صور مؤلمة... بلا تعليق من مستشفى الشاطبى بالاسكندرية

[fatfouta]

كتب حسام حسن: اسم المستشفى:مستشفى الشاطبي للاطفال وحدة حديثى الولاده

عنوانها

ش بورسعيد بجوار مكتبة الاسكندريه

طبيعة المشكلة

اهمال جسيم..نقص شديد فى عدد الحضانات بالنسبه للمواليد

عدم اهتمام من ادارة الجامعه

عدم وجود نسبه كافيه من الممرضات

النسبه العالميه ممرضه لكل طفل بسبب حاجته للرعايه المكثفه او بالاكثر اثنتان

و يحصل الطفل على نص الرعايه

لكن بالامس فى الوحده كان هناك حوالى 70 طفل و7 ممرضات فقط

الحقوا الاطفال دول قبل متحصل كارثه زي اللى حصلت فى 2006

http://bit.ly/hwqPKu

ده اللى حصل فى 2006...حريق ادى لوفاه 12 طفل

بسبب الاهمال

فى محاولة من اساتذة الجامعة للضغط الاعلامي ونشر الموضوع لانقاذهم

اللى فجر الموضوع وصور الصور هو د-مجدي بدر الدين

استاذ طب الاطفال بوحدة حديثى الولاده بالجامعه

ياريت كلنا نشترك عشان ننقذ الاطفال دول من الاهمال اللى بيعرض حياتهم كل يوم للخطر

[fatfouta]

كانوا لسه بيتكلموا عن الموضوع ده فى برنامج اخر كلام مع يسرى فودة

وفيه نشطاء عملوا حملة عالفيس بوك للموضوع ده

‏حملة إنقاذ أطفال مستشفى الشاطبي

[Howayda Ismail]

ان جيتى للصراحة يافتفت فى مجهود كبير فى مستشفيات الجامعة لكن الاهمال بيضيعه

مش حتصدقى انها فى العمليات افضل من مستشفيات خاصة كبيرة بتكون اسم وبس

يمكن عشان بتخدم 3 محافظات او اكتر الاسكندرية ومطروح والبحيرة

اعداد مهولة كل يوم وعدد لاحصر له من العمليات والولادة والكشوفات

المفروض الصحة تزود ميزانيات المستشفيات دى لاهميتها الكبيرة

تعرفى ان ابلتك ماما سوزان كانت عاوزة تهدها عشان مكتبة اسكندرية والدنيا هاجت

على القرار ده واديها مشيت والمستشفى لأ

تانى حاجة الادارة والضمير محتاجين نسف وزرع من اول وجديد

[Howayda Ismail]

دى حالة من الحالات الصعبة الللى اتعملت فى مستشفى الشاطبى

ودى احد السيدات ولدت 7 توائم بنفس المستشفى

بولادة قيصرية بمستشفي الشاطبي انجبت 'غزالة' 7 توائم '4 اولاد و3 بنات' بعد حمل 7 أشهر ... قرر الدكتور حاتم الجبلي وزير الصحة نقل التوائم الي الحضانات وصرف الالبان اللازمة مجانا لمدة عامين.. كانت السيدة غزالة قد دخلت المستشفي تحت اشراف د. عماد درويش مدير مستشفي الشاطبي الذي قرر وضعها في العناية المركزة بعد اكتشاف حملها في 7 توائم وامس كان الموعد الذي حدده الدكتور محمود مليس استاذ امراض النساء والتوليد لاجراء عملية الولادة القيصرية .. وبعد التأكد من التنفس العادي للتوائم السبعة.. جرت العملية بشكل طبيعي حيث تم ايداع 3 منهم حضانات الشاطبي.. بينما تم توزيع الاربعة الاخرين علي حضانات أخري تابعة للوزارة.

[لماضة مصرية جدا]

السلام عليكم و رحمة الله و بركاته

مش عارفة اقول ايه

بس قلبي وجعني....

