لقاء العمالقه

[إبن مصر]

وسط اجراءات امنيه مشدده وفى مكان غير معلوم اجتمع امس الزعيمين ابن مصر وسى السيد كما حضر الاجتماع لانسلوت وعبر الاثير شرف الحضور محبط باتصال تليفونى.

هذا وقد تناول الزعماء بالبحث والتمحيص العديد من القضايا والجنح التى تهم العلاقات المتبادله بين كل الاطراف.

وقد شدد كل من الزعماء على ضروره تبنى اسلوب معتدل فى تناول الافطار والغداء.

وقد تشرف سى السيد برؤيه امتثال الهوندا السفوخس وتجول بها مع الزعيم المفدى ولانسلوت عبر شوارع المحروسه ملوحين الى الجماهير التى تزاحمت على الحادث!!!! :D

ومن خلال الاجتماع الذى شرفه باتصال تليفونى الزعيم اسو اتفق الاطراف على عقد اجتماع فىالايام القادمه لاكمال المباحثات الخاصه بما لم يتناولوه من اسماك فى الاجتماع السابق.

ياااااااااااااااااااااااه والله القاعده كانت نقصاكم يا اخوانا.

والى اللقاء فى اجتماع اخر

ابن مصر

مندوب ابو نوسه الشرقاوى(ربنا يفك سجنه) فى القاهره

[disappointed]

الحقيقه كانت مفاجأة سارّة و غير متوقعة عندما تلقيت الإتصال التليفونى من العزيزين سى السيّد و إبن مصر , و أشكرهما كثيراً على تذكّرهما لى :D ;)

و.....

معلش بقى يا إبن مصر...... فاتورة المكالمة الجايّة عليّا (زمانك طلعت من الإجتماع شحنت البطاقة و إنت بتقول : انا كان إيه اللى خلاّنى أتسحب من لسانى و أكلّم محبط مكالمة دوليّة :D :D ;) )

[nashwa]

وسط اجراءات امنيه مشدده وفى مكان غير معلوم اجتمع امس الزعيمين ابن مصر وسى السيد كما حضر الاجتماع لانسلوت وعبر الاثير شرف الحضور محبط باتصال تليفونى.

هذا وقد تناول الزعماء بالبحث والتمحيص العديد من القضايا والجنح التى تهم العلاقات المتبادله بين كل الاطراف.

وقد شدد كل من الزعماء على ضروره تبنى اسلوب معتدل فى تناول الافطار والغداء.

وقد تشرف سى السيد برؤيه امتثال الهوندا السفوخس وتجول بها مع الزعيم المفدى ولانسلوت عبر شوارع المحروسه ملوحين الى الجماهير التى تزاحمت على الحادث!!!! :D

ومن خلال الاجتماع الذى شرفه باتصال تليفونى الزعيم اسو اتفق الاطراف على عقد اجتماع فىالايام القادمه لاكمال المباحثات الخاصه بما لم يتناولوه من اسماك فى الاجتماع السابق.

ياااااااااااااااااااااااه والله القاعده كانت نقصاكم يا اخوانا.

والى اللقاء فى اجتماع اخر

ابن مصر

مندوب ابو نوسه الشرقاوى(ربنا يفك سجنه) فى القاهره :)

هكذا يعمل الكبار فى صمت .. من أجل الشعوب المطحونه .. ضرب فى بعض

أعانكم الله ..

على .. هضم السمك

<_<

تم تعديل 24 أغسطس 2004 بواسطة nashwa

[Farida]

وانا باقول المرور على كوبرى الجامعه كان واقف ليه لمده ساعه .....عموما عايزين تفاصيل اكتر عن اللقاء الناس الغلابه عايزة تطمن على نتيجه المباحثات و اول البشاير بانت اهو ضمنا 3 ميداليات ....طبعا نتيجه توجيهاتكم ....مبروك با سى السيد ....مبروك يا ابن مصر ......الا اخبار عصابة حساس ايه ما تقابلتوش لسه

تم تعديل 25 أغسطس 2004 بواسطة Farida

[Lancelot]

كانت مفاجأة جميلة جدا و شرف عظيم إني أقابل س س للمرة الأولي .... و ياريت تتكرر تاني بإذن الله ... و عقبال ما نتجمع كلنا إن شاء الله في المكان السري برضه ...

طبعا اللقاء جري ترتيبه علي عجل لظروف السرية القصوي ... (هو فين الوش بتاع رئيس العصابة) ...

[kfaya]

يا محماااااااااد ......

أأمرنى يا باشا ....

انتوا نايمين على ودانكوا .... بتكلوا في أته محلوله .... ايه البوظان اللى في الإدارة ده ؟؟؟؟؟؟

خير سعادتك ..... حصل إيه ..... الخطة بتاعة حسام بيه ماشية تمام ... و النتائج مبشرة .

