هنا نتكلم عن الأحداث الأخيرة في يوم الجمعة 8 إبريل

[أحمد سيف]

ما حدث بالأمس من مصادمات في التحرير + الحملة الإعلامية الشرسة على مواقع الانترنت الإخبارية + أنباء انسحاب الجيش من ميدان التحرير وترك مسؤولية حماية المتحف والمنشئات الحيوية للجان الشعبية

تجعلني أتوقع أننا في خضمّ حملة منظمة من فلول النظام السابق لاستعادة السيطرة على الأمور ... خصوصا بعد أن ضاقت الحلقة حول أعناقهم وبدأت الرؤوس الكبيرة منهم تتساقط

الصبر والصمود هما الكفيلان بإنجاح الثورة في هذه المرحلة

[Om Zayd]

الحمد لله على رجوع المحاورات

مش قادرة استوعب اللي بيجرا في التحرير

اليوم كان راااااائع

ليه بقى القلبة دي؟ و مين مسئول عنها؟

شرف مجتمع مع المجلس العسكري

و دم اللي مات و اتصاب في رقبة مييييييين؟

محتارة جدا

[Dreamwithme]

بأضم صوتي لصوت أم زيد ....أنا مش فاهمة أيه اللي بيحصل بالضبط ولمصلحة مين؟

لأول مرة من بداية الثورة أبدأ أخاف بجد ....لأني مش عارفة مين مع مين ومين ضد مين

يارب احمي مصر يارب

[الغريب]

ما حدث بالأمس من مصادمات في التحرير + الحملة الإعلامية الشرسة على مواقع الانترنت الإخبارية + أنباء انسحاب الجيش من ميدان التحرير وترك مسؤولية حماية المتحف والمنشئات الحيوية للجان الشعبية

تجعلني أتوقع أننا في خضمّ حملة منظمة من فلول النظام السابق لاستعادة السيطرة على الأمور ... خصوصا بعد أن ضاقت الحلقة حول أعناقهم وبدأت الرؤوس الكبيرة منهم تتساقط

الصبر والصمود هما الكفيلان بإنجاح الثورة في هذه المرحلة

الصبر والصمود وعدم تخوين أحدنا الآخر

عدونا واحد = فلول النظام السابق من رجال الأعمال وغيرهم

[fatfouta]

للأسف وزارة الصحة اعلنت عالنيل للاخبار ان فيه متظاهر مات اثر الاعيرة النارية

ربنا يرحمه

[Howayda Ismail]

http://www.youtube.com/watch?v=9t2XLXwPZ1g&feature=player_embedded

ماحدث فى فى الاسكندرية بعد الصلاة

تم تعديل 9 أبريل 2011 بواسطة Hend ali

[Howayda Ismail]

http://www.youtube.com/watch?v=u4_sQgSh_BY&feature=related

تم تعديل 9 أبريل 2011 بواسطة Hend ali

[Dreamwithme]

أنا حاليا في حالة عدم اتزان وعدم تصديق أي شئ وبأت أشعر بالخوف بالرغم من أني لم أشعر بهذا الخوف في عز أيام الثورة قبل التنحي

لم أستطع أن أفهم الأخبار المتضاربة والمتناقضة وأعتقد أني لن أستطيع

هناك أشياء غير مفهومة تحدث .....طب دي مسئولية مين؟

لا يوجد أحد من الحكومة أو المجلس العسكري ليفهمنا .....طب دي مسئولية مين؟

أنا من ضمن المؤيدين بقوة لفكرة المجلس الرئاسي بدلا من المجلس العسكري

لأن كل ماحد يتكلم وينتقد المجلس العسكري تتعالي الأصوات لا يجوز أن ننتقد الجيش والجيش أبدي ولائه من أول يوم للشعب علي حساب مبارك

أنا عندما أنتقد المجلس العسكري لا أنتقد الجيش ككل وعندما أنتقد البطء وعدم الوضوح ليس بالضرورة إني أشكك في ولاء المجلس العسكري

