اغرب العادات الكورية

[Howayda Ismail]

من أغرب العادات في كوريا غسل أقدام الطلاب مره في السنة كل عام

والذي يقوم بغسل تلك الأرجل هم المعلمين أنفسهم كدليل شكر للطلاب على سماعهم لأمر المعلم طوال العام الدراسي .

هذا التقليد السنوي في كوريا يتم في الرابع عشر من شهر ايار قبل يوم واحد من عيد المعلم الذي يصادف في منتصف الشهر

ياريت الاحترام والتقدير ده كان موجود بين الطلاب والمدرسين عندنا مكنش ده يبقى حالنا دلوقت

الفرق بين المدرس هناك انه بيمد ايده يغسل رجل تلميذه

عندنا بقى فى الاغلب يمدها يااماعشان يشحت سيجارة يا اما عشان مصاريف الدروس الخصوصية

والطلاب عندنا حدث ولا حرج مافيش اى احترام من اى نوع

ليه عندنا مابنتعلمش الا العادات الوحشة وبس

فى راى لو رجع دور المدرسة تانى فى التربية قبل التعليم زى زمان وبجد مش شعار حاجات وحشة كتير

حتتغير بس البيت يساعدها لان ايد لوحدها متصقفش

[Dreamwithme]

:blink: :blink: :blink:

مش عارفة بصراحة غريبة جدا.......بس استحالة تتعمل هنا في مصر إلا مايبقي في احترام متبادل بين الطالب والمعلم

يعني أنا أخدت بالي من الجملة دي:

والذي يقوم بغسل تلك الأرجل هم المعلمين أنفسهم كدليل شكر للطلاب على سماعهم لأمر المعلم طوال العام الدراسي .

[Howayda Ismail]

يادريم احنا مش عاوزين نفس الصورة

انما عاوزين الاحترام والتربية ترجع تانى

كثير من المدرسين اتسببوا فى تدنى اخلاق التلاميذ بالتخلى عن احترامهم لنفسهم

لو مرتبات المدرسين اتحسنت بحيث تضمن لهم عيشة كريمة ومحترمة صدقينى اداءهم المهنى حيتغير كتير

وهم نفسهم حيرفضوا يدوا دروس خصوصية وحيشتغلوا بضمير فى المدرسة

المدرس مش حيدخل الفصل قرفان زى مابيحصل دلوقت ويسب ويلعن فى العيال والمحترم منهم بيحاول يشرح

ولما مش بيلاقى استجابة من العيال بيكبر دماغه ويقعد

لو الحكومة احترمت المدرس ساعتها بس حيجبر الاولاد على احترامه والانتظام غصب عنهم فى المدارس لان ساعتها

مفيش بديل غير المدرسة

[Dreamwithme]

عندك حق يامدام هند والمفروض حاليا في الظروف اللي إحنا فيها وإحنا بنبني مصر جديدة

يكون أول حاجة نهتم بها التعليم وطبعا عشان التعليم يتحسن لازم الدولة تقدر المعلم ماديا صح وتدربه تدريب جيد وتضع مناهج جيدة تبني المستقبل بجد

[وطني حر]

ممكن يكون عندنا في عيد المعلم الطالب بغسل ارجل المعلم . لان المعلم فقد هيبتــه . امام الطلاب ..

والمعلمين يغسلو ارجل ناظر المدرسه والناظر يغسل ارجل المدير . .

[وطني حر]

ممكن يكون عندنا في عيد المعلم الطالب بغسل ارجل المعلم . لان المعلم فقد هيبتــه . امام الطلاب ..

والمعلمين يغسلو ارجل ناظر المدرسه والناظر يغسل ارجل المدير . .

[Howayda Ismail]

ممكن يكون عندنا في عيد المعلم الطالب بغسل ارجل المعلم . لان المعلم فقد هيبتــه . امام الطلاب ..

والمعلمين يغسلو ارجل ناظر المدرسه والناظر يغسل ارجل المدير . .

