التحفظ على اموال ثلاثى اضواء الفساد ومعاهم ابراهيم سليمان

[fatfouta]

التحفظ على أموال سرور والشريف وعزمي وسليمان وزوجاتهم وأولادهم

قرر المستشار عاصم الجوهري، مساعد وزير العدل لشئون جهاز الكسب غير المشروع اليوم، التحفظ على أموال الدكتور أحمد فتحي سرور رئيس مجلس الشعب السابق، وصفوت الشريف رئيس مجلس الشورى السابق، والدكتور زكريا عزمي رئيس ديوان رئيس الجمهورية، ووزير الإسكان الأسبق محمد إبراهيم سليمان، ومنعهم هم وزوجاتهم وأولادهم القصر من التصرف في أرصدتهم المصرفية وأموالهم السائلة والمنقولة وإدارتها.

كما قرر المستشار الجوهري، منع محمد إبراهيم سليمان وزوجته من السفر إلى خارج البلاد، وطالب محكمة استئناف القاهرة بتحديد جلسة عاجلة أمام محكمة جنايات القاهرة للنظر في تأييد القرار.

من جهة أخرى، أيدت محكمة استئناف القاهرة قرار المستشار الجوهري بالكشف عن سرية الحسابات البنكية والبيانات والمعلومات الخاصة بالودائع والخزائن والمعاملات النقدية المختلفة، الخاصة بكل من الدكتور فتحي سرور وصفوت الشريف وزكريا عزمي وزوجاتهم.

واستمع جهاز الكسب غير المشروع اليوم أيضا إلى أقوال اللواء محسن راضي مدير إدارة الكسب غير المشروع بمباحث الأموال العامة، بشأن حجم ثروات الدكتور فتحي سرور وزوجته، الذي قام بإعداد التقرير بشأنهما.

كانت التحقيقات الأولية، التي باشرها الجهاز بشأن ثرواتهما قد كشفت عن تضخمها على نحو يفوق قيمة ما حصلوا عليه من دخل وظائفهم، وأن تلك الثروات يمكن أن تكون وليدة استغلال لنفوذ سياسي.

جريدة الاهرام والمصرى اليوم

[fatfouta]

كما أمر المستشار عاصم الجوهري مساعد وزير العدل لشئون جهاز الكسب غير المشروع منع كل من ...

الدكتور «أحمد فتحى سرور» زوجته «زينب محمد الحسيني»،

و«صفوت الشريف»، وزوجته «إقبال محمد عطية حلبي»،

والدكتور «زكريا عزمي» وزوجته «بهية عبد المنعم سليمان حلاوة»،

والدكتور «محمد ابراهيم سليمان»، وزوجته،

من التصرف في أموالهم السائلة والعقارية والمنقولة، وجميع ممتلكاتهم على خلفية التحقيقات التي تتم معهم في قضايا كسب غير مشروع، وأحال المستشار الجوهري قرار المنع من التصرف إلى محكمة الجنايات ، وطلب تحديد جلسة عاجلة للنظر في تأييد القرار.

المصرى اليوم

[rewsha]

معليش

مُمكن حد يفهمني يعني ايه التحفظ على اموال فولان؟

والفرق بين التحفظ والتجميد؟

هل معنى التحفظ يعني صاحب الاموال مايتصرفش فيها ؟

وهل القرار ده هايتنفذ علطول وله لسه هايستنوا لما محكمة جنايات القاهره تُاْيد القرار ؟

عل جنب كده

تفتكروا همه في الكام شهر اللي فاتوا ماحاولوش يهربوا فلوسهم علشان عارفيين ان ممكن فلوسهم تتجمد هيه كمان؟؟

تم تعديل 4 أبريل 2011 بواسطة rewsha

[arkan]

اخيرا ابراهيم سليمان جابوه .. للظالم نهاية

حلو عنوان الموضوع يافتفوتة

[raouf]

للاسف بعد ايه ؟

الموضوع بح

تحفظو فقط على الاموال المعروفة والفلل المعروفة بتاعتهم

الاموال المختفية والمهربة واللى من تحت الترابيزة بخ

تم نقلها الى اسماء بعيدة كل البعد فى دول اخرى

على فكرة 90% من ثروة جمال مبارك من قبل الثورة باسماء اصدقاء له وليسوا اقارب

ومعظمهم مقيمون بلندن يديرون الاموال

بعد سنتين 3 نشوف ايه اللى رجع واتحدى لو زاد عن 2-3 مليار جنيه

للاسف مايجيش عمولة عملية قام بها اى منهم

وسلمولى على 3-4 فيلات اللى هيتحفظ عليها لكل منهم

[fatfouta]

عشان بقالهم اسبوعين بينبهوهم وبيقولوا

التحفظ عليهم خلال ساعات وبعد كده يطلع شرور يقول الكلام اللى بيتقال عنى دى قلة ادب وانا بخر وبرجع عادى والناس بتسلم عليا فى الشارع وبتاخدنى بالاحضان

الواحد زهق من البطئ بصراحة

[rewsha]

اعتقد اننا نبقى بنضحك على نفسنا لو قعدنا نستنى الفلوس دي ترجع

و كُلنا دلوقتي بقى عارف اننا مش هانطول حاجه, ولو طولنا .يبقى زي ماحضرتك تفضلت وقولت يا استاذ رؤوف.