فطالما المجلس العسكري مش متقبل النقد وبرضه مش عايز يزود سرعته حبتين عشان الثوار يرتاحوا ويطمئنوا

إلي جانب إن المجلس العسكري لا يرغب في إنشاء محكمة ثورة ويشعر بالحرج من محاكمة وملاحقة مبارك القائد الأعلي السابق

فليسلم السلطة لمجلس رئاسي يكون قادر علي ذلك

اتكعبلت في مقالة لد/معتز بالله عبد الفتاح أتفق معها إني مش عايزة ندخل في نفق مظلم

بس عندي تساؤل طب ليه المجلس العسكري سايب الفوضي دي تحصل؟ ليه؟

يعني المجلس العسكري كان عنده علم منذ الأسبوع الماضي عن فيديوهات لبعض ضباط الجيش بيتكلموا عن نزولهم المظاهرات بزيهم العسكري

طب ليه ما اتصرفش؟! الضباط اللي ظهروا في التحرير ظهروا الساعة 3 ظهرا

أكيد لم يظهروا من عدم....طب ليه سمحتم لهم يدخلوا ميدان التحرير ....مش المفروض الشرطة العسكرية بتأمن الميدان

لماذا سمحتم لهم بالدخول؟ وعندما تم ابلاغ المجلس العسكري عن ظهورهم من قبل بعض النشطاء سياسيا

المجلس العسكري قال نعم نحن نعرف ونراهم وسيتم التأكد من هويتهم؟!!!!!!!!!!!!!!

أنا عارفة كويس إن تماسك الجيش خط أحمر ولايجوز بأي حال من الأحوال أن نقترب منه

لكن يا جماعة ليه أنا حاسة إن المجلس العسكري بيتعامل معنا زي ما كان مبارك بيتعامل بمنتهي التجاهل

والتعتيم علي الأخبار....يعني مثال للأخبار المتضاربة..لايوجد أي قتلي لأحداث أمس

وبعد دقائق يوجد قتيل

مثال آخر طريقة تعامل التليفزين المصري مع الأحداث هي هي زي أيام مبارك

يعني عشان أعرف أخبار بلدي ألاقي الفضائية المصرية والقناة الأولي بتعرض أفلام كوميدي

وأضطر أروح علي الجزيرة عشان حد يفهمني أيه اللي بيحصل بالضبط ومن ورائه

اللي يفهم حاجة يفهمني لأن دماغي هتنفجر

آخر عمود فى البيت - د. مُعتَـز بالله عَبـد الفتّـاح

بيتنا قديم، مصنوع من الخشب، بناه نجار فاسد، أساء التصميم و التنفيذ. قررنا أن نهدم جميع عمدانه أولاً كي نبني غيرها بعد ذلك.

و شرعنا في الهدم، و أثناء الهدم و مع آخر عمود وجدنا السقف يهتز و كأنه سيقع. فتوقفنا عن الهدم،

و بقى معنا عمود أخير وسط البيت. عمود مزعج، مكانه غير جيد، و وجوده قطعاً غير مرغوب فيه،

بل هناك لدينا معلومات مؤكدة أن تحته ثعابين نريد أن نتخلص منها. استعنا بنجار لنسأله ما العمل.

قال لنا، لا بد من البناء المتوازي مع الهدم. لو أزلتم هذا العمود قطعاً ستقتلون الثعابين، و لكن معها سيقع سقف المنزل عليكم جميعاً.

قبل أن تتخلصوا من آخر عمود ابنوا عدداً من الأعمدة كي ترفع السقف بحيث لو أزلنا هذا العمود، لم يتأثر البنيان.

أخي الصغير قرر أن يهدم العمود منفرداً، يريد أن يقدم خدمة لنا كي نستيقظ أمام مفاجأة سارة من وجهة نظره بأن نجد أن العمود أزيل.

