نداء إلى المشرفين..أين أنتم من الترتييب لندوة نقابة الصحفيين

[Handasah]

ياجماعة مساء الفل وبالراحة على الناس وواحدة واحدة وبالفعل كانت امسية جميلة .....................

[إبن مصر]

الأخ الفاضل الأستاذ أحمد محمود ياريت تشيل الكلمة الاولانية يا سيادة المشرف

خلاص والله مانت تاعب نفسك انا شلتها خلاص والله موضوع التحرير دة لزيذ بس برضو هتدفع كام هههههههههههههههههههههههه

استاذى الغالى كان لى شرف مقابلتك بس أحب أوضح انا والحمد لله الحمد لله الحمد لله تم اعطائى حريتى وأطلاق يدايا ولست بمشرف .. أنا حر.. أنا حر.... لا مؤاخذه...

المهم كانت فرصه فى منتهى الروعه خصوصا بوجود صديق الظل الاخ العزيز مصرى لقاء تأخر 9 سنوات.... وعندما انظر خلفى الى السنوات العشر الماضيه واجد ما أضافته لى المحاورات وما أضفته من كلمات متواضعه فيها ورؤيتى لهذا الصرح يكبر يوما بعد يوم .. وشهر بعد شهر وسنه بعد سنه...ومثل كثيرين ان كنا نغيب كمشاركين لا يمر يوم دون ان نتابع قارئين والشعور انك لك يد ولو بكلمه فى هذا التاريخ عشر سنوات بحلوها ومرها بصوابها وخطأها بكل ما فيها تاريخ لا ينسى ولا ينساه أحد ولا يستطيع اى كائن على سطح الارض ان ينزعه منك او ينزعك منه ... شعور يدفع الى الفخر والفرحه... والاعنزاز....

سعدت بمقابلتكم جميعا.....وتشرفت بانتسابى الى هذا المكان....

[لونا]

يا ريت حد من حضراتكم يحن علينا

و يحكي لنا عن أخبار الندوة

ممكن ؟ لو سمحتم يعني

[engmido]

للاسف

كان عندى شغل مهم ..فمقدرتش اشوف الناس الحلوة بتاعتنا

بس احكيلنا يا ياسر افندى كعب الغزال

[Diab]

مين طلع في التلفزيون و قال باي باي :blush2:

تم تعديل 6 أبريل 2011 بواسطة Diab

[Alshiekh]

حنفضل مستنيين كثير؟

عداد التاكسي بيعد

[Om Zayd]

حتى حطوا الفيديو

و الا

هقولكم بعدين

[المهندسه]

حنوا علينا بقه ...عيب كده

طيب والله نخلى ابو الاسيان يعملنا ندوه هنا و هنقعدكوا على نار

عقبال ما تعرفوا اى خبر

و يالاه ان شالله ما حد حوش

خلصونى بقه عاوزه انيم العيال

طيب لو التليفزيون صور قولولنا ...هيجى فى اى برنامج

و الساعه كام لو تعرفوا

[الباشمهندس ياسر]

بصوا يا جماعه

ولا اقولكم زمانكوا نمتوا

نخلص بس العركة اللي هناك و نيجي نحكي بقي

[Handasah]

ياجماعة بالراحة علينا وواحدة وواحدة كل مافى الموضوع ان المحاورتية مش مصدقين انهم شافو بعض وعندهم احساس جميل .........

[أبو محمد]

ياجماعة بالراحة علينا وواحدة وواحدة كل مافى الموضوع ان المحاورتية مش مصدقين انهم شافو بعض وعندهم احساس جميل .........

