** الإنقلاب العسكري المنتظر **

[Ahmed Anwer]

لا يخفي عليكم ما يتردد في المحاورات ،،

أن تطهير الجيش يجب أن يبدأ و إن المجلس الأعلي متواطأ و ليس متباطأ ،،

و إن شرفاء القوات المسلحة و رجال الصف الثاني أصبحت هذه لحظتهم المنتظرة ،،

في الواقع هم يرددون ما أنتشر علي الشبكة العنكبوتية حاليا ،،

ده المفروض إنه رائد في القوات المسلحة المصرية ،،

http://www.youtube.com/watch?v=5rtvv7aebvY&feature=player_embedded

ده المفروض ضابط متقاعد

http://www.youtube.com/watch?v=MlznS_h7zU4&feature=player_detailpage

شوية صفحات علي الفيس بووك ،،

******************

******************

******************

******************

******************

طبعا غير البيانات الثورية بتاعت الفيلد مارشال عمر عفيفي

كل الحاجات دي غير موثوق فيها ،، بس لازم نعرضها

و لي عودة

كما قلت يا سيدى .. صفحات الفيس بوك غير موثوقة ومخالفة للفقرة الآتية من "قواعد المشاركة" لذا حُذفت الروابط

فريق الإشراف

5. .................... مع مراعاة أن يكون مصدر الموضوع المنقول موثوقآ به

تم تعديل 6 أبريل 2011 بواسطة أبو محمد
إزالة مخالفة

[Simba]

والله انا حاسس ان فيه ناس بترتب علشان يحصل مصادمة بين الشعب والجيش وتبقي مصيبة

وما تبقاش ثورة تبقي نكسة

مفيش حاجة اسمها انقلاب عسكري الا الانقلاب العسكري علي الحاكم انما عسكري علي نفسه ده مستحيل

[Ahmed Anwer]

أنا مش بسوق للمجلس العسكري ،،

بس هأجيب شوية مقتطفات من مقالات نوارة نجم ،،

بالنوسبة بقى للنشطاء

ربنا يهديكم.. بلاش حماقة

على رأي احمد رجب امبارح قال لي: كل واحد يجيب ورقة يقسمها نصين ويكتب على اليمين مميزات المجلس العسكري وعلى الشمال عيوبه ولو هو منصف المميزات حتطلع اكتر من العيوب بكتير.. هو انتوا اتظبطوا على محطة اي حد كبير تقلوا ادبكم عليه؟

بس دي قيادات الجيش اللي مبارك وعمر سليمان وامريكا واسرائيل كانوا عايزين يغيروا عقيدتهم والعسار قال لهم خدوا معونتكم وبالسلامة، دي قيادات الجيش اللي طلب منها انها تحارب ايران والمشير قال لهم احنا مش مرتزقة، دي قيادات الجيش اللي قعدوا يعملوا البدع وينيموا في مبارك، وياخدوا الامريكان على قد عقلهم عشان يحتفظوا بمؤسسة عسكرية تضمن لنا ان لما القائد الاعلى يقول اضربوا الشعب يقولوا له: حننتحر انتحار جماعي كلنا من اكبر قيادة لأصغر عسكري

ده المشير اللي لما كلموه من ميدان التحرير وقالوا له القائد الاعلى بيقول لنا نسوي الميدان بالأرض قالهم: طب انا نازل التحرير انسفوه وانا فيه.. واسألوا اي ظابط جيش كان حاضر الواقعة، وافراد الجيش اول ما شافوه قعدوا يعيطوا من التأثر

ده المشير اللي عفا عن تلات ظباط ورجعهم شغلهم وهم عاملين حاجة اي جيش في الدنيا ما كانش فوتها لهم

