حبس زكريا عزمى 15 يوماً وترحيله لسجن طرة

[Diab]

:) :) :) :) :) :) :)

قرر فريق التحقيق التابع لجهاز الكسب غير المشروع حبس الدكتور زكريا عزمى الرئيس السابق لديوان الرئاسة 15 يوماً على ذمة التحقيق، وذلك فى قضية تضخم ثروته، واستغلال نفوذه السياسى فى التربح غير المشروع، ومن المقرر ترحيله إلى سجن مزرعة طرة.

http://youm7.com/News.asp?NewsID=386257

[كنانة]

خطوة للامام بس الواحد مستغرب ليه انتظروا الوقت دا كله وفين سرور وصفوت اللا شريف ولازم يعنى الشعب يطلب محاكمة فلان وفلان مفيش خطوة مسبقة تجاه رموز الفساد

[fatfouta]

الله أكبر

اهو شرف جمب اخواته

[امير مجروح]

عقبال لما جيمى يشرف معاهم الاسبوع المقبل

تم تعديل 7 أبريل 2011 بواسطة امير مجروح

[Dreamwithme]

ياجماعة دي آثار المليونية ......ماهو كل ما الناس تقول يوم الجمعة مليونية

نلاقيهم علي طول يوم الخميس بيضحوا بحد وبيعملوا حاجة من المطالب

يارب عقبال الباقي يارب

ع جنب ممكن أسألكم سؤال أنا كان نفسي جدا أشوفه وهو داخل السجن والعسكري ماشي جنبه

زي صور جرانة وعز قبل كده .....فياتري هل أنا شريرة؟! هل أنا غلوية حقودة؟ :sad:

[ozoozo]

من كتر مانا مش مصدق قريتها

حسن زكريا عزمي 15 يوم

وقاعد اعصر مخي مين حسن ده:blink:

تم تعديل 7 أبريل 2011 بواسطة ozoozo

[se_ Elsyed]

الموضوع ده بيفكرني بحاجات من هذا القبيل كانت تحدث أيام مبارك السواد

يعني .. كل مساعدي يوسف والي يتقبض عليهم وهو يبقى طاهر وصفحته بييضا وما حدش بيقول له كخ

كل مساعدي الفنان فاروق حُسني وأشهرهم محمد فوده يتقبض ويتحكم عليهم .. وهو شريف عفيف يتمتع بعذرية نادرة

نحن هنا امام حالة مشابهة تماماً ..

كل مساعدي مبارك وإبنه إتقبض عليهم او تُحفظ على اموالهم .... ومبارك وجمال أنضف من الصيني بعد غسيلة وسيرتهم زي الفل ....

هي الناس دي بيضحكوا على مين ؟

[المهندسه]

الحمدلله رب العالمين ..انا بس دلوقت اتأكدت ان البلد بأذن الله ماشيه فى الطريق الصح

كتييييير اوى سألت نفسى ...فين زكريا عزمى ...ليه ما اتقبضش عليه؟؟؟و بدأت اشكك

فى كل الجهات فى مصر ...بس الحمدلله ....مصر هتفضل بخير

[fatfouta]

شوفوا زكروتا وهو مترحل وبيقولوله الحرامى اهو الحرامى اهو

http://www.youtube.com/watch?v=pqo8q6dfmsU&feature=share

[se_ Elsyed]

يااااااااااااااااااااه ...

بجد .. ولا مليارات الدنيا تساوي لحظه الزفة والجُرسة اللي كانت النهاردة دي

[engmido]

صباح الخير

انتو كنتو فين من شهرين ونص

[Khiber]

أنا مش مصدق معقول المعارض الوحيد فى البرطان شرف بورتو طره

يارب دايما

[ozoozo]

انا مذهووووووووووووول

سبحان المعز المذل

يؤتي الملك من يشاء وينزع الملك من من يشاء

[rewsha]

خطوة للامام بس الواحد مستغرب ليه انتظروا الوقت دا كله وفين سرور وصفوت اللا شريف ولازم يعنى الشعب يطلب محاكمة فلان وفلان مفيش خطوة مسبقة تجاه رموز الفساد

