انفجار بالقرب من هرم منقرع

[crossfield]

الخبر بيقول انه عثر على جسم صلب بجوار هرم منقرع ولما حد من موظفين التذاكر مسكه و خبط عليهاانفجر وفيه 3 مصابين بجروح خطيرة...كل يوم و التانى كوراث و أعمال بلطجة و ارهاب و قتل و الموضوع فعلاً منظم و مستمر

كل ما محاكمة الكلاب تتباطئ كل ما البلاوى هتزيد.....اسلمى يا مصر

[fatfouta]

الخبر موجود فى الدستور واخبار مصراوى يا كروس ووبيقولوا فيه احتمال انها تكون دانة مدفع

وفيه تلاتة اصاباتهم خطيرة جدا من اللى بيبيعوا التذاكر فى الهرم وفيه اصابات اخرى

حسبى الله ونعم الوكيل فى اللى ورا الموضوع ده وربنا يستر بجد

[fatfouta]

مصراوي : إنفجار بالقرب من هرم ''منقرع'' يصيب 3 بإصابات خطيرة

اهرامات الجيزة - رويتر 5:01:00 PM

كتب - أحمد القاضي :

فوجئ رواد أهرامات الجيزة عصر الأربعاء بدوي انفجار وقع بالقرب من الهرم الثالث "منقرع" بمنطقة أهرامات الجيزة، مما أسفر عن إصابة 3 من بائعي التذكارات هناك.

وعلى الفور انتقلت السلطات الأمنية إلى موقع الحادث، حيث كشفت التحريات عن أن 5 من بائعي التذكارات في منطقة الأهرامات، كانوا قد عثروا على جسم صلب بالقرب من هرم "منقرع"، وقاموا بالطرق عليه في محاولة اكتشافة، مما أدى إلى انفجاره، وإصابة ثلاثة منهم بحروق وبتر في الأطراف، ونقلوا إلى المستشفى في حالة خطيرة.

وسادت حالة من الذعر وسط السائحين وزوار منطقة الأهرامات، نتيجة للانفجار، حيث تم إخلاء المنطقة لتأمينه.

[لماضة مصرية جدا]

الخبر بيقول انه عثر على جسم صلب بجوار هرم منقرع ولما حد من موظفين التذاكر مسكه و خبط عليهاانفجر وفيه 3 مصابين بجروح خطيرة...كل يوم و التانى كوراث و أعمال بلطجة و ارهاب و قتل و الموضوع فعلاً منظم و مستمر

كل ما محاكمة الكلاب تتباطئ كل ما البلاوى هتزيد.....اسلمى يا مصر

السلام عليكم و رحمة الله و بركاته

لا حول و لا قوة الا بالله العلي العظيم

الله يرحم الراجل الغلبان و يشفي المصابين

برضه لسه بسترج الاية القرآنية

"و بأي ذنب قتلت"

الناس البريئة دي ذنبها ايه؟؟؟

حسبنا الله و نعم الوكيل

ممكن اسال.....هو تأمين المناطق السياحية لانها اكتر حاجة هتكون مستهدفة عشان تبين ان احنا عندنا ارهاب مثلا...مش المفروض يتضاعف الفترة دي و لا ايه؟؟؟؟؟

[crossfield]

اللى اتصابوا عيال عمرهم 14 و 15 سنة اتصفوا بغباوة و قعدوا يخبطوا على الجسم الصلب ده لحد ما انفجر فيهم

يبقى السؤال...مين اللى حط البلوة دى فى المكان ده؟؟؟؟؟فين شرطة السياحة؟؟؟؟؟ محدش يقوللى ان دول كمان خايفين ينزلوا لأ دى كده بقى يبقى تهريج رسمى

المكان فيه تفتيش للأشخاص و للحقائب يبقى البلوة دى اتحطت ازاى؟؟؟؟؟؟

يا حد من بتوع نزلة السمان اللى بيشتغلوا هناك و عارفين المنطقة حتة حتة

يا حد من الأمن نفسه

ربنا يستر

لازم زاهى بيه حواس يحط خطة لتأمين كل المناطق الأثرية و كل المتاحف بكاميرات مراقبة و الا يبقى عليه العوض

