا اعتقده يملك اي حل سوى تلك الابتسامه والكهكهات فالامر ليس بيده

بالنسبه للمليون والله يا استتاذنا سي سيد

انا حاولت اكسر الرقم القياسي عشان اكسب المليون . لكن .. الضغط سبقني للمليون

توبه توبه

تم تعديل 31 مارس 2011 بواسطة وطني حر

[الباشمهندس ياسر]

هيحصل اخواته .. صدقني

مسألة وقت مش اكتر