سألنى سائل لماذا احب الرئيس مبارك :

[محمد حامد الغنام]

سألنى سائل لماذا احب الرئيس مبارك :

سالنى سائل لماذا احب الرئيس مبارك بالرغم من وجود الفساد ؟قلت له الاسلام لايحاسب الناس على افعال الاخرين فكلكم راع وكلكم مسئول عن رعيته ولا يكلف الله نفسا الا وسعها ورئيس الدوله ليس الله ولا يقول للشىء كن فيكون وانما هو مسئول عن شئون البلاد والعباد بالرقابه وسن القوانين والاشراف ووضع الخطط العامه والمتابعه والحرص على تنفيذها وهكذا..ولكن من عليه البناء على الارض هو الشعب ومن عليه الرقابه العامه هو الشعب ...... هل امر الرئيس مبارك الطبيب ان يسرق كليه المريض؟ هل امر المدرس ان يغتصب تلاميذه؟ هل امر الضابط ان يقتل المواطن فى التحقيق فى جريمه ايا كانت ؟هل قال للشيوخ ان تفتى على هواها وتضع الناس فى بلبله؟ هل امر باغرق من فى البحر وحرق من فى القطار ؟ هل امر بالرشوة حتى لو كان موظف ياخذ الاف بالحلال ؟الدم الفاسد؟ عقوق الوالدين؟ الغش التجارى؟قطع الارحام؟..............

اعلم انك ستقول نعم لانه مسئول , واقول لك ان الرئيس برىء من كل ذلك لانه لم يصدر قانونا يامرك فيه بالفساد,, هتقولى لكن سياساته هى من جعلت الفساد يولد وينتشر,, اقول لك ان الفساد موجود فى كل العصور والازمان كان موجودا فى عهد رسول الله صلى الله عليه وسلم لان من الصحابه من زنى ومنهم من خان الله ورسوله وارسل الى الكفار فى مكه يحذرهم ومنهم من تحجج لعدم الخروج للجهاد وتخلف مع القاعدين ,, فهل كانت سياسات رسول الله هى السبب فى هذا الفساد؟؟؟ اقول لك ان الرئيس فعل ما يستطيعه اجتهد واصاب واجتهد واخطاء ولكنه ابدا لم يكن خائنا لوطنه ولا اراد يوما ان يرى مصر الا وهى عاليه بين الامم ولكن من خذله هم شعب مصر ,, نعم . لو كنا مع الرئيس قلبا وقالبا نعمل ونجتهد ونبنى انفسنا ونحارب الفساد فى انفسنا اولا واحترمناه وطالبناه بل وقومناه ايضا لكان حالنا اليوم افضل كثيرا مما نحن عليه الان........

صعب الكلام اللى قلته وسهل جدا الكلام اللى ضده عارف ليه؟ لان دايما الشماعه جاهزه نعلق عليها خيبتنا,, الريس فاسد والشعب صالح , الريس وسخ والشعب نظيف الريس ظالم والشعب مظلوم ,, دا السبب اللى هيخلينا مش هنتقدم ابدا ولو حكمنا عمر ابن الخطاب ,, انت مسمعتش الحديث (كما تكونوا يول عليكم)؟؟ مسمعتش الدعاء (اللهم لاتسلط علينا بذنوبنا من لا يخافك ولا يرحمنا)؟ مسمعتش المقوله اللى بتقول ان الحاكم مراه لشعبه؟القران يقول على فرعون(فاستخف قومه فاطاعوه انهم كانوا قوما فاسقين) يقول سيد قطب فى شرح هذه للايه(ولا يملك الطاغية أن يفعل بالجماهير هذه الفعلة إلا وهم فاسقون لا يستقيمون على طريق , ولا يمسكون بحبل الله , ولا يزنون بميزان الإيمان . فأما المؤمنون فيصعب خداعهم واستخفافهم واللعب بهم كالريشة في مهب الريح . ومن هنا يعلل القرآن استجابة الجماهير لفرعون فيقول:

(فاستخف قومه فأطاعوه . إنهم كانوا قوماً فاسقين) .

