المساواة مع الأزياء التقليدية

[جويرية]

الأزياء التقليدية

الثوب الابيض للرجال و الخمار او الاسدال للنساء

أزياء تساوي بين جميع المستويات الاجتماعية

الفقير او المتوسط ميخرجش بلبس متبهدل

الللي مبيفهمش في الموضة ميخرجش بلبس مضحك

[arkan]

ياستاذة جويرية اذا كان الغرض الغاء الفوارق الاجتماعية في اللبس

فأيضا يوجد جلاليب وعبايات بينها فروق كبيرة في الاسعار

والتفاوت الاجتماعي هيظهر هيظهر

الا لو وحدنا التفصيلة والقماشة وبقي زي الزي المدرسي

ربنا خلقنا بفوارق اجتماعية لا مانع تظهر في اللبس طالما بالحلال ودون تكبر

صعب قوي المساواة في اللبس

ثم ان لا كل الرجال هيلبسوا جلاليب وان كانت فاخرة

ولا كل الانسات والسيدات هيلبسوا اسدال وان كان فاخر

[Howayda Ismail]

لعلمك ياجويرية اللبس فن وذوق مش بغنى وفقر

يعنى عندك شعبان عبد الرحيم مثلا مليونير لكن شوفى لبسه عامل ازاى ولا الاراجوز

ناس كتيرة معاها فلوس لكن معندهاش ثقافة اللبس وايه اللى يناسب المكان والتوقيت ده او لايناسبه

شكلك عاوزنا ايران تانية ولا ايه ياجويرية

ممكن طلبك ده فى رمضان يناسب صلوات التروايح او حتى صلاة الجمعة

لكن الاولاد فى المدارس والجامعات او حتى اساتذة الجامعة وفيهم فقراء كتير صعب يروحوا بقفاطين

طالما اللبس حشمة وساتر اللى لابساه لايهم يكون اسدال او غيره حتى لو مكنتش محجبة

البنات والنساء مش بالاسدال ولا الرجالة بالعبايات لكن باحترامهم لنفسهم وخوفهم ربنا

التغيير اننا نصلح اللى جوانا مش ندارى ورا عبايات وقفاطين

[ابو محمد بن مصطفي]

في ازهي عصور الاسلام عندما كانت الدولة الاسلامية من الصين شرقا الي المحيط غربا ومن اسبانيا و حدود روسيا شمالآ وادغال افريقيا جنوبا

لم ينادي احد بتوحيد الزي

فلما التكلف

[مغتربة]

اولا لا الثوب الابيض للرجال و لا الخمار او الاسدال للنساء هو الزى التقليدى للمصريين

و كل منطقه فى مصر لها زى تقليدى خاص بها تشتهر به ليس من ضمنهم ابدا الثوب الابيض للرجال او الاسدال و الخمار للنساء

فاهل الصعيد لهم زيهم التاريخى المختلف عن اهل سيوه المختلف عن اهل الريف المختلف عن اهل السواحل المختلف عن .......الخ

بمعنى ان عمود الدعوه غير دقيق تاريخيا

ثانيا مصر تتميز بتنوع حضارى و ثقافى و دينى يجعل من المستحيل اجبار جميع هذه الاطياف تحت زى موحد ايا كان شكله

ثالثا فكره الزى الموحد فى حد ذاتها تتعارض شكلا و موضوعا مع فكره الحريات العامه المكفوله للجميع مادامت لا تتعارض مع الاداب العامه

رابعا فكره توحيد الزى نفسها لا تستند الى اى قاعده دينه فلم يشتهر عن الرسول صلى الله عليه و سلم مثلا او ايا من اصحابه او التابعين التزامهم بلون واحد و شكل واحد فى الملبس لا يحاد عنه بل بالعكس اشتهر عنهم ارتداء الوان كثيره اخرى بخلاف الابيض

خامسا توحيد اللون او الشكل لن يحل اشكاليه تنوع الخامات و هى ايضا من العوامل التى تساعد على ظهور الفوارق الاجتماعيه بين اغنياء و فقراء بل ان فى كثير من الملابس الراقيه الان اصبح الاعتماد على الخامه و ليس التفصيله او التطريز فى اظهار مدى فخامه المنتج و غلوه