ليلاً، سمعنا الضوضاء و هو يحاول تكسير العمود، ففزعنا و جرينا نحوه لنقول له: ....

أكمل أنت عزيزي القاريء ما تراه.

مؤسسات الدولة في مصر انهارت: رئيس الجمهورية و نائبه، مجلسا الشعب و الشورى، الحزب الوطني أصبح فلولاً ( غير مأسوف على أي منهم )

الشرطة انسحبت، نسبة من المساجين و البلطجية في الشوارع، الجامعات و المدارس توقفت عن العمل،

الكثير من المصانع شهدت إحتجاجات مشروعة و إن كانت في غير وقتها، غزة تحت الضرب، و ليبيا تشهد حرباً أهلية، و إتفاقية المياه تدخل حيز التنفيذ.

و لم يبق من كل ما سبق إلا مؤسسة واحدة، فيها مشاكل مثل كل مؤسسات الدولة في مصر، لأن النجار مبارك، منه لله، فسد و أفسد.

سألت عدداً من قيادات مظاهرة الجمعة عن نيتهم، فقالوا لي، بأنها ستكون مظاهرات تحافظ على نفس الشعار القديم "الجيش و الشعب إيد واحدة،"

و أن تماسك الجيش ليس موضع تساؤل، و أنهم سينصرفون بعد إنتهاء المظاهرات و لا مجال للإعتصام، و أن لديهم خطة لتنظيف الميادين بعد إنتهاء المظاهرات.

إذن من هؤلاء الذين يريدون هدم آخر عمود في البيت كي يقتلوا الثعبان الكبير في شرم الشيخ ؟

أنا عن نفسي، و في حدود نصيبي من صوت في هذا الوطن، تنازلت عن حقي في محاكمة أي من قيادات القوات المسلحة للموقف الرجولي الذي تبنوه بأن امتنعوا عن مهاجمة

المتظاهرين و أنهم اجتهدوا في أن يؤمنوا البلاد ضد فلول النظام.

لا أريد للقوات المسلحة أن تتخلى عن مسئوليتها. و أرجوكم لا تجبروها على ذلك.

لا نريد للقوات المسلحة أن تنسحب قبل أن يتم تسليم البلاد بطريقة منظمة إلى حكومة مدنية منتخبة ديمقراطياً.

هل المطلوب أن ينسحب الجيش مثل الشرطة، و نعود إلى الإستغاثة بمن ينجينا من البلطجية و الحرامية و قاطعي الطرق ؟

أرجو من يدعون إلى حالة دائمة من التظاهر أن يراعوا أن لدينا الكثير من الشباب المحبط،

و الذي وجد المظاهرات ضالته للتعبير عن سخطه على أوضاع المجتمع كله و ليس الجيش وحده.

ليس من مصلحتنا أن نضع أبناءنا في مواجهة مع قوات جيشنا، و ليس من مصلحة جيشنا أن يستخدم العنف المفرط مع شبابنا.

أرجوكم حافظوا على هذا العمود حتى تعود المؤسسات الأخرى إلى كامل عملها. أرجوكم فلنراع الآثار غير المقصودة لكلماتنا.

[Dreamwithme]

في مقالة من علي الفايسبوك أعجبتني جدا

بقلم أسامة شاذلي

أخد الحق حرفة

لو كنت بتحب البلد دي.... اهدى... اهدى خالص، شيل أخر 24 ساعة من مخك وحطهم على جنب، مش حتمسحهم،

مش حتسيب اللي عذبوك أو ضربوك أو موتوا اخوك، بس لان المثل بيقول أخد الحق حرفة،

يبقى لازم نهدى علشان العصبية بينتج عنها قرارات عاطفية متسرعة، حتزود الخسائر.

احنا حنقبل بيان الجيش اللي شبه خطابات مبارك، وحنصدق اننا بلطجية وفلول الحزب الوطني،

واهو نبقى جربنا بعد ما كنا قلة مندسة، اننا نبقى فلول، خبرة برضو في السي في بتاع اي ثورجي،

وحنوحد المطالب على مطلب واحد وشرعي جدا جدا.