محدش بيتهاون كده فى حق تاريخه زينا

[Om Zayd]

لسة سامعاهم دلوقت بيقولوا انها غالبا مخلفات حرب

يا ريت يوضحوا الصورة بسرعة

الصورة مش ناقصة عتامة

[fatfouta]

لسة سامعاهم دلوقت بيقولوا انها غالبا مخلفات حرب

يا ريت يوضحوا الصورة بسرعة

الصورة مش ناقصة عتامة

مخلفات حرب فى الاهرامات بتعمل ايه الى وقتنا هذا!!!!!

[ozoozo]

معلش ياشباب انا عمري ماسمعت بحرب عند الاهرام مفيش غير مقوله خاطئه ان نابليون عام 1798 ضرب الاهرامات بالمدافع وكانت حاجات بدائيه والمصررين الله يحظهم كانو بيقولوا عليها القنبر

[اغابي]

لسة سامعاهم دلوقت بيقولوا انها غالبا مخلفات حرب

يا ريت يوضحوا الصورة بسرعة

الصورة مش ناقصة عتامة

مخلفات حرب فى الاهرامات بتعمل ايه الى وقتنا هذا!!!!!

مخالفات ايه ايه ايه

سمـــــــــــــعونى

قوليلهم يا فتفوتة وحياتى عندك - ولا هو نوع جديد من الشماعات السوبر نوزل الاسواق

و اللى نلاقيه حجة ونخبي الحقيقة - فينك يا ياسمين حامد تعالى شوفو واتفرجي اهو شماعة جديدة طلعتلنا

نفسي بس ندى كل الامور والحوادث السبب الاساسي ومن اللى وراه بدون ما نرجع 60 سنة ونجيب عذر عن مخلفات حروب من 50 سنة

اذا كان اللى بيتكلم ....يبقى اللي بيسمع ايه؟؟؟؟

[Om Zayd]

نفى الدكتور محمد عبد المقصود مدير الإدارة المركزية لآثار الوجه البحرى أن يكون الأنفجار الذى حدث اليوم الأربعاء فى منطقة أهرامات الجيزة الأثرية ناتج عن عمل إرهابى أو تخريبى.

وأضاف عبد المقصود فى اتصال هاتفى مساء اليوم الأربعاء لبرنامج "مصر النهارده" أن الحادث لم ينتج عن انفجار لغم أرضى إنما نتيجة لانفجار جزء من دانه عسكرية من مخلفات الجيش خلال الحرب العالمية الثانية بعدما تم الطرق عليها من قبل العمال المصابين.

وأوضح أن المناطق الآثرية كانت تستخدم كمخازن للأسلحة إبان الحرب العالمية الثانية،

كما أكد أن المنطقة يعاد تمشيطها الآن بمساعدة القوات المسلحة لتأمينها باعتبارها من أهم المزارات السياحية الهامة فى مصر حتى لايتكرر حدوث مثل هذا الحادث مرة أخرى.

المعلومة اللي كبرتها يا ريت لو حد يقدر يؤكدها او ينفيها

اللي يهمني اللي لونته.. الاجراء الايجابي و منع تكرار الحادثة

[crossfield]

اشمعنه مخلفا ت الحرب دى ظهرت فى التوقيت ده بالذات؟؟؟؟؟؟؟

وليه ما تكونش الفترة اللى اتقفلت فيها منطقة الاهرامات دى استغلها حد من حبايبنا علشان يعلمنا الأدب بعد كده؟؟؟؟

الايقاع الفوضوى سريع جدا و عمال يعلى و الرسالة واضحة للكل

يا تسيبونا نبرطع و مفيش محاسبة

يا هنخربها على الكل و لا هيهمنا آثار و لا غيره