سادسا فكره توحيد الزى مستحيل ان تلتزم بها الناس و حتى و ان كانت هناك دول تطبقها فطرق التحايل التى يتبعها الاناس هناك للتحايل عليها لا تعد و لا تحصى لانه يظل فى النهايه مساله الملبس مرتبطه باذواق الناس و شخصياتهم و بالتالى لا يمكن فرضها عليهم بشكل تام

هذا الحديث يذكرنى ايضا ايام عبدالناصر بعد ثوره 1952 عندما ارادوا ان يحددوا ملبس موحد يطلقوا عليه الملبس الشعبى المصرى و عندما فشلوا فى الاتفاق على شكل واحد نظرا للتنوع الذى سبق ذكره هنا اخترعوا شيىء جديد جدا و لكن هجين جدا ايضا اطلقوا عليه البدله الشعبيه و حاولوا ان يروجوا لها بين الشعب بكل وسائل الاعلام التى كانت متاحه حينها و لكن ايضا فشلوا فشل ذريع لنفس الاسباب السابق ذكرها

الخلاصه لا يمكن لفكره كهاذه ان يكتب لها نجاح لان عوامل فشلها من الكثره بحيث انها ليست لها فرصه اساسا للنجاه

تحياتى

[jasmin hamed]

و بفرض رغم ان ده مستحيل انه توحيد المظهر ازال الفوارق بين الطبقات

سؤال هل الاسلام جاء ليلغى الفروق بين الطبقات فى الدنيا

الناس فى الدنيا طبقات و فى الاخره طبقات

و الا تخرب و تفسد و مايبقاش فيه دافع

طول ما فى الاحسن منى هحاول انجح و اوصله و طول مافى الى اقل منى هبص على الى فى ايدى

و اقدر النعمه

انا مش متعمقه فى الدين لكن عمرى ما قريت ان من مقاصده

تساوي بين جميع المستويات الاجتماعية )

تم تعديل 31 مارس 2011 بواسطة jasmin hamed

[جويرية]

ياستاذة جويرية

فأيضا يوجد جلاليب وعبايات بينها فروق كبيرة في الاسعار

والتفاوت الاجتماعي هيظهر هيظهر

الا لو وحدنا التفصيلة والقماشة وبقي زي الزي المدرسي

ايوة بس التفاوت مش حيظهرجامد ، ألا اذا دققتي اوي في خامة الأقمشة

اما لما تلاقي الموضة تظهر و لغاية ما توصل الصعيد مثلا ،

وتلاقي الصعايدة اللي كانوا بيلبسوا جلاليب محترمة ، تلاقي الولد لابس لبس شبه لبس المطرب فلان ، طبعا مع تقليد الموديل و الخامات الرديئة بتلاقي اللبس مش مهندم

مش الصعيد بس ، في الاحياء الشعبية او المتوسطة

اذا كان الغرض الغاء الفوارق الاجتماعية في اللبس

ربنا خلقنا بفوارق اجتماعية لا مانع تظهر في اللبس طالما بالحلال ودون تكبر

صعب قوي المساواة في اللبس

ثم ان لا كل الرجال هيلبسوا جلاليب وان كانت فاخرة

ولا كل الانسات والسيدات هيلبسوا اسدال وان كان فاخر]

ولا حتي الأغنياء حيقدروا اللهاث ورا الموضة ، الموضة بتتغير سنويا

ده معناه ان فيه ملابس بالأف الجنيهات و حالتها سليمة تماما ، لكن لا تصلح للأرتداء

يعني مفيش حد حيقدر يساير الموضة غير حد زي الهانم سوزان اللي كانت واخدة ميزانية مفتوحة عشان تقدر تصرف علي لبسها

[جويرية]

بحث عن الأزياء

http://www.midadulqalam.info/midad/modules.php?file=article&name=News&sid=684

لا يكاد يوجد قطاع اقتصادي مثير للجدل، متعدّد الوجوه، حافل بالتناقضات، كقطاع الأزياء، لا سيّما وأنّ المفهوم منه اقتصاديا هو سائر ما يتعلّق باللباس والزينة، ويتحدّث المتخصّصون عن شموله قطاعات المنسوجات، والملبوسات، والأحذية، والجلود، وإن كانت الأنظار تتجه مع ذكر كلمة "أزياء" عادةً إلى دور الأزياء وعروضها الموسمية. والواقع أنّ هذا الانطباع ناجمٌ عن تناقضٍ يستوقف المرء تلقائيا، عندما تُسلّط الأضواء ويتركّز الاهتمام على "فساتين" نسائية يعادل قماش الواحد منها أحيانا، ما لا يكاد يستر جزءا من جسد فقير إفريقي أو آسيوي، بينما يعادل ثمن الواحد منها دخل قرية أو مدينة بكاملها لعام كامل في كثير من تلك البلدان النامية. ولكنّ هذا الجانب لا يلغي أنّ ما يوصف بقطاع الأزياء في الوقت الحاضر يشمل فيما يشمل عموم الملبوسات اليومية لا الصارخة منها فقط، وأنّ هذا القطاع يمثّل أحد ميادين الصراع التجاري المتواصل بين بلدان العالم في الشمال والجنوب.

