ممكن نصيحه لوجه الله

[مهندس عمرو]

السلام عليكم ورحمه الله

الاخوة الاعزاء في الرياض برجاء التكرم وتعريفي بالاوراق المطلوب تكون معايا في الرياض عشان استقدم زوجتي وبنتي وبالاخص الاختام الي عليها لاني متسوح بين المواضيع السابقه الي بتناقش الموضوع ده ففيه ناس تقول ان الشهادات المميكنه - الالكترونيه - مش لازم تتختم من السفاره السعوديه وبتاخد ختم خارجية بس وناس تقول كلو بيتختم من الاتنين ومبقتش فاهم فمن فضلكم دلوني ايه الورق المطلوب بالظبط وايه الاختام الي عليه بدل ماالاقي نفسي متعطل هناك و ام العيال تفتكر اني بتلكك ومش عايز اجبهاوتعملي bnd5:: وساعتها مش هيبقى قدامي الا ان اقولها وده طبعا هيسبب bsh:) مع اول مقابله ...اه على فكرة انا مؤهلي مهندس مدني وشهادتي واخده ختم من الملحفق الثقافي السعودي لما طلعت التاشيرة .... ولكم مني جزييل الشكر

[aboueyad alex]

السلام عليكم ورحمه الله

أخى الكريم الأوراق الخاصة بالاستقدام

قسيمة الزواج موثقة خارجية مصرية وقنصلية سعودية

صورة جوازات سفر الزوجة والابناء

شهادات ميلاد الابناء موثقة خارجية مصرية وقنصلية سعودية

إقامة حضرتك وصورة منها و صورة جواز سفرك والتأشيرة

الورق الخاصة بطلب الاستقدام

بالنسبة لزوجة حضرتك

جواز سفر سارى لها وللاولاد سواء مضافين او بجوازات منفصلة

صور خلفية بيضاء لها والاولاد

قسيمة الزواج و شهادات ميلاد الاولاد

بالنسبة للاطفال شهادة تطعيم شلل الاطفال من وزارة الصحة

الورقة الصفراء الخاصة بالموافقة على الاستقدام او رقم الموافقة

[مهندس عمرو]

متشكر اوي لحضرتك بس بردو مقلتليش الاوراق والشهادات الي معايا هل بتكون الالكترونيه ام العاديه وبعدين انا سمعت ان الالكترونيه مبتتختمش من السفاره السعوديه وبتتختم خارجيه بس فما صحه هذه المعلومه الي هتنجز في الوقت والمجهود حال صحتها .... ثانيا حضرتك مقلتليش هل المؤهل بتاعي كمان بيتاخد ؟؟؟

[aboueyad alex]

أخى الكريم

مؤهلك يجب أن يكون موثق خارجية و ملحق ثقافى وقنصلية

المهنة تكون مؤهله للإستقدام

النسخ الإلكترونية أفضل وتوثيقها خارجية مصرية وقنصلية سعودية لك أنت فقط أم التى ستستخدمها الزوجة بمصر فلا داعى لتوثيقها نهائيا

وربنا يوفقك ويجمع شملك انت وأهلك بالخير