البطيخية فى مواجهة المشمشية

[اغابي]

tth: tth: tth:

بما انه بيظهر لخبطة غير واضحة اطلاقا فى الفرق بين البطيخ وبين المشمش مع انهم مفيش اى اوجه للتشابه بينهم

فقولت افتح توبيك جديد ونتكلم شوية عن خصائص النوعين دول من الفاكهة بالاخص

لانهم على قائمة الفاكهة المستمر النقاش حولها - وكثر فى الاونة الاخيرة الجدال الحقيقي فى المقارنة بين هذه النوعين من الفواكهة

برغم ان البطيخ حجمه كبيرررررر والمشمش يدوب تاكله فى قطمة واحدة ويختفى :P د

معلومات عن البطيخ يتميز بها

اولا : شعبيته اكثر من اى نوع فاكهة واكاد اجزم انه لا يختلف عليه اثنان

او بمعنى ادق كل الناس بتحب البطيخ - لانه خفيف على المعدة وحلاوته زايدة حتة

ثانيا يحتوي المائة غرام من البطيخ على 90% من وزنة ماء - 10 غرامات سكر - نصف غرام بروتين - 7 مليغرام دهون - 9 مليغرام كالسيوم

ثالثا : يحتوي على فيتامين أ - فيتامين سي - و حديد ومغنيسيوم و فوسفور وصوديوم وبوتاسيوم

رابعا : البطيخ مفيد للمصابين بالروماتيزم و مدر للبول و علاج فعال للامساك لاحتوائة على كمية كبيرة من الالياف و عصير يقي من مرض التيفوئيد

رابعا بقى وخدو بالكم من المعلومة دى - مجرد البذور بس لها قيمة غذائية عالية لاحتوائه على نسبة 42% من وزنها بروتين

و حوالي 15% سكرونشاء و حوالي 27% زلالياتا

واهم حاجة انك ممكن تلاقيه طول السنة ومش بيظهر ويختفى فجأة زى المشــــــــمش اللى بيطلع فى ليلة ويموت فى ليلة من الاخر مشمش بقى

انتظرونى مع باقى المعلومات العلمية والمفيدة عن البطيخ و كمان المشمش

:give_rose:

فاصل ونواصل

وليلتكم فواكه ونفضل تحت ظلها اهو مرة بريحة المشمش ومرة بحلاوة البطيخ

تم تعديل 6 أبريل 2011 بواسطة اغابي

[se_ Elsyed]

الله يرحمك يا اغابي ... جبتيه لنفسك وأستلقي وعد بقى

[Om Zayd]

متابعة يا اغابي

مش عارفة ليه الموضوع شكله فيه إنّة

عموما .. هيبان

:closedeyes:

[اغابي]

س س

خليك

:hysterical: :hysterical:

طب شتيمة اوكيه انا موافقة - لكن بلاش حد يضرب الله يخليكم

- انا من اول قلم ع القفا هاقر واقول مين محرضنى وكل اجنداتى المطبخية من كتاب ابلة منال والشيف رمزى

والشيف بندق كمان

مساك مشمش

مبطخ

كل واحد يقول اللى فى نفسه

تم تعديل 6 أبريل 2011 بواسطة اغابي

[تامر مصطفى]

تصدقي لسه جايب بص بطيخة من مركز سلطان من نص ساعة بالضبط؟؟

بس تعرفي بقى وانا معدي وسط الفواكه لقيت المشمش بيبصلي بصه استعطاف

ولا هز مشاعري

ورحت بالعند فيه اشتريت بطيخ

بس في فروق مهمه اوي بين البطيخ والمشمش

ان البطيخ لما بيتعصر بيبقى مسكر

انما المشمش لما بيتعصر بيبقى مزز

البطيخة ممكن تبقى قرعة

انما المشمش شعره مغطي على عنيه

وفي تشابه كبير بينهم

ان الاتنين مش زتون

خدي الشوية دول

[Alshiekh]

بما أن الكلام عن البطيخ

كنت معزوم مرة عن جماعة أمريكان

وكان من ضمن الحلو " بطيخ "

فوجئت بالبطيخ على السفرة وجنبه " ملاحات "