احنا عايزين محكمة الثورة..... ايوه محكمة الثورة وده مطلب شعبي،

ويتم تشكيلها من مجموعة من كبار قضاة الجنايات، ومفيش مانع يكون فيها عضو من القضاء العسكري،

وتبقى مختصة بالنظر في كل الجرائم التي حدثت في مصر وتخص الثورة منذ 25 يناير، دون النظر لاي اعمال اخرى.

المحكمة دي مش حتحاسب العادلي علشان تضخم ثروته زي الكسب الغير مشروع، المحكمة دي حتحاكمه بتهمة قتل وارهاب المتظاهرين السلميين،

حتحاكم انس الفقي بتهمة تضليل الراي العام، حتحاكم صفوت الشريف بتهمة الاضرار بمصلحة الوطن والخيانة العظمي،

حتحاكم مبارك بتهمة اصدار الاوامر باطلاق الرصاص على بني وطنه الذين يحزون في نفسه.

المحكمة دي حنقدر نحاكم بيها كل واحد حارب الثورة وخرب فيها وشوه سمعتها، بصفة قانونية وبسلطات واسعة،

وبتفرغ كامل، وده حصل على كده قبل كده في 52 بس العسكر عملوا المحكمة كلها من ضباط جيش لا علاقة لهم بالقضاء فتحولت الى محاولات للاخذ بالثأر.

ارجع بقى للـ 24 ساعة اللي قولتلك شيلهم على جنب بعد قيام محكمة الثورة وهاتهم تاني، لانك ساعتها حتقدر تحاكم اي حد مس شعرة من ثائر طاهر حر.

ملحوظة : شهيد أمس يجدد وضوء الثورة الذي فسد

[fatfouta]

[se_ Elsyed]

لكن يا جماعة ليه أنا حاسة إن المجلس العسكري بيتعامل معنا زي ما كان مبارك بيتعامل بمنتهي التجاهل

عزيزتي دريم ...

وهو مبارك جاي من المريخ ؟

مبارك من المؤسسة العسكرية .. اللي أتربت على تنفيذ الاوامر والسمع والطاعة للرتب اللي اعلى منك .. حتى لو الأوامر غلط .. ممنوع تناقش ... ممنوع تتكلم ... نفذ وبس يا عسكري وإلا هاتنضرب بالنار ...

بدون الخروج عن الموضوع .. إستمعت لحديث الفريق مجدي حتاته من كان يوم في العاشرة مساءً وبيتكلم عن ترشحه للرئاسة

وقولت : تانييييييييييييييييييييييي ؟

يا ناس حرام ... نخلص من عسكري يجيلنا واحد تاني

يا عزيزتي ما حدث بالأمس جريمة .. اشترك فيها اطراف كثيرة بالتفاوت ...

1- المتظاهرون ... مش عارف ليه قعدوا لبعد المظاهرات ما خلصت .. وإيه حكاية الأسلاك الشائكة ويقفلوا الميدان والكلام ده ... اليوم أمبارح من أوله كان ناجح جداً ... يبقى خلاص بقى بعد ما الرسالة وصلت لازم نمشي ونروح نشوق مصالحنا وما كانش لها أي لازمة القاعدة .