انت كمان بتخسر نفسك قضيتك بأنك تقل ادبك وتتصرف بحماقة، ماهو انت لما تتعامل مع الجيش والمجلس العسكري والمشير طنطاوي على انه زيه زي مبارك، حتكون النتيجة انك تدي فرصة لحد يقول: طب على كده مبارك ممكن يكون كان مظلوم، اذا ناس دي مش عاجبها الجيش اللي بيحميها، ومش عاجبها ناس وطنية مستعدة تسمع لها، وبتعمل لهم اللي هم عايزينه، قالوا شيلوا الرئيس شالوهولهم، قالوا شيلوا رئيس الوزرا شالوهولهم، قالوا عايزين استفتاء عملوه، طلعت النتيجة مش عاجباهم راحوا عاملين لهم اعلان دستوري زي ما هم عايزين، راحوا قالوا الاعلان الدستوري وحش، لا بقى.. دول كانوا بيفتروا على مبارك بقى مدام هم كده..

والنتيجة مش حتكون ان مبارك يرجع، ممكن جدا ناس كتير تنتخب شفيق لأن انتم بتصوروا نفسكم على انكم ناس عوجين ومش عاجبكم حاجة فتخلوا الناس تتعاطف مع اي حد انتوا ضده، ويبقى "شفيق كان مظلوم على كده.. ادي اخرة الدلع، فضلوا يسمعوا كلامهم لحد ما نسيوا نفسهم وبقوا يتكلموا عن المشير"

الجملة دي انا سمعتها نصا من اكتر من حد

وعمالين الفجوة تزيد بينكم وبين الشارع.. والناس رايها فيكم ان اللي يوضيكم زي اللي ينجسكم ومش عارفين العدو من الحبيب وبس عندكم عقدة من نموذج الاب واي راجل كبير في السن عايزين تهزأوه

انتوا عارفين انتوا بتعملوا ايه؟

انتوا اي حد بيخدمكم لوجه الله بتشتموه، شتمتوا طارق البشري عشان قبل يعمل لكم تعديلات الدستور، وكان يقدر يتعذر ويقعد ينتقد وينفسن على اللجنة زي ما اللي القضاة اللي ما تمش اختيارهم قعدوا ينفسنوا على اللجنة، ولو كانت القوات المسلحة اختارتهم ما كانوش قالوا كل القرف اللي قالوه ده

شتمتوا المجلس العسكري والمشير طنطاوي اللي مبارك قال له انت غدرت بيا وانا اللي عملتك قال له: مصر اللي عملتني وعملتك.. وساند ثورتكم

شتمتوا عصام شرف اللي انتوا نفسكم مختارينه

عارفين اخرتها ايه؟ اخرتها واحد زي عمرو موسى ياخدكم على عقلكم، ويقول لكم كلام يريحكم، وفي الاخر يعمل اللي يخدم مصالحه هو مش مصالحكم

النقد حاجة وقلة الادب حاجة تانية والتخوين حاجة تالتة، اذا كنتوا زعلانين ان المجلس بيشك فيكم، انتوا كمان بتشكوا فيه.. عيب كده، هو كان عليه من ده بإيه؟

كل المطالب صح... وكل الاسلوب غلط.. ليه بقى الغباوة دي؟

[Ahmed Anwer]

هأحط سيناريو بقه من تخيلي ،،

الدبابات لما تنزل المرة دي ،،

الشعب مش هيستقبلها بالورود زي يوم 28 يناير ،،

،،، الشعب هيكون محيد المرة دي لأنه مش فاهم حاجة ،،

تاني خطوة ،،

أما يكون فعلا الناس دي منظمة و ليها خطة و ثقل في الجيش و الموضوع ياخد ساعات قليلة

يأما يكون ناس (( سواء آفاقين أو وطنيين )) واخدهم الجلالة و إذا كان الشعب الأعزل غير الحكم يبقي الضباط يغيروا القيادات بسهولة

