زواج الرجل بإمرأة ثانية يعود بالنفع على زوجته الأولى

[tarek hassan]

دراسة تؤكد زواج الرجل بإمرأة ثانية يعود بالنفع على زوجته الأولى

العلم يؤيد الدين

أظهرت دراسة علمية جديدة قام بها كل من فراين البرغ و براون سميث أن طبيعة تكوين الرجل تختلف عن المرأة فالرجل بطبعه يملّ من العلاقة الزوجيه بعد فترة ويصيب العلاقة نوع من الفتور ولكن اذا ارتبط الرجل بإمرأة أخرى فإنه يشتاق الى زوجته الأولى ويعود النشاط الى العلاقة بينهما ،بينما المرأة بطبيعتها تكتفي برجل واحد وقد شبّه العالمان هذه الحالة بمن يأكل طعاما واحدا لفترة طويلة فإنه يملّ من هذ الطعام ولكن إذا قام بتغيير نوع الطعام فإنه يشتاق مرة أخرى للطعام الأول، وقد أظهرت الدراسة على أكثر من سبعمائة حالة أن الرجل المتزوج من أكثر من امرأة واحدة تكون علاقتة الزوجية بزوجته الأولى أكثر نشاطا من الرجل المتزوج بإمرأة واحدة فقط وأفاد العالمان بأن زواج الرجل بإمرأة ثانية يعود بالنفع على زوجته الأولى

[Alattar]

:ph34r:

قلت كده من الأول ما حدش صدقني

الحمد لله المدام سافرت مصر..لأنها لو كانت موجودة دلوقتي..كانت عملت مع المنتدي كده

m8:

[شيدوان]

وياترى بعد هذا الاكتشاف العلمى الهائل دعوا فى بلادهم لتعدد الزوجات ، والا الراجل هناك غير الراجل هنا والست هناك غير الست هنا ؟

تحياتى

[rewsha]

على كده بقى بعد فتره هانلاقي الزوج بيقول

التالته تابته .اصل الزواجه التالته هاتبقى في مصلحة الزوجه التانيه

وسنتين كمان (ده لو طول يعني مع التالته)

ويدخل عل الرابعه علشان التالته ماتزعلش

وبعد الرابعه يفكر يسيب الاولى خالص علشان يجدد بالخامسه علشان الرابعه توحشه هيه كمان

وهكذا وهكذا

ويبقى عندنانُسخ كتير قوي من الحاج متولي

:protest:

[Mostafa Kasem]

ولو الابحاث دي اثبتت العكس - الست بتنشط مع الزواج التاني هنعمل ايه

الحقيقة ان الدراسات الاجتماعية معقدة و شائكة عندما تتعلق بسلوك الانسان خصوصا التي تم دراستها في مجتمعات مفتوحة زي الغرب حيث انه لا يوجد هناك حياة اسرية فعالة و تنتشر الخيانات الزوجية من الطرفين و الدنيا عندهم لايصة على الاخر

و ارجو ذكر المصدر

[tarek hassan]

أرجو ذكر المصدر

مفيش مصدر ولكن خبر هذه الدراسة موجود بمنتديات كتير

والحقيقة أنا دخلت باب الابتسام لقيت معظم الفضليات فيه وعمالين يعطوا بعض تقييمات إيجابية قلت أدخل أعوض خسارتي اليومين اللي فاتوا وأعمل ثواب وأجيبلهم الخبر الحلو ده ونقول نعم للمثنى والثلات والرباع والشعب يريد الزواج من التانية من أجل الصلحة العامة

[rewsha]

والحقيقة أنا دخلت باب الابتسام لقيت معظم الفضليات فيه وعمالين يعطوا بعض تقييمات إيجابية قلت أدخل أعوض خسارتي اليومين اللي فاتوا

ياااااه بس كده

طب كنت دخلت كتبت تقطتين خُضر يا ولاد الحلال

او 5 نقط تايهه يا ولاد الحلال برضو

ده حضرتك بالموضوع ده هاتاخد تقيمات بالهبل ......بس حمراء :P

[tarek hassan]

او 5 نقاط تايهه يا ولاد الحلال برضو

هم دول اللي ضاعوا في موضوع واحد ..... آخدهم وأمشي ويسقط كل من فراين البرغ و براون سميث أعداء المرأة

[rewsha]

او 5 نقاط تايهه يا ولاد الحلال برضو

هم دول اللي ضاعوا في موضوع واحد ..... آخدهم وأمشي ويسقط كل من فراين البرغ و براون سميث أعداء المرأة

لك مني اول نقطه خضراء طالما قولت يسقط فراين الربغ وبراون سميث ;)

على جنب كده (خليك معانا مش ضدنا) وانت تكسب صندوق مليان نقط خضراء

مش تقولي الزوجه التانيه :P

[fatfouta]

:bro:

:bro:

:astaghfer:

:protest: :protest:

على إشعال نار الفتنة بين الرجل والمرأة :closedeyes:

[jasmin hamed]