2- ظباط الجيش اللي طلعوا المنصة ... غلط أكبر غلط ... في جهتين محظور عليهم يتظاهروا بالطريقة دي .. الجيش والشُرطة وإلا البلد هاتدخل في فوضى لا يعلم مداها إلا الله .. وأنا أساسً رافض من الأول إضرابات الشرطة والكلام الفارغ ده .. وشبهتها وقولت : تخيلوا لو ضباط حرس الحدود عملوا إضراب عشان مرتباتهم مش عجباهم وسابوا أماكنهم وثغورهم .. وجم ميدان التحرير يتظاهروا واضربوا عن العمل ؟

مصيبة طبعاً ... وبالتأكيد في طرق أخرى تناسبهم للإعتراض

3- المجلس العسكري ... اللي إستدعى أيام مبارك السودا ونزل بكل غشومية يضرب في الناس .. أقسم بالله سمعت فيديوهات لضرب النار اللي حصل وكأنها حرب بتفكرنا بيوم 28 يناير الأسود اللي سقط فيه أكبر عدد من الشهداء .. وليه الجيش يحط نفسه في نفس المواجهة مع الشعب ؟

ليه يخسر رصيدة ؟

ليه وهو عارف إنها معادلة خاسرة ... يعني أي حد قصاد الشعب هايخسر .. وادينا شوفنا مبارك الديكتاتور بسلطانه بهيلمانة بامن دولت بمليون ونصف عسكري أمن مركزي .. خسر من الجولة الأولى ..

ولكن ارجع وٌاول كما قال الله تعالى " وعسى أن تكرهوا شيئاً وهو خير لكم "

نعم خير لنا ... خير لنا أن يكون هناك مجلس عسكري مدني يحكمنا في الفترة الإنتقالية ...

خير لنا أن يرجه الجيش لثكناته وكتر خيرهم ومية بوسه على جبينهم على اللي عملوه وعلى المساندة

والسؤال الأهم اللي كررته قبل ذلك : هو ما ينفعش الجيش يبقى له وجود ولا يحمي الثورة إلا من خلال الكراسي المتنجدة بتاعت الرئاسة ؟

[fatfouta]

أمناء شرطة..قيادة أمنية أمرتنا بعمل فتنة بالتحرير اليوم وبيقول اسم اللواء اللى حرضهم ورتبته بالضبط

https://www.youtube.com/watch?v=dhr4lltMETU&feature=player_embedded

[الغريب]

أنا أسف يا جماعة أنا لقيت ثلاث موضوعات تتكلم عن نفس الفكرة وكله مشتت فقولت نبدأ من هنا ونتكلم في الموضوع ده عن تبعات الأحداث الأخيرة في يوم الجمعة 8 إبريل

أيه اللي حصل ده ؟؟

مش كلنا يا جماعة متفقين أن الجيش خط أحمر ، لأننا أحنا اللي خليناه أحمر

أيه اللي جرا

ليه فيديوهات الظباط تم تداولها على الأنترنت دون محاولة لصدها

أنا زعلان جدا ،، ليه بيحصل كدة

ليه بنهد خط الدفاع المصري

مكناش قدرين ننظم نفسنا يبقى نقعد في البيت أحسن

أنتو أيه رأيكم ؟؟

[Dreamwithme]

ياسي السيد أنا متفقة جدا مع حضرتك إن المتظاهرين أخطأوا بالاعتصام

وعلي فكرة هم أعتصموا نتيجة لتحريض من ضباط الجيش لأنهم قالوا للناس لو سيبتونا هيتقبض علينا ونروح في داهية

ففي ناس تعاطفت معهم....وطبعا أنا بصراحة عندي غضب شديد من ضباط الجيش اللي ظهروا في التحرير بالأمس بالزي الرسمي

عايز تعترض علي حاجة أرجع لقيادتك أو أي وسيلة تانية لكن تدخل نفسك في مظاهرة سلمية ده بصراحة تفكير غير سليم

لكن هأرجع تاني وأسأل طب ما المجلس كان عارف عن موضوع نية بعض ضباط الجيش إلي الانضمام للميدان ليه لم يقبض عليهم عند دخول الميدان

ومعلش سامحوني يا جماعة أصل أنا قلبي أسود ومش قادرة أنسي إن الجيش سمح للجمال والحمير والبلطجية إنهم يدخلوا التحرير برضه يوم الأربعاء الدامي المشهور بموقعة الجمل