اللي اخد الصورة....مش من حقه...يرفعهاو لا يصورها.....مهما كانت بتغطي كارثة انسانية

فيه حاجة اسمها حق المريض..خصوصيته

و المريض ده حتي لو بيبي.....لازم اهله يوافقوا علي الصورة

و الصورة بتاعت البيبيهات اللي في الحضانة......ده فعلا بجد.....ولو بجد...يااااااااالله....هو الصحفي اللي عمل الخبر لسه هيعمل حملة اعلامية...المفروض ياخد الصورة و يطلع بيها علي اقرب قسم شرطة

قلبي واجعني

و مش عارفة اكتب

لا حول و لا قوة الا بالله العلي العظيم

[aimen]

السلام عليكم و رحمة الله و بركاته

مش عارفة اقول ايه

بس قلبي وجعني....

اللي اخد الصورة....مش من حقه...يرفعهاو لا يصورها.....مهما كانت بتغطي كارثة انسانية

فيه حاجة اسمها حق المريض..خصوصيته

و المريض ده حتي لو بيبي.....لازم اهله يوافقوا علي الصورة

و الصورة بتاعت البيبيهات اللي في الحضانة......ده فعلا بجد.....ولو بجد...يااااااااالله....هو الصحفي اللي عمل الخبر لسه هيعمل حملة اعلامية...المفروض ياخد الصورة و يطلع بيها علي اقرب قسم شرطة

قلبي واجعني

و مش عارفة اكتب

لا حول و لا قوة الا بالله العلي العظيم

دا مش صحفى يا لماضه

دا دكتور شاب فى المستشفى

وبالعكس انا شايف ان الصورة و نشرها على التليفزيون حيكون لها وقع اكثر

دول اطفال وعلشان كده المصيبة اكبر واكبر

حسبى الله ونعم الوكيل

http://twitter.com/hossam14

A human tragedy at Shatby pediatric hospital !! "Updated"

[engmido]

الحمد لله الذى عافانا مما ابتلى به غيرنا

[akramgroup]

مستشفيات الحكومه فى مصر بجد بقت حاجه لاتوصف

ولو شوفتوا الاهمال الجسيم فى مستشفى الميري باسكندريه برضوا

ودى مستشفى حكومى تابع لجامعة الاسكندرية ووزارة الصحة

مش هاتتخيلوا كم الاهمال والنقص فى الموارد وكمان التقصير فى حقوق الناس والاستهانه بها

وفلوس وزارة الصحة فين الله اعلم

كفايه الباشوات اللى بتتعالج فى الخارج على نفقة الدوله هو احنا هاننهب

ياعينى على الفقير ياولداه

حسبى الله ونعم الوكيل

[fatfouta]

تانى حاجة الادارة والضمير محتاجين نسف وزرع من اول وجديد

هو ده فعلا اللى المفروض يحصل

منها لله ششوزان مبارك اللى كانت عاملة نفسها راعية للامومة والطفولة المصرية

ومنه لله اى وزير صحة سابقى كان فى الوزراة دمر ملف الصحة فى مصر وكفاءة اداء المستشفيات

[أسد]

أعتقد أن الصورة الموجودة عاليه قديمة

ففي عام 2006 حدث حريق قضى على أثره عدد من الأطفال

وأثير في هذا الوقت الحديث عن إمكانيات المستشفيات في مصر .. وفي الاسكندرية خاصة .. وبالتالي زيادة الضغط على مستشفى الشاطبي مما أثار الجدل على زيادة العدد

وكان الخيار المر الذي يضعه الأطباء .. ولا ألومهم

إما أن نرفض الطفل .. فلا يجد مكان به أية إمكانيات لمساعدته على البقاء حياً ..

أو نقبله .. ونغزل برجل الحمار كما هو واضح في الصورة

خياران أحلاهما مر

وقد كتبت موضوعاً تفصيلياً في شأن حال المستشفيات وتقديمها للرعاية الطبية للأطفال حديثي الولادة ..

وهذا الأمر عظيم الشأن في مصر .. فالنقص حاد جداً في الإمكانات .. ويفوق الوصف

وهو على حاله لم يتطور إلا قليلاً ..