أبو عمر ده بقى كان مفاجأة .. إلى جانب المفاجآت الأخرى السارة جدا بالنسبة لى

أنا يا اخوانا لقيت شاب جميل حسيت إنه إبنى بيسلم علىَّ وبيقدم نفسه باسم ابو عمر .. بصراحة اتاخدت .. لأن صديقى اللدود العزيز abaomar راجل له صورة تانية خالص فى خيالى غير إنه فى السعودية .. تبادلنا بعض الضحكات بسبب تعبيرى عن المفاجأة وكنا أربعة فى هذه اللحظة والموقف .. الأستاذ محمود مصطفى ، الباشمهندس ياسر ، وابو عمر .. وأنا

الأستاذ محمود كان مفاجأة تانية كنت متخيله أسمرانى بشعر أسود مجعد ودقن تقيلة .. لقيته "شاب" من جيلى بس أصغر منى وأبيضانى وشعره مداريه بكاب .. قلت اخلى الطابق مستور عشان هو كمان يستر علىَّ وما يتكلمش عن شعرى اللى عالخدود يهفهف ;)

الباشمهندس ياسر بقى هو اللى كان أسمرانى ذو وجه مبتسم بملامح صعيدية لا تخطئها العين .. أخدنى بالحضن وأخدته بالحضن .. وساعات بتفلت منه كام كلمة صعيدى جميلة خصوصا لما اتكلمنا عن أصولى الصعيدية ..

كمان مفاجأة .. وليد صفوت .. شاب جميل آخر .. فى منتهى الأدب فى كلامه .. جمعته معى ومع الباشمهندس ياسر شغلنا فى قطاع البترول .. اتكلمت مع وليد .. لقيته مش بيزق زى ما بيزق فى مداخلاته .. ولقيته مستمع جيد .. يستمع قبل أن يتكلم .. ودى حاجة بتعجبنى فى أى واحد أكلمه .. لأنى باتغاظ جدا من اللى بيكلمنى أثناء ما اكون أنا باكلمه ..

إتعرفت بالأستاذ "مصرى" .. وهو محاوراتى قديم .. إنسان محترم رزين مثقف على مستوى عالى .. هادئ الطبع .. لم أسعد بالتحاور معه من قبل ولكنى قرأت مداخلاته المحترمة .. وتأثرت جدا بالعناق الحار بينه وبين أحمد محمود (إبن مصر) فى أول لقاء بينهما على أرض الواقع ..

التقيت أيضا بفريق الدعم الفنى وعلى رأسهم Dr. Hisham شاب نابه والذكاء بينط من عينيه .. وكان معاه من الفريق اتنين شباب زى الورد

دى كانت بعض الانطباعات "الشخصية" .. وفى المداخلة الجاية نتكلم بقى عن الندوة

[لماضة مصرية جدا]

دى كانت بعض الانطباعات "الشخصية" .. وفى المداخلة الجاية نتكلم بقى عن الندوة

السلام عليكم و رحمة الله و بركاته

اخيررررررررررررررا.....طلعت قومااااااااش طلعت قوماااااااااش...(وش سبعاوي في فيلم عائلة زيزي)

و الله انا كنت قربت اقاطع التوبيك اصلا

ما هو انتو مش واخدين بالكم...ان احنا قاعدين هنا عايمين لمؤاخذة في مية البطيخ..مع كل احترامي للبطيخ طبعا...(يطلع حد يختاره رمز الفترة الجاية و لا حاجة)

احكولنا بقي بالتفصيل الممل....(بس يعني ايه موضوع انكوا بتسلموا علي بعض بالاحضان دي....انتو تعرفوا بعض قبل كده...و لا ده اول لقاء؟؟؟؟....و بعدين كل واحد بيبقي داخل ع التاني...و يقوله قول...اسمك الحركي و كده يعني...و لا بتعرفوا بعضياتكم منين!!!!)

