المصريون في الخارج لا يصلحون للتصويت

[مروان]

عارفين ليه احنا لا نصلح للتصويت

لاننا اميون

مع الاعتزار للجميع

ده مش كلامي

ده الكلام اللي في المصدر ده

يا خسارة التعليم اللي اتعلمته

والشهادات اللي حصلت عليها

http://www.ikhwanonline.com/new/Article.aspx?ArtID=82042&SecID=230

[مروان]

يعني اتشتمنا واترمينا بالجهل والامية

ومحدش كلف نفسه يقرا او يرد او يتفاعل مع الموضوع

يعني كان لازم اللي ينشر الخبر س س مثلا علشان الناس تتجاوب

طيب يا سي السيد ممكن بعد ازنك تكتب انت الموضوع من جديد

يمكن حد يشارك

ويرد على مساعد وزير الداخلية احد مخلفات النظام السابق

[rewsha]

يعني اتشتمنا واترمينا بالجهل والامية

ومحدش كلف نفسه يقرا او يرد او يتفاعل مع الموضوع

يعني كان لازم اللي ينشر الخبر س س مثلا علشان الناس تتجاوب

طيب يا سي السيد ممكن بعد ازنك تكتب انت الموضوع من جديد

يمكن حد يشارك

ويرد على مساعد وزير الداخلية احد مخلفات النظام السابق

اهدي بس كده يا استشهاد .

يعني هوه الناس مابتردش غير على سي السيد وبس ؟

وبعدين انتي كاتبه الموضوع واستنيتي ساعتين بس ولما ملاقيتيش رد .زعلتي واتقمصتي من الناس

يابنتي ماكلنا بنكتب مواضيع كتيره وماحدش بيرد عليها .الناس بتدخل تقراْ الموضوع وماتكتبش حاجه

طب تعرفي ان موضوعك ده اول موضوع انا دخلته النهارده (لاْني لسه صاحيه من النوم) :blush2:

انا هاقول حاجه واحده ...يعني همه الاْميين اللي في مصر مش ليهم حق التصوييت برضو

مش معنى كده ان المغتربين اميين لا سمح الله

بس ده اولا .ثانيا

هيه الدول اللي المغتربين بيشتغلوا فيها بتنقي الاميين علشان تشغلهم عندها

اعتقد ان الشخص اللي اتهم المغتربين بكده هوه اللي اُْمي.لاْنه لو يقصد اللي قاله يبقى جاهل فعلا ومايعرفش حقيقه ان الدول بتنقي النُخبه علشان تشغلهم عندها وتستفيد من مؤهلاتهم

[الباشمهندس ياسر]

كلام فارغ و مردود ع البني ادم اللي قاله

[لماضة مصرية جدا]

السلام عليكم و رحمة الله و بركاته

استاذتي الفاضلة استشهاد

الحقيقة قربت الخبر اللي حضرتك اوردتيه الصبح

و لم اعقب لاني كنت بدور علي خبر تاني كان اعلنه دكتور عصام شرف بنفسه من فترة طويلة و اعلن فيه ان المصريين بالخارج من حقهم المشاركة في التصويت

بس للاسف مقدرتش الاقي نص الخبر

و برضه اعتقد ان الدكتور نبيل العربي قال ما يدعم قول دكتور عصام شرف

حضرتك بقي...ليه تحرقي دمك؟...باخبار مستفزة...و تخشي في معركة مع طاحونة الهوا

متهيالي ان شاء الله دلوقتي الوضع بقي مختلف عن الاول

و اذا برضه حضرتك عايزة تعملي خطوة اكثر ايجابية...استاذ عصام ابو الفتح استاذنا في المحاورات كان عمل توبيك علي المصريين في الخارج و حقهم في التوصيت ممكن تشتركي معانا

رابط الموضوع ممكن تجيبيه من سيرش بوكس

صباح حضرتك....حق مش راح يضيع لو عرفنا نطالب بيه ازاي

تحياتي...و احترامي

[yasser moustafa]

يا جماعة انا افتكرت ان فى حاجة مهمة

وطلع انه كلام لواءات يعنى كلام فاضى من ناس فاضيه

ناس عفا عليها الزمن ولسه عايشة فى زمن العبودية وما قبل الثورة

دا حتى اللواء صاحبنا ده ما يستاهلش الرد عليه

[fatfouta]

ماتصدقوش كلام اللواءات دول وماتزعلوش نفسكم لان شباب الثورة كانوا لسه مجتمعين مع الدكتور عصام شرف