موضوعي القديم أعتقد أنه يحوي الكثير من المعلومات عن هذا الأمر ...

يمكن الإستزادة منه ..

أو لأهمية الأمر يمكننا دمج الموضوعين معاً إذا كان هذا أفيد

تحياتي

أطفال مصر ... (المواليد)

[fatfouta]

الصورة الموجودة يا استاذ اسد مش قديمة لانها لا تمثل حادثة 2006 هما بيستشهدوا بحادثة الحريق لكن مش بيقولوا ان هى دى صورة للاطفال ايامها

وكانت موجودة امبارح فى جميع المواقع وكمان فى برنامج اخر كلام مع يسرى فودة وضعوا الصور دى وقالوا ان ده بيحصل دلوقتى فى مستشفى الشاطبى

وده رابط الحملة اللى موجودة عالفيس بوك وتويتر اللى عملهم الدكتور حسام نفسه اللى فيها الصور

http://www.facebook.com/pages/%D8%AD%D9%85%D9%84%D8%A9-%D8%A5%D9%86%D9%82%D8%A7%D8%B0-%D8%A3%D8%B7%D9%81%D8%A7%D9%84-%D9%85%D8%B3%D8%AA%D8%B4%D9%81%D9%89-%D8%A7%D9%84%D8%B4%D8%A7%D8%B7%D8%A8%D9%8A/200435159990647

http://twitpic.com/4hn82h

تم تعديل 7 أبريل 2011 بواسطة fatfouta

[اغابي]

يارب الناس تهتم وتساعد المستشفى - منظرهم بيصعب عليا اوى

بس كتاكيت خالص عاوزة امسكلهم كلهم واحضنهم وابوسهم اوى جامد واكل الخدود النونو دى

انا فى الاول يا فتفوتة اتاثرت - لكن بعدين قعدت ادلع فيها وابسبس لهم واغنيلهم شكلهم قمر قمر قمر

يا البي عليهم

اقولك مهما الموضوع كان صعب ومؤلم - لكن لينا احنا ندلعم شوية وهما زى القمر كدا

المفروض كل واحدة من الامهات تروح بيتها بعد الولادة مباشرة

لان اكيد فى بيتها مكان افضل من المستشفى للنونو - ومن وقت للتانى تبقى ترجع المستشفى تطمن على حالة الطفل

لان بالشكل داه الاسماء كمان اللى فى ايديهم ممكن توقع وتتلخبط و ابن داه ياخده داه وكل واحد ياخد ابن مش ابنه

ربنا يسترها عليهم

[Alshiekh]

فى حديث لى مع إبنتى حول هذه الصورة أفادتنى بالآتي

الصورة لأطفال فى الغرفة الملحقة بغرفة العمليات ، ويبدو ان عدد الولادات فى ذلك اليوم كان أكثر مما تتحمل المستشفى

بعد اجراء الولادة ووضع اساور اساؤهم واسماء امهاتهم وغسل الاطفال يتم وضعهم فى هذا الحوض الزجاجى ( حوض التدفئة ) حيث ان الحوض فوقه دفاية أيضا والسبب فى أنهم عرايا أن أهاليهم لم يحضروا لهم ملابسهم بعد. وذلك من واقع خبرتها أيام الإمتياز فى تلك المستشفى.

وحيث أن المستشفى مجانى فيأتيه حالات ولادة كثيرة لانه يخدم عدة محافظات كما قالت مدام هند

وياريت كل من يستطيع المشاركة المالية يتفضل بالمساعدة فهذا اقل واجب تجاه أهالينا الغير قادرين

[Howayda Ismail]

مستشفيات الحكومه فى مصر بجد بقت حاجه لاتوصف

ولو شوفتوا الاهمال الجسيم فى مستشفى الميري باسكندريه برضوا

ودى مستشفى حكومى تابع لجامعة الاسكندرية ووزارة الصحة

مش هاتتخيلوا كم الاهمال والنقص فى الموارد وكمان التقصير فى حقوق الناس والاستهانه بها