دراسة تؤكد زواج الرجل بإمرأة ثانية يعود بالنفع على زوجته الأولى

العلم يؤيد الدين

أظهرت دراسة علمية جديدة قام بها كل من فراين البرغ و براون سميث أن طبيعة تكوين الرجل تختلف عن المرأة فالرجل بطبعه يملّ من العلاقة الزوجيه بعد فترة ويصيب العلاقة نوع من الفتور ولكن اذا ارتبط الرجل بإمرأة أخرى فإنه يشتاق الى زوجته الأولى ويعود النشاط الى العلاقة بينهما ،بينما المرأة بطبيعتها تكتفي برجل واحد وقد شبّه العالمان هذه الحالة بمن يأكل طعاما واحدا لفترة طويلة فإنه يملّ من هذ الطعام ولكن إذا قام بتغيير نوع الطعام فإنه يشتاق مرة أخرى للطعام الأول، وقد أظهرت الدراسة على أكثر من سبعمائة حالة أن الرجل المتزوج من أكثر من امرأة واحدة تكون علاقتة الزوجية بزوجته الأولى أكثر نشاطا من الرجل المتزوج بإمرأة واحدة فقط وأفاد العالمان بأن زواج الرجل بإمرأة ثانية يعود بالنفع على زوجته الأولى

الموضوع ده قريته من يومين فكرنى بمحمد صبحى

فى مسرحية الهمجى ( ده مش عشانى ده عشان مصر و الله )

تم تعديل 6 أبريل 2011 بواسطة jasmin hamed

[mustafagamiel]

استاذ طارق ماينفعش 4 ليه 2 بس

[tarek hassan]

او 5 نقاط تايهه يا ولاد الحلال برضو

هم دول اللي ضاعوا في موضوع واحد ..... آخدهم وأمشي ويسقط كل من فراين البرغ و براون سميث أعداء المرأة

لك مني اول نقطه خضراء طالما قولت يسقط فراين الربغ وبراون سميث ;)

على جنب كده (خليك معانا مش ضدنا) وانت تكسب صندوق مليان نقط خضراء

مش تقولي الزوجه التانيه :P

زوجة تانية إيه

الواحد طالما مراته مريحاه يجوز تاني ليه دا حتى تبقى فراغة عين

شكرا جزيلا

استاذ طارق ماينفعش 4 ليه 2 بس

يا أستاذ مصطفى سيني الوقتي واستناني هناك على ما أجيب النقط وراجعلك

الشرع محلل أربعة

تم تعديل 6 أبريل 2011 بواسطة tarek hassan

[mustafagamiel]

يا أستاذ مصطفى سيني الوقتي واستناني هناك على ما أجيب النقط وراجعلك

الشرع محلل أربعة

ياخبر كان نفسي اساعدك والله

بسي اخوك ممنوع من التصويت وريقي نشف مع الادارة دي

متقلقش هجند لك بعض الرجالة واكيد محدش هيتأخر

استناك فين ؟؟؟؟

[tarek hassan]

يا أستاذ مصطفى سيني الوقتي واستناني هناك على ما أجيب النقط وراجعلك

الشرع محلل أربعة

ياخبر كان نفسي اساعدك والله

بسي اخوك ممنوع من التصويت وريقي نشف مع الادارة دي

متقلقش هجند لك بعض الرجالة واكيد محدش هيتأخر

استناك فين ؟؟؟؟

شكلي مش منقول من هنا

ياعني لازم تقتبس يا مصطفى والمستخبي يظهر ..

ربنا معاك

[engmido]

:bro:

:bro:

:astaghfer:

:protest: :protest:

على إشعال نار الفتنة بين الرجل والمرأة :closedeyes:

ليه بقى

هو اللى يقول الحق فى البلد دى يبقى كخة

:P

[لماضة مصرية جدا]

السلام عليكم و رحمة الله و بركاته

اتصدقوا....بجد....بجد....بحسدكم....(وش اي واحدة عينيها مدورة و مأورة)

ليه بقي

عشان انتم متمسكين بموقفكم....منذ بداية النية للزواج الاول...و انتي عينك بتبقي رايحة ع الجواز التاني

و كل شوية....تجيبوا المضوع من يمين...و بعدين تباصوه علي الشمال...و برضه ترجعوا ليه

و ده مش بس في المصريين....تؤتؤ...تيء..تيء...تأتأ....تقريبا في كل الجنسيات

اخر اراء استاذي الرائع اللي لسه جاي من بريطانيا حدف خطف قطف...بيقولي يا لمضة....انتو اللي بتصعبوا الدنيا علينا...و علي نفسكم....لو قبلتم بالفكرة...هتلاقي الامور ماشية زي السكينة في الحلاوة

(طبعا انا اذبهليت....مش عشان بس انه رمي الحمل كله ان احنا المفروض...نتقبل و نرضخ و نزغرط كمان للامر الوائع....لا ده بيقولي...سكينة في حلاوة....طب ده العلام اللي اتعلمته في انجلترا يا دوك)

منكن اقترح اقتراح

هو انتوا...(صباعي بيشاور علي كل راجل...عشان يخرق.........الشاشة)

ليه بتستنوا لما تتجوزوا الاولانية و بعدين قوووووم ايه تفكروا في التانية

طب انا عندي فكرة....ليه و انت في مرحلة الخطوبة ذات نفسيها....تخطبوا اتنين في نفس ذات الوقت

و الاتنين يكونوا عارفين.....و تتجوزوهم هما الاتنين...بس تراعو فرق التوقيت في الزفاف...

