دعوة سلفية لإزالة التماثيل الفرعونية

[se_ Elsyed]

لكن مااختلف معك فيه هو طريقة الكلام في هذا الموضوع

وايضا عمر ماكانت الصحف المقروءة دليل قاطع وخصوصا في هذه الايام

يا عم الحج بنقول سمعت الراجل بوداني الإتنين دووووووووووووووووول ..... ونقلت الكلام بدون حرف ناقص أو زايد ... في أكتر من كده ؟

----------

الموضوع مفتوح على أساس بما يعني ضمنيا

لا يا عم طارق ...

ضمنياً دي من عند الموقع الإخباري

لكن أنا باطلب منك شخصياً تفسير لجُملة " التماثيل الفرعونية تُشبة تماماً الأوثان التي كانت حول الكعبة ...

واحدة واحده وعايزين تفسير منك ...

[الدكتورة أم أحمد]

عندك حق يالونا في إن عدم وجود مبرر للتقيم السالب يجعل الإنسان يحتاج إلى توضيح ولذلك أطلب من الأستاذه أغابي تعليل لماذا أعطتني سالب

مهم معرفة لماذا السالب من باب إن الإنسان يقوم نفسه

ويستفيد

تحياتي وودي

اتفضلى مشاركتك يا سيدتى الفاضلة

--------

الله يحرقك يا أخي

أنا مش مصدق ...

إنتوا مخلوقين من أنهي طينة ؟

الشيخ الكريم قال رأيا مخالفا لرأيك وهو رأي خالفه فيه مشايخ آخرين على أساس أن النهي كان أيام كانت التماثيل تعبد!!!؟؟؟

ولكن هذا رأيه فلماذا لم تحترم رأيه خاصة وأنه رأي غير ملزم ولم ولن يتبعه فعل

أين احترام الآخر؟؟؟

بل أين الإلتزم بالماده الأولى من دستور الموقع

الدكتور ام احمد

اعتقد ان دفاعك فى هذه المشاركة سواء من قريب او من بعيد ومتناسية تماما مصلحة هذا الوطن

يعد فى حد ذاته كارثة وطنية من الدرحة الاولى

ايضا ما بلانى وما اصابنى عدد التقيمات ممن هم سرقهم التيار وقيموكى فى هذه المشاركة بتقيمات ايجابية تشجيعا منهم لك

تشجيعا لك على ماذا - هذه بلدك - هل لى ان اذكرك بانها بلدك وان مصر هى وطنك

يا دكتورة يا فاضلة الكلام لازم فى الفترة دى يكون بميزان دهب - بميزان حساس

ادى مشاركتك اهى افهم منها ايه بقى ؟؟؟ افهم انك بتدافعى عن وجهة نظر الشيخ ولا عن رايه

وحريه التعبير - تعبير ايه وانشا ايه - داه موضوع منتهى بدل ما تقولو للاستاذ س س - الف شكر انك خلتنا ناخد بالنا من اللى ممكن يحصل فى مصر

هاجمتوه بكل ما تملكون من اسلحة - هى دى الشكرا - المنتدى كله بقى ليه قبلى كدا وعائلات - كاننا فى البادية عيلتك وعيلتى - مجموعتك ومجموعتى

ونسينا مصر والفترة الصعبة اللى بنمر بيها كلنا

سؤال صريح ما رايك فى هدم الاثار المصرية يا ام احمد سواء التى تعتبر تماثيل او التى لا تعتبر تماثيل

كما كان سؤالك لس س - تتسالين هل كل الاثار تماثيل

سؤال غريب

طب افرض مش كل الاثار تماثيل - ايه رايك يا فندم - نهدم شوية ونخلى الباقى

وايضا مشاركتك

بصرف النظر هذا الأمر أنا شخصيا أرى أن التنمية والعمل الإنتاجي أفضل مليون مرة من الإعتماد على السياحة خاصة وأنها تهتز لأي عارض.