وبعدين مفيش حد بيكلمنا ليه ويفهمنا إيه اللي بيحصل؟

هو ليه محدش عايز يحترم الشعب ليه؟

ع جنب أنا استحالة أصوت لصالح أي مرشح للرئاسة يكون عسكري حتي لو كان ملاك خلاص كفاية كده بقي

شكرا أستاذي سي السيد علي محاولة لتفهيمي ما يحدث

[fatfouta]

اللى حصل امبارح مش مفهوم لغايت دلوقتى لاى حد فينا

-المظاهرات كانت ماشية الصبح كويس غير شوية احتكاكات عالمنصة ونزلوا علاء بسيونى وفيه ناس بتقول انهم حاولوا الاعتداء على صفوت حجازى...مع انى شوفته كمل الخطبة من غير ماحد يقرب له وبصراحة كلامه كله كان مع مطالب الثورة

- بعد العصر وفجأة كده بعض المتظاهرين قعدوا يحمسوا بعض انهم هيروحوا عند السغرة الاسرائيلية وينكسوا العلم الاسرائيلى وفعلا كان مكتوب ان فيه حد طلع عالمنصة وحمسهم على كده والصور موجودة للمتظاهرين ادام السفارة الاسرائلية

رفعوا علم فلسطين على مسجد فعلا ادام السفارة والجيش كان سادد السفارة واقفين عليها بيأمنوها

-شوية وضباط جيش طلعوا المنصة وطلعوا كارنيهاتهم ادام الكاميرات عشان يثبتوا هوياتهم

-بعدها حاول احد عناصر الجيش والشرطة العسكرية انه ينزل الضباط اللى عالمنصة لكن الناس دافعت عنهم واخدوهم قعدوهم فى الخيام المنصوبة

-المظاهرة كملت لغاااااايت الساعة 3 بالليل وابتدت الاحتكاكات تقريبا بين الشرطة العسكرية والجيش وفيه ناس بتقول انهم اخدوا بعض الضباط اللى انوا معتصمين عالمتحف المصرى

- وقت حظر التجول الساعة 5 ومش غارفة يمكن من قبلها سمعنا طلقات الرصاص اللى كانت فى التحرير....طلقات رشاشات فى الهوا بطريقة مرعبة ومتظاهرين بيقولوا ((سلمية.....سلمية))

-والامن المركزى كان مشترك مع الجيش فى فض الاعتصام الجزيرة من الساعة 3 وهى بتنقل لايف كل اللى حصل طلقات نارية وناس بتجرى وخيام بتنفض بالقوة

- وفجأة ربعد ماخلص وقت حظر التجول ببص عالشاشة لقيت حريق فى مدخل المترو وعربيات جيش بتولع والجيش بيتراجع وبيسيب الميدان هو والامن المركزى

- وابتدت تطلع الصور بتاعة الرصاص الحى اللى مالية المواقع دلوقتى ومنظر الدم اللى عالارض مرعب

- التليفزيون المصرى بيذيع فيلم عن مزارع العنب وفجاة فاقوا وقالوا ان قيادة جيش بينفى وقوع شهداء او وفيات يعنى

- الصحة بعدها بساعة تطلع تقول ان واحد مات و17 مصابين

-رويتر تقول اتنين ماتوا و71 مصاب

- اون تى فى اتنين ماتوا و71 مصاب معظمهم كدمات واختناقات وهكذا

ايه التخبط ده وايه اللى حصل ولصالح مين

ياعااااااااااااااالم خلصونا وحاكموااااااااا مباررررررررك واعوانه وقتلة الشهداء وحلوا الحزب الوطنى اللى دلقوتى اعترفتوا انه هو المُخرب الاساسى فى مصر

يارب النصر لمصر

يارب انصر المصريين على اعدائهم

يارب رد كيدهم

يارب انت اللى عالم بينا وبشهدائنا اللى ضحوا

انصرنا يااااااااااااارب

[fatfouta]

مكرر

تم تعديل 9 أبريل 2011 بواسطة fatfouta

[se_ Elsyed]

لأ فهمونا بصراحة .. وطلعوا البيان العبيط بتاع إبراهيم كامل هو السبب

إبراهيم كامل على فكرة بيسموه " عراب التوريث " يعني الشخص اللي إتفكس الفكرة دي واقنع بها مبارك وقال له إن جمال زينة الشباب ولازم يورث الكفر من بعده

طبعاً هو مجرم . .. لكن كلام فارغ إنه سبب اللي حصل ده كله ..

