ثروات القواد الشريف

[se_ Elsyed]

الله يخرب بيوتكم

سكنتوا الناس في المقابر وإنتو عندكم بلاوي متلتلة .... ثمن بلى من دول كانت تُحيي مئات الأُسر اللي خسفتوا بها الأرض ودفنتوهم بالحيا يا ظلمة ..

حسبي الله ونعم الوكيل

استدعاء «الشريف» للتحقيق «الإثنين».. والتحريات: يمتلك ١١ فيلا و٨ شقق و١٠ شركات

٨/ ٤/ ٢٠١١

أمر المستشار عاصم الجوهرى، مساعد وزير العدل لشؤون الكسب غير المشروع، باستدعاء صفوت الشريف، رئيس مجلس الشورى المنحل، يوم الإثنين المقبل، للتحقيق معه فى الاتهامات الموجهة إليه وزوجته إقبال محمد عطية بتحقيق كسب غير مشروع، عبر استغلاله سلطات وظيفته. ومن المقرر أن يباشر التحقيقات المستشار أحمد طلبة، رئيس هيئة الفحص والتحقيق.

ذكرت التحقيقات أن «الشريف» وزوجته وولديه «أشرف» و«إيهاب» امتلكوا ٤ فيلات بالتجمع الخامس: واحدة لزوجته، و٣ باسمى ابنيه بأسماء أبنائه، إضافة إلى ٣ شقق فندقية فى «بورتو السخنة» بأسماء أبنائه، وفيلا فى أبوسلطان بالإسماعيلية، وأخرى بـ«ميراج سيتى»، وفيلا فى سيدى كرير بالساحل الشمالى، وفيلتين باسمى أشرف وإيهاب فى منتجع هاى سنيدا بالساحل الشمالى، وفيلا بقرية الدبلوماسيين باسم أشرف، وفيلا أخرى باسم أشرف بمارينا.

كما أكدت التحريات أن أشرف وإيهاب صفوت الشريف يمتلكان ٥ شقق سكنية بمصر الجديدة والدقى والمهندسين، بجانب أسهم فى الشركة المصرية للأقمار الصناعية، وأخرى فى مدينة الإنتاج الإعلامى، خاصة بصفوت الشريف وزوجته وابنيه، بجانب امتلاكه وابنيه أكثر من ١٠ شركات تعمل فى إنتاج المسلسلات التليفزيونية والدعاية والإعلان، و٦ سيارات خاصة بأشرف وإيهاب.

كان الجهاز استمع إلى أقوال اللواء محسن راضى، مدير إدارة الكسب غير المشروع بمباحث الأموال العامة، الذى أكدت تحرياته أن ثروات الشريف تضم عقارات وأسهماً وسندات فى البورصة، وتلقى الجهاز تحريات هيئة الرقابة الإدارية حوله هو وزوجته وأبناؤه، وأوقفت البورصة التعامل على أكواده وأسرته.

[jasmin hamed]

ساعات كنت اسرح مع نفسى كده احاول اتصور لو انا ذى مبارك معايا يعنى على اقل تقدير ١٠

مليار

بس واضح ان ربنا خلقنى بذكاء محدود لانى مش قادره افهم الحكمه من تلال الفلوس ديه

يعنى هعملبيهم ايه ليه المليار يبقى عشره و عشرين

يمكن انا معنديش ضمير ممكن اسرق ممكن ابقى ماعنديش احساس بالى حواليا

لكن لو سرقت كل الفلوس ديه لازم كانت من عشر سنين اعتزلت بلا سلطه بلا هم

هشترى بدل البيت قصر طب هلبس ايه و اكل ايه بردو كل ده مليار كفايه عليه

يعنى ليه اسرق واسرق هيه السرق ديه غايه فى حد ذاتها و لا وسيله

بجد ذكائى محدود و مش قادره افهم ليه واحد فوق التمنين يسرق و هو لسه فى

السلطه و معاه فلوس تكفيه تمانين سنه جايه

[engmido]

ياعم قلنا اسمه الكنترول

[اغابي]

يحي العدل

يسقط الظلم

تحيا الثورة

انا اعتقد انه معاه اكتر من كدا وبره مصر اكتر واكتر كمان

كل الفلوس دي هيعملوا بيها ايه - فعلا يا ياسمين الخواطر دى بتجينى كتير اوى وافكر لو انا معايا فلوس كتير كنت هاعمل ايه بيها

طب صدقونى دى نقمة مش نعمة والاعتدال كويس لكن للاسف العين الفارغة ما يملهاش غير التراب

ودول مجموعة فساد وظلم وقتل وبهدلو البلد وشغلوها لحسابهم ولصفقاتهم هما واقاربهم وبس

وباقى الشعب يسف التراب او يتغرب بسنين عمره بره مصر ويموت غريب كمان

شكرا يارب ان جه اليوم اللى تحاسب كل واحد مسؤال عن غربتى بره مصر طول السنين دي انا واسرتى ويدفع تمن غربتنا

منهم لله

شكرا

[الغريب]

فلل ايه وشقق ايه بس يا جماعة

فين الأرصدة والبلاوي المتلتلة

وبعدين صفوت مسرقش فلوس

صفوت سرق بلد

سرق أروح أبرياء

ثروت وأمثاله شوهوا التاريخ لحسبهم ، وقتلوا كل من حاول إصلاحه وتوضيح الحقائق

صفوت وأمثاله سمموا عقولنا وخدرونا سنين

شقق أيه وفلل ايه

والله العظيم ما ينفع مع صفوت الشريف إلا حبل المشنقة في ميدان التحرير

[engmido]

فلل ايه وشقق ايه بس يا جماعة

فين الأرصدة والبلاوي المتلتلة

وبعدين صفوت مسرقش فلوس

صفوت سرق بلد

سرق أروح أبرياء

ثروت وأمثاله شوهوا التاريخ لحسبهم ، وقتلوا كل من حاول إصلاحه وتوضيح الحقائق

صفوت وأمثاله سمموا عقولنا وخدرونا سنين

شقق أيه وفلل ايه

والله العظيم ما ينفع مع صفوت الشريف إلا حبل المشنقة في ميدان التحرير

ما هى دى المشكلة

مع اى حد من اللى اتمسكوا

قال ايه شقة وفيلا وتضخم ثروة

ده مش تضخم دى فلوس يتولد زى الارانب

وظلم واستبداد لشعب وذل وسحل لافراد شرفاء

هذا فضلا عن شللية لافساد هذا الشعب وتضييع حقوقه والتستر على فساد الاخرين بل ومباركته