مهزلة بمباراة الزمالك والافريقى التونسى

[التونسى]

ادعولنا يا جماعه .. تحت بيتى قهوتين .. وبسبب المتش فيه مجزره حاليا دايره .. وزجاجات وسيوف ..وحاجات بتنفجر .. وستات بتصوت .. وانا كلمت الجيش ومستنيه

هو فيه ايه يا شعب .. ايه الخوف والرعب ده ..

ربنا يستر يا اخ التونسى ويعدى الايام دى على خير

ممكن نعرف فى اى منطقة ان امكن ؟

الحمد لله الجيش وصل.. وصل ..وصل ((مع الاعتذار لماجد الكدوانى فى فيلم الفرح))

متقلقش اخى الفاضل انا مش فى القاهره .. بس المعركه اللى حصلت تحت بيتى اكتشفت انها مش بسبب المتش:closedeyes: ..رغم انها بدات فى نفس وقت مشكلة ماتش الزمالك بالضبط ولذلك حصل اللبس ده عندى

دى أفراد من عيلة ((اللِ لِى )) كانوا بيفسحوا كلبين بتوعهم .. قوم ايه طلع عليهم شوية بلطجيه عايزين يسرقوا الكلاب ,, وعنها وعيلة ((اللِ لِى)) اتصلت بحلفاءها .. لاسترداد مسروقاتها فى معركة ((الكلب)) .. ونتج عن ذلك تحطيم القهوتين وبعض العربات:blink:

على فكره فى اول ايام الثوره كانت فيه مطارده برده فى شوارع منطقتى بالسلاح الالى .. وكانت معركه بين سماكين وفكهانيه من السوق القريب من منطقتى واسفرت عن موت شخص

دا غير معركة ((الدهب)) .. ومعركة ((يأجوج ومأجوج)) .. ومعركة ((السجن)) ,, دا الواحد شاف ايام:unsure:

المهم بجد انا حكون سعييييييييييييييييييييييييييييييد جدا ان نشاط الكره يتلغى رغم انى بعشق كرة القدم .. لكن بجد الواحد ملوش نفس لاى متعه فى ظل ظروف البلد

[fatfouta]

غُلبنا نقول بلاش كورة دلوقتى ولا مباريات فى مصر

عشان احنا لسه مش مهيأين امنيا لحماية المباريات ومافيش فادية كانهم بيعندوا معانا

ياريت نلغى الكورة خااااالص دلوقتى احنا مش ناقصين

[se_ Elsyed]

هما مين اللى لابسين ترنجات سوداء دول؟؟ شرطو ولاجيش ولا لجان شعبية؟؟؟

دول زي امن مركزي بيبقوا قاعدين طوال المباراة حوالين أرضية الملعب ووشهم للجماهير عشان لو حد نزل الملعب

لما يكون المنظر بالالوفات كده مستحيل يقدروا يعلموا حاجه

الان قيادات كبيرة من الجيش موجوده في الملعب ....

وياريت بقى مافيش حد يخرج من الملعب ... ويجيبوا شريط المباراة وكل العيال دي تسجن ما بين 5 إلى 15 سنة ..... ويتحاكموا في نفس أرضية الأستاد

هي دي الرياضة ؟؟؟؟؟؟؟؟ظ

[ozoozo]

بعضا من التعليقات علي الخبر بالمواقع الاخباريه

-انت فين ياكبير

-ولا يوم من ايامك ياعادلي

- ولا يوم من ايامك ياريس

-ادي نتائج الثوره الفاشله

-الثوره خلقت الفوضي في كل مكان

........وبعدين؟؟؟

تم تعديل 2 أبريل 2011 بواسطة ozoozo

[arkan]

بلاش كورة قدم لغاية مانتعلم الروح الرياضية واحترام قوانين اللعبة

مش قادرة بجد اقول حاجة

عيب بجد

[se_ Elsyed]

الخبر نزل على اليوم السابع

وفي ثانية واحده ليس اكثر ... أنطق كلاب مبارك وكلاب الحزب الوطني ليطالبوا بعودة حبيب العادلي ومبارك لإن ما يفنعش معاهم غير كده

فعلاً في ناس دواها العبودية .. ودواها الضرب بالكرباج

[ozoozo]

رصد| منذ قليل | حسام حسن يتعرض للإغماء بعد إندفاع الجماهير .. والجيش يتدخل بـ"الدبابات"

تفتكروا ممكن يكون حامل:blink:

>>>>>>>>

ده تعليق واحده تونسيه علي الفيس

انا تونسية و نقول عادي و ماصار شيء اكيد يالي صار هم من اعذاء الثورة المصرية =)) و بش ندعولكم بش ربي يبعدهم عليكم =)) و لكن مهما فعلواا فاننا نحبووووكم برشااااااااااااااا

تم تعديل 2 أبريل 2011 بواسطة ozoozo

[fatfouta]

يا عييييينى

عاليوم السابع التعليقات بتقول

فينك يا كبيرررر

فين ايامك يا عادلى البلد خربت من بعدك

والله دى قلة ادب

[jasmin hamed]

ايه علاقه الثوره انتو ناسين التراس الزمالك عمل ايه فى ماتش السله الى بين الاهلى و الزمالك

موضوع التراس من قبل الثوره بقى حاجه لاتطاق

[se_ Elsyed]

السؤال هنا

هل سنظل نتباكي ونشتكي من الثورة المضادة ومن المؤامرات بدون فعل ؟

أكثر من شهرين الأن على بلطجة الجحوش والحمير في ميدان التحرير .... ماذا حدث حتى هذا الحين ؟

وكيف يُتم الحكم على 120 بلطي منهم سراً بدون حتى ان نعرف من هم .. ومن وراءهم وما أقوالهم ومن حرضهم ؟

عارفين ليه ؟

إنا قولت وبأبصم بالعشرة إن الاحكام العسكرية رادعة وكافية وأكثر ..

لكنها سرية ولا تردع الباقين

لا حول ولا قوة إلا بالله

[Abu Reem]

اولا شكرا يا اغابي علي روحك الرياضية وتقبلك للمزحة بصدر رحب واستعدي بقى لبعض المشاكسات مني في مواضيع اخرى احيانا اقرأ فيها ردود لك بتغيظني

مش عارف ايه حكاية الاهلاوية طول عمرهم يغيظوا فينا

بس خلاص عهد عمو مبارك انتهى. وسيعود الدوري للفئة المستضعفة الزمالك والاسماعيلي

الا. في حالة واحدة لو مبارك رجع تاني بعد المظاهرة المليونية بتاعة يوم 25 ابريل اللي بتطالب برجوعه

( الظاهر انهم اهلاوية )

اما فيما يتعلق بما حدث فلي وجهة نظر جت علي بالي دلوقتي

- قرأنا منذ ايام عن موضوع ان سمير زاهر وراء موضوع الاعتداء علي حافلة الجزائر في القاهرة وايضا وراء موضوع تمثيلية مباراة ام درمان

- ليه ما يكونش اللي حصل مدبر منه علشان يطلع ويقول ان احداث الشغب اللي بتحصل في مباريات الكرة شئ طبيعي ممكن يحدث في اي مباراة والدليل ما حدث في مباراة الزمالك وان ماحدث في مباراة الجزائر في مصر كان ايضا امر مفاجئ لم يكن من الممكن منعه

- أو السناريو الاخر ان يكون ما حدث اما مدبر من اعداء. زاهر علشان يضربوه بالقاضية بعد هذه المباراة خاصة بعد التصريح الذي نشر من انه وراء احداث مباراة الجزائر وبكده تكون المطالبة بتنحيته امر مشروع ومنطقي بعد كل هذه الاحداث

- معلش احتمال اخير ، ان يكون ما حدث مدبر فعلا من بلطجية النظام السابق لتشويه صورة الثورة وتشويه مستقبلها بافساد مباراة كرة قدم بهذا الشكل الهمجي ومن المعروف ان مباريات الكرة اصبحت من اهم الوسائل التي تثير الفتن بين افراد الجماهير المختلفة لنفس البلد وايضا بين جماهير البلدين المتنافسين

فمع اي سيناريو تتفقوا

تم تعديل 2 أبريل 2011 بواسطة Abu Reem

[se_ Elsyed]

لا أتفق مع أي سيناريو من هؤلاء

فالذي حدث هو نتيجة التقصير الامني

[se_ Elsyed]

بصُوا يا جماعة وإستعجبوا على الخبر اللي نزال من ساعتين عن احكام رادعة على البلطجية

أصدرت المحكمة العسكرية بالمنصورة أحكام رادعة ضد 35 من البلطجية الذين تم ضبطهم أثناء محاولة ارتكابهم جرائم ضد المواطنين فى الأسبوع الماضى.

المحكمة قضت بالسجن 5 سنوات ضد من ارتكب جريمة حيازة سلاح أبيض وترويع الآمنين، واستعراض القوة مع وضع المتهمين تحت مراقبة الشرطة لمدة خمس سنوات أخرى، ومصادرة السلاح فيما قضت بمعاقبة المتهمين فى قضايا السرقة بالإكراه بالسجن المشدد 10 سنوات، وكان الحكم فى قضايا الشروع فى السرقة السجن 7 سنوات وعاقبت المحكمة 4 حاولوا سرقة نصف مليون جنيه، من شركة للدواجن بالسجن 15 عاما.