بخصوص كوارث مستشفى الميرى عملت موضوع عنها

نفايات المستشفيات

الوقت ده ابنى كان حيدفع تمن هذا الموضوع فى امن الدولة لولا ستر ربنا وكنت ناوية اكتب

عنه هنا فى المحاورات لكن الاخ نايت مير نصحنى بعدم كتابته لانه ربما يثير المشاكل

وخصوصا مصادفته مع قصائد سياسية وشكنا ان جهازنا وقتها مراقب وحدثت اشياء زودت الشك ربما

هناك تحرى عننا

الموضوع ببساطة اخو زوجى فاجاته الام رهيبة الثالثة فجرا ورغم تامينه يغطى اكبر مستشفيات

فى اسكندرية لكن حظه انه لم يجد اطباء متخصصون فى عدة مستشفيات خاصة فى هذا التوقيت

ونصحه احد الاطباء بالتوجه فورا لمستشفى الجامعة وذهب معه زوجى واخوهم وحماه وابنى

وابنى كان عنده فكرة عن موضوع النفايات اللى كتبته هنا فاول حاجة لفتت نظره هناك

الاهمال والقذارة المتناهية فى الاستقبال والحمامات راح مصوربالتليفون كل اللى شافه

وكان واضح اهمال الممرضات النبطشية فى هذا الوقت وكان الجماعة مشغولون بالمريض الذى

علق له قسطرة ومحاليل فورية لكن فوجئوا بمخبر بينادى على ابنى حضرة الضابط عايزك حالا

ساله ليه قاله تعالى وخلاص ثار زوجى واخواته وهو بيشده فى ايه فى ايه قالهم الضابط عاوزه

جروا وراه وتركوا عمه المريض اللى قام من سريره بالمحاليل والقسطرة وقف على الباب

فى البداية زوجى واللى معاه افتكروا انه يكون عاكس الممرضة وسالوه عاكستها قالهم هى دى

شكل واحدة تتعاكس لكنه فهم ان هى بلغت الضابط عن تصويره فمرداش يشيل الميمرى

من التليفون وسابها زى ماهى

الجماعة قلقوا وهاجوا على الضابط انت عوزه ليه عمل ايه قالهم اطلعوا برة وسسيبوه

زوجى هاج ورفض يسيبه وحمى اخوه رتبة فى الجيش قاله نفهم الموضوع ايه لكن عشان هم زعقوا

اتعنت وبقت مسالة كرامة وقاله بعصبية هات تليفونك وهم مكنوش فاهمين ليه واتعصب اكتر

لما معرفش يشغل التليفون لانه ببباسورد وفرنسى شخط فيه افتح وخليه عربى

طبعا شاف اللى صوره قعد يزعق وهم يزعقوا اخوهم الكبير خرجهم برة والضابط انتهز

الفرصة شتم الولد عاملى بطل انتم شوية .... ولابس لى حضاظة وسلسلة انا ممكن البسك قضية

امن دولة دلوقت واضيع مستقبلك وكان مصمم يعمله محضر امن دولة قاله هات بطاقتك وكارنيه

الكلية وكتبهم فى ورقة

ولان شكلهم مش ناس اى كلام وفهم انهم مش حيسكتوا برضه

المخبر برة قالهم يابهوات لموا الموضوع زعيقكم فيه ضايقه وده شغله هو واقف حرس

عليها بعفنتها دى عشان الحاجات اللى زى دى وممنوع حد يصور اى حاجة

كان وقتها ابنى وعمه الكبير معاه جوة عمه لطشه بالقلم وقاله انت مالك بحاجة زى دى

ليك ايه عشان تصور احنا جايين فى ايه وانت بتعمل ايه والضابط طبعا مسح كله وطبعا

هدى لما عمه ضربه وعطاه التليفون وسابه وعمه طلع يقولهم خلاص الموضوع خلص

وقعدوا بعدها ساعتين كمان فى المستشفى وروحوا الصبح

مش عارفة صدفة ولاايه لكن انا قلقت بجد لان تانى يوم على طول التليفون الارضى رن والاظهار