الحل اننا نفكر نبني مصر بجد ونبص للي جاي مش نبص على اللي فات

المطلوب بس من المُحاكمات هيه عقوبة الحبس .ومانحطش امل كبير على الفلوس, يعني نشفي غليلنا منهم وهمه في الحبس

لكن لو مافش حبس ومافيش فلوس

يبقى اروح انتحر احسن .

[fatfouta]

التحقيق مع الشريف وسرور وعزمي وسليمان نهاية الأسبوع الجاري

قال المستشار عاصم الجوهري – رئيس جهاز الكسب غير المشروع – في تصريحات لـ"الدستور الأصلي" أنه سيتم نهاية هذا الأسبوع التحقيق مع كل من صفوت الشريف وزكريا عزمي وفتحي سرور وإبراهيم سليمان في البلاغات المقدمة ضدهم والتي تثبت تضخم ثرواتهم بطريق غير مشروع.

وأضاف الجوهري أنه تم ندب 4 قضاة للتحقيق مع المسؤولين السابقين والتي ستبدأ في نهاية الأسبوع الحالي وستستمر للأسبوع القادم.

حيث تم ندب المستشار منتصر صالح للتحقيق مع زكريا عزمي رئيس ديوان رئيس الجمهورية السابق، والمستشار أحمد طلبه للتحقيق مع صفوت الشريف رئيس مجلس الشورى السابق والأمين العام للحزب الوطني سابقا، والمستشار صفوت طره للتحقيق مع فتحي سرور رئيس مجلس الشعب، والمستشار خالد شرين للتحقيق مع إبراهيم سليمان وزير الإسكان الأسبق.

[rewsha]

عشان بقالهم اسبوعين بينبهوهم وبيقولوا

التحفظ عليهم خلال ساعات وبعد كده يطلع شرور يقول الكلام اللى بيتقال عنى دى قلة ادب وانا بخر وبرجع عادى والناس بتسلم عليا فى الشارع وبتاخدنى بالاحضان

الواحد زهق من البطئ بصراحة

ههههه اسبوعين.

ده انتي طلعتي طيبه قوي يا فُتفُت

على فكره .انا كُنت.و كُنت فعل ماضي ...كنت طيبه زيك كده

يابنتي الناس دي من اول ما الثوره حصلت ده اذا ماكانش من قبل الثوره .وهمه مهربين فلوسهم اول باول خارج مصر.وعاملين حساب كل حاجه .كل اللي حصل ان بعد الثوره هاتلاقيهم بس حاولوا يخفوا الفلوس دي وهيه بره عن طريق بقى انهم يسجلوها باسماء وهميه

انما انتي مُعتقده ان فلوسهم بتبقى هنا في مصر؟

هافترض ان الفلوس كانت في مصر فعلا .ياحبيبتي من اول الثوره هاتلاقي كل واحد عمل حسابه وظبط ورقه وفلوسه

انا دلوقتي باُْنادي بحبسهم. دي الحاجه الوحيده اللي ممكن تشفي غليلي وهمه مشرفين على البُرش وقاعدين فُرجه للناس اللي رايحه تشمت فيهم

[raouf]

اعتقد اننا نبقى بنضحك على نفسنا لو قعدنا نستنى الفلوس دي ترجع

و كُلنا دلوقتي بقى عارف اننا مش هانطول حاجه, ولو طولنا .يبقى زي ماحضرتك تفضلت وقولت يا استاذ رؤوف.

الحل اننا نفكر نبني مصر بجد ونبص للي جاي مش نبص على اللي فات

المطلوب بس من المُحاكمات هيه عقوبة الحبس .ومانحطش امل كبير على الفلوس, يعني نشفي غليلنا منهم وهمه في الحبس

لكن لو مافش حبس ومافيش فلوس

يبقى اروح انتحر احسن .

لاااااا

كده اختلف معاكى اختى روشة

ليه نفرط فى حقنا

حقنا ناخده منهم ومن اولادهم ومن اولاد اولادهم واصحابهم كمان

فين جهاز المخابرات اللى زهقنا من الكلام عن امكانياته

فين مباحث الاموال العامة

فين عباقرة الاقتصاد والبنوك اللى بيلهفوا ملايين

فين البنك المركزى

تعرفى حضرتك ان بره الشركات اللى ليها ديون ومسروق منها فلوس بتاجر تحريين سريين لكشف التحويلات والامور المستخبية كمان

وبياخدوا نسبة !!!

