الثورة المضادة بنت الثورة الحقيقه

[سكر]

فى الكام يوم الى فاتوا ظهرت بعض الحوادث المؤسفة على المجتمع المصرى

كانت تحدث فى الماضى ولكن على استحياء

حاليا ظهرت على الشاشة وبقوة بل وببجاحه

بدأت بموقعة الجمل ولم تنتهى بموقعه الجلابية

واليوم على مصراوي اخبار عن ثلاث مشاجرات بها حوادث قتل

1-قوات الصاعقة والشرطة المدنية تنهي أعمال بلطجة وترويع للمواطنين بالشرابية

2-مقتل شخص واصابة 4 في معركة مع بلطجية بالتجمع الخامس

3-اشتباكات بين بلطجية وأهالي بالإسكندرية والجيش يتدخل لحل الأزمة

كل ذلك فى يوم واحد وهذا ما وصلت اليه الاخبار فقط وما خفيا كان اعظم

فى نظريه الثورة المضادة اصبح كل شى ممكن

يعنى مكن نشتم بعض ونخون بعض ونتخانق مع بعض ونقتل كمان

وفى النهايه نقول اصل ده من الثورة المضادة او فلول النظام

الصراحة تفسير الثورة المضادة عندى له معنى اخر

وهو ان تنحرف الثورة الحقيقية عن الهدف بقصد او بدون قصد

لكن فكرة الثورة المضادة التي يتزعمها الرئيس او ابن الرئيس او حتى رجاله الحزب الوطني مش عارف ابلعها خالص

ممكن يكون في ناس يكون لهم مصالح من الفساد وحاليا هما في مازق وعايزين يعملوا اى حاجة كرسي فى الكلوب مثلا

بس الناس دي هتعمل على استحياء مش بفجر زي ما تش الزمالك او خناقه تتدخل فيها الصاعقة

طيب الى بيحصل ده اسمة ايه

تعريف الى بحيصل ده مش بلطجة لان البلطجة معناها انك تشتغل عند حد نظير اجر متفق عليه لتنفيذ مهمة معينة

الى بحيصل ده اسمه تسيب واهمال من جانب الشرطة وتقاعس من الدولة والجيش في اصدار بيانات صارمه وقويه

مفيش عين حمرة للدولة في موضوع الامن ودة اهم ميت مرة

من محاكمة الرئيس وتغير الدستور

في كلام كتير نفسى اقوله بخصوص موضع الاهمال والتسيب

الثورة مش ميدان التحرير وواحد مثقف يطلع في التليفزيون يقول كلمتين حماسيين

الثورة التزام وادب وتنفيذ واجب مطلوب منك على كل مستويات الشعب

لكدة لتظهر فعلا ثورة مضادة من رحم الثورة الام