وأكتشفت أنهم بيرشوا ملح على البطيخ

إفتكرت إن فى الأماكن الشعبية عندنا احيانا بنأكل الجبنة مع البطيخ ، وفى الأرياف بيأكلوا الجبنة القديمة مع البطيخ

المهم فى المقارنة بين البطيخ والمشمش

البطيخ رخيص

والمشمش غالى

البطيخ مالى السوق طول السنة

والمشمش عزيز ، بيهل مرة كل سنة

وأهم حاجة ، ليس بالبطيخ والمشمش يحيا الإنسان

[اغابي]

ان البطيخ لما بيتعصر بيبقى مسكر

شكلك يا تامر بطيخاوى ماصل ابا عن جد - ما علينا

تصحيحا للجملة اللى فوق دي

ما ينفعش البطيخ يتعصر - اصل البطيخ داه مش اى فاكهة

يا اخى اذا كان اللب مفيد كل حاجة فى البطيخ لها فوائد

لكن المشمش ممكن يجفف ويحفظ فى اى مكان ويتعلب ويفضل فترة فى الضلمة

مش النور - لازم مستخبي - ولما بيظهر غالبا بيبقى لاستعماله على مائدة

الافطار فى رمضان ودى اهم استعمالات المشمش المجفف وايضا له استعمالات اخرى هاقولكم عليها

لسة فوائد الاتنين جايا صدقنى ما تقلقش

حاقولكم معلومات كتيررررررررررررررر

[fatfouta]

كتير لما بنكون لينا طلب

يتقالنا فى المشمش

لكن مش بيتقال فى البطييييييييييخ

والله ما فاهمة ولا حاجة على فكرة :closedeyes:

[اغابي]

المهم فى المقارنة بين البطيخ والمشمش

البطيخ رخيص

والمشمش غالى

البطيخ مالى السوق طول السنة

والمشمش عزيز ، بيهل مرة كل سنة

على فكرة المقارنة دى فى صالح البطيخ مش المشمش

ولسة كنت هانزل بمقارنة فيها كام حاجة من دول

يعنى لما يكون سعر المشمش غالى ومش شايفة ان البطيخ رخيص

واذا افترضنا جدلا ان المشمش غالى يبقى مالهوش شعبية اوى والناس كلها بتحب البطيخ وبتستسهل البطيخ بتحس انه اريح

والبطيخ مالى السوق لان له عدد كبير من الناس اللى بتحبه وبتستسهل هضمه

يعنى انا ابنى ولا بيطيق المشمش انا مش بكره المشمش - بس بافضل عليه البطيخ

مثلا لو خيرونى ان بيتيى يبقى فيه مشمش ولا بطيخ اكيد فى بيتي والافضل لينا كاسرة

ومتفقين على البطيخ يبقى نشترى البطيخ و سواء غالى او رخيض - دور على شعبيته

تم تعديل 6 أبريل 2011 بواسطة اغابي

[Alshiekh]

المهم فى المقارنة بين البطيخ والمشمش

البطيخ رخيص

والمشمش غالى

البطيخ مالى السوق طول السنة

والمشمش عزيز ، بيهل مرة كل سنة

على فكرة المقارنة دى فى صالح البطيخ مش المشمش

ولسة كنت هانزل بمقارنة فيها كام حاجة من دول

يعنى لما يكون سعر المشمش غالى ومش شايفة ان البطيخ رخيص

واذا افترضنا جدلا ان المشمش غالى يبقى مالهوش شعبية اوى والناس كلها بتحب البطيخ وبتستسهل البطيخ بتحس انه اريح

والبطيخ مالى السوق لان له عدد كبير من الناس اللى بتحبه وبتستسهل هضمه

يعنى انا ابنى ولا بيطيق المشمش انا مش بكره المشمش - بس بافضل عليه البطيخ

مثلا لو خيرونى ان بيتيى يبقى فيه مشمش ولا بطيخ اكيد فى بيتي والافضل لينا كاسرة

ومتفقين على البطيخ يبقى نشترى البطيخ و سواء غالى او رخيض - دور على شعبيته

بس ماتنسيش ان البطيخ بعد ماتشتريه يبقى انتى وحظك

عمرك شفتى مشمشاية قرعة؟

[fatfouta]