لكن معندهمشي أي ثقل حقيقي في الجيش او عندهم خطة ،،

و ساعتها الجيش يطحن في بعضه ،، و ربنا يستر علي البلد

و الشعب برده هيقعد يتفرج و مناخدشي موقف لا ده و لا ده

في الآخر حد هينتصر ،، لو القيادات ،،

هنقلهم إحنا آسفين يا صلاح ،،

لو الثوار العسكريين ،،

هنسقفلهم و ايدينا علي قلبنا و نقعد نستني بقه العالم دي مايتها ايه ؟؟

أما يطلعوا فعلا ناس وطنيين أحرار و عايزين يطهروا و ينفذوا مطالب الثورة بحذافيرها

و ساعتها حتي لو كده علي أحسن تقدير ،، هيسيبولنا الجزء المدني

لكن الجزء العسكري ده بتاعهم بقه ،، ما هو مفيش عسكري هيشيل كفنه علي ايديه و يعمل المغامرة دي و ميخدشي حته من التورتة

ده المدنيين بيقطعوا في بعض و التورتة لسه ماستاوتشي ما بالك بالعسكريين

يأما النجاح ،، يطلعها في دماغهم و يبقوا عبد الناصر و عامر جداد ،،،

و ساعتها الشعب مش هيقفلهم لأنه هيكون زهق خلاص و جاب آخره فعلا

[شرف الدين]

أنا لست مع أي انقلاب عسكري كبيرا كان أو صغيرا

الانقلاب العسكري معناه ديكتاتورية مطلقة ...

بفرض حدوث هذا الانقلاب العسكري من قيادات شابة موالية للثورة.

فما الذي سيحدث...

سيحدث نفس ما حدث عام 52

انقلاب في جميع أجهزة الدولة ... وهذا الانقلاب بالطيع سيكون ضد كل من كان ينتمي للنظام القديم. ... وهذا بالطبع سيمثل راحة كبيرة لشباب الثورة لأنه سيرى مطالبه تتحقق.

ولكن شيئا فشيئا سنعود إلى ديكتاتورية الضباط الأحرار ... ومعادلة الشعب وأعداء الشعب.

ولن تترك قيادات هذا الانقلاب الحكم مطلقا في الانتخابات البرلمانية.

فعلينا إذن وقبل كل شيء أن نعترف بفضل الجيش في الوصول إلى ما نحن فيه الآن.

صحيح أن هناك علامات استفهام حول موقف الجيش من بعض القضايا .. ربما أهمها موقفه الغريب من الثلاثي ( عزمي - الشريف - سرور ). لكن بفرض حتى أن الجيش يحمي هؤلاء الثلاثة... هل يجعلنا هذا ننسى موقف الجيش من الثورة والثوار.

هذا الجيش الذي كانت له الكلمة الختامية في مسرحية الثورة.

لو نظرنا لحال الدول العربية ... سنجد أن الفائزين حتى الآن هما فقط التوانسة والمصريون ... وهذا بسبب الموقف المشرف لجيشي البلدين ... وعدم وقوفه في وجه الشعب.

إذا أردنا الاستمرار في الضغط على الجيش فليكن من خلال المؤتمرات والندوات .. التي لا تقوم بتخوين الجيش .. ولكن فقط تذكر قياداته بتصريحاتهم المتبنية للثورة .. وموقفهم المشرف منها .. وتطالبهم بالاستمرار في تبني مطالب الثورة حتى النهاية.

وعلينا دائما .. ألا نتطلع إلى الأمثل الذي قد يعمينا عن رؤية الأفضل.

حال مصر حاليا أفضل وليس أمثل.

فعلينا أن نشكر الله أولا ... على نعمة الأفضل ... ولا ننساها.

وأما الأمثل ... فإنه لن يتحقق بين يوم وليلة ...

فالطريق إلى الأمثل يمر بكل تأكيد عبر الأفضل

[mustafagamiel]