ثم هل كل الآثار المصرية تماثيل؟؟؟؟

تصدقى يا دكتورة كويس انى لسة اعصابي حديد بعد مشاركتك التى اصابتنى فعلا لانى كنت انتظر منك مشاركة اخرى

وانا لا اشكك ابدا فى وطنيتك ولكن هل يجوز هذا الرد ...... هل هذا ما انتظره منك فى الدفاع عن اثار بلدك وحضارتها

شكرا

ألف سلامة على أعصابك يا أغابي كثيرا ما أجدك منفعلة بدون داعي أو بسبب سوء الفهم

سأفترض معك جدلا أن الشيخ مخطيء ألا يمكن أن نقول له أنت مخطيء باستخدام كلمات طيبة أم أن الكلمات الطيبة ستعصانا

وأفترض أيضا أن الشيخ هو فرد أقل من العادي بالنسبة لشعب مصر أليس من الواجب أن نتكلم عليه بأسلوب مهذب بدلا من أن نصف كلماته بأنها فضلات تخرج من فمه وندعو عليه أن يحرقه الله وغير ذلك

وأتعجب أنك تستهيني بإهانة رجال الدين وأنت ممن يقدسون رجال الدين وتنتفضي غضبا لمجرد ذكر أحدهم بدون درجته الكنسية

المشكلة تكمن في التهويل وتصوير الأمر على أنه نذير خطر وخلاص التتار جايين وغير ذلك من الألفاظ الرنانة

ولا تنسي أننا نتناقش على أمر لم نسمعه حتى هذا اللحظة( وصدقا لا أكذب س س فهو ثقة )ولكن وطبقا لسياسة المنتدى -لا بد من توثيق المعلومات- كان الواجب المطالبة بالتسجيل الصوتي والمرئي لها

أو حذف الموضوع

ولو أنا صاحبة الموضوع وعجزت عن الأتيان بالمصدر من بدايتة كنت أكيد هاخد إنذار وطبعا سيحذف الموضوع

عموما لا يلومني أحد بعد ذلك إن قلت رأيت بعيناي كذا...............

سمعت بوداني

قيل لي من ثقات وغير ذلك

وألفت نظرك لأن حكم التماثيل هو خلاف فقهي

لا يلام من يأخذ بأي من هذيين الرأيين(فهما لعلماء ) والله أعلم

وأطمنئك لن تجدي من الشعب المصري أحد أحرص على مصر ولا أكثر حبا لها ولا عملا من أجلها أكثر من أهل الدعوة السلفية

ولا أنفي عن غيرهم ذلك

الفاضلة ام احمد ايضا احد مشاركاتك

بل: بإخوان والسلفية مصر هتفضل حرة أبية

أمامن شعارهم (لفيها لخفيها)

أو (أنا وإلا تولع البلد والديمقراطية)

فمصيرهم إن شاء الله إلى زوال

فى مصري يحب مصر يقول الجملة دى

او انا والا تولع البلد

شكرا يا ام احمد

أقرئي ما كتبته بتجرد لتفهمي من قصدت

أعتذر أنني تأخرت عليك في الرد لوجود مشكلة في الموقع

وأيضا وقتي ضيق

تم تعديل 9 أبريل 2011 بواسطة الدكتورة أم أحمد

[tarek hassan]

لكن مااختلف معك فيه هو طريقة الكلام في هذا الموضوع

وايضا عمر ماكانت الصحف المقروءة دليل قاطع وخصوصا في هذه الايام

يا عم الحج بنقول سمعت الراجل بوداني الإتنين دووووووووووووووووول ..... ونقلت الكلام بدون حرف ناقص أو زايد ... في أكتر من كده ؟

الموضوع مفتوح على أساس بما يعني ضمنيا

لا يا عم طارق ...

ضمنياً دي من عند الموقع الإخباري

لكن أنا باطلب منك شخصياً تفسير لجُملة " التماثيل الفرعونية تُشبة تماماً الأوثان التي كانت حول الكعبة ...

واحدة واحده وعايزين تفسير منك ...