منذا يمكن أن يوفّق بين نظرات "أفراد معدودين" يصمّمون موسما بعد موسم ما ينبغي أن يرتديه الرجال والنساء والأطفال حسب أذواقهم هم، وحسب تطلّعاتهم إلى المال والشهرة أيضا، وبين ميادين التسويق العالمية لبضاعتهم، وما يتخلّل ذلك من حملات دعائية ومهرجانات ومناورات مالية ومفاوضات، تفرض نتائجها نفسها فرضا على مواطن عديدة من العالم، بغض النظر عن احتياجاتها الفعلية ومنطلقات أهلها وأذواقهم وقيمهم؟..

هل يكفينا مثلا أمام هذا العالم المتمرّد المتناقض أن نعطي من منطلق إسلامنا الأولوية لمعتقداتنا وتصوّراتنا في مواجهة "غزو الأزياء" لبيوتنا وأعرافنا وعاداتنا وجيوبنا؟

[جويرية]

اهو الطرحة دي يجيي فيها 20 دبوس

حد يحط 20 ديوس في دماغه

تم تعديل 1 أبريل 2011 بواسطة جويرية

[hOuSsAm]

الأزياء التقليدية

الثوب الابيض للرجال و الخمار او الاسدال للنساء

أزياء تساوي بين جميع المستويات الاجتماعية

الفقير او المتوسط ميخرجش بلبس متبهدل

الللي مبيفهمش في الموضة ميخرجش بلبس مضحك

طيب ماهو فيه لبس ابيض بردوا واسدال نساء بيبقى شكله وحش اوى (عفش يعنى) وبيعمل فوارق اجتماعية

انا للاسف عايش فى مجتمع تقريبا بنسبة 70% بيلبسوا الحجتين اللى بتقولى عليهم دى

والفوارق الاجتماعية واطلقى ليها العنان

وبيبقى واضح جدا من شكل اللبس (اللون مش فارق) ان الاسدال ده ب 2600 ريال وفيه واحد تانى واخوه ب 25 ريال ومع ذلك المواطن العادى البسيط اللى زى حالاتى اللى تقريبا مش بيفهم فى الحجات دى بس يقدر يمين بين ان ده غالى وده رخيص

والثوب الابيض للرجال نفس القصة فيه واحد بعشرة ريال شبه واحد ب 400 ريال (انا معلهش لو فيه حجات اغلى بس مستوايا موصلش لاعلى من الاسعار دى :P

والهندام فى اللبس او البهدلة فيه ليس مقياسه السعر اطلاقا

السعر ده ترجمة لنوع او ماركة معينة او لخامات معينة والسواد الاعظم من الناس مش بيهتم بالماركات

يبقى ليه نحجم الناس عند لبس معين وهو يا ابيض يا اسود بس

واصلا محدش اشتكى (محنا فقرا اهو ومش بنشتكى) خلاص الناس تلبس وتفرح وتعيش (غالى رخيص مش مشكلة) المهم تبقى مبسوطة ومرتاحة البال

[جويرية]

برامج المرأة اللي بتعرض للناس الموضة زي ما بيسموها

بيعرضوا اللبس علي مانيكانات ، و دول لو لبسوا اي حاجة حتبقي حلوة عليهم

ده غير ان زاوية التصوير بتبين ان اللبس ده حلو ، نيجي علي الطبيعة نلاقي ان اللبس ده شكله وحش جدا

نيجيي بقي للناس اللي بتحاول تقلد اللبس ده

شفت واحدة لابسة بنطلون عامل زي بنطلون صيادين السمك ، ده غير لفة الطرحة العجيبة ، و لقيت وراها كام ولد فطسانين من الضحك علي اللبس ده

تم تعديل 1 أبريل 2011 بواسطة جويرية

[جويرية]

