اذهب إلى المحتوى
محاورات المصريين

اللص جمال مبارك يسابق الزمن و يحاول نهب ما يُمكن نهبه

se_ Elsyed

بواسطة se_ Elsyed
في محاربة الفساد

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

لو الخبر ده صحيح ... يبقى نروح بقى كلنا ونسيبها لهم .. طالما ما فيش أمن ولا في حرس سواحل أو بحرية ...

سادت حالة من الذعر داخل قصر الرئيس السابق محمد حسنى مبارك، بعد إعلان قرار حبس الدكتور زكريا عزمى الرئيس السابق لديوان الرئاسة 15 يوماً على ذمة التحقيق، وترحيله إلى سجن مزرعة طره، وذلك فى قضية تضخم ثروته.

أكد شهود عيان داخل فندق رجل الأعمال حسين سالم، والذى يقع بجوار القصر الذى أقامه لمبارك وأسرته بشرم الشيخ، أن جمال مبارك حضر منذ قليل إلى فندق رجل الأعمال، وسبق ظهوره دخول سيارة سياحية تحمل عدداً من الحقائب السوداء.

وقام رجال أمن الفندق بتفتيش إحدى الحقائب قبل ظهور نجل الرئيس السابق، طبقاً لإجراءات الأمن المتبعة، وتبين أنها ممتلئة بالأموال، وعلى الفور ظهر جمال ومنع رجال الأمن من تفتيش الحقائب، بل ورفض أن يقوم عمال الفندق بحمل الحقائب إلى أعلى، وأمر اثنين من الحرس الخاص له بحملها إلى جناح داخل الفندق.

وأضاف الشهود، أن رجال أمن الفندق تلقوا تعليمات بتكثيف الاحتياطات الأمنية داخل فندق حسين سالم، انتظاراً لوصول اليخت الخاص به لحمل الحقائب مرة أخرى وتهريبها خارج البلاد، حسبما أكدوا، لافتين إلى أن جمال مبارك منعهم من الوقوف أثناء خروج الحقائب من السيارة السياحية، التى كانت تؤمن من قبل الحرس الجمهورى الخاص بالرئيس السابق وأفراد أسرته.

وأوضح الشهود، أنهم حاولوا الاتصال بالقوات المسلحة مرات عديدة لإبلاغهم بالواقعة على الفور، إلا أنهم لم يستطيعوا الوصول إليهم حتى الآن.

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Ahmed Anwer عضو جديد

Ahmed Anwer

بتاريخ:
بتاريخ:

لأ خلاص ،،،

ما دام اتذاع في الفضائيات ،، بس يا ريت الجزيرة تذيعه ،،

نصف ساعة

هتلاقي القوات المسلحة بتنفي الخبر

و بتأكد عدم وجود يخوت في شرم الشيخ ،،

03zjkty10.jpg

رابط هذا التعليق
شارك
eslam elmasre عضو جديد

eslam elmasre

بتاريخ:
بتاريخ:

النائب العام مستني ايه

ولا الحكاية خيار وفؤوس

شنط فلوس وعنتظة كدابة علي ايه ده حرامي وما ينفعش حد من الناس تتستر عليه

(.....إِنْ أُرِيدُ إِلاَّ الإِصْلاَحَ مَا اسْتَطَعْتُ وَمَا تَوْفِيقِي إِلاَّ بِاللّهِ عَلَيْهِ تَوَكَّلْتُ وَإِلَيْهِ أُنِيبُ) (هود : 88 )



رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله...

اللهم أرنا فيهم عظائم قدرتك كما أذقونا ظلمهم وأرونا قوتهم علينا ...اللهم يسر أمرنا وفرج همنا فرجاً قريباً عاجلاً غير أجل....

ماهى صفة "وريث الفساد" الأن حتى يأمر فيطاع وينهب فيتستروا عليه؟...

هل لازال ولاء البعض يتجه إلى مبارك وأسرته الفاسدة ...

ياسيادة المشير طنطاوى...أين شرفك العسكرى وأين قسمك لهذا الوطن ...ألا يدفعك كل ذلك إلى إما أن تقدم حسنى مبارك المخلوع غير المأسوف عليه هو وأسرته إلى محاكمة عاجلة وإما أن تتنحى عن هذا الموقع الذى يسبب لك الحرج طالما أنك لا تستطيع إتخاذ القرارات العاجلة التى يميلها عليك شرفك العسكرى وإنتمائك لهذا الوطن ...

