مهزلة بمباراة الزمالك والافريقى التونسى

[مغتربة]

http://www.youtube.com/watch?v=hwARiqiMQcM&feature=player_embedded

[capitshino]

http://www.youtube.com/watch?v=9XBoovYo9mw&feature=player_embedded#at=12

[مغتربة]

بعد ما اتفرجت اقدر اقول لا بجد عيب عيب عيب

بغض النظر دى جماهير زمالك و لا اهلى انا بتكلم على سلوك مصريين

كانوا لازم يدوا صوره مشرفه لثورتهم و يبينوا انهم اد مسئوليه استقبال ضيوف

انا شيفاها فضيحه بكل المقاييس

كان لازم يكون فى تامين امنى اكتر من كدا لان دى صوره مصر مش لعبه

[capitshino]

رصد| عاجل | استاد القاهرة |مراسل رصد : لاعبى الزمالك تحمى لاعبى تونس وتأمن خروجهم من الاستاد ويشكلون دروع بشرية لحمايتهم

[التونسى]

ادعولنا يا جماعه .. تحت بيتى قهوتين .. وبسبب المتش فيه مجزره حاليا دايره .. وزجاجات وسيوف ..وحاجات بتنفجر .. وستات بتصوت .. وانا كلمت الجيش ومستنيه

هو فيه ايه يا شعب .. ايه الخوف والرعب ده ..

[Simba]

باسم شعب مصر العظيم احنا اسفين يا تونس

http://www.facebook.com/sorry.tunise?sk=wall

[capitshino]

طيب سؤال

تفتكرو الموضوع ده منطقى . ولا فى تحريض

فريق عاوز جون علشان يصعد وباقى 5 دقائق ويحصل كده وبالصورة دى

ونزول الملعب مش سهل للدرجة دى

بجد مش عارف ايه اللى بيحصل ولمصلحة من

[اغابي]

فضحتوووووووووووووووووونا

يا زملكاوية

:closedeyes:

منظر مشجعينكم وحششششششششششششششششش

:P :P :P :P

حتى في الكورة نثير الفتن ونقول مشجعيكم ومشجعيناواهلي وزمالك

يعني هما الزملكاوية مش مصريين

- وعلي فكرة كان في وسط الالاف اللي نزلت الملعب واحد بجلابية ( يمكن سلفي ارهاب مخرب) واكيد كان فيه واحد بذقن اكيد اخوان ، اما الباقين كانوا من فلول النظام السابق اللي كانوا ماسكين البلد ومعظمهم اهلاوية علشان كده الاهلي كان بياخذ الدوري اكثر من الزمالك

علي فكرة انا بهزر معاك ، والله. لاني قرأت لك بعض المداخلات في مواضيع اخرى اليوم

وحبيت بس ألفت النظر ان اي حدث يمكن توجيهه الي اي وجهة نريدها طالما هناك اهلي وزمالك، مسلم ومسيحي ، سلفي او اخواني او علماني

وطبعا ما حدث امر مفاجئ وغريب ولا يصح من شباب مصر الذي صورته اصبحت مشرفة في كل مكان في العالم

لكن ما حدث اليوم لا اعرف صراحة ما سببه هل الناس ضاق بها لدرجة انها اصبحت تنفجر لاقل سبب

مرة اخري ، معذرة وارجو قبول هذه المزحة من زملكاوي قديم لكنه يحب الاهلي ويشجعه عندما يلعب مع اي فريق غير مصري واحب ادارة ناديه المحترمة 

يااااااااااااه يا ابو ريم - اثارة فتن مرة واحدة :hysterical:

لا ما يهمكش ما انا بضحك طبعا -

ما هو حاقول - ان جيت للحق يعنى هو الامر محزن للغاية والمنظر ما كنش حضارى

:P :P لكن لازمن وحتمن انى استفز الزملكاوية واقوم بالواجب اللى عليا كمواطنة اهلاوية - وبما فيهم اختى وجوز اختى

بعتالهم يجي 5 رسايل على الموبايل - استفزازية من وقت اللى حصل فى الماتش وطبعا انا اهلاوية صميمة ابا عن جد عن عائلة اهلاوية

لولا اختى هى اللى خرجت عن العيلة من وقت ما اتجوزت واحد زملكاوى ومن يومها وانا غضبانة عليهم والزملكاوية حالهم فى النازل

شكرا واى خدمة يا زملكاوية

[fatfouta]

دى خطة طبعا عشان تشوية صورة المشجعين المصريين

والزملكاوية هيعملوا كده ليه وهما كانوا فايزين اصلا وكان فاضل اربع دقايق !!!!

[capitshino]

ادعولنا يا جماعه .. تحت بيتى قهوتين .. وبسبب المتش فيه مجزره حاليا دايره .. وزجاجات وسيوف ..وحاجات بتنفجر .. وستات بتصوت .. وانا كلمت الجيش ومستنيه

هو فيه ايه يا شعب .. ايه الخوف والرعب ده ..