المهم فى المقارنة بين البطيخ والمشمش

البطيخ رخيص

والمشمش غالى

البطيخ مالى السوق طول السنة

والمشمش عزيز ، بيهل مرة كل سنة

على فكرة المقارنة دى فى صالح البطيخ مش المشمش

ولسة كنت هانزل بمقارنة فيها كام حاجة من دول

يعنى لما يكون سعر المشمش غالى ومش شايفة ان البطيخ رخيص

واذا افترضنا جدلا ان المشمش غالى يبقى مالهوش شعبية اوى والناس كلها بتحب البطيخ وبتستسهل البطيخ بتحس انه اريح

والبطيخ مالى السوق لان له عدد كبير من الناس اللى بتحبه وبتستسهل هضمه

يعنى انا ابنى ولا بيطيق المشمش انا مش بكره المشمش - بس بافضل عليه البطيخ

مثلا لو خيرونى ان بيتيى يبقى فيه مشمش ولا بطيخ اكيد فى بيتي والافضل لينا كاسرة

ومتفقين على البطيخ يبقى نشترى البطيخ و سواء غالى او رخيض - دور على شعبيته

بس ماتنسيش ان البطيخ بعد ماتشتريه يبقى انتى وحظك

عمرك شفتى مشمشاية قرعة؟

ايوه صحيح مافيش بطيخة قرعة

لكن المشمش كتير جداااااااااا..........بيطلع مدود :closedeyes:

[اغابي]

بس ماتنسيش ان البطيخ بعد ماتشتريه يبقى انتى وحظك

عمرك شفتى مشمشاية قرعة؟

طب ما المشمشة بتبقى شكلها من بره الله الله ومن جوه فيها كل دودة والتانية مش حاقولك

وايه ولا باين عليها السهونة الصفراوية دي

اسكت يا استاذ محمد ما تفكرنيش بدود المشمش

هو حضرتك مشمشاوى ولا ايه

يعنى من الاخر تفضل ان بيتك يبقى فيه المشمش علطول

[تامر مصطفى]

اكتشفت حااااالا فرق مهم لصالح المشمش

المشمش بيتعمل مشمشية

انما البطيخ مستحيل يتعمل بطيخية

بدور على صورة واحد بيشاور على مخه مش لاقي

المشمش بيتعمل قمر الدين

البطيخ ممكن بعد التقطيع تعملي منه هلال الدين

[اغابي]

اذا كنت خبير بامور البطيخ تستطيع ان تعرف اذا كانت هذه البطيخة قرعة ولا حمرا من نظرة واحدة

يعنى بخبطتين تقدر تعرف هى ايه واحيانا ع السكين كمان - مسمحولك عند شراء البطيخ الحرية المطلقة فى الاختيار والمعاينة قبل الشراء

لكن المشمش كله اجبارى ولا يعلم ما بداخله الا الله

وعلى راى المثل من بره الله الله ومن جواه يعلم الله

أثبتت الدراسات الحديثة فوائد صحية عديدة لفاكهة البطيخ

خصوصا فيما يتعلق بسلامة الأمعاء والكلي.

فقد أظهرت الدراسات أن البطيخ لا يطفئ العطش، ويرطب الجلد، وينعش الجسم فحسب،

بل قد يفيد كمليّن قوى للأمعاء، ومادة تساعد على الهضم، ومقوى للدم، ومفتت لحصوات الكلي.

و وجد الباحثون أن المركبات الطبيعية الموجودة فيه تساعد فى تخفيف شدة الأمراض الجلدية

كما تفيد بذوره فى تخفيض ضغط الدم المرتفع

ويمكن استخدام جذوره فى وقف النزيف الدموي. وأكد خبراء التغذية

، أن هذه الفاكهة غنية بالكثير من العناصر

التى تكفى حاجة الإنسان من الماء والفيتامينات والمعادن طوال اليوم

خصوصا فى أيام الصيف الحارة

لذا فهو يغنى عن عشرات الأصناف من الخضراوات واللحوم، لما له من أثر ملطف

على المعدة ومنشط لإنتاج الطاقة.