لا يخفي عليكم ما يتردد في المحاورات ،،

أن تطهير الجيش يجب أن يبدأ و إن المجلس الأعلي متواطأ و ليس متباطأ ،،

و إن شرفاء القوات المسلحة و رجال الصف الثاني أصبحت هذه لحظتهم المنتظرة ،،

في الواقع هم يرددون ما أنتشر علي الشبكة العنكبوتية حاليا ،،

ده المفروض إنه رائد في القوات المسلحة المصرية ،،

http://www.youtube.com/watch?v=5rtvv7aebvY&feature=player_embedded

ده المفروض ضابط متقاعد

http://www.youtube.com/watch?v=MlznS_h7zU4&feature=player_detailpage

شوية صفحات علي الفيس بووك ،،

*************************

*************************

*************************

*************************

*************************

طبعا غير البيانات الثورية بتاعت الفيلد مارشال عمر عفيفي

كل الحاجات دي غير موثوق فيها ،، بس لازم نعرضها

و لي عودة

حقيقي ده اتحسن فيديو اتفرجت عليه

والله فرحت كثير جدا

وان شاء الله الامل في الله ثم في الشعب ثم في الصف الثاني الشريف

******************

******************

واتمنى من رئيس الوزراء ان يتخذ موقف لاني اخشى عليه ان يتورط مع هذا المجلس

وعلى فكرة للاسف الشديد

هذا المجلس بعد هذه الفيدوهات هيتحرك ويتخذ بعض الخطوات للدفاع عن نفسه يعني ممكن تلاقيه اتخذ قرار لصالح الثوار لمجرد التهدئة

*************************

شكرا لك اخي على هذه الفدوهات التي سوف يكون لها اكبر الاثر ان شاء الله

تم تعديل 6 أبريل 2011 بواسطة أبو محمد
حذف مخالفات

[ام سلمي]

احتمال كبير فعلا ان الفيديوهات دي ثورة مضادة علشان تخوف الناس ينزلوا المظاهرة الجمعة

جبهة التهييس الشعبية

اللعب بقى ع المكشوف وكل شيجين انكشفن وبان

الفيديوهات دي معمولة لصالح الثلاثي المرح عشان تضرب مظاهرة الجمعة، أولا: دول مش ظباط جيش. معلومة مؤكدة. ثانيا: مش عايشين في مصر. ثالثا: مش مسموح لظابط الجيش انه يتظاهر، ويحق للشرطة العسكرية في حالة ما اذا تظاهر انها تضربه بالرصاص.. واي حد دخل الجيش عارف الكلام ده، والناس اغلبها داخل الجيش، الناس مش سيس ولا عندها واسطة تخليها ما تروحش الجيش وتتهرب من التجنيد، يعني الكلام ده يخض الناس ويخليهم ما يروحوش مظاهرة الجمعة

ومظاهرة الجمعة فعالة، وفيه ضوء اخضر من المجلس العسكري وحكومة شرف اننا نتظاهر الجمعة عشان نشكل ضغط يقوموا يحققوا لنا مطالبنا، وده وزير العدل بنفسه بيقول الكلام ده، ووزير العدل ما يقدرش يصرح تصريح زي ده من غير ما ينسق مع رئيس الوزراء والمجلس العسكري

ولما ناس تدعي ان ظباط جيش حينزلوا مظاهرتنا يوم الجمعة يبقى عايز يبوظ لنا اليوم ده ويخوف الناس عشان ما تجيش، ثم ان الناس فعلا مش عايزة مواجهة مع الجيش...

واي حد حينتحل لبس ظابط جيش وينزل مظاهرتنا عشان يضربها لنا حنسلمه للشرطة العسكرية.. احنا مطالبنا مدنية وسلمية وما نعرفش الناس دي ومالناش دعوة بيهم، وهم بيقتحموا علينا مظاهرتنا ليه؟ لو هم ظباط جيش فعلا ما يروحوا في حتة تانية او يوم تاني، جايين لنا يقرفونا احنا ويدخلونا معركة مش بتاعتنا ليه؟

وعموما احنا مش معانا الاخوان؟ خلاص يبقى امان.. مدام المظاهرة فيها الاخوان المسلمين يبقى المندس ليلته مطينة بطين

http://www.youtube.com/watch?v=JQdIdzKy_3Y&feature=player_embedded

[mustafagamiel]

احتمال كبير فعلا ان الفيديوهات دي ثورة مضادة علشان تخوف الناس ينزلوا المظاهرة الجمعة

جبهة التهييس الشعبية

لا اظن ذالك

بل ان هذه الفيدوهات وهذه الصفحات هي الحقيقة المرة للمجلس العسكري

لقد نفذ صبر الثوار من التلكع الشديد منهم واصبحنا غير راضيين تماما من ردود افعال القوات المسلحة

لذلك ظهر من ضاق زرعا بهم

***********************

***********************

حد فيكم شاف المشير بيتكلم قبل كدا غير الخطابات المكتوبة

حقيقة الرجل لا اعتقد انه صاحب فكر او صاحب حتى رأي

*************************

حُذفت فقرات مخالفة للقاعدة الآتية :

فريق الإشراف

1. ................