في ازهي عصور الاسلام عندما كانت الدولة الاسلامية من الصين شرقا الي المحيط غربا ومن اسبانيا و حدود روسيا شمالآ وادغال افريقيا جنوبا

لم ينادي احد بتوحيد الزي

فلما التكلف

مقصدش توحيد الزي

بس من وجهه نظري ان الزي ده شكله اجمل

من اختراعات الموضة

تم تعديل 1 أبريل 2011 بواسطة جويرية

[arkan]

لقيت على الفيس بقوك حملة اسمها حملة بنات مصر هتلبس واسع

الدعوة دى ممكن تكون مناسبة

http://www.facebook.com/free.clothes

ايه رأيكم فيها

[fatfouta]

طب بذمتك يا جوجو يا حبيبتى مش ده جميل ورقيق

بس هى الطرحة دى انا مش بحبها لانى مع اللفة التقليدية اللى مش بتبين الرقبة طبعا

لكن الطقم رقيقة قووووى

[جويرية]

لعلمك ياجويرية اللبس فن وذوق مش بغنى وفقر

اكيد اللبس فن بس و فلوس كمان

في برامج المرأة بيقولوا الرأي ده دايما مش لازم اللبس يكون غالي و ممكن لبس بسيط ، و اظن ان ده مش صحيح

يعنى عندك شعبان عبد الرحيم مثلا مليونير لكن شوفى لبسه عامل ازاى ولا الاراجوز

شعبان عبد الرحيم عامل لنفسه الكراكتر ده ، ما هوه ممكن يجيب استايلست يلبسه احسن لبس

ناس كتيرة معاها فلوس لكن معندهاش ثقافة اللبس وايه اللى يناسب المكان والتوقيت ده او لايناسبه

شكلك عاوزنا ايران تانية ولا ايه ياجويرية

ما انا بشوف اللي في ايران لابسين لبس شيك ، بعيدا عن الناحية الدينية

لأن عوام الناس مش عندهم موضوع الذوق في اختيار اللبس

الممثلين و الممثلات عندهم ناس بيختارولهم لبسهم ، و كمان دي شغلتهم و دخلهم بيعتمد علي مظهرهم

ممكن طلبك ده فى رمضان يناسب صلوات التروايح او حتى صلاة الجمعة

الزي التقليدي مريح في الحركة، ، ( انا سميته اللبس التقليدي مش لاقية له اسم تاني )

لكن الاولاد فى المدارس والجامعات او حتى اساتذة الجامعة وفيهم فقراء كتير صعب يروحوا بقفاطين

طالما اللبس حشمة وساتر اللى لابساه لايهم يكون اسدال او غيره حتى لو مكنتش محجبة

البنات والنساء مش بالاسدال ولا الرجالة بالعبايات لكن باحترامهم لنفسهم وخوفهم ربنا

التغيير اننا نصلح اللى جوانا مش ندارى ورا عبايات وقفاطين

[جويرية]

]

لعلمك ياجويرية اللبس فن وذوق مش بغنى وفقر[/

]

اكيد اللبس فن بس و فلوس كمان

في برامج المرأة بيقولوا الرأي ده دايما مش لازم اللبس يكون غالي و ممكن لبس بسيط ، و اظن ان ده مش صحيح

يعنى عندك شعبان عبد الرحيم مثلا مليونير لكن شوفى لبسه عامل ازاى ولا الاراجوز

شعبان عبد الرحيم عامل لنفسه الكراكتر ده ، ما هوه ممكن يجيب استايلست يلبسه احسن لبس

ناس كتيرة معاها فلوس لكن معندهاش ثقافة اللبس وايه اللى يناسب المكان والتوقيت ده او لايناسبه

شكلك عاوزنا ايران تانية ولا ايه ياجويرية

ما انا بشوف اللي في ايران لابسين لبس شيك ، بعيدا عن الناحية الدينية

لأن عوام الناس مش عندهم موضوع الذوق في اختيار اللبس

الممثلين و الممثلات عندهم ناس بيختارولهم لبسهم ، و كمان دي شغلتهم و دخلهم بيعتمد علي مظهرهم

ممكن طلبك ده فى رمضان يناسب صلوات التروايح او حتى صلاة الجمعة

الزي التقليدي مريح في الحركة، ، ( انا سميته اللبس التقليدي مش لاقية له اسم تاني )

لكن الاولاد فى المدارس والجامعات او حتى اساتذة الجامعة وفيهم فقراء كتير صعب يروحوا بقفاطين