تم تعديل 6 أبريل 2011 بواسطة اغابي

[Alshiekh]

بس ماتنسيش ان البطيخ بعد ماتشتريه يبقى انتى وحظك

عمرك شفتى مشمشاية قرعة؟

طب ما المشمشة بتبقى شكلها من بره الله الله ومن جوه فيها كل دودة والتانية مش حاقولك

وايه ولا باين عليها السهونة الصفراوية دي

اسكت يا استاذ محمد ما تفكرنيش بدود المشمش

هو حضرتك مشمشاوى ولا ايه

يعنى من الاخر تفضل ان بيتك يبقى فيه المشمش علطول

للأسف ده عندنا فى مصر بس

أنا عمرى هنا ماشفت مشمشاية فيها حاجة غير البذرة

[Howayda Ismail]

المشمش ضيف عزيز وغالى

لكن البطيخ ........... وبختك ياابو بخيت

عمرك سمعتى حد غنى للبطيخ

http://www.youtube.com/watch?v=njXGEryLTa0

[fatfouta]

عمرك سمعتى حد غنى للبطيخ

اه فيه :closedeyes:

نشيد البطيخة للأطفال

http://www.youtube.com/watch?v=i3ta5GnKAs4

[Howayda Ismail]

عمرك سمعتى حد غنى للبطيخ

اه فيه :closedeyes:

نشيد البطيخة للأطفال

http://www.youtube.com/watch?v=i3ta5GnKAs4

ولو برضه

ده حتى الحلاوة غالبة فى غنيوة المشمس

[الغريب]

الله جميل أوي الموضوع ده

أنا بموت في عائلة القطيفة (كنت بسميها كدة وأنا صغير) العائلة دي مكونة من الخوخ والمشمش ذوات الملمس القطيفي

أما البطيخ فبصراحة آخر عشر سنين في مصر البطيخ كله مضروب ووالدي ربنا يديله الصحة بيحب البطيخ جدا وكان كل يوم وهو راجع من الشغل في عز الحر يشيل بطيخة كبيرة وهو جاي ولما يوصل البيت بيبقى منتظر أنها تروي عطشه ، فإذا بها قرعة :blink: ، ونقوم نشلها زي ما هي ونرميها في الزبالة ، المشكلة أن الموضوع ده كان بيحصل بشكل يومي وهو مبيحرمش :sad:

لكن بصراحة البطيخ المصري أو السعودي اللي بيييجي الكويت بيكون كويس وجميل وطعمه حلو..

[اغابي]

الله جميل أوي الموضوع ده

أنا بموت في عائلة القطيفة (كنت بسميها كدة وأنا صغير) العائلة دي مكونة من الخوخ والمشمش ذوات الملمس القطيفي

أما البطيخ فبصراحة آخر عشر سنين في مصر البطيخ كله مضروب ووالدي ربنا يديله الصحة بيحب البطيخ جدا وكان كل يوم وهو راجع من الشغل في عز الحر يشيل بطيخة كبيرة وهو جاي ولما يوصل البيت بيبقى منتظر أنها تروي عطشه ، فإذا بها قرعة :blink: ، ونقوم نشلها زي ما هي ونرميها في الزبالة ، المشكلة أن الموضوع ده كان بيحصل بشكل يومي وهو مبيحرمش :sad:

لكن بصراحة البطيخ المصري أو السعودي اللي بيييجي الكويت بيكون كويس وجميل وطعمه حلو..

يبقى مع احترامى للوالد المشكلة مش فى البطيخة انها طلعت قرعة

لكن المشكلة فى والوالد ( ربنا يديه الصحة ) لانه مش بيعرف يختار البطيخ لو انت محترف يبقى من خبطة واحدة تعرف ديته وكمان ممكن لك الحرية فى اختبار السكين

احيانا العيب بيبقى فى جمهور البطيخ وطريقة اختياره للبطيخة الغلط - مش العيب فى البطيخة

انا كنت منتظرة فعلا ردك ورد الباقيين اصل الموضوع يهمنى اعرف رايكم

اما بالنسبة لبطيخ السعودية انا اول مرة اعرف ان السعودية اساسا حتى بيعرفو يزرعو البطيخ

هو اللى عندهم داه تسميه بطيخ ولا يقارن حتى ببطيخ مصر

اللى انا متاكد منه ..... انك مشمشاوى

تم تعديل 7 أبريل 2011 بواسطة اغابي