انا عندى استعداد لو الامر بايدى وكنت الحاكم انى اتفق مع شركة ترجع فلوسنا ان شالله تاخدها كلها بس لا اتركها لهؤلاء الكلاب ليتمتعوا بها هو واولادهم

وليكونوا عبرة لمن يجاول ان يكرر نفس العملة

[rewsha]

لاااااا

كده اختلف معاكى اختى روشة

ليه نفرط فى حقنا

حقنا ناخده منهم ومن اولادهم ومن اولاد اولادهم واصحابهم كمان

يا استاذ/رؤوف

حد يكره ان الفلوس المسروقه ترجع , ياريت نقدر نرجعها ,وبعدين حضرتك بنفسك لسه قايلها

بعد سنتين 3 نشوف ايه اللى رجع واتحدى لو زاد عن 2-3 مليار جنيه

للاسف مايجيش عمولة عملية قام بها اى منهم

وسلمولى على 3-4 فيلات اللى هيتحفظ عليها لكل منهم

وبعدين مش معنى كلامي اننا نسيب الفلوس خالص .انا اقصد ان موضوع الفلوس هايطول قوي.لكن حبسهم ده هوه اللي ممكن يكون في وقت قريب

[عادل أبوزيد]

منذ أسبوعين تقريبا شاهدت حوار مع الدكتور محمد عبد العزيز مدير البنك الأهلى الأسبق تطرق فيه إلى آليات إسترداد الأموال.

ما سبق كان إستهلالا لابد منه

قال الرجل نفس مقولة الفاضل رؤوف بأن هناك فى الخارج شركات كبيرة متخصصة فى تتبع الأموال المهربة و إستعادتها نظير نسبة معينة من هذه الأموال و أن هذا النشاط - نشاط تتبع و إستعادة الأموال المهربة - نشاط معروف و يدار بطريقة حرفية و مضمونة.

ليت السيد وزير العدل يتواصل مع كبار رجال البنوك من أجل دراسة آليات إسترداد الأموال المنهوبة.

[se_ Elsyed]

أنا متفائل بطبعي

لكن في نفس الوقت أنا مستعجب من بطء المجلس العسكري .. وبطء الإجراءات القضائية اللي عامله زي المطافي اللي بتوصل تاني يوم بعد الحريقة ما تخلص

[fatfouta]

اهم يوم الخميس هيستدعوا زكريا والزغلول الكبير (جيمى) بتهمة تضخم الاموال اما نشوف اقوالهم هتبقى ايه...

استدعاء جمال مبارك وزكريا عزمى للتحقيق بتهمة «تضخم الثروة»

أمر المستشار عاصم الجوهرى، مساعد وزير العدل لشؤون الكسب غير المشروع، باستدعاء الدكتور زكريا عزمى، رئيس ديوان رئيس الجمهورية السابق، غداً الخميس، وجمال مبارك نجل الرئيس السابق، الأسبوع المقبل، للتحقيق معهما فى اتهامهما بتضخم ثرواتهما بما لا يتناسب مع مصادر دخلهما المشروعة.

كان اللواء محسن راضى، مدير إدارة الكسب غير المشروع بمباحث الأموال العامة، قد أكد فى أقواله الثلاثاء أمام المستشار منتصر صالح، رئيس هيئة الفحص والتحقيق، أن زكريا عزمى يمتلك 4 فيلات فى مارينا والغردقة والتجمع الخامس وأبوسلطان بالإسماعيلية، وشقة بالمعمورة، وشقتين بمصر الجديدة، ورابعة بالمعمورة. وذكرت التحريات بشأن ثروة جمال مبارك أنه يمتلك العديد من الحسابات فى البنوك والبورصة داخلياً وخارجياً، لا يتناسب حجمها مع مصادر دخله المشروعة. وطلبت هيئة الفحص والتحقيق استدعاء ضباط الرقابة الإدارية لمناقشتهم فى تحرياتهم عن ثروات الرئيس السابق وزوجته سوزان ثابت، ونجليه علاء وجمال وزوجتيهما هايدى راسخ وخديجة الجمال، وتناقش اليوم التحريات عن ثروات صفوت الشريف وزوجته، وأحمد فتحى سرور وزوجته، بعد أن أفادت التقارير امتلاكهم قصوراً وفيلات وحسابات بنكية وثروات تضخمت بطرق غير مشروعة. وشهدت محكمة جنايات القاهرة، الثلاثاء، مشادات بين المدعين بالحق المدنى والشهود، أثناء محاكمة أحمد المغربى، وزير الإسكان السابق، وعهدى فضلى، رئيس مجلس إدارة أخبار اليوم السابق، ورجلى الأعمال وحيد متولى وياسين منصور. وكانت المشادة بسبب اعتراض المحامين على أقوال الشهود الذين قرروا أن متر الأرض التى خُصصت لمؤسسة أخبار اليوم لا يزيد على 300 جنيه عام 2006، فيما قال المحامون إن سعر المتر لا يقل عن 4 آلاف جنيه.