والنهاردة مكتوب على صفحة كلنا خالد سعيد

بناء على اجتماعنا مع رئيس الوزراء ووزير العدل: تصويت المصريين في الخارج سيكون مكفولا في الانتخابات القادمة

ألتقى الدكتور عصام شرف رئيس مجلس الوزراء شباب ثورة 25 يناير بحضور المستشار محمد عبد العزيز الجندى وزير العدل لاجراء حوار موسع يتناول مختلف جوانب العمل الوطنى خلال المرحلة المقبلة والتعرف على وجهات نظر الشباب فيما يتعلق بالقضايا المهمة التى تواجه مصر فى المرحلتين الحالية والمستقبلية.

وقد استمع رئيس الوزراء إلى عدة مطالب تقدم بها الشباب تضمنت :-

- تشكيل لجنة من الشباب تقوم بدور مجلس الشعب فى الفترة الحالية على ان تعرض عليها مشروعات القوانين لمناقشتها بشكل واسع قبل اقرارها ، كما طالبوا بوضع قانون لحماية أفراد الشرطة اثناء تاديتهم واجبتهم.

- وضع حد ادنى للاجور بهدف انهاء الاعتصامات والاضرابات الفئوية على ان يتولى كل وزير مختص دراسة طلبات المحتجين ووضع جدول زمنى لحلها بخطوات تدريجية. - كما طالب الشباب استرداد أموال مصر المنهوبة فى الداخل والخارج وتدويرها فى مشروعات تعود عوائدها على الشباب ، وتحد من البطالة.

- طالب الشباب أيضاً بخفض سن الترشيح لعضوية مجلس الشعب من 30 عام حتى 25 عام لافساح المجال لمزيد من المشاركة الشبابية فى العمل البرلمانى حتى تاتى هذه التشريعات التى يديرها البرلمان معبرة عن أمال وطموحات الشريحة الكبيرة من الشباب فى المجتمع.

- ومن ناحية أخرى طالب الشباب بالمشاركة الفاعلة فى الحوار الوطنى ووضع جدول اعمال هذا الحوار عن طريق لجنة تحضرية من شباب الثورة ، وطالبوا بوضع آلية للتواصل مع الحكومة .

أكد الدكتور عصام شرف رئيس مجلس الوزراء فى ختام الحوار على ترحيب الحكومة بالحوار ووصفهم بأنهم جيل واعد سيتحمل مسئولية العمل الوطنى فى المستقبل وطالبهم بالتعاون الوثيق مع الحكومة لوضع الخطة التى تكفل دفع الاقتصاد وزيادة التشغيل والأجور ، كما أكد على أهمية التواصل مع الشباب ورحب بفكرة تشكيل لجان استشارية تكون همزة الوصل بين مجموع الشباب والحكومة والمسئولين لتحقيق الاستدامة. ومن جانبه أكد وزير العدل أنه يرحب بالحوار مع مختلف أطياف المجتمع خاصة مع الشباب ، كما أكد وزير العدل ان مصر فى اشد الحاجة للعمل الجاد وانتظامه للخروج من تلك المرحلة الدقيقة .

[Simba]

ماتصدقوش كلام اللواءات دول وماتزعلوش نفسكم لان شباب الثورة كانوا لسه مجتمعين مع الدكتور عصام شرف

والنهاردة مكتوب على صفحة كلنا خالد سعيد

بناء على اجتماعنا مع رئيس الوزراء ووزير العدل: تصويت المصريين في الخارج سيكون مكفولا في الانتخابات القادمة

ألتقى الدكتور عصام شرف رئيس مجلس الوزراء شباب ثورة 25 يناير بحضور المستشار محمد عبد العزيز الجندى وزير العدل لاجراء حوار موسع يتناول مختلف جوانب العمل الوطنى خلال المرحلة المقبلة والتعرف على وجهات نظر الشباب فيما يتعلق بالقضايا المهمة التى تواجه مصر فى المرحلتين الحالية والمستقبلية.

وقد استمع رئيس الوزراء إلى عدة مطالب تقدم بها الشباب تضمنت :-

- تشكيل لجنة من الشباب تقوم بدور مجلس الشعب فى الفترة الحالية على ان تعرض عليها مشروعات القوانين لمناقشتها بشكل واسع قبل اقرارها ، كما طالبوا بوضع قانون لحماية أفراد الشرطة اثناء تاديتهم واجبتهم.