................... وعدم استخدام الألفاظ البذيئة أو الرديئة أو أساليب الاستهانة أو السخرية التي لا تقبلها الأخلاق الدينية والتى تتنافى مع التقاليد العامة .

تم تعديل 6 أبريل 2011 بواسطة أبو محمد
حذف مخالفات

[rewsha]

يا جماعه تعتقدوا ان في رائد في الخدمه هايطلع بكل الجراْه دي يتكلم علنى كده

وكمان صوت وصوره

مش خايف عل نفسه

اذا كان الضابط المتقاعد اللي بيتصل على قناة زي الجزيره يتكلم مش بيرضى يذكر اسه

انا مع الراْي ان دهاصلا مش ظابط ومش عايش في مصر كمان

هوه عامل اليوتيوب ده ...تسخسن وبس

لكن مش معنى كده اني باقول ان الطنطاوي مش مُتباطىْ

لكن التسخين ده انا مش باحبه :sad:

[Nileman]

أنا شفت أول فيديو

بس أنا أعرف منين انه ظابط بجد و مش واحد جاي يسخن الناس و خلاص

يا جماعة الخير الجيش هو اللي ساند البلد اليومين دول و أكيد فيه ناس يهمها ان مصر ماتقومش و تتطور

طنطاوي أكيد حيتغير لما تيجي حكومة منتخبة بعد الانتخابات البرلمانية

انا رأي نهدي شوية و نفكر بعقلنا و نشوف مصلحة البلد فين

مش عايزين بلدنا تتخرب اكتر من كدة عايزين نبنيها بقى

[rewsha]

بصو يا جماعه امبارح كنت قاعده باتناقش مع عمي في موضوع طنطاوي

لقيته ضرب لي مثل بالبلدي كده زاختصر فيه كل حاجه

قال لي لو انتي بتشتغلي (قاضي) وفي يوم داخله القاعه لقيتيني في وشك مُتهم(عمي يعني) هاتعملي ايه في الحُكم؟

قلت له بصراخه هاعلن انسحابي

قال لي اهو ده اللي حصل بين مُبارك وطنطاوي

فجاْه طنطاوي لق نفسه في مواجهه مع مبارك والمفروض انه ينفذ اللي الشعب بيطلبه منه ,وطنطاوي ومبارك مع بعض من زمان ومبارك هوه اللي جايب طنطاوي

صعب جدا على طنطاوي انه يحاكم مبارك

علشان كده بيمُط في الوقت .لحد ما يجي رئيس تاني يبقى هوه المسؤول عن تنفيذ مطالب الشعب بمحاكمة مبارك

او مبارك يموت

او طنطاوي يموت

لاْن الشعب مش هاينسى حقه

انا مش بابرر لطنطاوي بس باحاول اوصل الفكره اللي مخلياة مُتباطىْ

وهوه عارف ان الشعب هايثور وكل الفتره ما تطول الشعب هايزهق .علشان كده كل القرارات اللي المفروض كانت تتعمل من زمان .بينفذوهالنا بالقطاره

كل الشعب ما يثور ويقول مليونيه .يقوموا يطلعوا لنا خبر او قرار .ويسيبوا باقي القرارات للجمعات القادمه (كل ده علشان الوقت يطول

لسه سامعه خبر النهارده ان مقرات الحزب الوطني طلع قرار انها ترجع للحكومه خلاص الخبر كان مكتوب على الشريط الاخباري على قناة الجزيره