طب احكولنا رد فعل الناس....استقبلوا الكتاب ازاي

مبيعاته ايه؟؟؟

ايه الحوارات اللي كانت موجودة

طب تلاتة بالله العظيم....انا كان اهونلي انزل مصر احضر الندوة..(منه لله اللي خلاني

ارتجعت) و لا انا اقعد كدهوت فوق الشلتة....و حاطة ايدي علي خدي

ربنا يجمعكم...دايما في طاعته و في كل خير

طب مافيش لقاء تفزيون....طب اي حوار...طب حد سال عليا.....(ضحك اخر حاجة بقي)

و نعود الي الشلتة

في انتظار

الحلقة....السابعة و الخمسون بعد المائة

[عطر الجنة]

انا قلت اصبح عليكم قبل ما اروح اودي العربية لبتاع الدوكو

صباحكو فل

حمدا لله ع السلامة يا ابومحمد

استاذ محمود .. اوعي تقولهم ..سيب النار شغالة شوية

نياااااااااها

كده تشوفنى و تطنشنى و متسلمشى عليه و انا ....

[eslam elmasre]

ياجماعة بالراحة علينا وواحدة وواحدة كل مافى الموضوع ان المحاورتية مش مصدقين انهم شافو بعض وعندهم احساس جميل .........

أبو عمر ده بقى كان مفاجأة .. إلى جانب المفاجآت الأخرى السارة جدا بالنسبة لى

أنا يا اخوانا لقيت شاب جميل حسيت إنه إبنى بيسلم علىَّ وبيقدم نفسه باسم ابو عمر .. بصراحة اتاخدت .. لأن صديقى اللدود العزيز abaomar راجل له صورة تانية خالص فى خيالى غير إنه فى السعودية .. تبادلنا بعض الضحكات بسبب تعبيرى عن المفاجأة وكنا أربعة فى هذه اللحظة والموقف .. الأستاذ محمود مصطفى ، الباشمهندس ياسر ، وابو عمر .. وأنا

الأستاذ محمود كان مفاجأة تانية كنت متخيله أسمرانى بشعر أسود مجعد ودقن تقيلة .. لقيته "شاب" من جيلى بس أصغر منى وأبيضانى وشعره مداريه بكاب .. قلت اخلى الطابق مستور عشان هو كمان يستر علىَّ وما يتكلمش عن شعرى اللى عالخدود يهفهف ;)

الباشمهندس ياسر بقى هو اللى كان أسمرانى ذو وجه مبتسم بملامح صعيدية لا تخطئها العين .. أخدنى بالحضن وأخدته بالحضن .. وساعات بتفلت منه كام كلمة صعيدى جميلة خصوصا لما اتكلمنا عن أصولى الصعيدية ..

كمان مفاجأة .. وليد صفوت .. شاب جميل آخر .. فى منتهى الأدب فى كلامه .. جمعته معى ومع الباشمهندس ياسر شغلنا فى قطاع البترول .. اتكلمت مع وليد .. لقيته مش بيزق زى ما بيزق فى مداخلاته .. ولقيته مستمع جيد .. يستمع قبل أن يتكلم .. ودى حاجة بتعجبنى فى أى واحد أكلمه .. لأنى باتغاظ جدا من اللى بيكلمنى أثناء ما اكون أنا باكلمه ..

إتعرفت بالأستاذ "مصرى" .. وهو محاوراتى قديم .. إنسان محترم رزين مثقف على مستوى عالى .. هادئ الطبع .. لم أسعد بالتحاور معه من قبل ولكنى قرأت مداخلاته المحترمة .. وتأثرت جدا بالعناق الحار بينه وبين أحمد محمود (إبن مصر) فى أول لقاء بينهما على أرض الواقع ..

