مناقشات مفتوحة حول الصحراء الغربية

[عطر الجنة]

بما ان المحاورات الان اصبحت ذات شهرة كبيرة و فى كتاب و ندوة يبقى يا رب تكون هناك كمان قنوات شرعية مباشرة مع رئاسة الوزراء

لان الموقع هنا يعتبر تجمع كبير للمصريين العاملين بالخارج و الداخل

تنوع لفئات مختلفة من الشعب اى يعبر عن وجهة نظر الوطن ككل ففينا المسلم و المسيحى المعتدل و المتشدد... فينا الغنى و الفقير و المتوسط ...

لذا تعالوا نتناقش فى موضوع الصحراء الغربية لانه شاغل بالى من فترة و السبب

- كنت مع مجموعة اسر لسه حديثى الزواج كلهم تحت الثلاثين و ايضا شباب و شابات لسه على وشك الزواج كلهم ساكنين فى شقق قانون جديد و ينوون شراء شقق خارج اسكندرية معشوقتهم .... ليه

لانهم خائفين من غرق اسكندرية جراء ما سيحدث نتيجة للاحتباس الحرارى و بالتالى ضياع ثروتهم الصغيرة ( الشقة ) و لما قلت لهم الغرق سيحدث كما يقال بعد 50 سنة نبهونى بمدى ارتفاع البحر هذا العام فى ابوقير و ما حولها و ....اى مراحل الغرق ابتدت

- السبب الثانى المشروع ( ممر التنمية )الذى تقدم به الدكتور فاروق الباز للحكومة السابقة و الذى ينص على عمل طريق يتجه من الشمال للجنوب موازى لنهر النيل تقام عليه مجموعة مدن سكنية و زراعة و صناعة و ما الى ذلك ....

ايضا مشروع مشابه للدكتور ممدوح حمزة

- مشروع منخفض القطارة و الذى قرأت باستفاضه عنه مؤخرا لاعرف موقعه و ...

دول اهم اسباب شغلت بالى

ففكرت و لم اكن اعرف وقتها موقع منخفض القطارة فى حفر شريان مائى من البحر المتوسط بعرض 150 : 200 متر الى جنوب مصر تصطف على جانبيه مدن سكنية و صناعية جميلة بمواصفات ادمية

و يكون موقع الشريان فى المسافة الواقعة بين الاسكندرية و مطروح او بعدها بقليل لو تعذر ذلك

وده حياخد كمية المياة التى ستسبب غرق الدلتا

الناس حتقول ده مكلف ... اوكيه لكن العائد من بيع اراضى تلك المدن الجديدة سياتى بنفس التكلفة العالية بالاضافة الى الحفاظ على الرقعة الزراعية لوادى النيل و عدم الاعتداء عليها

هذا الشريان سيلطف ايضا حرارة الصحراء

ممكن فى ناس تقول ان ده حيرفع من نسبة ملوحة الارض .. ارد و اقول ان بسهولة جدا ممكن ابطن ارضية الشريان المائى حتى لو بانواع معينة من الاقمشة المخصصة لذلك

ففى مشروع جزر دبى تم تغطية الجزر بالاقمشة فى احد مراحل صنعها لتلافى خاصية النحر و هنا حعمل العكس و ابطن الشريان المائى و فى سابقة فى البحيرات المائية فى مارينا فيوجد بحيرات تمتد لداخل المدينة تستمد مياها من البحر

افتونى برايكم يا اهل المحاورات ففينا مهندسين تخطيط مدن و محاسبين و جغرافيين عالمين بكل شئ و لنرفع نحن المحاوراتية لواء هذا المشروع لو حقق كل اركان المنفعة العامة .

تحياتى

تم تعديل 1 أبريل 2011 بواسطة عطر الجنة

[arkan]

لو اهل التخصص وعلى راسهم الاستشاري الكبير د/ ممدوح حمزة قال بفائدة المشروع لمصر اكيد هتبنى الفكرة وادعو لها كمان

بس انا عايزة اعرف هل الحكومة اتعرض عليها المشروع وتبنته ولا ايه المطلوب من الناس انا عارفة ان الناس بترسل بياناتها على ايميل معين علشان المشروع ده ومش عارفة بغرض ايه .. هل الاستفادة من المشروع ولا المشاركة بتخصصهم

لو عند حضرتك توضيح

ممكن لو حد متخصص وعنده افكاراو ملاحظات يتواصل مع د/ ممدوح حمزة

[عطر الجنة]

لو اهل التخصص وعلى راسهم الاستشاري الكبير د/ ممدوح حمزة قال بفائدة المشروع لمصر اكيد هتبنى الفكرة وادعو لها كمان

بس انا عايزة اعرف هل الحكومة اتعرض عليها المشروع وتبنته ولا ايه المطلوب من الناس انا عارفة ان الناس بترسل بياناتها على ايميل معين علشان المشروع ده ومش عارفة بغرض ايه .. هل الاستفادة من المشروع ولا المشاركة بتخصصهم

لو عند حضرتك توضيح

ممكن لو حد متخصص وعنده افكاراو ملاحظات يتواصل مع د/ ممدوح حمزة

المشروع ده بيدور فى راس ناس كتير من اللى بيحبوا بلدهم و كل واحد شايفه من وجهة نظر محترمة بمعنى اللى شايفه

