لسنا كفار قريش.. ولستم أصحاب النبى !!

[Ahmed Anwer]

(( استاذى الفاضل لا ضير فى كونك لست من السلف ))

فيه ضير طبعا إني مش من السلف ،، كاسم و كرمز للإسلام النقي

هاقول لحضرتك فكرتي جت منين ،،

كلمة واحد (( سلفي بالمناسبة )) قالهالي ،،

قالي : الدين حلقات ،، مينفعشي تاخد حلقة واحدة

ده لما كنت باسئله عن رايه في جماعة التبليغ و الدعوة ،، و طبعا الحلقة اللي كان يقصدها ،، حلقة الدعوة إلي الله ،،

لو شوفتي المناهج أو الجماعات الإسلامية عامة ،،، هتلاقي كلها نفس الفكرة

تاخد حلقة من حلقات الدين (( حلقة عظيمة و لا خلاف عليها و من افضل ما يمكن )) و يتم التركيز عليها بما يؤدي غالبا للشطط

هيا الصوفية كمثال فكري ،،، وحشة ؟؟

إطلاقا ،، دي يمكن من ارقي ما في الإسلام روحيا لكن شوفي وصلت لأيه

أنا أعتقد إن السلفية كمنهج بتقع في نفس الخطأ ،،

واخدين حلقة عظيمة من الدين ،، و مركزين عليها اللي هيا حلقة الطاعة العمياء و الإسلام لما جاء في القرآن و السنة نصا

و طبعا ده منهاج إسلامي لا يختلف عليه أثنان بل هوا المشتق منه اسم (( الإسلام ))

دايما لما كنت باحتك بيهم كان عندي صورة إن الإسلام مؤشر فيه جزء صغير أحمر و جزء صغير اخضر

و الباقي اشياء محتاجة تفسير و تفكير ،،

بالنسبالهم كنت بحس إن كل اللي في الوسط أحمر !!!! بإعتباره إن ده الأحوط ،،،

يعني أعتقد إنه منهج واخد نص الإسلام و بعيد شوية عن روحه و فهمه

و ده لا يمنع إن كتير منهم و إن لم يكن أغلبهم ناس افاضل و نتمني إن نصل لمستوي علاقتهم بالله سبحانه و تعالي

أنا يمكن مش عارف أعبر باسلوب سليم نتيجة لعلمي البسيط لكن أعتقد فيه علماء من نوعية الشيخ القرضاوي هيكونوا أقدر علي نقد هذا المنهج من ناحية دينية