اذن اللوم على الناس لان الحاكم هو حصاد زرعهم واخلاقهم

قال الله تعالى في سورة الانعام (آية:129): وكذلك نولي بعض الظالمين بعضا بما كانوا يكسبون ))

وقال سبحانه وتعالى لمن اراد هواه في سورة النساء (آية:115): ومن يشاقق الرسول من بعد ما تبين له الهدى ويتبع غير سبيل المؤمنين نوله ما تولى ونصله جهنم وساءت مصيرا )) ,, فان كان مبارك لصا فنحن اول اللصوص وان كان فاسدا فنحن من افسدناه وان كان ظالما فنحن من شجعناه وساعدناه,, ولا عاوز تقولى ان الحكومات بتاعته كانت من دول اجنبيه , ولا ضباط الشرطه وامن الدوله كانت قوات احتلال استعماريه؟؟ مش دول مصريين ؟ مش دول احنا؟ مش دول من مصر اتربوا وعاشوا على ارضها؟ عمرك شفت حد بيبص على نفسه فى المرايه ويقول اخيه ويشتم صورته,,لا وكمان يدعى ربنا انه يخلصه منها , فيحطم المرايه ويهلل ويكبر ويبقى بطل لانه حطم الفساد ومابقاش بيشوفوا قدامه..... وعجبى

فهذا الكلام الذي قاما به احد الشباب الذين لايجرون وراء الاسماء ولا وراء المنافقين ولا يسعني الا ان اشكر الكاتب لهذا المقال واقول له فأنت حقا المصري الاصيل الذي يعي تمام كيف يسير علي الطرق الصحيح

[Alattar]

بداية أود أن أوضح لك يا أخ محمد أنني شخصيا مش هختلف معاك في حتة حبك لمبارك..دي حرية شخصية..و كل واحد حر في رأيه

و برضه عاوز أقوللك اني بجد مش داخل هنا عشان أنتقد و خلاص لأني ما بحبوش مثلا..بس فعلا استوقفني بعض كلامك مثل :

الاسلام لايحاسب الناس على افعال الاخرين فكلكم راع وكلكم مسئول عن رعيته

هو معني كلكم راع و كلكم مسئول عن رعيته..أننا لا نحاسب علي أفعال غيرنا؟..مين العبقري اللي جاب الحتة دي؟..طبعا مش متاج أتكلم بأه عن سيدنا عمر بن الخطاب رضي الله عنه و عن اللي كان بيقوله لأن الكلام ده تقريبا معروف للكل

أنا أعرف كلمة مسئول عن رعيته..يعني مثلا واحد رئيس جمهورية يبقي مسئول عن بلده من أول شبر لآخر شبر..تقدر تقوللي حسني مبارك من امتي كان بينزل الشارع عشان يشوف البلد ماشية ازاي؟؟..و حتي لو نزل..هل كان بينزل أثناء سير الحياة العادية للمواطنين ولا كانوا بيتخذوا إجراءات إستثنائئية ممكن يشيلوا و يهدموا فيها أكشاك و محلات لو اقتضي الأمر؟

تقدر تقوللي يعني ايه يشيل واحد زي الجنزوري اللي الكل شهدله بطهارة اليد..و يحط واحد زي عاطف عبيد رجل صاحب سوابق و سيرته الذاتية المهببة معروفة لدي الجميع؟

الفساد و النصب و الخداع و أحيانا سجل سوابق محترم..كانت مثل مسوغات تعيين لمناصب كبيرة أيام مبارك..

طبعا اللي أنا ذكرته ده قليل جدا من كثير جدا..بس أنا عاوز أقوللك ياريت تفصل بين اعجابك الشخصي بيه و بين كونه رئيس نظام..ومسئول

لو فصلت بين الاتنين..ممكن ساعتها ان شاء الله تستقيم لك الأمور

تم تعديل 7 أبريل 2011 بواسطة Alattar

[Alattar]

بداية أود أن أوضح لك يا أخ محمد أنني شخصيا مش هختلف معاك في حتة حبك لمبارك..دي حرية شخصية..و كل واحد حر في رأيه

و برضه عاوز أقوللك اني بجد مش داخل هنا عشان أنتقد و خلاص لأني ما بحبوش مثلا..بس فعلا استوقفني بعض كلامك مثل :