اذا كنت لا تستطيع ان تعيد المليارات المنهوبة خارج البلاد والتى تكفل تسديد ديون مصر وتحقيق النهضة الحديثة لمصر ، فعلى الأقل نتوقع منك أن تحمى ما تبقى فى الداخل وتمنع تهريبه وتصدر أوامرك التى يمليها عليك شرفك العسكرى وضميرك الوطنى بإعتقال تلك الاسرة الفاسدة المفسدة ويحاكموا فى ميدان التحرير ...

ماذا تنتظرون ..لا أعلم...

هل هكذا تحمى الثورة أم يتم إجهاضها وإنهاكها ...

اللهم ارفع الظلم عنا أنت الفعال لما تريد وأنت المبدىء وأنت المعين

ولاحول ولاقوة الا بالله

أأه يابلد.....

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

مش ملاحظين إن الدنيا كلها عمالة تتكلم عن فلوس منهوبة وبلد مسروقة وبيقولوا إستنوا هانحصر ممتلكاتهم ... ومافيش حد لمح ولو تلميح سريع على تُهمة عظمى إسمها " الإفساد السياسي " لبلد بالكامل لمدة 30 عاماً خربوها على جميع المستويات ؟

وعلى رأي المثل.. " اللي يتكسف من مبارك .. ما يجيبش منه فلوس "

حد سأل نفسه هو قاعد في القصر المنيف اللي في شرم الشيخ بصفتة إيه

أيوه بصفتة هدية من الحرامي حسين سالم

طب ليه ؟

مقابل إيه ؟

وهل يحق لرئيس الدولة قبول مثل تلك الهدايا ؟

تساؤل أخر وشكلي عكيت الموضوع وشتته ..

أين ممتلكات الدولة المتمثلة في مقرات وتجهيزات الحزب الوثني ؟

تخيلوا إن غرفة العمليات اللي كانوا عاملينها في إنتخابات 2005 .. في القاهرة لوحدها كان فيها 3000 لاب توب ... لمتابعة جميع الدوائر الإنتخابية على مستوى الجمهورية ...

كله منين ؟

هو المجلس العسكري معانا برضوا وملاحظ الحاجات دي .. ولا أنا اللي مأفورها حبتين ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
Abu Reem عضو جديد

Abu Reem

بتاريخ:
بتاريخ:

يا جماعة دي مش شنط ، دي حصالة علي شكل شنطة كان بيحوش فيها من مصروفه

- مش عارف فيه اخبا.ر كده لما بسمعها باحس انها اخبار مدسوسة لتشتيت الرأي العام او لتنييمه

يعني هل جمال مبارك بالمليارات اللي عملها طوال ال 30 سنة حكم لسه مستني لغاية دلوقتي علشان يهرب فلوسه ، يعني لو اي واحد فينا مكانه مثلا مكانش زمانه حول فلوسه الي حسابات بالخارج ، وهل لسه في حد بينقل الفلوس بالشنط مفيش يعني حسابات يقدر يحول منها واليها اون لاين بالنت

- وبعدين انا لو مكانه يعني في عز القلق ده هاروح كده واشيل شنط وبعدين ال ايه الشنطة اتفتشت وواحد من الامن شاف الفلوس اللي فيها ، مش عارف يعني ده سيناريو هابط قوي ، خلاص يعني هي حبكت الكام مليون الي في الشنط دي هيه اللي هتزوده ما اكيد عنده مليارات تانية ليه يعرض نفسه لمثل هذا الموقف المفضوح

- معلش انا مش هاصدق ان فعلا فيه مسآلة او محاسبة لمبارك وعائلته الا لما اشوف ده بعيني علي الفضائيات ونشوفهم امام المحاكم وكاميرا العاشرة مساءا بتصورهم وتعمل معاهم حوار

- اما الاخبار اللي مابتطلعش الا يوم الخميس علشان تاثر علي المظاهرات المليونية لا تقنعني بها الا لما نشوف باعيننا ويشوف الناس احد هؤلاء الحيتان في قفص الاتهام

7looo.comd8cb1a261f.gif

مشكلتهم ليست في الدستور اولا ..ولا في نسبة اعضاء اللجنة التأسيسية ولا في كفاءة المرشح الرئاسي.!!!! كل مشكلتهم هي لا...لكل ما هو اسلامي أولا ، وثانيا ، وثالثا ً، فهم لا يرضون الا بأن يروا كل الاحزاب الاسلامية خلف اسوار السجون..!!