مش انا قلت لكوا قبل كده انهم عاوزيين يطولوا المُده .يعني كل ما الشعب يضغط ...يقوم المجلس العسكري ياخد خطوه للاْمام

ماينفعش انهم كانوا يعملوا الحاجات دي كلها مره واحده

والا كان الموضوع خلص في شهر وكان كُله اتقًش .ويجي الدور على الزغلول الكبير

انما همه كل ما الناس تثور وتقول مليونيه ...يقوموا منفذين لهم حاجه من المطالب

علشان على الدور ما يجي على جمال ومبارك تكون عدت مدة طويله

خصوصا ان مبارك عيان ومنتظر وفاته

تلاقيهم بيطول المده يمكن توافيه المنيه قبل ما يتحكم عليه

بس بصراحه انا كنت معتقده انهم ينقطونا بيهم نفر نفر

يعني مش يضحوا بيهم التلاته مع بعض (زكريا)(صفوت)(سرور)لما اتحفظوا على اموالهم دُفعه واحده

اعتقد ان المليونيه الجايه هايتحبس فيها صفوت

والمليونيه اللي بعده الدور يبقى على سرور

ولسه بقى المليونيه اللي بعدها حل المجالس المحليه واللي بعدها تغيير المحافظين ,...و...و..

ملحوظه

المليونيه مش بتبقى كل اسبوع .المليونيه على ما بتتجمع بتاخد لها من اسبوعين ...لشهر

شوفو بقى ممكن نوصل لكام شهر على الدور ما يجي عل اللي في بالنا كلنا :P

بس بصراحه خبر يستاهل اننا نفرح بيه .على راْى س س كفايه فضيحته وجرسته وهوه مقبوض عليه

[engmido]

ربنا اسمه المنتقم

وروى فى الحديث ان الله ليملى للظالم حتى اذا اخذه لم يفلته

تم تعديل 7 أبريل 2011 بواسطة engmido

[tarek hassan]

لا إله إلا الله

http://youtu.be/-97p25P3dtU

هي الدنيا تقول بملء فيها حذار حذار من بطشي وفتكي

فلا يغرركم مني ابتسـام فقولِي مضحِك والفعل مبكي

[Diab]

ها قد سقط هامان وقارون والجنود

ولكن

أين الفرعون ؟

[التونسى]

ها قد سقط هامان وقارون والجنود

ولكن

أين الفرعون ؟

اللى بيحصل ده ...بيفكرنى بسيناريو متكرر ومعروف .. فى كثير من الافلام الاكشن... سواء عربيه او اجنبيه .. لما البطل بيجى ينتقم من الاشرار افراد العصابه فى نهاية الفيلم .. بيقعد يقتل فيهم واحد ورا التانى بطرق مختلفه .. وأخر واحد بيقتله هو دايما بيكون زعيم العصابه .. اللى بيعصلج وبيتنح كتير .. لكنه فى الاخر وفى نهاية الفيلم بيقع وقعة الديك ..و بيموت ابشع موته .. زى مثلا فيلم ((سلام يا صاحبى))

رغم ده كله انا بجد مش فارق معايا ((الزغلول الكبير)) اوى .. لانى بعتبر ان نزع الملك منه وهو فى السن الطاعن ده هو اكبر عقاب له

[fatfouta]

تفتكروا زكريا عزمي رايح طره متهم واللا بيمارس مهامه ورايح يجهز زنزانه بحري ترد الروح للوفود اللى جايه من شرم؟؟

[Diab]

بص يا تونسي

التاريخ لا يسجل غير النتائج

أقولك مثلا مهما تلعب حلو في ماتش لو لم تفز فأنت معملتش حاجة

عرابي رغم عظمة فعله سميته ثورته " هوجة عرابي" لأن مطالبه لم تكتمل بالكامل وتم الإلتفات عليها بل وزاد عليها الإحتلال

الحل الوسط ينفع في أحيان كتير

ارضاء المتخاصمين اصلاح البين وغيرهما

لكن عند العدل لا تجوز أنصاف الحلول

شكرا

تم تعديل 7 أبريل 2011 بواسطة Diab