تفتكرواالخبر ده مش المفروض يكون من زمان؟؟؟؟

بس طلع دلوقتي علشان المليونيه بتاعت الجمعه برضو

تحياتي

[fatfouta]

انا شوفت الفيديوهات بس خوفونى جدااا

واللى خوفنى بجد الضابط اللى فى الفيديو التانى ده بيشتم علنى كده وبيتوعد لهم

ربنا يستر بجد الواحد كده اترعب

[mustafagamiel]

صعب جدا على طنطاوي انه يحاكم مبارك

هل ماحضرتك ذكرتيه هو السبب ؟؟

هل فقط ان هناك عشرة بينهم وبينهم عيش وملح والطنطاوي حافظ العيش والملح؟؟؟

بالطبع لا ليس هذا السبب اطلاقا

السبب ان الباشا متورط لشوشته وخايف على نفسه

ياجماعة الخير

المجلس العسكري ده تم اختياره بعناية فائقة لا على اساس الخبرة ولا الامانة ولكن فقط على اساس انه ... مبارك

المجلس ليس له علاقة بالثورة ولم يخرج من رحمها ولكن هي الظروف والصدفة البحتة هي الاي وضعتهم في هذا الموقف

[rewsha]

يافتفوته يا بنتي قلنا مش معقول يبقى ده ظابط خالص

مافيش حد هايطلع عيني عينك كده يدعوا لانقلاب

وصوت وصوره كمان

طب اديني اماره واحده تقول انه ظابط.

يابنتي مافيش ظابط جيش يطلع يقول الكلام ده على الملاْ كده .الظباط عارفين كويس قوي لو حد طلع عمل كده ايه اللي ممكن يحصل لهم

انا اقول لك لو في مظاهره ماشيه في الشارع ممكن ظابط ياخده الحماس ووينضم ليها ..اه

ممكن يتكلموا مع بعض في الخباثه كده على جنب ...اه

لكن يطلع كده على النت ويقول الكلام ده ...صدقيني ماتركبش خالص

[mustafagamiel]

يافتفوته يا بنتي قلنا مش معقول يبقى ده ظابط خالص

مافيش حد هايطلع عيني عينك كده يدعوا لانقلاب

وصوت وصوره كمان

طب اديني اماره واحده تقول انه ظابط.

يابنتي مافيش ظابط جيش يطلع يقول الكلام ده على الملاْ كده .الظباط عارفين كويس قوي لو حد طلع عمل كده ايه اللي ممكن يحصل لهم

انا اقول لك لو في مظاهره ماشيه في الشارع ممكن ظابط ياخده الحماس ووينضم ليها ..اه

ممكن يتكلموا مع بعض في الخباثه كده على جنب ...اه

لكن يطلع كده على النت ويقول الكلام ده ...صدقيني ماتركبش خالص

أحمد شومان اتكلم على الملء وقال كلام خطير جدا

ياجماعة الجيش مليان رجالة

[rewsha]

صعب جدا على طنطاوي انه يحاكم مبارك

هل ماحضرتك ذكرتيه هو السبب ؟؟

هل فقط ان هناك عشرة بينهم وبينهم عيش وملح والطنطاوي حافظ العيش والملح؟؟؟

بالطبع لا ليس هذا السبب اطلاقا

السبب ان الباشا متورط لشوشته وخايف على نفسه

ياجماعة الخير

المجلس العسكري ده تم اختياره بعناية فائقة لا على اساس الخبرة ولا الامانة ولكن فقط على اساس انه ... مبارك

المجلس ليس له علاقة بالثورة ولم يخرج من رحمها ولكن هي الظروف والصدفة البحتة هي الاي وضعتهم في هذا الموقف

اتفق مع حضرتك يا استاذ مصطفى ان مش ده بس السبب وان الكلام اللي بتقوله ممكن يكون صح 100%

بس ناخد بالنا برضو ان لو الجيش بتاعنا كان عمل زي الجيش بتاع اليمن وليبيا كنا هانبق عامليين ايه دلوقتي ؟؟؟