وضح انه من القاهرة شخص قال للاولاد عاوز حد كبير كلمته سالنى ان كنت موافقة على البرادعى

ولا لأ وطلب شوية حاجات لكن اساسا انا مكنتش معاه دماغى لفت وخفت يكون له علاقة بابنى

واللى حصل فى المستشفى وقبلها مضى على استمارة للبرادعى فى الشارع لاقتنى باقوله محدش هنا

وكملت لما واحد مندوب مبيعات يخبط على الشقة ويسال عنى بالاسم بيعرض اجهزة منزلية

ابنى فتح له وقاله مش محتاجين عندنا ولاحظ انه مهوش اى جهاز لكنه افتكر سايبها تحت

لكن شوية ورجع خبط تانى واتحجج بحاجة تانية ومشى لكن ابنى كان زهق ونوى يضربه لو خبط تانى

خلاصة الكلام ان واحد زى ابنى مالوش فى السياسة وعايش حياته يتضايق من اللى شافه

ويعرض نفسه لمشكلة ده معناه مدى كتر الفساد والاهمال وكان بيضايقه الوسايط عشان ياخد حاجة

من حقه وهى كمان اللى انقذته من بطش الضابط وده اللى خلاه ينزل 25 يناير رغم محاولات منعه

من النزول . التغيير وصل لكل الناس وخصوصا الشباب اللى كفر بالبلد وكان عاوز يهج برة

اشياء بسيطة فى تلك المستشفيات مش محتاجة امكانيات لكن محتاجة ضمير من العاملين بها

ملحوظة : فى ناس بتتبرع كتير بمال وحاجات عينية بطاطين وماشابه لنها لاتظهر بتروح فين ؟!

[أسد]

حالة الخدمات الصحية في مصر أقل مايمكن وصفها

بأنها ..

مهترئة ..

الخدمات الصحية في المرافق الحكومية .. ومرافق وزارة الصحة .. والمستشفيات التعليمية ..

دون أي مستوى ... ولا ترقى للمقارنة بأي مواصفات أو استاندرد

في القطاع الخاص ..

المريض يدفع دم قلبه ..

ولا يجد رعاية لائقة

في عيادات الأطباء الكبار ... في أغلبها ..

غرفة الطبيب حالها جيد أو جيد جداً ..

صالات الإنتظار ...

مهملة .. ولا تليق .. بأي شئ ...

المسألة برمتها كانت محتاجة ثورة بالفعل ...

لا ننسى ..

أن مصر كلها كانت محتاجة للثورة ..

وها هي قد أتت

أعني الثورة ..

فلنعمل يداً بيد .. للإصلاح

[Howayda Ismail]

قليل جدا من المستشفيات الخاصة يوجد بها كفاءات تستحق مايدفع مقابله

الا ان معظمها مفتوح للربح المادى دون النظر لمستوى الخدمات المقدمة

مبان فخمة واستف امن ببدل بهوات على الابواب والاستقبال وفاتورة تقصم الظهر مقابل

خدمة دون مستوى بعض العمليات المتوسطة تصل الى الافات الجنيهات

الكفاءات الممتازة ذات الخبرة متواجدة فى مستشفيات الجامعة وعيادتهم الخاصة

واحيانا بعض منهم بيجرى عمليات الحالات اللى عنده فى احد تلك المستشفيات الخاصة

بمبلغ وقدره

حتى الممرضة اللى بتشتغل فى المستشفيات الخاصة بكفاءة ونشاط هى نفس ممرضة اللى

بتشتغل فى مستشفيات الحكومة بقرفة وتعالى وطبعا المرتبات السبب

طيب ليه الحكومة لاترفع الاجر الاقتصادى المعمول به حاليا لتحسن به العلاج المجانى

الاهم تحسين مستوى الخدمة والاقامة لتستفيد من هذه الفئة بدلا من الخاصة

وضرورى جدا رفع اجر الاطباء والممرضات عشان يبقى لهم نفس يشتغلوا فيها

[fatfouta]