التقيت أيضا بفريق الدعم الفنى وعلى رأسهم Dr. Hisham شاب نابه والذكاء بينط من عينيه .. وكان معاه من الفريق اتنين شباب زى الورد

دى كانت بعض الانطباعات "الشخصية" .. وفى المداخلة الجاية نتكلم بقى عن الندوة

والله فاتتني الندوة دي يا استاذنا وفاتني ان اشوف حضرتك والاستاذ عادل والمهندس ياسر وباقي الاخوة الافاضل لكن نعمل ايه بس للظروف الي منعتني اني احضر ان شاء الله تتعوض

[ابو محمود]

معلش يا احبائى وأعزائى كنت بعافية شوية وكان ممنوع عنى اى شيء يسبب مجهود ولو الكتابة

انا هحكى من الذاكرة الساعة السادسة والنصف تقابل مجموعة من الناس لا يعرف بعضهم بعضآ الا قليلآ كان فى استقبالنا الاستاذ المحترم عادل ابو ذيد ودة بقى راجل حكاية ادب وذوق وايضآ الاخ العزيز محمد رفعت ودة بقى زى الكريزة بتاعة التورتة حاجة بصراحة تفرح والاخ أحمد محمود هذا الانسان المحترم تراة كأنك تعرفة من زمان لية ضحكة حلوة ووجة بشوش ندخل بقى على الدسم والتقايل حاجة كدة زى الدهب البندقى قاعد امام القاعة بجوار الاخ احمد محمود والبريق فى عينة وشعرة بقى مش هقول خليها بينى وبينة بلاش بصراحة ناس جميعهم محترمين مش محاوراتية بقى ههههههههههههههه

وكانت القاعة تكتظ بالكثير من النساء من الصحفيات من وكالات الاخبار والجمهورية والاهرام وبعض السادة الصحفيين المستقليين وتم الاول التعريف بالسادة منظمين الندوة والضيف وهو ناقد مسرحى الزهايمر اظاهر مسح اسمة من ذاكرتى وبدأت الندوة بالتعريف بالكتاب والمحاورات ومفهومها كصالون ثقافى يجمع كل اطياف الثقافة والتيارات الفكرية وتم الاشارة الى بعض مكونات او بالاصح أبواب الكتاب مع طبعآ النقد واثناء الشرح او النقد كان السادة الاستاذ أحمد محمود والاعزيز ابو محمد يشرحون للسيد ضيف الندوة الناقد المسرحى بعضآ مما يتم انتقادة من اراء لة على اى نقطة تتعلق بالموضوع الذى تم النقاش حولة وقامت قناة النيل لايف بالتليفزيون المصرى بعمل تصوير للقاعة وانفراد بالسادة عادل ابو ذيد ومن بعدة بالضيف الناقد ومن ثم بالأخ العزيز محمد رفعت ومن حسن الظروف ان المعدة للبرنامج او القناة كانت تتعرف منى على اسماء الاخوة وكانت تجلس بجوارى ونحن على اتصال ووعدتها بانى سأرسل لها مواضيع تخص المحاورات ان حبت ان تظهرها فى اى برنامج ثقافى قادم وهى بنت شابة شديدة الزكاء والحضور واسمها ياسمين شفيق بنت تشبة شباب الثورة كدة حاجة تفرح اممممم

من دور بنتى ربنا يحرصهم علشان محدش دماغة تميل أة وبعد نقاش وتعليق من السادة المشرف ابو محمد والاخ احمد محمود تم التطرق الى اسئلة الاعضاء وتم نقاش حامى الوطيس بين احد الزملاء وهو مهندس واللة اسمة راح عن ذاكرتى لانة كان حاد مع الاستاذ عادل ابو زيد وكان الموضوع بخصوص تقريبآ اراضى الشباب وتم تدخل من المهندس ياسر الراجل الصعيدى العسل وضيعو علينا الوقت وكان عندى كلام وحديد كنت عايز اقولة بس خلص الوقت وتواعد كل من كان بالقاعة ان يكون هناك ندوة شهرية منها للتعارف ومنها لنقاش تنمية واشهار صالوننا الثقافى محاورات المصريين الحضور كان هناك عدد ليس بقليل من خارج المحاورات اما الزملاء فكانو كما قال ابو محمد فى مداخلتة وتم التعارف بيننا اثناء الندوة وبعدها وتعرفنا على الجميع وكل تمنياتى ان يتم اذاعة اخبار الندوة بالتليفزيون وهحاول اكلم المعدة امتى هيتم الاذاعة التليفزيونية دة كل ما فى ذاكرتى بس النهاردة معلش علشان انا لسة يادوب قادر اكتب