الاسلام لايحاسب الناس على افعال الاخرين فكلكم راع وكلكم مسئول عن رعيته

هو معني كلكم راع و كلكم مسئول عن رعيته..أننا لا نحاسب علي أفعال غيرنا؟..مين العبقري اللي جاب الحتة دي؟..طبعا مش متاج أتكلم بأه عن سيدنا عمر بن الخطاب رضي الله عنه و عن اللي كان بيقوله لأن الكلام ده تقريبا معروف للكل

أنا أعرف كلمة مسئول عن رعيته..يعني مثلا واحد رئيس جمهورية يبقي مسئول عن بلده من أول شبر لآخر شبر..تقدر تقوللي حسني مبارك من امتي كان بينزل الشارع عشان يشوف البلد ماشية ازاي؟؟..و حتي لو نزل..هل كان بينزل أثناء سير الحياة العادية للمواطنين ولا كانوا بيتخذوا إجراءات إستثنائئية ممكن يشيلوا و يهدموا فيها أكشاك و محلات لو اقتضي الأمر؟

تقدر تقوللي يعني ايه يشيل واحد زي الجنزوري اللي الكل شهدله بطهارة اليد..و يحط واحد زي عاطف عبيد رجل صاحب سوابق و سيرته الذاتية المهببة معروفة لدي الجميع؟

الفساد و النصب و الخداع و أحيانا سجل سوابق محترم..كانت مثل مسوغات تعيين لمناصب كبيرة أيام مبارك..

طبعا اللي أنا ذكرته ده قليل جدا من كثير جدا..بس أنا عاوز أقوللك ياريت تفصل بين اعجابك الشخصي بيه و بين كونه رئيس نظام..ومسئول

لو فصلت بين الاتنين..ممكن ساعتها ان شاء الله تستقيم لك الأمور

تكملة الرد السابق نظرا لإنتهاء وقت التعديل

كما أن إستشهاد كاتب المقال بالصحابة الكرام مش في محله تماما

الصحابي الجليل اللي بتقول انه أفشي أسرار المسلمين..هو الصحابي الجليل..حاطب بن أبي بلتعة

و خلاصة الموضوع عشان ما أطولش..أنه أرسل الي أهل مكة يخبرهم أن النبي عليه الصلاة و السلام سيغزوا مكة..و لما سأله النبي عليه الصلاة و السلام لماذا فعلت هذا..قال لأن لي أهلا بمكة و أردت أن تكون لي عندهم يد يحمون أهلي بها

يعني عاوز يعمل جميل لأهل مكة عشان يحموا أهله..لكن طبعا كان هذا خطأ لأن هذا سيكون علي حساب دماء المسلمين..لما أشار أحد الصحابة علي النبي عليه الصلاة و السلام بقطع عنقه جزاء خيانته العسكرية

قال النبي عليه الصلاة و السلام..دعه..فلعل الله اطلع علي أهل بدر فقال اعملوا ما شئتم فقد غفرت لكم

و هذا هو الشاهد..رجل شهد غزوة بدر..و التي لها ما لها من المناقب..لذلك عفا الله عنه..و ليس الرسول هو من عفي عنه

لكن اللي بيسرق النهاردة و النظام كان سايبه..ياتري كان عمل ايه ان شاء الله لدينه ولا لبلده عشان نقول معلش..سامحوه المرة دي

الصحابة نعم كان هناك البعض عنده أخطاء و ذنوب..وهم بشر ليسوا معصومون..و لكنهم مقاتلون بالنهار..رهبانا بالليل..ناس كان عندهم ايمانا يكفي أمم كثيرة..و ليس أمة واحدة

عشان كده المقارنة مش في محلها تماما..

تم تعديل 7 أبريل 2011 بواسطة Alattar

[اغابي]

طب ما تسالنى انت لماذا كرهتم الرئيس مبارك ؟؟

وانا حاقولك ومش هابخل عليك ابدا

[capitshino]

هل لى الحق ان اطالب الادارة بمنع مواضيع كهذا الموضوع ؟

فعلا الفاضل صاحب الموضوع مشاركاته ترفع الضغط .

[جويرية]

يا أخ محمد انت محتاج تقرا و تتعلم شوية

انا برشحلك المحاضرات دي تبتدي بيها

عمرو خالد

[mhamed]

هل لى الحق ان اطالب الادارة بمنع مواضيع كهذا الموضوع ؟

فعلا الفاضل صاحب الموضوع مشاركاته ترفع الضغط .