احنا حققنا مكاسب كتير

ولسه ان شاء الله هانحقق

بس عاوزين شوية ضغط .كل ما نضغط على الجيش .كل ما ناخد قرارات وخطوات للامام

لكن ماينفعش ابدا اننا ندعوا لانقلاب على الجيش

[امير مجروح]

قال لي اهو ده اللي حصل بين مُبارك وطنطاوي

فجاْه طنطاوي لق نفسه في مواجهه مع مبارك والمفروض انه ينفذ اللي الشعب بيطلبه منه ,وطنطاوي ومبارك مع بعض من زمان ومبارك هوه اللي جايب طنطاوي

صعب جدا على طنطاوي انه يحاكم مبارك

علشان كده بيمُط في الوقت .لحد ما يجي رئيس تاني يبقى هوه المسؤول عن تنفيذ مطالب الشعب بمحاكمة مبارك

اولا انا مبسوط من الفديوهات دى ويارب يكون بجد فى ضباط من الجيش سوف يشاركون اخوانهم يوم الجمع 8 ابريل .. لا ن طنطاوى لابدمن اقصائه فى الوقت الحالى حتى تتمكن الجهات المختصة من محاكمة مبارك واعوانه وكل من اجرم فى حق الشعب واستعادة امولنا سواء من الخارج او من الداخل لانه هو العقبة الرئيسية حاليا.

اما بالنسبة انه منتظر لما رئيس جديد يجى.. فرضا لو الكلام ده صحيح لماذا لم يحدد موعدميعاد انتخابات الرئاسية رغم اعلان موعد الانتخابات البرلمانية!!!

[Dreamwithme]

بصراحة أنا مش قادرة أصدق إن الفيديوهات دي حقيقية وإن دول ضباط فعلا

إذا كان في مدون شاب ناشط سياسيا اسمه مايكل نبيل سند الشرطة العسكرية قبضت عليه من بيته

ويحاكم الآن محاكمة عسكرية عشان كتب تدوينة بعنوان الجيش والشعب عمرهم ماكانوا أيد واحدة

والتدوينة بتستعرض موقف الجيش من الثورة من يوم 25 يناير إلي الآن وماسابش حاجة غير ماقالها

وجايب شهادات كل الناس اللي جيش عذبهم بعض القبض عليهم في ميدان التحرير

ودي شاب مدني.............يبقي لما ضابط يطلع في الفيديو عادي يعني المخابرات العسكرية هتسيبه كده عادي

وأنا أول مرة أشوف انقلاب عسكري متحدد له ميعاد ومعمولة أيفينت علي الفايسبوك

بس عموما الله أعلم ماهو كان بيقولوا قبل ثورة25 يناير في ناس تعمل ثورة تحدد ميعادها قبل الثورة بأسبوعين

وسبحان الله نجحت فعلا لأن ربنا عمي العادلي عن الحقيقة وتخيل أنه ممكن يقف قصاد الشعب ويحمي مبارك

أنا بصراحة فقدت الثقة تماما في المجلس العسكري وعندي علمات استفهام كتيرة جدا جدا

لأني أشعر إن الجيش جه استلم من مبارك عشان يحط الثورة في الفريزر وخلي الأيام تعدي والشعب هينسي

لكن انتشار هذه الفيديوهات ودعاوي تطهير الجيش علي الانترنت بصراحة خوفني لأن مش عارفة مين اللي ورا الكلام ده

وليه المجلس العسكري سايبهم وحاسة إن ممكن يكون في شئ بيتخطط له لإيذاء الثورة والشعب يوم الجمعة 8 أبريل

يارب سلم

علي فكرة أعتقد إن الشعب ممكن يتنازل عن مطلب محاكمة مبارك لو شعر بإن المجلس العسكري بيحقق باقي مطالب الثورة

اللي هي محاكمة الثلاثي الشرير ومحاكمة المتسببين في قتل المتظاهرين ووضع اشراف قضائي علي جهاز الأمن القومي

