مهزلة بمباراة الزمالك والافريقى التونسى

[capitshino]

نزول الجماهير لارضية استاد القاهرة وكله بيضرب فى كله

اعتقد الافضل تجميد نشاط كرة القدم مؤقتا

شاهدو دريم الان . ولى عودة .

[الغريب]

هو المصور المتخلف ده مبيفهمش

أزاي النقل متواصل حتى الان

[Simba]

اللي معايا في الشقة بيقولي شفت الثورة ياعم

ادي اللي اخدناه من الثورة

[rewsha]

مش دريم اللي عندكم .هيه اللي عندي برضه؟

امال انا مش شايفه حاجه ليه؟

انا لقيت اعلانات

[اغابي]

فضحتوووووووووووووووووونا

يا زملكاوية

:closedeyes:

منظر مشجعينكم وحششششششششششششششششش

:P :P :P :P

تم تعديل 2 أبريل 2011 بواسطة اغابي

[مغتربة]

معقوله انا مشوفتش و على بال ما قلبت فى اعلانات

طيب ايه السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[قاهريه]

لو هي دي كرة القدم الله الغني عنها

شكل مقزز جداجدا ...واظن كده لن يستأنف الدوري العام

المهم الان سلامة اللاعيبه وخاصة الضيوف

[اغابي]

يا جماعة لسة مصر فيها انفلات امنى شديد

للاسف دى الحقيقة ........... ومش وقت مباريات خالص

[مغتربة]

يا جماعه الى شاف المباراه من الاول يا ريت يقولى ايه السبب

[لماضة مصرية جدا]

:

اللي معايا في الشقة بيقولي شفت الثورة ياعم

ادي اللي اخدناه من الثورة

:blink:

انا اعترض

هي الجملة دي بقت تتقال كتير كده ليه!!!

الحاج حسن.....منعني من دخول قهوة المصريين النهاردة...و قالي نفس الجملة اللي فوق

ايه بقي اللي حصل في الملعب!!!!!

[capitshino]

يا جماعه الى شاف المباراه من الاول يا ريت يقولى ايه السبب

انا ماشفتش المبارة من الاول بس الزمالك جاب جون واتلغى بسبب التسلل

نزل احد جماهير الضيوف على ما اعتقد اولا ثم نزل مشجع تونسى اخر

بعدها نزل مشجع مصرى وضرب الحكم بايده اكتر من مرة

بعد كده مش عارف ايه اللى حصل

ناس كتير جدا وكله بيجرى ورا كله ... مولد وصاحبه غايب

[capitshino]

هو المصور المتخلف ده مبيفهمش

أزاي النقل متواصل حتى الان

لا تواصل البث احسن

ولو حضرتك بتتكلم عن العقوبات فاحنا نستحقها فعلا

[Ahmed Anwer]

معقوله انا مشوفتش و على بال ما قلبت فى اعلانات

طيب ايه السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خرجوا من دور ال 32

و الحكم لغي جون في الوقت الضايع عشان أوفسايد و هوا فعلا اوفسايد

و كان لسه فيه وقت بس المتخلفين اقتحموا الملعب

لحد دلوقتي مش متخيل اقتحموه إزاي ،، أول مرة اخد بالي إن فيه بوابات بين المدرجات و أرضية الملعب

و طبعا مفيش لا أمن و لا نيلة

[capitshino]

اللي معايا في الشقة بيقولي شفت الثورة ياعم

ادي اللي اخدناه من الثورة

الموضوع مش طبيعى وغير منطقى

نزول ارضية المعلب للى زار استاد القاهرة قبل كده مش بالسهولة دى خصوصا ان الامن المركزى كان متواجد

[fatfouta]

بعد أحداث استاد القاهرة.. أنا مع إلغاء النشاط الكروي في مصر إلى أجل غير مسمى..

[capitshino]

فضحتوووووووووووووووووونا

يا زملكاوية

:closedeyes:

منظر مشجعينكم وحششششششششششششششششش

:P :P :P :P

والله يا اخت اغابى الموضوع مش زمالك واهلى لان جماهير للاهلى كتير كانو هناك رغم ان لهم ماتش فى جنوب افريقيا حاليا

ورغم انى احب اشجع الزمالك الا اننى كنت عاوزه ينهزم !

[الغريب]

العيال الزملكاوية نفضوا الاستاد منهم لله

قطعوا شبك الأجوان والإعلانات ،، ليه كدة بس ؟؟

كدة بالسلامة ومفيش دوري السنة دي ، أو تكون المباريات بدون جمهور

[Ahmed Anwer]

بلال فضل ،،،

أيادي الثورة المضادة وفلول الفساد ،، واضحة

بهزر طبعا

[Abu Reem]

فضحتوووووووووووووووووونا

يا زملكاوية

:closedeyes:

منظر مشجعينكم وحششششششششششششششششش

:P :P :P :P

حتى في الكورة نثير الفتن ونقول مشجعيكم ومشجعيناواهلي وزمالك

يعني هما الزملكاوية مش مصريين

- وعلي فكرة كان في وسط الالاف اللي نزلت الملعب واحد بجلابية ( يمكن سلفي ارهاب مخرب) واكيد كان فيه واحد بذقن اكيد اخوان ، اما الباقين كانوا من فلول النظام السابق اللي كانوا ماسكين البلد ومعظمهم اهلاوية علشان كده الاهلي كان بياخذ الدوري اكثر من الزمالك

علي فكرة انا بهزر معاك ، والله. لاني قرأت لك بعض المداخلات في مواضيع اخرى اليوم

وحبيت بس ألفت النظر ان اي حدث يمكن توجيهه الي اي وجهة نريدها طالما هناك اهلي وزمالك، مسلم ومسيحي ، سلفي او اخواني او علماني

وطبعا ما حدث امر مفاجئ وغريب ولا يصح من شباب مصر الذي صورته اصبحت مشرفة في كل مكان في العالم

لكن ما حدث اليوم لا اعرف صراحة ما سببه هل الناس ضاق بها لدرجة انها اصبحت تنفجر لاقل سبب

مرة اخري ، معذرة وارجو قبول هذه المزحة من زملكاوي قديم لكنه يحب الاهلي ويشجعه عندما يلعب مع اي فريق غير مصري واحب ادارة ناديه المحترمة 

[rewsha]

اللقطه بتتعاد دلوقتي عل قناة الحياة الحمراء