انا عايز اقول كد بالظبط شكرا لك

ليس انا وحدى بل كل من حولى

اسف لانى بهذه المشاركة ساعدت فى رفع الموضوع للمقدمة

[shiko]

سألنى سائل لماذا احب الرئيس مبارك :

سالنى سائل لماذا احب الرئيس مبارك بالرغم من وجود الفساد ؟قلت له الاسلام لايحاسب الناس على افعال الاخرين فكلكم راع وكلكم مسئول عن رعيته ومين هنا الراعى ومين هو اللى موش مسئول ؟؟طب ماهو حسنى مبارك راعى ...وبالتالى ..مسئول "موش فاهماك جالى حول فى الوعى اللاعصابى:blink:

ولا يكلف الله نفسا الا وسعها ورئيس الدوله ليس الله ولا يقول للشىء كن فيكون وانما هو مسئول عن شئون البلاد والعباد بالرقابه وسن القوانين والاشراف ووضع الخطط العامه والمتابعه والحرص على تنفيذها وهكذا..ولكن من عليه البناء على الارض هو الشعب ومن عليه الرقابه العامه هو الشعب ...... هل امر الرئيس مبارك الطبيب ان يسرق كليه المريض؟ هل امر المدرس ان يغتصب تلاميذه؟ هل امر الضابط ان يقتل المواطن فى التحقيق فى جريمه ايا كانت ؟هل قال للشيوخ ان تفتى على هواها وتضع الناس فى بلبله؟ هل امر باغرق من فى البحر وحرق من فى القطار ؟ هل امر بالرشوة حتى لو كان موظف ياخذ الاف بالحلال ؟الدم الفاسد؟ عقوق الوالدين؟ الغش التجارى؟قطع الارحام؟..............

لا هو الحاكم بأمر الله سعادته ممكن فعلا يكون امر بكل اللى فوق ده واكتر ...بس حضرتك ليه ماضربش بإيد من حديد على اللى عمل كل البلاوى دى ..ليه تستر عليها ....ليه ساب السرطان ينتشر انتشار النار فى الهشيم ؟؟ممكن حضرتك توضحلى هو عمل ايه يخالف الكلام اللى فوق ده ؟؟bsh:)

اعلم انك ستقول نعم لانه مسئول , واقول لك ان الرئيس برىء من كل ذلك لانه لم يصدر قانونا يامرك فيه بالفساد,," ولم يصدر قانونا يحاسب الفساد برضه " هتقولى لكن سياساته هى من جعلت الفساد يولد وينتشر,, اقول لك ان الفساد موجود فى كل العصور والازمان كان موجودا فى عهد رسول الله صلى الله عليه وسلم (فولو ستوب واقف ...مالكش دعوة بتاتا سيدى بعهد رسول الله وليس لك الارستسال فيما ليس لك به علم ...ومافيش وجه مقارنة مابين عصر رسول الله وعصر مبارك ..فالمقارنة هنا لا تصح ...ولله المثل الاعلى )لان من الصحابه من زنى ومنهم من خان الله ورسوله وارسل الى الكفار فى مكه يحذرهم ومنهم من تحجج لعدم الخروج للجهاد وتخلف مع القاعدين ,, فهل كانت سياسات رسول الله هى السبب فى هذا الفساد؟؟؟ اقول لك ان الرئيس فعل ما يستطيعه اجتهد واصاب واجتهد واخطاء ولكنه ابدا لم يكن خائنا لوطنه ولا اراد يوما ان يرى مصر الا وهى عاليه بين الامم ولكن من خذله هم شعب مصر ,, نعم . لو كنا مع الرئيس قلبا وقالبا نعمل ونجتهد ونبنى انفسنا ونحارب الفساد فى انفسنا اولا واحترمناه وطالبناه بل وقومناه ايضا لكان حالنا اليوم افضل كثيرا مما نحن عليه الان........(بصراحة كلام انشائى لا محل له من الاعراب مطلقاً )