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

لأ يا أبو ريم

صدق ولازم تصدق

الجو متكهرب دلوقت والحسابات البنكية تحت المجهر ومتراقبة ومتجمده ....

شوفت الأوضة اللي كانت مليانة فلوس بتاعت زين الهاربين بن علي ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
engmido عضو جديد

engmido

بتاريخ:
بتاريخ:

لأ يا أبو ريم

صدق ولازم تصدق

الجو متكهرب دلوقت والحسابات البنكية تحت المجهر ومتراقبة ومتجمده ....

شوفت الأوضة اللي كانت مليانة فلوس بتاعت زين الهاربين بن علي ؟

لا ياريس

ابو ريم عنده حق

ليه لان كل شوية نسمع حاجة وبعد كده يطاعوا ينفوا

اما بالنسبة لزين الهاربين

الحاجات اللى اتشافت دى فكة وسيولة يشترى بيها شوية مستلزمات للبيت ( يعنى تموين - خضار - عيش....)

﴿ قال رسول الله صلى الله عليه وسلم
كلمتان خفيفتان على اللسان ثقيلتان فى الميزان حبيبتان الى الرحمن ﴾


24556918.jpg

nX0pp2.png
رابط هذا التعليق
شارك
Abu Reem عضو جديد

Abu Reem

بتاريخ:
بتاريخ: (معدل)

لأ يا أبو ريم

صدق ولازم تصدق

الجو متكهرب دلوقت والحسابات البنكية تحت المجهر ومتراقبة ومتجمده ....

شوفت الأوضة اللي كانت مليانة فلوس بتاعت زين الهاربين بن علي ؟

يابو السيد ، دول ابالسة واكيد الامور متظبطة من زمان هو معقول بعد ده كله لسه سايب الفلوس كده في شنط يقدر اي حد يقفشه بيها

يا باشا حساباتهم باسماء اخرين خارج البلاد ، انا بس باحس ان دي اخبار متفبركة لها اغرض احنا مش عارفينها

- ولعلمك سؤالك اللي انت بتسألة من زمان حول لماذا لم يتم القبض علي مبارك وعائلته الي الان رغم الفساد الذي ظهر بعد تنحيه اجابته هي ان هذه هي الصفقة التي بموجبها تنازل مبارك عن الحكم حقنا للدماء واكيد في ضمانات واشياء وملفات جاهزة للاخرين لذلك محدش قادر يعمل معاه حاجة

- وبعدين لا تنسى المقربين له من قيادات امن الدولة يستطيعوا اسكات اي حد يحاول ان يمس مبارك واسكاته سيكون للابد هي المسألة لعبه

- وبعدين انت مااخذتش بالك من محاولة اختطاف سيارة المحمدي قنصوة التي باءت بالفشل ، وطبعا قنصوة هو الذي يتولي قضية حبيب العادلي واخد بالك انت يبقي اللي هيقرب من الزغلول الكبير بقي ممكن يعملوا معاه ايه

- علي العموم علي الاقل احنا راضيين لو بس يمسكوا صبيانه بجد وبعد كده مش مشكلة لو سابوا الزغلول الكبير ونفسي بس اشوف العادلي في القفص مش عارف ليه لم تظهر صور فيديو له حتي الان ك

تم تعديل بواسطة Abu Reem

7looo.comd8cb1a261f.gif

مشكلتهم ليست في الدستور اولا ..ولا في نسبة اعضاء اللجنة التأسيسية ولا في كفاءة المرشح الرئاسي.!!!! كل مشكلتهم هي لا...لكل ما هو اسلامي أولا ، وثانيا ، وثالثا ً، فهم لا يرضون الا بأن يروا كل الاحزاب الاسلامية خلف اسوار السجون..!!