يا ترى يا هلى ترى ... خايفين على مشاعر البلطجية ؟

ولا مش عاوزين يشهروا بهم عشان دي ناس محترمة ؟

ولا عادي نحكم عليهم ونخلص بقى ومش مهم اللي جاي ؟

[Abu Reem]

لا أتفق مع أي سيناريو من هؤلاء

فالذي حدث هو نتيجة التقصير الامني

طيب من له مصلحة في استغلال هذا التقصير

والسؤال الثاني هل معني ان ما حدث ليس وراؤه اي سيناريو مقصود هل معني ذلك ان ما حدث هو تصرف عشوائي كده حصل من جماهير الزمالك يصل بهم الي تمزيق الشباك وتحطيم الكراسي

قد يكون هذا مفهوم لو كانت مباراة بين الزمالك ومنافس مصري اخر

اما تحطيم المدرجات وتمزيق الشباك وهذه الصورة الهمجية في مباراة في ملعبنا نحن وليس ملعب الافريقي التوتسي. امر غير منطقي

الا اذا كان هناك من يتعمد تشويه الصورة

كده انا يمكن اقتنع اكثر بالسيناريو الثالث

لاني استبعد ان يكون ما حدث بهذا الشكل يكون تصرف عشوائي ومجرد تقصير من الامن فقط

تم تعديل 2 أبريل 2011 بواسطة Abu Reem

[se_ Elsyed]

لا أتفق مع أي سيناريو من هؤلاء

فالذي حدث هو نتيجة التقصير الامني

طيب من له مصلحة في استغلال هذا التقصير

والسؤال الثاني هل معني ان ما حدث ليس وراؤه اي سيناريو مقصود هل معني ذلك ان ما حدث هو تصرف عشوائي كده حصل من جماهير الزمالك يصل بهم الي تمزيق الشباك وتحطيم الكراسي

قد يكون هذا مفهوم لو كانت مباراة بين الزمالك ومنافس مصري اخر

اما تحطيم المدرجات وتمزيق الشباك وهذه الصورة الهمجية في مباراة في ملعبنا نحن وليس ملعب الافريقي التوتسي. امر غير منطقي

الا اذا كان هناك من يتعمد تشويه الصورة

كده انا يمكن اقتنع اكثر بالسيناريو الثالث

لاني استبعد ان يكون ما حدث بهذا الشكل يكون تصرف عشوائي ومجرد تقصير من الامن فقط

الموضوع كان واضح وصريح وماحدش خبى حاجة

1- تهديدات وتحريض من الجهاز الفني للفريق

2- تهديد صريح من ألتراس الزمالك قبل المباراة بأجتياح الملعب في يحالة خسارة فريقه

يبقى في إيه اكتر من كده ؟

[fatfouta]

تحريض ابراهيم حسن لجمهور الزمالك بنزول ارض الاستاد

http://www.youtube.com/watch?v=qPkuoM5pPPs&feature=player_embedded

[capitshino]

تابعو العاشرة مساء على دريم 2 .. مغطية الموضوع

[fatfouta]

انا مصرى ومش عايز كوره تانى انا عايز ابنى بلدى

[fatfouta]

رصد |عاجل | الان | لاعبوا النادي الإفريقي وكل المسؤولين التونسيين كل الصحافيين التونسيين يتوجهون الأن إلى مطار القاهرة تحت حراسة الجيش المصري

[se_ Elsyed]

يدخلوا الحمامات يكسروا الأحواض وكل شيء كل شيء ... ليه ؟؟؟؟

دمروا الأستاذ عن بكرةأبية ... ليه ؟

هجموا على الصحفيين المصريين في مقصورة الإعلاميين وضربوهم وكسروا كاميرات التصوير ... ليييييييييه ؟؟

جردوا لاعبي تونس من ملابسهم وتركوهم كما ولدتهم امهاتهم وغارقين في دماءهم ... ليه ؟

مدرعات الجيش تدخل إلى ارضية الملعب !!!!!!!!!!!!!

مع نزول أول 10 مشججعين أرض الملعب الشرطة قامت بالإنسحاب تماماً ... تاني .؟ لييييييييييييييه ؟

مين اللي سمح للناس دي تدخل بالشوم والعُصي ؟

ما هذا الكابوس ؟

ولمصلحة من ؟

ومن وراء ذلك ؟