- توفير لطاقة كهربية كبيرة ( ناتجة من منخفض القطارة ) تقلل من الاعتماد على الثروة البترولية و طاقة لتشغيل مصانع اكثر و لرخص تكلفة انتاج الكهرباء الناتجة فحترخص فاتورة الكهرباء

- مدن جديدة بمجتمعات جديدة بمصانع و ايدى عاملة بعيد عن الاعتداء على الاراضى الزراعية فى وادى النيل

- البخر الناتج حيتحول الى مطر يزرع الصحراء و يلطف الجو

- جزئ كبير من مياة البحر حتدخل منخفض القطارة و الشريان المائى فحتقلل من غرق الدلتا الناتج من الاحتباس الحرارى و بكده كمان مش حتغرق بعض شواطئ مدن البحر المتوسط و بكده ممكن اخد فلوس من تلك المدن لتمويل المشروع .

- ثروة سمكية

و ما الى ذلك من نواتج

انا اريده مشروع مصرى 100 % بعيدا عن بيوت الخبرة الاجنبية الذين مهما بصموا بالعشرة لن يريدوا لمصرنا الخير و باموالنا نحن المصريين حتى لو حفرناها بالفاس فجدودنا سيق و حفروا قناة السويس

انا نفسى يبقى جروب على الفيس و مشروع يسعى اليه الشعب كله

يحاول و يطالب به كل الشعب اى نقنع به كل من حولنا لتتبناه الحكومة معنا

تم تعديل 2 أبريل 2011 بواسطة عطر الجنة

[عطر الجنة]

هذه خريطة مصر و موضح بها موقع منخفض القطارة

لانى بفكر ان الشريان البحرى يمتد من البحر المتوسط الى المنخفض ثم يجد طريقه الى جنوب مصر

و نبدا فى تنفيذ المشروع على عدة مراحل

و هذا الرابط يوضح فكرة مشروع منخفض القطارة

http://ejabat.google.com/ejabat/thread?tid=472341eeec21dffa

تحياتى

[Howayda Ismail]

المجال واسع جدا لكثير من المشاريع للصحراء الغربية

وهناك وسائل اخرى نظيفة ومتجددة لتوليد الكهربا منها طاقة الرياح والطاقة الشمسية ودى متوفرة تقريا

طول السنة وقد تم ذلك بالفعل فى واحة سيوة وممكن تكرارها فى مناطق اخرى

لكن فى نقطة مهمة تحدث عنها استاذ سكوربيون هنا فى المحاورات وهى ازالة الالغام التى تعوق التنمية فى

مساحات شاسعة من الصحراء الغربية واظن بعد الثورة اصبح يسيرا مطالبة الدول المسئولة عن تلك الالغام

[arkan]

الصفحة الرسمية لمشروع دكتور ممدوح حمزة لإعمار الصحراء الغربية (ماعت)

المعلومات الاساسية عن الصفحةعلى الفيس فيها شرح وافي

هل تفي بالغرض

انا نفسي معنديش مشكلة انتقل للصحراء الغربية لو اسرتي الصغيرةهتكون مستقرة فيها

بس ابقوا اسالوا علينا :)

[عطر الجنة]

المجال واسع جدا لكثير من المشاريع للصحراء الغربية

وهناك وسائل اخرى نظيفة ومتجددة لتوليد الكهربا منها طاقة الرياح والطاقة الشمسية ودى متوفرة تقريا

طول السنة وقد تم ذلك بالفعل فى واحة سيوة وممكن تكرارها فى مناطق اخرى

لكن فى نقطة مهمة تحدث عنها استاذ سكوربيون هنا فى المحاورات وهى ازالة الالغام التى تعوق التنمية فى

مساحات شاسعة من الصحراء الغربية واظن بعد الثورة اصبح يسيرا مطالبة الدول المسئولة عن تلك الالغام

انا بكلم هنا ياهند ليس على طاقة كهربية فقط ولو انها هنا كميات تفوق الناتجة من الرياح او الشمسية لان خدى فى الاعتبار ان لو اتفاقية وادى النيل الجديدة سرت و بنت اثيوبيا السدود حتقل كمية الطاقة الكهربية 20 % فنحن محتاجين حالا الى تعويض لتلك الطاقة

ولو عوضناتلك الطاقة الكهربية بمحطات كهرباء تعتمد على الوقود البترولى يبقى خراب مستعجل

انا بكلم على مدن جديدة مليونية و مصانع عملاقة اى لا يجدى فيها طاقة رياح او شمس

بكلم على اراضى يتم زراعتها بمحاصيل تعتمد على الماء المالح

وده رابط عن تلك المحاصيل و اخر للهيئة العامة لتنمية الثروة السمكية

http://gafrd.kenanaonline.com/topics/58327/posts/86562

http://www.ahlalhdeeth.com/vb/showthread.php?p=971602

و لا ننسى ابحاث الدكتور احمد مستجير رحمه الله عن الزراعة بالمياة المالحة

تحياتى

[عطر الجنة]

http://www.youtube.com/watch?v=JRLb8VQnKzA&feature=player_embedded#!

ايه رايكم فى الفيديو ده

تحياتى