رابط هذا التعليق
شارك
fatfouta عضو جديد

fatfouta

بتاريخ:
بتاريخ:
- مش عارف فيه اخبا.ر كده لما بسمعها باحس انها اخبار مدسوسة لتشتيت الرأي العام او لتنييمه

وانا كمان وبالذات اليوم السابع دى

عموما هنشوف رأى الجيش أيه فى الموضوع ده بعد ماقالوا ان سى جيمى تحت الاقامة الجبرية

رابط هذا التعليق
شارك
raouf عضو جديد

raouf

بتاريخ:
بتاريخ: (معدل)

مش ملاحظين إن الدنيا كلها عمالة تتكلم عن فلوس منهوبة وبلد مسروقة وبيقولوا إستنوا هانحصر ممتلكاتهم ... ومافيش حد لمح ولو تلميح سريع على تُهمة عظمى إسمها " الإفساد السياسي " لبلد بالكامل لمدة 30 عاماً خربوها على جميع المستويات ؟

وعلى رأي المثل.. " اللي يتكسف من مبارك .. ما يجيبش منه فلوس "

حد سأل نفسه هو قاعد في القصر المنيف اللي في شرم الشيخ بصفتة إيه

أيوه بصفتة هدية من الحرامي حسين سالم

طب ليه ؟

مقابل إيه ؟

وهل يحق لرئيس الدولة قبول مثل تلك الهدايا ؟

تساؤل أخر وشكلي عكيت الموضوع وشتته ..

أين ممتلكات الدولة المتمثلة في مقرات وتجهيزات الحزب الوثني ؟

تخيلوا إن غرفة العمليات اللي كانوا عاملينها في إنتخابات 2005 .. في القاهرة لوحدها كان فيها 3000 لاب توب ... لمتابعة جميع الدوائر الإنتخابية على مستوى الجمهورية ...

كله منين ؟

هو المجلس العسكري معانا برضوا وملاحظ الحاجات دي .. ولا أنا اللي مأفورها حبتين ؟

اعذرنى يا سين سين انت وبقية الاعضاء انتم اصلكم مش فاهمين الحكاية

الحكاية ان المجلس الاعلى فاهم النكتة التالية وعارف انها الحقيقة وبيتعامل معاهم على انها الحقيقة لانه اكيد مش هايكذب حسنى مبارك ويصدق الشعب المهم اليك الحكاية

فى احد الايام كان حسنى مبارك ومعا نظيف بيفتتحوا شوية مصانع فى العاشر

دخل اول مصنع عجبه جدا قال ما شاء الله ايه التقدم ده دى حاجة رائعة

ميل عليه نظيف وقاله جمال بيه مشارك ب90% فى المصنع ده يا افندم

اتبسط قوى حسنى

المهم راحو المصنع التانى

نفس الحكاية عجب حسنى

فقال له نظيف جمال بيه شريك فى المصنع يا افندم

راحو الثالث ونفس القصة فرد مبارك على نظيف وقاله

جمال ده طول عمره ولد خلبوص وشاطر بنى المصانع دى كلها من مصروفه

:closedeyes:فياريت محدش يظلم جمال مبارك ده مصروفوا الشخصى

انا بس حبيت الطف الجو واخفف الاحتقان شوية

تم تعديل بواسطة raouf

إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول

اذا جالست الجهال فانصت لهم

واذا جالست العلماء فانصت لهم

فان فى انصاتك للجهال زيادة فى الحلم

وفى انصاتك للعلماء زيادة فى العلم

129042712.jpg

رابط هذا التعليق
شارك
ذهبية عضو جديد

ذهبية

بتاريخ:
بتاريخ:

اولا الموضوع دة لة شقين

المرفوض ان القيادة العسكرية قبل ما بتاخد قرار باى شىء مدروس رد الفعل كويس جداا و معروف اية المفروض هيحصل و بيتاخذ الاجراءات الكفيلة قبل اتخاذ القرار مش بعدة

الناس دة مش بتلعب خاصة انهم خدوا وقت طويل قوى قبل الاجراءات دى يعنى كل واحد واخد احتياطة كويس من الطرفين

اولا جمال مش مستنى قرار زكريا عزمى جمال و ماماتة من اول يوم سابوا مبارك مع علاء و رحوا بريطانيا و تم التحويل و تمام التمام من زمان قوى

ثانيا المرفوض ان النسا دى متراقبة كويس جدا و اى حدمشكوك فى امرة من اول الثورة متراقبة كويس و معروف تصرفاتها كويس

الفكرة ان يتفضل الضغط الشعبى و الثورة مستمرة للضغط وعدم التراخى

لان اى تراخى ىف الوقت الحرج جدا دة الموضع هيطبخ زى غيرة

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...