أنت لو كنت بتقرأ اللى بينكتب , ما كنتش قلت كدا ..... عرفت باجتماع الثلاثة الكبار ؟؟؟؟ طبعا لا ؟؟؟؟ عرفت بيخططوا لأية ؟؟؟؟ طبعا لا

تصور يا محمد هم نفسهم اللى أذاعوا خبر اللقاء ده .... بيستهزءوا بينا ... الناس دى قمة في الإخفاء و التمويه ... هو لانسلوت رجع تانى يا محمد ؟؟؟ الناس دى ها تجنيني .... كل ما نفر كشهم , يرجعوا يتلموا تانى ....

أنت شفت تمثيلية الشتات في رمضان اللى فات ؟؟؟؟ نفس نوعية الاجتماعات يا محمد ....

يعنى سعادتك عايزين يعملوا مجمع ماسوني ؟؟؟؟

ماسوني إيه , و افتكروني إيه !!!!!!! أنا بتكلم عن السرية يا محمد .... و التخطيط الدقيق و خفة الحركة و ازاى قدروا يفلتوا من تحت شنبات ياسر بيه , ملك المراقبة ..... أنت عرفت انهم فطروا و أتغدوا سوا .. ؟؟؟؟ يعنى قضوا النهار كله في اجتماعات و مشاورات و رسم خطط ؟؟؟؟؟ دول ناويين على حاجة كبيرة يا محمد , ربنا يستر على البلد .....

المشكلة كلها سعادتك في س .س. ... من ساعة ما وصل مصر و تحركاته كلها يشوبها الغموض و الريبة ؟؟؟؟ يعنى المفروض انه بيصيف في ميامى .... سعادتك عارف ليه أختار ميامى بالذات ؟؟؟؟ بالظبط كدا سعادتك .. الزحمة ... الزحمة دى بتوفر له غطاء هايل للهروب من المراقبة ... لو الاجتماع ده تم في القاهرة , معنى كده انه سافر و رجع و إحنا ما نعر فش و فاكرينه لسه في البحر .. أصلة ساعدتك ما بيعرفش يعوم و مرتين تلاته حاول يروح لغاية الجزيرة , و إحنا اللى كل مرة بننقذه ....

يا محمد دول ناويين على اجتماع تانى في محل سمك ..... سمك يا محمد مش كباب ...يا ترى ممكن يكون فين ؟؟؟ فين يا محمد ؟؟؟

الراجل بتاع دوران شبرا مثلا .... و الا فيش ماركت ؟؟؟

أنا سمعت مرة حد فيهم قال مدينة نصر .... يبقى أكيد الكاستن أو جاندوفلى .... محسوبك بردك أكيل سمك يا محمد ...

ألف هنا و شفا يا باشا ..... ها نزرع خدمات في كل محل من المحلات دى على مدار الساعة , و أول ما يلمح طرفهم ..... حمامة يتصل بسعادتك ..

هايل يا محمد .... ركز قوى على الجمبري ... أنا سمعت ابن مصر في أكتر من مناسبة بيدعى أنه من محبي الجمبري ..... على فكرة يا محمد , أنا كمان بحب الجمبري الجامبو قوى ....

إنشاء الله هانمسكهم متلبسين , و نصادر كل كميات الجمبري اللي قدامهم .... طحينة و قوطة يا باشا ؟؟

[Cleo]

كانت مفاجأة جميلة جدا و شرف عظيم إني أقابل س س للمرة الأولي .... و ياريت تتكرر تاني بإذن الله ... و عقبال ما نتجمع كلنا إن شاء الله في المكان السري برضه ...

طبعا اللقاء جري ترتيبه علي عجل لظروف السرية القصوي ... (هو فين الوش بتاع رئيس العصابة) ...

لااااانس ابن عمى عندنا..!!!!

إنت فييييييييين يا راجل..!!!

كل دى غيبة..!!!

نحن نشكر اللقاء اللى يخلى حضرتتك ترجع البيت تانى.. ;)

[Lancelot]

ربنا يخليك يا كليو .... و إن شاء الله يكون رجوع مفيش بعديه غياب ...

[Guest Mohd Gramoun]

خسارة كبيرة و خيانة أكبر

خسارة أنني لم أتشرف بأشخاص أحباء إلي قلبي مثل ابن مصر و سي السيد ولانس.

وخيانة من سي السيد... وهو عارف ليه؟!!!

[KWA]

بسم الله الرحمن الرحيم

السلام عليكم ورحمة الله وبركاته

الله الله الله...العزومه كانت سمك ....ماشي يا ابن حميدو....يعني ماكانش فيه تحليه ....بالهناء و الشفاء للجميع و عقبال مانتجمع كلنا علي اكله كشري احتفالا بلقائنا و نعمله في مكان سري ايضا .....