مدير حضانات الشاطبي السابق يكشف لمصراوي حقيقة كارثة عمرها 3 سنوات

4/7/2011 11:52:00 PM

''حياة الأطفال في مستشفى الشاطبي في خطر''.. صرخة أطلقها الدكتور محمد مجدي بدر الدين، أستاذ طب الأطفال بجامعة الاسكندرية والرئيس السابق لوحدة الأطفال حديثي الولادة بمستشفى الشاطبي عبر موقع'' مصراوي''.. بعد ان فشلت رسائله التسعة عشر علي مدار السنوات الثلاث الماضية - التي تولي خلالها مسؤولية الوحدة - في تحريك المسؤولين لإنقاذ حياة أطفال ''الغلابة'' من أزمة نقص الحضانات وسوء الإدارة الشديد.

ولم يجد أمامه سوي اللجوء إلى الإعلام والإنترنت لكشف الحقائق ،وبدأ حملته بمساعده زملائه وتلاميذه، على رأسهم ''الطالب حسام حسن الذي تولي إدارة حمله ناجحة على موقعي التواصل العالمي فيس بوك وتويتر بعنوان ''إنقاذ اطفال مستشفى الشاطبي'' ، بث خلالها صوراً جديدة، التقطت خلال 17 يناير 2011 ، تظهر الوضع المأسوي للمستشفى وتكدس الاطفال في غرفه الملاحظة انتظارا لدور في الحضانة قد يؤهلهم لدوراً في الحياة.

في مشهد أثار غضب آلاف المواطنين الذين طالبوا بحل فوري واعلنوا استعدادهم جمع تبرعات لدعم المستشفى.. بينما قام وفد من رجال قيادة المنطقة الشمالية للقوات المسلحة بتفقد المستشفى، صباح اليوم، لرصد المشكلة على الطبيعة والاستماع إلى الحلول المقترحة بعد تلقي عده شكاوي الكترونية يوم الأربعاء.

يقول د. بدر الدين ''إن المشكلة ترجع إلى سنوات سابقة، حيث افتقدت المستشفى عملية التنسيق بين إدارتها المختلفة، الأمر الذي أدى – ومازال - إلى استقبال عدد مكثف من الولادات تفوق السعة الحقيقة للمستشفى، وتكون النتيجة هي تكدس الأطفال في الحضانات وغرف الملاحظة، في وضع صحي خطير''.

وتابع أستاذ طب الأطفال ''رغم أن الحضانة تسع لـ 45 طفلاً وليداً فقط، إلا أنها في الواقع تستقبل ما يزيد عن 70 طفلاً في بعض الأحيان، بما يؤدي إلى مشاكل خطيرة، منها نقل العدة السريع بين الأطفال، وتعريض المرضى منهم لمضاعفات صحية خطيرة، فضلاً عن ارتفاع نسبة استبدال الأطفال، ووقوع إصابات جسدية''، مؤكداً أن كل ما يقوله أموراً حدثت بالفعل ومسجلة في أوراق رسمية.

ويقترح د. بدر الدين أن يتم استكمال مشروع توسعة وحدة الحضانات ''فوراً''، بعد أن تم ايقافه، رغم صرف ملايين الجنيهات، لأنه تم اكتشاف أن امكانات لوحة كهرباء المستشفى لا تتحمل ضغوطاً اضافية.

وشدد الدكتور محمد مجدي بدر الدين، أستاذ طب الأطفال بجامعة الاسكندرية، على أهمية تطوير أسلوب إدارة المستشفى لتتمكن من الاستفادة القصوى من الخبرات المتميزة بها والأجهزة الطبية الحديثة وتوظيفها لخدمه المرضى''.