طالما اللبس حشمة وساتر اللى لابساه لايهم يكون اسدال او غيره حتى لو مكنتش محجبة

البنات والنساء مش بالاسدال ولا الرجالة بالعبايات لكن باحترامهم لنفسهم وخوفهم ربنا

التغيير اننا نصلح اللى جوانا مش ندارى ورا عبايات وقفاطين

مش بتكلم عن الاخلاق خالص

بس بقول ان الهدف من لبس الخروج هوه الستر بس مش الزينة

احنا ليه نحمل نفسنا ما لا نطيق

و ليه نزود علي نفسنا بند في الانفاق هوه مش مطلوب مننا اصلا

تم تعديل 2 أبريل 2011 بواسطة جويرية

[لماضة مصرية جدا]

الأزياء التقليدية

الثوب الابيض للرجال و الخمار او الاسدال للنساء

أزياء تساوي بين جميع المستويات الاجتماعية

الفقير او المتوسط ميخرجش بلبس متبهدل

الللي مبيفهمش في الموضة ميخرجش بلبس مضحك

السلام عليكم و رحمة الله و بركاته

اللي انا فهمته من كلام حضرتك...انك بتقترحي شكل زي معين للبس

انا عشت فترة في السعودية و كان فيه اللي حضرتك قولتي عليه....و وجهة نظري الشخصية اني كنت بتحرك بين لونين.....الابيض و الاسود....(معرفشي يمكن دي كانت رؤيتي للغربة كلها علي بعض...مش بس الهدوم)

و دلوقتي انا عايشة في الامارت....بلد متنوع الالوان مش بس في الوان الهدوم...و لا شكلها....لا في الوان البشرو اطيافهم و تنوعهم من بيئات مختلفة و ثقافات غنية جدا

بتعامل مع الالوان دي....في مجالات مختلفة و اللي اقدر اقوله....ان اللي بيفرق فعلا يا تري ايه شكل الدماغ اللي متركبةجوه الفستان....سواء كان اسدال و لا ساري و لا لبس كاجوال

يا تري بيشوفوا الحياة ازاي....و بيعشوها ازاي

حقيقي في البداية ممكن طريقة لبس معينة تخليني ...ااقرب من حد...(زي ما بنلاقي مصريين و بنتعرف عليهم من خلال لفة الطرحة)....و برضه فيه طريقة لبس بتخليني.....ابعد تماما عن حد تاني

بس في مواقف اكتر.....بتلاقي ان جوه....الغلالة اللي من بره.....فيه حاجة تاني جوه البني آدم....متقدريش تحرمي نفسك انك تكتشفيها....و يمكن تلاقي نقاط تلاقي و اتفاق في وجهات نظر.....مع شخص رفضتي....."غلالته الخارجية"

وجهة نظري الشخصية

انا ليا خطوط واضحة فيما يتعلق بحجابي.....لكن بحب اكتشف عوالم الالوان....في الاخرين....سواء في لبسهم او في افكارهم

عشان عارفة ان ده راح يبني دماغي......اللي انا صحيح لابسة حجاب....بس عمره ما راح يحجب.....عقلي

صباح حضرتك........نور من الجنة يا رب

[جويرية]

اولا لا الثوب الابيض للرجال و لا الخمار او الاسدال للنساء هو الزى التقليدى للمصريين

و كل منطقه فى مصر لها زى تقليدى خاص بها تشتهر به ليس من ضمنهم ابدا الثوب الابيض للرجال او الاسدال و الخمار للنساء

فاهل الصعيد لهم زيهم التاريخى المختلف عن اهل سيوه المختلف عن اهل الريف المختلف عن اهل السواحل المختلف عن .......الخ

بمعنى ان عمود الدعوه غير دقيق تاريخيا

بس اظن ان في شئ مشترك بين الزي التقليدي للمصريين

يعني كان هوه الجلباب للرجال و بيختلف شكله قليلا من منطقة لأخري

و بالنسبة للنساء ، كان لازم بيلبسوا عباية سودا فوق الملابس ، مع اختلاف المسمي من زمن لزمن ومن منطقة لأخري ، يعني ايام العثمانين كان اسمها اليلك او الحبرة

و بعد كدة استبدلوا العبايات الواسعة دي بالبالطو الاسود ، و بعد كدة لغوا البالطو

ثانيا مصر تتميز بتنوع حضارى و ثقافى و دينى يجعل من المستحيل اجبار جميع هذه الاطياف تحت زى موحد ايا كان شكله