صعب الكلام اللى قلته وسهل جدا الكلام اللى ضده عارف ليه؟ لان دايما الشماعه جاهزه نعلق عليها خيبتنا,, الريس فاسد والشعب صالح , الريس وسخ والشعب نظيف الريس ظالم والشعب مظلوم ,, دا السبب اللى هيخلينا مش هنتقدم ابدا ولو حكمنا عمر ابن الخطاب ,, انت مسمعتش الحديث (كما تكونوا يول عليكم)؟؟ مسمعتش الدعاء (اللهم لاتسلط علينا بذنوبنا من لا يخافك ولا يرحمنا)؟ يعنى افهم من كده ان ربنا سلط علينا بذنوبنا ....من لا يخاف الله ولا يرحم ..اللى هو حسنى مبارك ؟؟طب ما احنا بنتوب اهوه لربنا ولازم علشان التوبة تصح نشيل الراجل اللى مابيخفش ربنا .....مسمعتش المقوله اللى بتقول ان الحاكم مراه لشعبه؟القران يقول على فرعون(فاستخف قومه فاطاعوه انهم كانوا قوما فاسقين)....يعنى برضه حضرتك بتعترف ان حسنى كان بمثابة فرعون ...ومايقلش عنه فى الطغيان ...؟؟

يقول سيد قطب فى شرح هذه للايه(ولا يملك الطاغية أن يفعل بالجماهير هذه الفعلة إلا وهم فاسقون لا يستقيمون على طريق , ولا يمسكون بحبل الله , ولا يزنون بميزان الإيمان . فأما المؤمنون فيصعب خداعهم واستخفافهم واللعب بهم كالريشة في مهب الريح . ومن هنا يعلل القرآن استجابة الجماهير لفرعون فيقول:

(فاستخف قومه فأطاعوه . إنهم كانوا قوماً فاسقين) .

اذا احنا متفقين ....ان حسنى مبارك كان ذنبنا وربنا عاقبنا بيه ....ده الكلام المعقووول

اذن اللوم على الناس لان الحاكم هو حصاد زرعهم واخلاقهم

قال الله تعالى في سورة الانعام (آية:129): وكذلك نولي بعض الظالمين بعضا بما كانوا يكسبون ))

وقال سبحانه وتعالى لمن اراد هواه في سورة النساء (آية:115): ومن يشاقق الرسول من بعد ما تبين له الهدى ويتبع غير سبيل المؤمنين نوله ما تولى ونصله جهنم وساءت مصيرا )) ,, فان كان مبارك لصا فنحن اول اللصوص وان كان فاسدا فنحن من افسدناه وان كان ظالما فنحن من شجعناه وساعدناه,, ولا عاوز تقولى ان الحكومات بتاعته كانت من دول اجنبيه , ولا ضباط الشرطه وامن الدوله كانت قوات احتلال استعماريه؟؟ مش دول مصريين ؟ مش دول احنا؟ مش دول من مصر اتربوا وعاشوا على ارضها؟ عمرك شفت حد بيبص على نفسه فى المرايه ويقول اخيه ويشتم صورته,,لا وكمان يدعى ربنا انه يخلصه منها , فيحطم المرايه ويهلل ويكبر ويبقى بطل لانه حطم الفساد ومابقاش بيشوفوا قدامه..... وعجبى

فهذا الكلام الذي قاما به احد الشباب الذين لايجرون وراء الاسماء ولا وراء المنافقين ولا يسعني الا ان اشكر الكاتب لهذا المقال واقول له فأنت حقا المصري الاصيل الذي يعي تمام كيف يسير علي الطرق الصحيح

اشكره لوحدكم هناك .....لو سمحت

فى بادىء الامر ...احييك على شجاعتك اللى موش فى محلها الحقيقة ....

صغيرى ....

لقد نفذ رئيسكم ....:WelEgTks:

ولا املك سوى ان ادعو الله لك ولمبارك وكاتب الكلمتين اللى فوق دول "اصلى شايفاه لا يرتقى الى مستوى مقال بالمرة " ان يحشركما معا مع من تحاببتم ....