[Howayda Ismail]

استئصال ورم نادر في صورة ''جنين ملتصق'' بطفل حديث الولادة

نجح فريق طبي من جامعة الإسكندرية ومستشفي الشاطبي الجامعي في إجراء جراحة نادرة لاستئصال ورم في صورة ''جنين ملتصق'' لطفل حديث الولادة

وقال أستاذ جراحة الأطفال بكلية الطب جامعة الإسكندرية الدكتور صابر وهيب الذي رأس الفريق إن الورم الذي تم استئصاله يزن أكثر من كيلو جرام ويبلغ حجمه أكثر من ثلث حجم الطفل، مشيرا الى أن الورم عبارة عن جنين ملتصق بالمولود السليم ولم ينفصل عنه، حيث تم استئصال وفصل الجنين الملتصق منه وبناء على ما سبق تم تحديد عمر الجنين الذي يبلغ من 4 شهور تقريبا وتبين وجود أنسجة للمخ وكذلك عظام الأطراف العلوية.

وأشار الى أن الطفل المولود كان يعاني من وجود ورم بمنطقة العجز والعمود الفقري ولاصق لأجهزة الحوض حيث تم نقله مباشرة بعد الولادة الى وحدة جراحة الأطفال بمستشفى الشاطبي الجامعي وتم مناظرة الحالة وعمل الإشاعات والفحوصات الطبية اللازمة وتم إجراء الجراحة للطفل بنجاح .. مؤكدا ان الجراحة كانت تتطلب تقنيات عالية من حيث فريق الجراحة والتخدير وكذلك التمريض والعناية المركزة فيما بعد الجراحة.

وأوضح "وهيب" أن هذا النوع من الأورام يعد من أنواع التشوهات الخلقية للأجنة، مبررا أسبابه بعوامل الخطورة البيئية وهي متعددة وتأتي في مقدمتها انعدام الثقافة الصحية خاصة في المناطق الفقيرة والتي يكثر فيها التشوهات الخلقية، فضلا عن التلوث البيئي الذي لعب دورا مهما في زيادة معدل تلك التشوهات بشكل ملحوظ ومتزايد في الخمس سنوات الأخيرة .

[fatfouta]

اهم الحمد لله فاقوا وابتدوا ينتبهوا لمستشفى الشاطبى

وزير الصحة: لن يتم هدم مستشفى الشاطبي بالإسكندرية \

الإسكندرية - أ ش أ

أكد وزير الصحة الدكتور أشرف حاتم أنه لن يتم هدم مستشفى الشاطبي الجامعي بالإسكندرية، مشيراً إلى انه سيتم خلال المرحلة المقبلة العمل على تطويرها وتدعيمها بكافة الامكانيات الطبية لتعود كسابق عهدها واحدة من أهم مستشفيات علاج النساء والأطفال على مستوى الجمهورية.

وقال حاتم، خلال لقائه أعضاء جمعية رجال الأعمال بالإسكندرية اليوم السبت، إنه تقرر مضاعفة الموازنة الاستثمارية للمستشفيات الجامعية خمس مرات لتصبح مليار جنيه سنويا بدلا من 200 مليون جنيه.

وأضاف أنه سيتم العمل على ما تم بناؤه خلال المرحلة الماضية في القطاع الصحي، لافتا الى ان مرفق الإسعاف تم تطويره، وسنعمل خلال الستة أشهر المقبلة على تطوير خدمات الطوارئ بكافة المستشفيات على مستوى الجمهورية.

وتابع أن الدولة هي الضامن لتقديم الخدمة الصحية اللائقة لكل مواطن بصرف النظر عن ظروفه المادية باعتبار ذلك حقاً اصيلاً للمواطن المصري.

وأكد وزير الصحة انه تم إلغاء قرار ''الإسناد بالأمر المباشر'' لشراء الأجهزة الطبية والخدمات الطبية التي كانت تتم من خلال بعض الجهات السيادية بالدولة، مضيفاً أن القانون في هذا الشأن سيتم تطبيقه بطرح المناقصات وتحديد المواصفات المطلوبة والاختيار للمنتج الجيد مع إعطاء أولوية للمنتج المحلي بنسبة 15% بنفس المواصفات عن المنتج الأجنبي.