ثالثا فكره الزى الموحد فى حد ذاتها تتعارض شكلا و موضوعا مع فكره الحريات العامه المكفوله للجميع مادامت لا تتعارض مع الاداب العامه

محدش قال اجبار ، الناس اللي اختارت ان هيا ترجع الي لبس اجدادها ، دول اختاروا اللبس ده بمحض ارادتهم

رابعا فكره توحيد الزى نفسها لا تستند الى اى قاعده دينه فلم يشتهر عن الرسول صلى الله عليه و سلم مثلا او ايا من اصحابه او التابعين التزامهم بلون واحد و شكل واحد فى الملبس لا يحاد عنه بل بالعكس اشتهر عنهم ارتداء الوان كثيره اخرى بخلاف الابيض

خامسا توحيد اللون او الشكل لن يحل اشكاليه تنوع الخامات و هى ايضا من العوامل التى تساعد على ظهور الفوارق الاجتماعيه بين اغنياء و فقراء بل ان فى كثير من الملابس الراقيه الان اصبح الاعتماد على الخامه و ليس التفصيله او التطريز فى اظهار مدى فخامه المنتج و غلوه

سادسا فكره توحيد الزى مستحيل ان تلتزم بها الناس و حتى و ان كانت هناك دول تطبقها فطرق التحايل التى يتبعها الاناس هناك للتحايل عليها لا تعد و لا تحصى لانه يظل فى النهايه مساله الملبس مرتبطه باذواق الناس و شخصياتهم و بالتالى لا يمكن فرضها عليهم بشكل تام

انا معاكي مفيش زي موحد في الاسلام

هذا الحديث يذكرنى ايضا ايام عبدالناصر بعد ثوره 1952 عندما ارادوا ان يحددوا ملبس موحد يطلقوا عليه الملبس الشعبى المصرى و عندما فشلوا فى الاتفاق على شكل واحد نظرا للتنوع الذى سبق ذكره هنا اخترعوا شيىء جديد جدا و لكن هجين جدا ايضا اطلقوا عليه البدله الشعبيه و حاولوا ان يروجوا لها بين الشعب بكل وسائل الاعلام التى كانت متاحه حينها و لكن ايضا فشلوا فشل ذريع لنفس الاسباب السابق ذكرها

الخلاصه لا يمكن لفكره كهاذه ان يكتب لها نجاح لان عوامل فشلها من الكثره بحيث انها ليست لها فرصه اساسا للنجاه

تحياتى

اه انا فاكرة البدلة الصيفي دي ، ده حتي عبد الناصر ليه صور و هوه لابسها

بس تخيلي هيا مريحة عن القميص و البنطلون ، و احسن من البنطلونات الضيقة اللي بتأثر علي الانجاب

اشكرك

[جويرية]

و بفرض رغم ان ده مستحيل انه توحيد المظهر ازال الفوارق بين الطبقات

سؤال هل الاسلام جاء ليلغى الفروق بين الطبقات فى الدنيا

الناس فى الدنيا طبقات و فى الاخره طبقات

و الا تخرب و تفسد و مايبقاش فيه دافع

طول ما فى الاحسن منى هحاول انجح و اوصله و طول مافى الى اقل منى هبص على الى فى ايدى

و اقدر النعمه

انا مش متعمقه فى الدين لكن عمرى ما قريت ان من مقاصده

تساوي بين جميع المستويات الاجتماعية )

مش بتكلم من الناحيةالدينية تماما

بحكي عن تجربة

قبل ما البس اليونيفورم الموحد ، كنت بصرف مرتبي بالكامل علي لبسي و مع ذلك كنت ببقي احيانا مش راضية عن لبسي

اما دلوقتي بيبقي عندي فلوس زيادة اتصدق منها ، اتفسح بيها ، وكمان بشتري ملابس غالية ، لأني مش بشتري كتير

[جويرية]

لقيت على الفيس بقوك حملة اسمها حملة بنات مصر هتلبس واسع

الدعوة دى ممكن تكون مناسبة

http://www.facebook.com/free.clothes

ايه رأيكم فيها

الموضة مفيهاش لبس واسع ، المحلات كلها مفيهاش غير لبس ضيق

لو واحدة عايزة تلبس واسع يبقي مفيش غير الخمار او الاسدال او العباية

اشكرك