ربنا يستر يا اخ التونسى ويعدى الايام دى على خير

ممكن نعرف فى اى منطقة ان امكن ؟

[capitshino]

رصد | إبراهيم حسن مدير الكرة يدعو الجماهير للنزول إلى أرض االملعب في مباراة الإياب في القاهرة

____________________

انا فاكر كلامه كويس ... هو فعلا قال كده

[jasmin hamed]

بلاش نظرية المؤامرة تطغى على كل حاجة فى حياتنا

بتحصل فى كل دول العالم بنشوفها كلنا فى مباريات انجلترا وفرنسا

ربنا مش رايد للزمالك لا دورى و لا افرقيا

المنحوس منحوس

[fatfouta]

باسم شعب مصر العظيم احنا اسفين يا تونس

http://www.facebook.com/sorry.tunise?sk=wall

وجروب تانى يا سمبا

احنا اسفين ياتونس. دول بلطجيه مش شباب التحرير

[fatfouta]

[se_ Elsyed]

أنا مصدوم حتى الالن ومنتظر حد يقول لي إن ده كان كابوس

إحتفاء غير عادي بفريق الزمالك بتونس ... وإستحضار لذكريات الثورتين

احتفاء غير عادي بالتوانسة في مصر وتوقيع إتفاقية توأمة بين الزمالك والأفريقي التونسي امس في احتفال جميل

لافتات ترحيب وحفاوة بالتوانسة اليوم بالأستاد والكل جاي يفرح

ثم ماذا ؟

وماذا إذا انهزم الزمالك ؟

ومن غسل دماغ كل هؤلاء الأوباش حتى ينزلوا كالجراد ويدمروا الأخضر واليابس .؟

أين وزارة الداخلية التي أصدرت بيان أول أمس أن هناك تأمين خاص للمباراة ؟

من يحاسب هذا البلطجي إبراهيم حسن الذي صرح بعد مباراة الذهاب أنه يدعو جماهير الزمالك إلى النزول في أرض الملعب رداً على نزول شخص واحد تونسي إلى أرض الملعب ؟

الكابتن العجيب أحمد حسام ميدو ليس مقيداً بالزمالك .... نزل بعد إنتهاء الشوط الاول وعلى الهواء يسب الدين لمدرب الأفريقي التونسي في مشهد عجيب

أين المحكمة العسكرية من هذا ؟

أنا مش قادر أركز ...

أنا أسف للتوانسة المحترمين ..

نقل 7 لاعبين توانسة للمستشفى

انا لا أجد ما اقوله ..

أنا أدعو إلى إلغاء كرة القدم وتسريح جميع اللعيبة عشان الجماهير ترتاح

[capitshino]

الجيش يتدخل وإصابات بين لاعبي الفريقين

[capitshino]

بلاش نظرية المؤامرة تطغى على كل حاجة فى حياتنا

بتحصل فى كل دول العالم بنشوفها كلنا فى مباريات انجلترا وفرنسا

ربنا مش رايد للزمالك لا دورى و لا افرقيا

المنحوس منحوس

بره المتفرجيين بيكون قاعدين فى الملعب تقريبا

انما فى مصر وفى وقت زى ده بالذات

[اغابي]

يا جماعة الموضوع مش مترتبله ولا حاجة - لان ظاهر جدا من البداية انا كنت متابعة اللى حصل من اول لحظة

ان مشجع واحد فقط - نزل فى الاول وهو السبب الله يسامحه - كان لا بس شورت وبعدين حاولو يمنعوه

وبعدين نزلو كمان 6 او 7 وهكذا بالتسلسل نزل كل الباقيين

هو زى ما انا قولتكلم - فى مصر حاليا حالة من الانفلات الامنى الشديد

- احنا مش مؤهلين اننا نعمل على ارضنا اى ماتشات حاليا - لسة لما الامور تستقر يا جماعة

لكن لا اعتقد انه وراه مؤامرة - مش للدرجة

ربنا يسترها واحنا فعلا اسفــــــين يا تـــــونس

[fatfouta]

هما مين اللى لابسين ترنجات سوداء دول؟؟ شرطو ولاجيش ولا لجان شعبية؟؟؟

[se_ Elsyed]

أنا طالبت بكده يا جماعة

عقوبات البلطجة لازم تبقى علانية .. وفي ميدان عام ... وعلى الهواء ....

لا تهاون في ذلك

نحن في وقت نريد ان نجعل البلبطجية ومن يريد الخروج عن النظام عبرة لمن يعتبر ... ونجعل من تسول له نفسه يرتدع ويفكر مليون مره قبل ان يرمي زبالة حتى على الارض