وقال إن الدولة مستمرة في مساندة رجال الأعمال الحريصين على مصلحة مصر وتحقيق التنمية اللازمة في مختلف المجالات، مشيرا الى أن السياسة الصحية تعتمد خلال الفترة المقبلة على المنظومة التكميلية بين جميع المؤسسات الصحية في الدولة لتوفير الخدمات العلاجية اللازمة للمواطنين.

[Howayda Ismail]

الشاطبى الجامعى تنجح فى إجراء 7 عمليات تشوه بالجهاز التنفسى للأطفال

تمكن فريق طبى بمستشفى الشاطبى الجامعى من إجراء سبع عمليات دقيقة لعيوب بالرئتين والقصبة الهوائية خلال هذا الشهر بوحدة جراحة الأطفال، بنسبة نجاح تتساوى مع أحسن مراكز جراحة الأطفال العالمية، لوجود تقنيات عالية فى الجراحة والتخدير وكذلك العناية التمريضية فيما بعد الجراحة، وأجريت هذه الجراحات بواسطة فريق جراحى يرأسه الدكتور صابر وهيب ومجموعة من أساتذة التخدير وقد تم خروج الحالات فور تحسنها من المستشفى إلى منازلهم، حيث الرعاية الطبيعية للأم لهم من خلال حياة طبيعية يحياها الطفل.

وقال وهيب إن العيوب الخلقية بالجهاز التنفسى فى الأطفال الرضع وحديثى الولادة تمثل نسبة 5% من العيوب الخلقية الجراحية التى تصيب الأطفال وكانت مسئولة عن نسبة وفيات مرتفعة وذلك منذ أكثر من 20 عاما ومنذ 1996 ارتفعت هذه النسبة إلى أكثر من 10% من العيوب الخلقية وهذا الارتفاع ضمن زيادة معدل حدوث العيوب الخلقية بصفة عامة فى السنوات الأخيرة وقد تكون العيوب بالرئة أو القصبة الهوائية و المرىء.

وأشار وهيب رئيس الفريق الطبى، إلى أن هذه العمليات تحتاج إلى تقنية عالية جدا وبالتالى تتطلب إمكانات عالية ومكلفة بوحدة جراحة الأطفال التى تجرى العمليات بها بالمجان وبأقل تكاليف على ميزانية الدولة تكاد لا تذكر ينقذ بها أرواح أطفال ينعمون بحياة طبيعية.

وأضاف الدكتور صابر أن وحدة جراحة الأطفال بالشاطبى تستقبل أكثر من 3 آلاف حالة سنويا تمثل التشوهات الخلقية حوالى 30% من هذه الحالات وتجرى العمليات كلها بالمجان بالوحدة، وتشكل التشوهات الخلقية مشكلة صحية عامة ويعد ولادة طفل مشوها حدثا مؤثرا وصعبا للغاية وقد يثير معضلة أخلاقية وطبية وتشمل العيوب الخلقية اى عيوب شكلية أو وظيفية أو كيميائية حيوية جزيئية قد تتطور فى الجنين من الحمل وحتى الولادة.

ولفت وهيب إلى أن انقسام مسببات التشوهات الخلقية إلى معروفة غير معروفة والأسباب المعروفة قد تكون جينية أو غير جينية وتشمل الأسباب الجينية عيب جبينى واحد أو شذوذ كروماسومات، وأن الأسباب غير الوراثية (البيئية) تتمثل فى الملوثات البيئية والمخاطر المهنية والعوامل الغذائية والأدوية والسلوكيات الشخصية وهذه المجموعة ذات أهمية لسببين: أولا: أنها مسئولة عن زيادة معدل التشوهات الخلقية فى السنوات الأخيرة بشكل ملحوظ، وثانيا: لأنها الوحيدة التى يمكن الوقاية منها.

وأكد وهيب أن زيادة معدل التشوهات الخلقية وسط المستويات الأكثر فقرا، وبالتالى اقل وعيا صحيا ورعاية طبية وأكثر عرضة للمخاطر المهنية، وبالتالى تأتى محافظة البحيرة من أكثر المحافظات إصابة لأطفالنا بالتشوهات الخلقية.

تم تعديل 31 مايو 2011 بواسطة Hend ali