وتطهير الاعلام المصري ومجلس رئاسي

لكن للأسف تباطؤ الجيش بيخللي كل شوية المطالب بتكبر والناس بتبقي مخنوقة أكثر

يعني المجلس العسكري نفذ المطالب واعترف واعتذر عن تعذيب المتظاهرين في المتحف المصري وقالنا بصراحة في اتفاق

ما بيننا وبين مبارك إننا نسيبه ويرحل مبارك عن مصر

أعتقد وقتها الشعب هيهدأ ويثق أكثر في الجيش

[mustafagamiel]

بس ناخد بالنا برضو ان لو الجيش بتاعنا كان عمل زي الجيش بتاع اليمن وليبيا كنا هانبق عامليين ايه دلوقتي ؟؟؟

والله دي نعمة من الله سبحانه وتعالى ويجب علينا جميعا شكرها دائما

بفضل الله ثم الشعب ثم الجيش المحترم نجحت الثورة غير اي ثورة ولا حتى تونس

كلمة الجيش محترم معناها رجال الجيش وليس القيادة

القيادة مؤكد انها درست الموقف الف مرة نعمل اه نهجم على المتظاهرين ام لا وماذا بو هجمنا على المتظاهرين هل الجيش ممكن يعمل عصيان

بس امسك هنا نعمل اه نحاول بقدر الامكان نستنى اكبر وقت وهو ده الاي حصل الجيش فضل محايد ومراقب لفترة كبيرة وفي بعض الاحيان كان يترك البلطجية يهجموا على امتظاهرين

لولا ان المجلس الفاشل متأكد مية المية ان الجيش مليء بالرجالة الشرفاء لكان اصدر الاوامر بقتل المتظاهرين وما تحليق الاف 16 ببعيد

الناس دول درسوا الموقف كويس جدا ووجدوا ان اقل الخسائر هي الحياد او التظاهر اننا بجانب الثوار وهو ده ماحدث بالفعل

كلمة السر فين

كلمة السر ان الحمدلله مصر كلهانسيج واحد دم واحد مفيش قبلية اليمن ولا عرقيات مختلفة زي سوريا ولا غيره

الحمد لله المصريين مكن هي الدولة العربية الوحيدة تشعر ان شعبها متقارب جدا جدا ولذلك من في الجيش هو اخويا واخوك ابني وابنك وهكذا

وهو ده العائق الوحيد امام عدم تتدخل الجيش لصالح النظام السابق

[Ahmed Anwer]

Dream with me

مايكل نبيل ده قصة تانية خالص ،، ده واد متهرب من الجيش و مش عايز تجنيد إجباري

وجهة نظره بقه ،،، ما هو ناشط

و قالها في حوار مع جهات إعلامية خارجية مش عايز أحارب دولة إسرائيل بدون ذنب ،،

دوري بس عالنت و أنتي هتلاقي القصص دي ،،،

Rewsha

أنا مقتنع أووي بوجهة نظر عمك ،، و قلتها من أول الثورة

الجيش مش عايز يبقي السكينة اللي بتدبح ،، و أساسا الأمور كلها جت مفاجأة ،، محدهش كان مستعد لحاجة

علي فكرة فعلا معروف لأي حد ليه علاقة بالجيش ،، إن طنطاوي مكروه من الضباط و الأفراد

و ده بسبب إنه كان منشفها عليهم و مطلع عينهم في الميري

و حتي ده بيان من الفيديوهات نفسها ،،

و قريت من ناس كانت شغالة معاه ،،

إنه حافظ مش فاهم ،، أيده نظيفة

اساسا كوزير دفاع مش محتاج يبقي أيده مش نظيفة ،،، رسمي و ميري بيتنغنوا آخر نغنغنة

و حتي لو النغنغنه دي عشان يبقي ولاءهم للرئيس (( و ده اللي متحققشي في الثورة بحمد الله ))

فأنا مقتنع طبعا إن القيادات دي لازم تتنغنغ و تستريح ،،، هما مش في مناصب قليلة

خليكوا فاكرين مين اللي باع العراق ،، و باعها مقابل ايه