تحياتى لكل من ساهم وحضر وشاهد وتجاوب وقرآ وسأل وكان من المحاورين فى مصر وخارجها وتمنياتى للجميع بالسعادة والتوفيق خارج مصر وداخلها اخوكم محمود مصطفى بعد 4ايام من ندوة محاورات المصريين الى القاء فى ندوة قادمة :cheer:

تم تعديل 9 أبريل 2011 بواسطة محمودمصطفى

[لونا]

شكرًا يا أ/ محمود

و ألف سلامة على حضرتك

يا ريت تتكلم عن أهم الموضوعات التي طرحت من موضوعات الكتاب

و يا ريت كل من حضروا الندوة يكتبوا انطباعاتهم مثل الأستاذ محمود

[الباشمهندس ياسر]

كده تشوفنى و تطنشنى و متسلمشى عليه و انا ....

و الله ما اخدت بالي اطلاقا

انا اقدر برده يا باشمهندسة

تتعوض بقي ف اللقاءات الجاية

ها يا جدعان حد رايح اللقاء اللي جاي ده

؟؟

ا محمود

تليفزيون مين ... هو انا كنت نايم و انا مش واخد بالي ولا ايه؟

بصوا بقي يا جماعه

ما يحلي الكلام الا بذكر النبي عليه الصلاة و السلام

دخلت كالأسد الي باب نقابة الصحفيين و سئلت فرد الامن عن مكان القاعة فدلني مشكورا ... كفاية فصحي عشان تعبت

و بالصلاة ع النبي بقي طلعت فوق و وصلت علي معادي بالثانية

اومال ايه .. خواجة تظبط عليه الساعة و اول واحد قابلته كان الاستاذ عادل الله يعزه و كنا اتقابلنا قبل كده و سلمت عليه و دخلت القاعة و استفتحنا بالاستاذ المدهش و رميت السلام ع الناس و اضرب بعيني كده الاقي معظم الناس حريم .. الله .. هو انا دخلت قاعة غلط .. طب حد من الجماعه بتوعنا

لا يا عمنا دول كلهم ناس كبيرة او ناس من بتوع الكتب و الحاجات اللي بتاكل الدماغ دي .. صعب اوي .. مش دول بتوعنا ( من غير اسماء بقي )

و اكمل الجولة بعيني كده الاقي حبيبي مغاوري .. المتنكر ف اسم ابو عمر اللي بالعربي ..و اضطريت الف لفة كاملة عشان اعرف اوصله و فعلا رحت و سلمت عليه و قعدت جنبه..حبيبي يا ابو عمر..بعدها لقيت واجد قاعد جنب ابو عمر .. و سألته انت فلان .. قالي لا انا محمود صاحب تهامي .. حبيبي يا تهامي وحشتني كتير و الله ..و دردشنا شوية و قطعنا في سيرة تهامي حبيبي .. صاحبك جنتل اوي يا توتو .. و ببص لقيت كام واحد بدأوا يتوافدوا ع المنصة و ابتدينا انا و مغاوري نخمن مين ده .. طبعا ابن مصر عارفينه من بدري .. لكن ابو محمد محصلناش الشرف و اتعرفنا بيه قبل كده وقضيناها شوية لغاية ما بدأت الندوة فعلا