المصرى اليوم

تم تعديل 5 أبريل 2011 بواسطة fatfouta

[fatfouta]

«الأموال العامة» تلقي القبض على «إبراهيم سليمان».. ويمثل أمام التحقيق خلال ساعات

ألقت مباحث الأموال العامة في الواحدة من صباح الأربعاء القبض على المهندس محمد إبراهيم سليمان وزير الإسكان الأسبق، تنفيذا لقرار النيابة الصادر بضبطه وإحضارة.

كانت النيابة قد استدعته للتحقيق في بلاغات تتهمه بتخصيص ملايين الأفدنة من أراضي الدولة لبعض من أفراد أسرته ورجال أعمال أخرين بالأمر المباشر وبأسعار تقل كثيراً عن ثمنها الحقيقي، إلا أن سليمان لم يحضر فاصدرت النيابة قرار الضبط.

وتوجهت قوة من مباحث الأموال العامة إلى فيلا «سليمان» بالتجمع الخامس في الواحدة من صباح الأربعاء، وألقت القبض علية دون أي مقاومة.

وعلمت «المصري اليوم» أن التحقيق سيبدأ مع وزير الإسكان السابق خلال ساعات.

تم تعديل 6 أبريل 2011 بواسطة fatfouta

[fatfouta]

«الكسب غير المشروع» يستدعي صفوت الشريف للتحقيق معه الاثنين

أمر المستشار عاصم الجوهري مساعد وزير العدل لشؤون الكسب غير المشروع الخميس، باستدعاء صفوت الشريف رئيس مجلس الشورى السابق للتحقيق معه يوم الاثنين المقبل في الاتهامات الموجهه له وزوجته بتحقيق كسب غير مشروع عن طيق استغلال وظيفته.

ويباشر التحقيقات المستشار أحمد طلبة رئيس هيئة الفحص والتحقيق، بعد أن قرر منعه من السفر والتحفظ على أمواله وأموال أسرته التي تبلغ 10 فيلات و8 شقق و10 شركات إنتاج ودعاية و6 سيارات بالإضافة إلى بعض الأسهم.

وكانت التحقيقات كشفت تضخم ثروات الشريف وأسرته بطريقة غير مشروعة، إذ امتلك وزوجته ونجليه أشرف وإيهاب 4 فيلات بالتجمع الخامس، واحدة لزوجته و3 بأسماء أبنائه، وفيلا في «أبو سلطان» بالإسماعيلية، وفيلا في «ميراج سيتي» بسيدي كرير بالساحل الشمالي، وفيلتين باسمي أشرف وإيهاب بمنتجع «هاي سنيدا» بالساحل الشمالي، وفيلا بقرية الدبلوماسيين باسم أشرف، وفيلا أخرى باسم الأخير في مارينا.

ودلت التحريات أيضًا أن أشرف وإيهاب يمتلكان 5 شقق سكنية في أحياء مصر الجديدة والدقي والمهندسين، و3 شقق فندقية في «بورتو السخنة» بالعين السخنة، إلى جانب أسهم بالشركة المصرية للأقمار الصناعية، وأسهم بمدينة الإنتاج الإعلامي خاصة بصفوت وزوجته ونجليه، وامتلاكه وأبنائه أكثر من 10 شركات تعمل في إنتاج المسلسلات التلفزيونية والدعاية والإعلان، و6 سيارات خاصة بنجليه أشرف وإيهاب.

المصرى اليوم

[Simba]

ملايين افدنة

ملايين دي والله كلمة تخض

حتي لو كانت صحرا

بس ملايين دي ايه بلد مالهاش صاحب

[fatfouta]

ملايين افدنة

ملايين دي والله كلمة تخض

حتي لو كانت صحرا

بس ملايين دي ايه بلد مالهاش صاحب

لا وهو ومراته وولاده ثروتهم متضخمة فى عز ما فيه ناس مش لاقية تاكل

ربنا ينتقم منهم

[capitshino]

حبس زكريا عزمى على ذمة التحقيق بسبب تضخم ثروته

___________

الاخبار دى فقط يوم الاربعاء والخميس

[ام سلمي]

رصد | مصر | مصدر مطلع بجهاز الكسب غير المشروع | استدعاء أحمد فتحي سرور، رئيس مجلس الشعب المنحل للتحقيق معه غدًا الثلاثاء بمقر الجهاز للنظر في تضخم ثروته.

رصد | مصر | أنباء عن حبس صفوت الشريف وترحيله إلى سجن المزرعة