وبعد الثورة ... ماذا عن قانون الإيجار القديم !!

[Simba]

كلنا نعرف ان فيه ناس كتير اتظلمت في الموضوع ده

وصاحب الملك ما بقاش صاحب ملك

والابن بيدفع تمن غلطة ابوه

شخصيا اعرف شقة 4 غرف وصالة كبيرة في قلب المدينة وعلي ناصتين متأجرة ب 15 جنيه

وتقريبا فيه مصالح حكومية كتير متأجرة ايجار قديم

ده يرضي مين

ولحد امتي ممكن يستمر الوضع ده

[الباشمهندس ياسر]

كان نفسي افتح الموضوع يا سمبا

و مش لوجود مصلحة شخصية لاني من الناس اللي سلمت امرها لله و سكتت

انما من ساعة ما جبت سيرة الترشح للمجلس و الناس اتقسموا اتنين

اصحاب البيوت بيقولولي لازم تشوفلنا صرفة ف الموضوع ده و نشوف حل مع ولاد التتتتتتتتيت

السكان بقي ...... واحد بيقولي انا واخد شقة ايجار جديد و العقد هيخلص السنة الجاية و المرتب كذا و مش عارف هعمل ايه

افتكرت ساعتها الرئيس المخلوع مبارك لما قال .. انا مش هدخل عش الضبابير

المهم لما قعدت فكرت كتير اوي وصلت للتالي

1) كل من يثبت انه يمتلك فرصة بديلة بأي شكل من الاشكال .. تنزع منه الشقة القديمة او يدفع القيمة الايجارية الكاملة بسعر اليوم

2) كل من لا يملك الفرصة البديلة يتم رفع القيمة الايجارية حتي تصل الي نص القيمة لاسعار المثل

و لسه المسألة قيد التفكير

انما مش هينفع نطرد حد و نسيبه للشارع

[ابو محمود]

هو لسة فى بيوت ايجار قديم لم يتم تعديل ايجارتها ؟؟؟ المشكلة التى جعلت من شبابنا الصغير عدم الانتماء فى رآيي هى موضوع الايجار الجديد دة وليا فيها موضوع قديم وتم الان معرفة اسبابعدم انتماء الشباب الصغير السن للبلد