اللهم احشره مع من احب ....امين امين امين ....سمعاك بتقول حاجة فى سرك؟؟ :happy: ....ايه قول امين يا شيخ

يالله كلكم سمعونى اااااااااامين من قلبكم

تم تعديل 7 أبريل 2011 بواسطة shiko

[darlengs]

انا نفسي اشوف مين الغلس اللي سألك سؤال سخيف زي دا!!!! امره غريب والله علشان هو يسأل و احنا يتحرق دمنا

[ozoozo]

هو الموضوع ده ايه الغرض منه؟

كيف تكون ممتاز القط دون معلم

طيب خد يامعلم

افديك بدمي ياشايل همي

لا مؤاخذه ياريس

لامؤاخذه ياقائد الضربه الجويه

لامؤاخذه ياربان سفينه الوطن

:closedeyes:

[ozoozo]

هو الموضوع ده ايه الغرض منه؟

كيف تكون ممتاز القط دون معلم

طيب خد يامعلم

افديك بدمي ياشايل همي

لا مؤاخذه ياريس

لامؤاخذه ياقائد الضربه الجويه

لامؤاخذه ياربان سفينه الوطن

:closedeyes:

حقك علينا ياريس ( مبارك يارمز العلم -- حقك علينا ياريس ( ردي ياسيناء وقولي مين حرر ترابك **حقك علينا ياريس ( ردي ياتشكا وقول مين عمرك ** حقك علينا ياريس ( ردي يامصر وقول مين حفظ استقرارك غير مبارك ** حقك علينا ياريس ( رد ياشغب مصر الاصيل مين غير مبارك عمل ليكم تاريخ ** مبــــــــــــــــــــــــــــا رك يعني مصر ومصر يعني مبارك فعلا احنا انهارده من غير امن والاامان من بعدك ياريس

قصيدة عن ثورة الخيانة ؟

قول على الدنيا السلام

...راح خلاص زمن العلام

ثورة جهل وإنتقام

وبدعها واحد شمام ؟

خانو الشرطة يوم العيد

نسيوا كفاحها فى بور سعيد

والوطن أصبح شهيد

من أفعالهم فى الظلام ؟

هانو قائد المعارك

كل واطى بحقده خارج

كانو فين وإنت بتشارك

فى الحروب وفى السلام ؟

كنتوا فين يا ظالمين

إنتوا مين وهو مين

حرر طابا وكنتو فين

ردو على كل الكلام ؟

أصل وإحنا صغيرين

الوطن فى إيد أمين

وأنا بشكر رمز بلدى

وإنتو عيشوا فى الأوهام ؟

وأهو سابها بقاله شهر

مين هيبقى لينا ضهر

عيشوا حياتكوا بقى فى القهر

عيشوا ذل وإنهزام

:closedeyes:

تم تعديل 7 أبريل 2011 بواسطة ozoozo

[Alattar]

عارف يا أوزأوز لو ما كنتش أعرفك .. كنت اديتك كام نقطة حمرا..و رحت جت الرجالة من الكفر و كل واحد معاه كيس مليان نقاط حمرا وبعتتهم علي النقل الجماعي خدوا أول أتوبيس علي كفر أبو أبها و كانوا غرقوك

مين الوااااطني ابن الواااااطني اللي مألف القصيدة دي..ما هو لازم يكون واااطني..و شكله كان من الحزب الواااطني

[tarek hassan]

لا مؤاخذه ياريس لامؤاخذه ياقائد الضربه الجويه

ياريت حسني مبارك كان ضربنا إحنا الضربة الجوية و حكم اسرائيل 30 سنة وسرق أموالهم ووراهم اللي كل إحنا شفناه طوال السنين دي

http://www.facebook....184024404941401

تم تعديل 7 أبريل 2011 بواسطة tarek hassan

[fatfouta]

لا حول ولا قوة إلا بالله

خد الدوا يا بابا :closedeyes:

تم تعديل 7 أبريل 2011 بواسطة fatfouta

[ozoozo]

عارف يا أوزأوز لو ما كنتش أعرفك .. كنت اديتك كام نقطة حمرا..و رحت جت الرجالة من الكفر و كل واحد معاه كيس مليان نقاط حمرا وبعتتهم علي النقل الجماعي خدوا أول أتوبيس علي كفر أبو أبها و كانوا غرقوك

مين الوااااطني ابن الواااااطني اللي مألف القصيدة دي..ما هو لازم يكون واااطني..و شكله كان من الحزب الواااطني

ده من جروب انا اسف ياريس

http://www.facebook....motasef?sk=info

وفي الاخر احب اسمع اغنيه

رئيسي وانا حر فيه ......رئيسي احاكمه واكويه

اطالب من الاداره الكريمه فتح باب مخصص ونسميه باب في حب الرئيس

فيجب ان تسمع الرأي والرأي الاخر

مصر مش ميدان التحرير

واذا كان في مليون بيقولوا لا

فالاغلبيه الصامته اللي هي 79 مليون بيقولوا نعم نعم من جوه القلب ......نعم نعم بنقولها بحب:closedeyes:

لا تنسوا موعدنا 25 ابريل مظاهره ارجع ياريس

تيت تيت تيت احترس الريس يرجع الي الخلف

تم تعديل 7 أبريل 2011 بواسطة ozoozo

[التونسى]

بختصار .. يا سيدى مبارك ده فرضنا راجل ولى من أولياء الصالحين .. ومبتطلعش منه العيبه .. والاسطوره التى لن تتكرر ..وراجل كانت نيته خير ..ولبن حليب..ومربى بالقشطه والعسل .. بس ده لا يمنع لما نقول انه كان حاكم فاشل .. فاااااشل .... فاااااااشل ....فااااااااااااااااااااشل ...سمعتها والا ازعق بصوت اعلى ... فاااااااااااااااااااااااااااااااااااااااااااااااااااااااااااااااااااااااااشل :Head: .. زى ما اجيبك كده ياخويا يا محمد يا حامد يا غنام .. ياللى تخصصك فى القانون .. وامسكك مشارط جراحه ..واخلع عليك لقب ((كبير كبراء جراحين القلب)) وأطلقك على العيانين تعملهم عمليات قلب .. شوف انت بقى ضحاياك حيكونوا قد ايه ...خد مثالى ده وقيسه على حبيبك ..

مبارك ده كان اخره .. وجل طموحاته انه يكون سفير (اكسلانص) .. مش رئيس يحكم دولة بقدر مكانة وعظمة وتااريخ مصر .. دى مصر .. مصر .. مصر ..مصر يا غنام اللى انت للاسف متعرفش لسه قيمتها .. ومش حتعرف قيمتها طول ما انت مجندينك او مجند نفسك لتبييض وجه شخص فاشل .. راحل.. زائل .. وتبقى باذن الله مصر

تم تعديل 7 أبريل 2011 بواسطة التونسى

[tarek hassan]

أغنية اعتذار وحقك علينا كلنا وبعتذر

http://youtu.be/TyFvkcCj_bc

يعني مش الاستاذ : محمد الغنام بس

تم تعديل 7 أبريل 2011 بواسطة tarek hassan

[yasser moustafa]

هل لى الحق ان اطالب الادارة بمنع مواضيع كهذا الموضوع ؟

فعلا الفاضل صاحب الموضوع مشاركاته ترفع الضغط .

انا عايز اقول كد بالظبط شكرا لك

ليس انا وحدى بل كل من حولى

اسف لانى بهذه المشاركة ساعدت فى رفع الموضوع للمقدمة

انا مختلف مع حضرتك تماما ... ميزة المواضيع اللى زى كده انها بتفتح باب النقاش

انا معاك انها بترفع الضغط ولكن لا يستقيم اننا دائما نكتب ونقرأ ما نحبه فقط

لازم من وقت للتانى تحصل شوية نغمشة لأفكارنا ... لأنه وارد جدا انك تقرأ ما يجعلك تثبت على موقفك ولكن يمكن أن تقرأ ما يجعلك تغير رأيك اذا اقنعت بالكلام

[engmido]

الحق يقال

كل انسان له مميزات وعيوب ولكن اذا غلبت عيوبه مميزاته اصبح لا يطاق

[مصري أصيل]

معلش يا استاذ محمد مبارك كان كويس بس إحنا اللي مش عارفين نٍتحكم سامحنا

يا استاذ محمد لن يسألك أحد لماذا تحب مبارك لأن ده شيء واضح و هات صورته و أفضل حب فيها و إسهر الليلالي اتغزل فيها بس بلاش تجيب سيرة الإسلام و الرسول لأن قسماً بالله هاسمعك كلام عمرك في حياتك ما سمعته.

أنا مش عارف الإدارة سايبه المواضيع دي إزاي الإدارة العضوية حره فيها تسيبها أو تلغيها بس أظن أن من حق أي عضو أن الإدارة تمنع المواضيع اللي تحرق الدم زي دي و خصوصاً ان العضو المحترم عمال يلغوص في الاسلام و الرسول و الصحابه.

تم تعديل 7 أبريل 2011 بواسطة مصري أصيل