من كل قلبي.....بتمنالكم....جرعة مضااااااااعفة من السعادة...(وش اي ام بتجز علي سنانها...و بتدعي من ورا قلبها)

انا هروح ارفع التوبيك...بتاع الزوجة النكدية....عشان ميبقاش ليكم حجة.....دوسوا دوسوا...ربنا يوفقكم

كان معكم لماضة

مشروع....مأذون....و بتبيع قوماش

تم تعديل 6 أبريل 2011 بواسطة لماضة مصرية جدا

[Howayda Ismail]

حتى آخر العمر

لما تغــيبــي...

أنا بتلخبط بين السكر والملح..

وأدور ف الدواليب على حبة فرح..

...وملاقيش..

لما تغيبى..

أنا والبيت بنتوه من بعض

وبابص فى وشه مايعرفنيش

وبخاف م القطة لما تنونو

ومن صوت الريح اللى بيهرب من بين الشيش..

لما تغيبى..

كل الحاجات الحلوة يا حبيبتــى بترفض تعيش..من غيرك

بينى وبينك..لما تغيبى

أنا بحتاس..

بنسى العناوين وأسامى الناس

باكل..

واشرب..

واضحك..

واكتب..

لكن كده.. من غير إحساس

وانسى القهوة تفور ع النار

ويروح الطعم ويضيع الوش..

لما تغيبى

كل المرايات يا حبيبتى بتكدب وتغش..

لما تغيبى..

أنا عن روحى بغيب

وبحس أن النفس اللى ف صدرى غريب..

أصل الدنيا يا حبيبتى مش على طول بتروح وتجيب..

قلوب طيبة..

أرجوكى..

خليكى قريبة

حتى لما تغيبى..

علـي سـلامه

[لماضة مصرية جدا]

حتى آخر العمر

لما تغــيبــي...

أنا بتلخبط بين السكر والملح..

وأدور ف الدواليب على حبة فرح..

...وملاقيش..

لما تغيبى..

أنا والبيت بنتوه من بعض

وبابص فى وشه مايعرفنيش

وبخاف م القطة لما تنونو

ومن صوت الريح اللى بيهرب من بين الشيش..

لما تغيبى..

كل الحاجات الحلوة يا حبيبتــى بترفض تعيش..من غيرك

بينى وبينك..لما تغيبى

أنا بحتاس..

بنسى العناوين وأسامى الناس

باكل..

واشرب..

واضحك..

واكتب..

لكن كده.. من غير إحساس

وانسى القهوة تفور ع النار

ويروح الطعم ويضيع الوش..

لما تغيبى

كل المرايات يا حبيبتى بتكدب وتغش..

لما تغيبى..

أنا عن روحى بغيب

وبحس أن النفس اللى ف صدرى غريب..

أصل الدنيا يا حبيبتى مش على طول

بتروح وتجيب..

قلوب طيبة..أرجوكى..

خليكى قريبة

حتى لما تغيبى..

علـي سـلامه

السلام عليكم و رحمة الله و بركاته

ربنا يسعد قلب حضرتك يا رب....بحبها جدا...فوق ما تتخيلي...و بحب العبارات اللي ظللتها باللون الاحمر اكتر

سؤال علي هامش....دولايب الفرح

هو "علي سلامة"....ممكن نلاقيه في وسط الناس

اقصد طبعا.....راجل بالاحساس...دوت!!!

اييييييييييييييييييييييه دونيا

تسلمي ايديك....و يسلملي قلبك اللي بيصحي جوايا احساس حلو

مساكي.....مودة و رحمة...زي اللي ربنا قال عليها

[Howayda Ismail]

السلام عليكم و رحمة الله و بركاته

ربنا يسعد قلب حضرتك يا رب....بحبها جدا...فوق ما تتخيلي...و بحب العبارات اللي ظللتها باللون الاحمر اكتر

سؤال علي هامش....دولايب الفرح

هو "علي سلامة"....ممكن نلاقيه في وسط الناس

اقصد طبعا.....راجل بالاحساس...دوت!!!

اييييييييييييييييييييييه دونيا

تسلمي ايديك....و يسلملي قلبك اللي بيصحي جوايا احساس حلو

مساكي.....مودة و رحمة...زي اللي ربنا قال عليها

مساء النور على عيونك لموضتى حبيبة قلبى

اكيد طبعا فى كتير على سلامة

ولو مفيش نعمل استنساخ

كن جميلا ترى الوجود جميلا

ربنا ان شاء الله يرزقك باللى احسن من سلامة

مساكى نسمة حلوة اسكندرانى طالة من الشباك تقولك الربيع على الابواب

يسعد ايامك وكمان احلامك