ربنا يوعدنا ويوعدكم بالفيلا بس...الاقامة الجبرية لااااااااااء

[fatfouta]

من المصرى اليوم صور فيلا 212 اللى فيها البيه (حسنى مبارك) قاعد فى الاقامة الجبرية فى شرم الشيخ هو وولاده

شوفوا الشرح اللى مكتوب عن الفيلا وقصة بناءها فى الرابط هنا

بالصور..«فيلا 212» بيت الإقامة الجبرية لـ «مبارك» في شرم الشيخ

تم تعديل 5 أبريل 2011 بواسطة fatfouta

[fatfouta]

[مغتربة]

طيب مينفعش يحددوا اقامتى خميس و جمعه بس :P :P

[Dreamwithme]

أيـــــــــــــــــــــــــــــــــه الثورة القاسية دي؟!

مش ترحموا شيبة الراجل ....صاحب الضربة الجوية فتحت باب الحرية.......حد يعمل في أبوه كده؟!

مش من الايثيكس إننا نعمل كده في رئيسنا....مش من أخلاقيات الشعب المصري خالص

:Head:

يا عالم ياهو ....هي المصري اليوم بتعمل فينا كده ليه بالرغم من إنها جريدة محترمة

لكن تعملنا حوار مع فتحي شرور يجيب للواحد الضغط ثم تنشر هذه الصور تقوم تفقع المرارة

أنا كده متحمسة جدا لأننا ننقل المظاهرات والاعتصام ونزحف إلي شرم الشيخ ...مين معايا؟

ع جنب بقي يافتفوتة يا لهلوبة أنتي لحقتي ده الخبر لسه نازل مفيش دقائق أنتي بقيت أجدع من الجزيرة والبي بي سي

[se_ Elsyed]

كله من فلوسنا ودمنا وفلوس الغاز اللي بيتصدر للكلاب بتراب الفلوس

ما أجملها من ثورة ... وما أجمله من عقاب ....

طبعاً الفيلا دي جواها ما لذ وطاب ( موز .. جبنة رومي ... محشي ورق عنب ... ومش بعيد عيش توست كمان )

فعلاً زمانهم بيتعذبوا جواها يا عيني دلوقت

أقسم بالله كان أقل عقاب لمبارك وعائلته هو إنهم يسكنوا في بيت شعبي في الدويقة أو شقة أوضة وصالة وحمام مشترك في منشية ناصر

لمدة يوم بس ....

وكنا نشوف الست سوزان وهي شايلة القفص رايحة تشتري العيش من الفرن ... او مبارك وهو بيغير جلدة الحنفية وماسك الخرطوم وبيرش ميه قدام البيت .. ومسرح جمال وعلاء يلموا قُرص من ام عجوة رحمة ونور من اللي بتتفرق في التُرب ..

إيه .......... اللي انا بأقوله ده خيالات ؟.

هما مش ولاد 9 برضوا ؟

ولا من طينه وإحنا من طينة ؟

ومش هو اللي عرفنا في عهده الأسود يعني إيه ناس تسكن المقابر وتزاحم الاموات .. والعدد يوصل إلى 3 مليون ..

3 مليون بني ادم بيسكنوا المقابر في عهد الظالم اللي ما بيعرفش ربنا ولا خطر على باله إن في عقاب وجهنم منتظراه وهي فاتحه دراعتها له ولاولاده

3 مليون ساكنين بالمقابر .. وثمن قصر واحد من القصور دي كان كفيل بتوفير عيشه محترمه لهم طول العمر

ربنا ينتقم منهم ومن كل اللي حواليهم

[fatfouta]

طيب مينفعش يحددوا اقامتى خميس و جمعه بس :P :P

لااا بعد الشر عليكى يعنى يرضيكى ومصر اليومين دول برد كده تقعدى فى مكان على البحر وكمان فى كل مكان فى الفيلا فى حمامات سباحة؟؟؟

مش دى بتجيب ساقعة برضو

صعبوا عليا تصدقى؟؟....كل ماسمع عنهم اخبار بفتكر اهالى الشهداء اللى منهم ناس معدمة واطفال يتامى

حسبى الله ونعم الوكيل

[fatfouta]

أيـــــــــــــــــــــــــــــــــه الثورة القاسية دي؟!

مش ترحموا شيبة الراجل ....صاحب الضربة الجوية فتحت باب الحرية.......حد يعمل في أبوه كده؟!

مش من الايثيكس إننا نعمل كده في رئيسنا....مش من أخلاقيات الشعب المصري خالص

:Head:

يا عالم ياهو ....هي المصري اليوم بتعمل فينا كده ليه بالرغم من إنها جريدة محترمة

لكن تعملنا حوار مع فتحي شرور يجيب للواحد الضغط ثم تنشر هذه الصور تقوم تفقع المرارة

أنا كده متحمسة جدا لأننا ننقل المظاهرات والاعتصام ونزحف إلي شرم الشيخ ...مين معايا؟

ع جنب بقي يافتفوتة يا لهلوبة أنتي لحقتي ده الخبر لسه نازل مفيش دقائق أنتي بقيت أجدع من الجزيرة والبي بي سي

تويتر يا دريم والفيس بوك بينتشر فيهم الاخبار بطريقة سريعة جداا بيلقطوا الاخبار من الرايد قبل ماتلحق تنتشر

ماتخبطيش راسك فى الحيط قوووى

افتكرى بس بتوع (احنا اسفين يا ريس ) وخد الدوا وحالته النفسية سيئة والكلام ده

واحد على تويتر كاتب بيقول ادخله شوفوا الفيلا بس نصيحة كل واحد يبعت حد يجيب له كرسى متحرك احسن هتتشلووووا