- وضع حد ادنى للاجور بهدف انهاء الاعتصامات والاضرابات الفئوية على ان يتولى كل وزير مختص دراسة طلبات المحتجين ووضع جدول زمنى لحلها بخطوات تدريجية. - كما طالب الشباب استرداد أموال مصر المنهوبة فى الداخل والخارج وتدويرها فى مشروعات تعود عوائدها على الشباب ، وتحد من البطالة.

- طالب الشباب أيضاً بخفض سن الترشيح لعضوية مجلس الشعب من 30 عام حتى 25 عام لافساح المجال لمزيد من المشاركة الشبابية فى العمل البرلمانى حتى تاتى هذه التشريعات التى يديرها البرلمان معبرة عن أمال وطموحات الشريحة الكبيرة من الشباب فى المجتمع.

- ومن ناحية أخرى طالب الشباب بالمشاركة الفاعلة فى الحوار الوطنى ووضع جدول اعمال هذا الحوار عن طريق لجنة تحضرية من شباب الثورة ، وطالبوا بوضع آلية للتواصل مع الحكومة .

أكد الدكتور عصام شرف رئيس مجلس الوزراء فى ختام الحوار على ترحيب الحكومة بالحوار ووصفهم بأنهم جيل واعد سيتحمل مسئولية العمل الوطنى فى المستقبل وطالبهم بالتعاون الوثيق مع الحكومة لوضع الخطة التى تكفل دفع الاقتصاد وزيادة التشغيل والأجور ، كما أكد على أهمية التواصل مع الشباب ورحب بفكرة تشكيل لجان استشارية تكون همزة الوصل بين مجموع الشباب والحكومة والمسئولين لتحقيق الاستدامة. ومن جانبه أكد وزير العدل أنه يرحب بالحوار مع مختلف أطياف المجتمع خاصة مع الشباب ، كما أكد وزير العدل ان مصر فى اشد الحاجة للعمل الجاد وانتظامه للخروج من تلك المرحلة الدقيقة .

عند فتفوتة الخبر اليقين

[لونا]

لا حول و لا قوة إلا بالله

الناس دي مش عايشة في الدنيا ؟؟؟

أول رد في موقع إخوان أون لاين على الخبر ده كان لطيف و مهذب

من واحد في الكويت

أنا أعفو عن زلة لسانك بالنسبة لي كمغترب ليس خوفا منك ولكن رغبة في الأجر من الله فمن عفا وأصلح فأجره على الله ... سورة الشورى40 لكن خانك التعبير عن فئة وقطاع كبير من الشعب المصري في الخارج ما يقارب 8 مليون ،تصفه بالأمية وعدم معرفته بوسائل الاتصال الحديثة سأضرب لك مثالا واحدا يبدد مخاوفك ويسفه رأيك الغير مسئول والذي خرج من غير أهله، نحن في الكويت لاأحد يستلم راتبه بيده من موظف في عمله، سواء كان حكوميا أو خاصا، من اعلى وظيفة إلى عامل النظافة في الشارع وإنما ببطاقة الصرف الآلي يا باشا وتيجي بسلامتك تقول .... ليس حجة عدم المعرفة بالوسائل الحديثة غبن حقوقنا في عدم التصويت واعطاء فرصة لنا في حرية وابداء الرأي لأننا مصريين ولنا حقوق مثل أي مواطن مصري كما أننا لانقصر في أي حق تجاه وطننا!!! لماذا تخافون من الحرية ؟؟ على مناصبكم أم مصالحكم أم ماذا ؟؟ أطلب منك أن تغير تفكيرك وتعيد برمجتك من جديد وتعمل لنفسك رستارت لأنك تفكر بالطريقة اللامباركية الإقصائية ولما نشر عنك بأنك مهندس التزوير في الانتخابات السابقة كما نطالب المجلس العسكري بالتحقيق معك فيما نسب إليك!!!!!

تم تعديل 8 أبريل 2011 بواسطة لونا

[Nileman]

يا جماعة مش لازم نسكت و عندي اقتراح للرد بطريقة بسيطة نبعت ايميلات و فاكسات للسفارات و القنصليات المصرية و وزارة الداخلية و الخارجية و انا حبدأ بنفسي

[se_ Elsyed]

في تأكيدات من عصام شرف ومن ماجد عثمان وزير الاتصالات بإن المغتربين هايصوتوا في الإنتخابات الرئاسية القادمة بإذن الله .. وبالتالي لا يجب أن نلتفت إلى إي تصريحات غير مسئولة من ناس هما اللي جهلة