طب إذا كان هو السبب ... فمين السبب في الغشومية والدب اللي حصل من الجيش ؟

[fatfouta]

الرصاص الحى وبقع الدماء على الارض

[Dreamwithme]

فمين السبب في الغشومية والدب اللي حصل من الجيش ؟

حضرتك هو الجيش بيقول إن الداخلية والمواطنون الشرفاء هم اللي تصدوا لأعمال العنف

يعني مكانش في جيش ؟!

وبعد شوية خبر تاني بيقول إن الجيش كان عايز يقبض علي ضباط الجيش المعتصمين

يعني أنا بصراحة لم أعد مستحملة كمية الأخبار المتضاربة وعندي احساس بيكبر

إن في اتنين جيش مختلفين أو إن مفيش حد ماسك البلد من أساسه وإن المركب لم يعد بها قبطان

الخبر من المصلاي اليوم:

المجلس العسكري: «الداخلية» و«مواطنون شرفاء» تصدوا لأعمال الشغب بالتحرير

قال المجلس الأعلى للقوات المسلحة إنه نظراً لوجود «عناصر من الخارجين عن القانون بميدان التحرير بعد تظاهرة الجمعة للمواطنين الشرفاء وتقوم بأعمال شغب وترويع للمواطنين وعدم الالتزام بتوقيتات حظر التجوال ويتواجد منهم بعض الأفراد المدعين انتماءهم للقوات المسلحة قامت عناصر من وزارة الداخلية وبعض المواطنين الشرفاء بصد أعمال الشغب وتطبيق حظر التجوال دون أي خسائر».

وأكدت القوات المسلحة أنها «لم ولن تسمح بأي عمل أو إجراء قد يضر بأمن وسلامة الوطن والمواطنين»، كما تؤكد أنها سوف تقوم مستقبلاً بفرض وتطبيق القانون بكل قوة وحزم إذا ما اقتضى أمن الوطن وسلامة المواطنين ذلك

[se_ Elsyed]

بمناسبة التليفزيون يا فتفوته ومزارع العنب البناتي

الشيخ محمد حسان قالوا له إن عنده لقاء على الهواء في برنامج " نادي العاصمة " مساء أمس وخلاص الراجل كان جاهز وتمام التمام

وإذ ربما فجأتن الست نهال كمال رئيسة التلفزيون طقت في دماغها إلغاء البرنامج وإلغاء ظهور الشيخ محمد حسان وقالت ممنوع يطلع على الهواء ... وإن كان ولابد يبقى البرنامج لازم يكون متسجل .. وأذاعوا مكانه أغاني والعيد فرحه وأجمل فرحه ..

يجيبوها يمين شمال .. طب ليه يا حاجه ؟

ما فيش رد

طب ده أنتي جوزك الحج عبد الرحمن الأبنودي راجل محترم ووطني ... طب لو كنتي بتحبيه قولي لنا ليه لغيتي البرنامج ؟ ...

ولا الهوا هو كده وخلاص

بالمناسبة .. الشيخ محمد حسان من الناس ذوي الأراء الصائبة المتعقلة ... وخسارة فيهم والله العظيم .. سمعته أمبارح مع مصطفى بكري على الهواء في قناة الحياة .. وبصراحة أراءة في منتهى الإتزان ووجه مُشرق للدعوة السلفية والكلام بيطلع منه موزون بميزان الذهب .