عارف إن دا من الموقع الإخباري

أنا أبحث عن لفظ للهدم فلا أجد

وأبحث عن فتوى لتغيير المنكر باليد فلا أجد

انتفت إرادة الفعل وانتفت الفتوى به وبقيت جملة تعبر عن رأي

لفظ ( تشبة ) أداة تشبيه فعلية لا تدل على أن التماثيل هي نفسها الأصنام لأن شبه الشيء غيره دائما كما تعلمت

إن كان يقصد أن هيئة كلاهما واحدة نعم ربما من وجهة نظره

ولكنه هل قال الحكم واحد ؟ وهل ذكر حكما ؟ وهل حدد من يقوم بتنفيذه إن وجد ؟

نحن أمام

حكم فهم ضمنيا

وأمام تغيير للمنكر باليد لم يقل أصلا فأين الموضوع ؟

هذا ما قصدته

ولك كل الشكر والتقدير

تم تعديل 9 أبريل 2011 بواسطة tarek hassan

[Alshiekh]

الفاضلة ام احمد ايضا احد مشاركاتك

بل: بإخوان والسلفية مصر هتفضل حرة أبية

أمامن شعارهم (لفيها لخفيها)

أو (أنا وإلا تولع البلد والديمقراطية)

فمصيرهم إن شاء الله إلى زوال

فى مصري يحب مصر يقول الجملة دى

او انا والا تولع البلد

شكرا يا ام احمد

أقرئي ما كتبته بتجرد لتفهمي من قصدت

أعتذر أنني تأخرت عليك في الرد لوجود مشكلة في الموقع

وأيضا وقتي ضيق

أستاذة أغابى ، معليش الموضوع التبس عليكى لوجود خطأ املائى

الدكتورة أم أحمد لم تضع مسافة بين ( اما ، من ) فظهرت كالتالى ( أمامن )

والأصح أن تكتب الجمل هكذا :

أما من كان شعارهم ( لفيها لخفيها )

أو ( أنا وإلا تولع البلد والديمقراطية )

فمصيرهم إن شاء الله إلى زوال.

يعنى الدكتورة لم تقصد ابدا مافهمتيه من جملتها.

[اغابي]

الفاضلة ام احمد ايضا احد مشاركاتك

بل: بإخوان والسلفية مصر هتفضل حرة أبية

أمامن شعارهم (لفيها لخفيها)

أو (أنا وإلا تولع البلد والديمقراطية)

فمصيرهم إن شاء الله إلى زوال

فى مصري يحب مصر يقول الجملة دى

او انا والا تولع البلد

شكرا يا ام احمد

أقرئي ما كتبته بتجرد لتفهمي من قصدت

أعتذر أنني تأخرت عليك في الرد لوجود مشكلة في الموقع

وأيضا وقتي ضيق

أستاذة أغابى ، معليش الموضوع التبس عليكى لوجود خطأ املائى

الدكتورة أم أحمد لم تضع مسافة بين ( اما ، من ) فظهرت كالتالى ( أمامن )

والأصح أن تكتب الجمل هكذا :

أما من كان شعارهم ( لفيها لخفيها )

أو ( أنا وإلا تولع البلد والديمقراطية )

فمصيرهم إن شاء الله إلى زوال.

يعنى الدكتورة لم تقصد ابدا مافهمتيه من جملتها.

جايز فعلا

عموما انا اى مشاركة من ام احمد بانتظر قراءتها بشغف

لانى عارفة كويس مين هى الفاضلة ام احمد

والست ما فيش بينى وبينها غير كل احترام لانها فعلا محترمة على حق

مش تظاهريا او منظرة - لكنها فعلا ست مثقفة ومحترمة

وانى اكن لها كل تقدير

واتمنى ان المشاركة اكون فهمتها غلط

ميرسي للتوضيح استاذ محمد

دى بقى لام احمد

[الدكتورة أم أحمد]

هو فيه ايه ياجماعة ؟؟

دى طريقة حوار ؟؟

ناس تدافع عن آراء ملهاش لاأصل ولا فصل وناس تقول عميل وخائن وجاسوس ومش عارف ايه؟؟

وايه حكاية ...انا من النصارى ....ياأغابى ؟؟؟

وايه حكاية انك تقولى كلام بيجرح على العلن ..رغم انك قولتيه ف رسائل شخصية ؟؟

وايه حكاية م.حكيم؟؟

وايه حكاية التقييمات السالبة اللى عمالين تدوها لبعض وكأننا هنا (( بنعاند بعض )) ومش عايزة اقول كلمة تانية ..

عايزين الصراحة ....

محدش فيكم بيحب مصر..

سامعانى ياأغابى ؟؟؟ سامعين كلكم ...سامعين ..

كلكم بتتكلموا بس.بتتكلموا وبتكيلوا لبعض الاتهامات على الفاضى ...

اتضح ان الأنفجار حدث من مخلفات الحرب ...يعنى حاجة قديمة ..