بدأ الاستاذ عبد الغني داوود الحوار مفاضلا بين الكتاب و الانترنت و قد وضح للحاضرين انه ضعيف العلاقة بالانترنت فحمل علي عاتق الافاضل محمد رفعت و ابو محمد و احمد محمود ان يشرحوا له ما غاب عنه .. حتي انني اسررت الي مغاوري هو احنا جايين هنا نشرح للحاج عبد الغني فوائد الانترنت فكتمنا ضحكة شديدة لو خرجت لطاردنا المشرفين بالكروت الحمراء .. و بعدها بشوية بدا النقاش ياخد مجري تاني و الجماعه الصحفيين طالعين داخلين لما دوشونا و دخلت واحدة و راحت منشنة و قاعدة جنبي .. اهلا يا تانت .. حسيت انها هتطلع طبنجة و تخبطني عيارين و اشتغلت تاكل وداني مين ده .. طب انتوا بتعملوا ايه .. طب عشان ايه .. اخر ما زهقت قلتلها ارحميني بقي عايز اسمع الناس .. بس صحيح انتي مين بقي م الاعضاء بتوعنا .. قالتلي انا مش م الاعضاء .. طب تمام اومال شاغلة نفسك ليه و بتسالي كل الاسئلة دي ..قالتلي عادي يعني .. و انا حسيت اني عاوز اقوم اشدها من شعرها و اطلعها بره .. بس قلت يا واد طنش خااااالث .. و فعلا طنشت بقي و ابتديت انتبه اكتر للحوار و اذا باحد السادة الزملاء بيعرفنا بانه باحث ف الصراع العربي الاسرائيلي و انه حزين جدا جدا .. تخيلت انه هيكلمنا عن فلسطين الحبيبة .. لقيته بيكلمنا عن الغاء موضوع اراضي طريق مصر اسماعيلية و دخلنا ف حوار و قلتله يا عم روح اعمل جمعية من 100 نفر و خدلك كام الف فدان و متدوشناش و هو مصر و انا اصريت اكتر و الراجل الضييف بتاع الندوة حس ان الواد مظلوم فراح نصفه و قال استنوا نشوف المستندات اللي هو عايزها و هوبا الموضوع هيكبر

نكمل بعدين بقي عشان انا هقوم بقي

[Handasah]

الجماعه الصحفيين طالعين داخلين لما دوشونا و دخلت واحدة و راحت منشنة و قاعدة جنبي .. اهلا يا تانت .. حسيت انها هتطلع طبنجة و تخبطني عيارين و اشتغلت تاكل وداني مين ده .. طب انتوا بتعملوا ايه .. طب عشان ايه .. اخر ما زهقت قلتلها ارحميني بقي عايز اسمع الناس .. بس صحيح انتي مين بقي م الاعضاء بتوعنا .. قالتلي انا مش م الاعضاء .. طب تمام اومال شاغلة نفسك ليه و بتسالي كل الاسئلة دي ..قالتلي عادي يعني .. و انا حسيت اني عاوز اقوم اشدها من شعرها و اطلعها بره .. بس قلت يا واد طنش خااااالث ..

على بابا ياحبيبى امال مين اللى كان لكلك لكلك على طول .

قلى صحيح هتروح ندوة توقيع الكتاب ...................................

[الباشمهندس ياسر]

الجماعه الصحفيين طالعين داخلين لما دوشونا و دخلت واحدة و راحت منشنة و قاعدة جنبي .. اهلا يا تانت .. حسيت انها هتطلع طبنجة و تخبطني عيارين و اشتغلت تاكل وداني مين ده .. طب انتوا بتعملوا ايه .. طب عشان ايه .. اخر ما زهقت قلتلها ارحميني بقي عايز اسمع الناس .. بس صحيح انتي مين بقي م الاعضاء بتوعنا .. قالتلي انا مش م الاعضاء .. طب تمام اومال شاغلة نفسك ليه و بتسالي كل الاسئلة دي ..قالتلي عادي يعني .. و انا حسيت اني عاوز اقوم اشدها من شعرها و اطلعها بره .. بس قلت يا واد طنش خااااالث ..

على بابا ياحبيبى امال مين اللى كان لكلك لكلك على طول .

قلى صحيح هتروح ندوة توقيع الكتاب ...................................

مين هناك

و اوعي تقولي قرينك يا زواوي