المساواة مع الأزياء التقليدية

[جويرية]

طيب ماهو فيه لبس ابيض بردوا واسدال نساء بيبقى شكله وحش اوى (عفش يعنى) وبيعمل فوارق اجتماعية

انا للاسف عايش فى مجتمع تقريبا بنسبة 70% بيلبسوا الحجتين اللى بتقولى عليهم دى

والفوارق الاجتماعية واطلقى ليها العنان

وبيبقى واضح جدا من شكل اللبس (اللون مش فارق) ان الاسدال ده ب 2600 ريال وفيه واحد تانى واخوه ب 25 ريال ومع ذلك المواطن العادى البسيط اللى زى حالاتى اللى تقريبا مش بيفهم فى الحجات دى بس يقدر يمين بين ان ده غالى وده رخيص

والثوب الابيض للرجال نفس القصة فيه واحد بعشرة ريال شبه واحد ب 400 ريال (انا معلهش لو فيه حجات اغلى بس مستوايا موصلش لاعلى من الاسعار دى

ممكن الواحد يشتري توب ب 400 ريال و اهو حيعيش معاه كتير ، غير البدلة اللي ممكن الس

نة الجاية موديلها يتغير ، وكمان التوب ممكن يكون معاه توبين بس بيبدل فيهم وخلاص ، لكن البدلة لازم ي

يكون معاه اكتر من واحدة ، و الموسم اللي جاي يرميهم و يشتري جديد

[جويرية]

طب بذمتك يا جوجو يا حبيبتى مش ده جميل ورقيق

بس هى الطرحة دى انا مش بحبها لانى مع اللفة التقليدية اللى مش بتبين الرقبة طبعا

لكن الطقم رقيقة قووووى

ما اهو انا بقولك الموضة دي شئ تجاري ، ملهاش دعوة هما بيجملوا المرأة ولا بيوحشوها ، اهم بيبعوا و خلاص

يعني مثلا الموديل ده والموديلات عموما ، مناسبة لواحدة بجسم المانيكان دي ، طيب ما معظم الناس اجسامها مش بالشكل ده

فشوفي بقي البنات و هما لابسين الحاجات دي بيبقي شكلهم عامل ازاي

يا اما فيه ناس بتلجأ لعمليات التجميل ، ودي شئ فظيع ، سبحان الله مش نفصل اللبس علي الجسم ، نفصل الجسم علي اللبس

ثانيا لغاية ما تشتري الطقم ده بمكملاته ( الشنطة و الشوز و المكياج و الاكسسوار ) و لازم يكون الواحدة معاها 5 اطقم زي كدة علي الاقل ، يعني كل يوم تقضيها لف علي المحلات ، و السنة اللي جاية ترمي ده كله و تبدأ رحلة البحث عن ملابس جديدة

و طبعا لو زاد وزنها 3 كيلو يترمي الطقم ده و تشتري مكانه

صحيح و شوفتي الموضة بيخترعوا بمزاجهم يعني المنطقي ان يكون الجاكيت ابيض ، صحيح من كام سنة كانوا عاملين موضة اللون البني مع اللبني ازي ييجوا مع بعض

شوفتي اللبس الجميل ده بيحترم خصوصية الانسان الواحدة تزيد 10 كيلو جوة اللبس ده من غير ما حد ياخد باله:)

تم تعديل 3 أبريل 2011 بواسطة جويرية

[جويرية]

السلام عليكم و رحمة الله و بركاته

اللي انا فهمته من كلام حضرتك...انك بتقترحي شكل زي معين للبس

انا عشت فترة في السعودية و كان فيه اللي حضرتك قولتي عليه....و وجهة نظري الشخصية اني كنت بتحرك بين لونين.....الابيض و الاسود....(معرفشي يمكن دي كانت رؤيتي للغربة كلها علي بعض...مش بس الهدوم)

و دلوقتي انا عايشة في الامارت....بلد متنوع الالوان مش بس في الوان الهدوم...و لا شكلها....لا في الوان البشرو اطيافهم و تنوعهم من بيئات مختلفة و ثقافات غنية جدا

بتعامل مع الالوان دي....في مجالات مختلفة و اللي اقدر اقوله....ان اللي بيفرق فعلا يا تري ايه شكل الدماغ اللي متركبةجوه الفستان....سواء كان اسدال و لا ساري و لا لبس كاجوال

يا تري بيشوفوا الحياة ازاي....و بيعشوها ازاي

حقيقي في البداية ممكن طريقة لبس معينة تخليني ...ااقرب من حد...(زي ما بنلاقي مصريين و بنتعرف عليهم من خلال لفة الطرحة)....و برضه فيه طريقة لبس بتخليني.....ابعد تماما عن حد تاني

بس في مواقف اكتر.....بتلاقي ان جوه....الغلالة اللي من بره.....فيه حاجة تاني جوه البني آدم....متقدريش تحرمي نفسك انك تكتشفيها....و يمكن تلاقي نقاط تلاقي و اتفاق في وجهات نظر.....مع شخص رفضتي....."غلالته الخارجية"

وجهة نظري الشخصية

انا ليا خطوط واضحة فيما يتعلق بحجابي.....لكن بحب اكتشف عوالم الالوان....في الاخرين....سواء في لبسهم او في افكارهم

عشان عارفة ان ده راح يبني دماغي......اللي انا صحيح لابسة حجاب....بس عمره ما راح يحجب.....عقلي

صباح حضرتك........نور من الجنة يا رب

و عليكم السلام و رحمة الله و بركاته

اللي بقصده من الموضوع ، ان فيه ناس كتيرة لابسة الزي التقليدي عشان هوه مناسب اكتر من الموضة

من حق الواحد يخرج من بيته وهوه راضي عن نفسه ،

ومفروض الناس متنزعجش من انتشار الزي التقليدي ، لأن هوه الأنسب للناس طبقا لظروفها و لعاداتها و تقاليدها ، من الموديلات اللي بيصممها ناس قاعدين في برج عاجي بعيد عن الناس

و برامج المرأة دي بتضحك علي الستات بالموديلات اللي مش مناسبة اللي بيعرضوها و لو هما عندهم امانة فعلا ، يخصصوا جزء من برامجهم للملابس التقليدية للنساء

صباحك ورد وفل و ياسمين

تم تعديل 3 أبريل 2011 بواسطة جويرية

[جويرية]

موضوع ذو صلة

الموضة و توابعها

[جويرية]

هذه الكوفرتة هي اخر ما وضع علي جسد مصمم أزياء المشاهير محمد داغر

اللهم اغفر له وارحمه وعافه واعف عنه وأكرم نُزُله . ووسع مُدخلهُ . واغسله بالماء والثلج والبرد ، ونقه من الخطايا كما ينقى الثوب الأبيض من الدنس ، وأبدله داراً خيراً من داره ، وأهلاً خيراً من أهله وزوجاً خيراً من زوجه وأدخله الجنة وأعذه من عذاب القبر ( ومن عذاب النار )

تم تعديل 7 أبريل 2011 بواسطة جويرية