وده ف حد ذاته..ملهوش أى دخل بالخبر اللى ف الموضوع .

واتضح ان السلفية ملهومش دعوة بالأنفجار ده..

الله؟؟

بتضطرونى ارد على العلن...ليه؟؟

رغم الشكوى ...ورغم ان الموضوع بين اثنين من الأعضاء ...ووصلنا رسائل ...والصراحة يعنى حاجة تكسف فعلا ...وتراشق غير طبيعى بالألفاظ..

لكن؟؟ تحولوا ساحة الخلاف على العلن....؟؟

اذن...الجزاء من نفس العمل ..نرد بقى احنا كمان هنا..

كل واحد من حقه يقول رايه بالذوق والأدب وبدون أى تجريح..

كلنا مصريين..

مفيش هنا طائفية ..

مفيش اضطهاد..مفيش اى كلام فارغ من ده..

واحنا فعلا فعلا مصريين ...ولا نحابى لاافغانستان ولا فسادستان ولا غلبستان ولا فقرستان ولا بلاوىستان ..

فوقوا بقى ...حراااااام.

مسمعتوش عن ديون مصر؟؟؟مشفتوش اللى حصل انهاردة ؟؟ محدش فيكم بص حواليه؟؟

انا بقى مش حقول تحت رجليه ولا للنجوم (( زى أغابى )) لأن تفكيرى بيختلف ...يمكن بحكم السن والخبرة والى شفناه وعصرناه.

محدش حايهد أى تماثيل ولا أى معابد .....

ديننا دين بناء...مش هدم؟؟؟

لو كانت التماثيل لازم تتهد كان هدها عمرو بن العاص ..

لو كانت الكنائس لازم تتلغى مكانش صلى على سلالمها عمر بن الخطاب ..

اصحوا كدة وصحصحوا ......وروحوا اتناقشوا ازاى ترجعوا اللى اتسرق ...روحوا شوفوا حاتعملوا ايه..

ف اللى سرق مصر وخللاها نضيفة ....من اللى فوقها ...,واللى تحتها ..

سرقوا اللى على الأرض...,اللى تحت الأرض ..

حتى مقابر الفراعنة ..و...جثثهم...لم تسلم من اياديهم..

و....

لن يتم اغلاق الموضوع..

خللوه...شاهد على اختلاف المصريين .

وأزاى بيسيبوا المهم..ويتخانقوا على اللاشئ .

سلام.

أنا بحييك يأخت سلوى على هذه المشاركة

عندما عدت للمحاورات بعد أكثر من شهر غياب وهي أيام الثورة توقعت عناوين مختلفة جدا للمنتدى الذي يتغني أهله جميعا بحب مصر وأنا منهم

ولكن حقيقي اتفجعت من عنوايين المواضيع ومافي المشاركات

كنت بتمنى أجد أفكار سهلة أننا نطبقها كمجموعة أفراد أنا وغيري نرفع بها خصاصة هذا الشعب

الشعب الذي أيام اللامبارك وجد عشش بمبلغ زهيد يسكن فيها ووجد فتات العيش يقتات به

الآن وبعد الثورة سيطرد من هذه العشش لأنه لا يجد إيجارها ولا يجد قوت يومه

أما عن المرضى الذين لا يجدون الدواء فحدثي ولا حرج

الطبقة التي كانت تجد قوت يومها تنضم الآن للطبقة المعدمة

أقول ما سبق عن علم ورؤية لمثل ذلك ويعلم أن إني أكتب هذه الكلمات ودموعي تملأ عيناي وأشعر كأن صخرة تجسم على صدري لما عاينت

والله أسأل أن يوسع أرزاق المصريين ويسددهم جميعا لما فيه خير هذا البلد الحبيب

ويهيء لنا أمر رشد

كنت بتمنى أجد تقارب وتفاهم بين الجميع ونلتقي جميعا عند حب مصر والعمل لمصر وندع غير ذلك

الفاضلة أغابي وردتك مقبولة ولك أحلى بوكيه ورد

وأرجو إن ما يكونش تغيير كلماتك لأني أعطيتك معرفش ازاي موجب )

لكن هقول أيه أرزاق

تم تعديل 10 أبريل 2011 بواسطة الدكتورة أم أحمد