بس الاول كل واحد من دول يغسل رجل ابوه ولا امه ساعتها يبقى فى امل

[لماضة مصرية جدا]

السلام عليكم و رحمة الله و بركاته

انا مش شايفة الصورة لسه....بس لما قريت الخبر...قولت ايه ده...دهدي

لا بقي هو يعني الاحترام لازم يجي بغسيل الرجلين.....و ده بيفكرني لما بيبقي اتنين لسه متجوزين و بعدين يطلب منها في مشهد تاريخي مصيري بيحسم رغبته الدفينة في التعدد فيما بعد ......انها تناوله الجزمة و يتطور الامر انها تديله علي دماغه...(دي هلاوسي الخاصة اللي عارفة اني اجبن من اني اعملها علي فكرة).....و بعدين يقولها اغسليلي رجليا :blink: :blink:

عندي عشرميت سؤال بس هكتفي ب..:

1- طب المعلم بقي...اللي طالع عينيه من الغباء المتاصل المتنامي المتوازي مين بقي يغسل ليه ايديه بلاش رجليه...هتبقي محرجة شوية؟؟؟

2- طب هو ايه علاقة الاحترام اصلا بغسيل الرجلين.....الا اذا كانت الرجلين تلعب دور مهم في سماع الولاد للكلام....ده اذا كان الكلام من عينة...اعملوا الواجب يا اما هجبلكم ابو رجل مسلوخة مثلا.

3- ايه السلم الوظيفي بتاع غسيل الرجلين يعني...(وش اي موظف في الضريبة العقارية).....يعني المعلم يغسل رجلين الطلاب.....و الناظر يغسل كوع الفراش و الفراش يكب ميه ع المعلم.....ايه دورة الحياة يعني؟؟؟؟

ع فكرة من امتع القراءات هي لما تقري عن اصول العادات....بتكتشفي كوميديا طحن...و بتكتشفي طريقة تفكير الناس

شكرا يا طنط هند علي التوبيك...

للاجابة عن الاسئلة

ابعتولي اي عيل صغير هتلاقوني واقفة علي الحوض.....عندي غسيل كتير ;)

فوتكم بعافية.....و راحة الانسان تبدا من القدمين.....(صوت اعلان باتا القديم حد فاكره!!!)

[Alshiekh]

طيب ممكن نبص للموضوع من منظور آخر

الكوريين ليسوا هم اول من فعل ذلك

فى قصة العشاء الأخير قام السيد المسيح عليه السلام ، بعد العشاء الأخير قام بغسل اقدام تلاميذه الإثنى عشر وجفف اقدامهم بمنشفة كان يضعها عول خصره.

قام بعمل ذلك ليس فقط تعبيرا عن الحب والمحبة ، ولكن ايضا ليعطى درسا فى كيفية ان يكون القائد هو الخادم فى نفس الوقت.

[Alshiekh]

وأكيد أحنا مش حانوافق ان الكلام ده يحصل عندنا للأسباب الموجودة فى الصور التالية

[Howayda Ismail]

طيب ممكن نبص للموضوع من منظور آخر

الكوريين ليسوا هم اول من فعل ذلك

فى قصة العشاء الأخير قام السيد المسيح عليه السلام ، بعد العشاء الأخير قام بغسل اقدام تلاميذه الإثنى عشر وجفف اقدامهم بمنشفة كان يضعها عول خصره.

قام بعمل ذلك ليس فقط تعبيرا عن الحب والمحبة ، ولكن ايضا ليعطى درسا فى كيفية ان يكون القائد هو الخادم فى نفس الوقت.

فعلا هذا ماوجدته من معلومات مع الخبر المنشور انه اقتداء بعيسى عليه السلام

لكن لانى اول مرة اسمع بها خشيت انقل معلومة غلط

وطبعا اكيد الفكرة مرفوضة عندنا لكن اللى يهمنا هو مغزى الفكرة نفسها وهى التواضع

وكما تفضلت حضرتك بان خادم القوم سيدهم

شكرا لحضرتك استاذ محمد