هنا نتكلم عن الأحداث الأخيرة في يوم الجمعة 8 إبريل

[se_ Elsyed]

فمين السبب في الغشومية والدب اللي حصل من الجيش ؟

حضرتك هو الجيش بيقول إن الداخلية والمواطنون الشرفاء هم اللي تصدوا لأعمال العنف

يعني مكانش في جيش ؟!

وبعد شوية خبر تاني بيقول إن الجيش كان عايز يقبض علي ضباط الجيش المعتصمين

يعني أنا بصراحة لم أعد مستحملة كمية الأخبار المتضاربة وعندي احساس بيكبر

إن في اتنين جيش مختلفين أو إن مفيش حد ماسك البلد من أساسه وإن المركب لم يعد بها قبطان

الخبر من المصلاي اليوم:

المجلس العسكري: «الداخلية» و«مواطنون شرفاء» تصدوا لأعمال الشغب بالتحرير

قال المجلس الأعلى للقوات المسلحة إنه نظراً لوجود «عناصر من الخارجين عن القانون بميدان التحرير بعد تظاهرة الجمعة للمواطنين الشرفاء وتقوم بأعمال شغب وترويع للمواطنين وعدم الالتزام بتوقيتات حظر التجوال ويتواجد منهم بعض الأفراد المدعين انتماءهم للقوات المسلحة قامت عناصر من وزارة الداخلية وبعض المواطنين الشرفاء بصد أعمال الشغب وتطبيق حظر التجوال دون أي خسائر».

وأكدت القوات المسلحة أنها «لم ولن تسمح بأي عمل أو إجراء قد يضر بأمن وسلامة الوطن والمواطنين»، كما تؤكد أنها سوف تقوم مستقبلاً بفرض وتطبيق القانون بكل قوة وحزم إذا ما اقتضى أمن الوطن وسلامة المواطنين ذلك

الكلام ده كان يحصل زمان ايام الله لا يرجعه مبارك

أما الأن وكل شيء موثق وشوفناه بالفيديو ....

يبقى لا مؤخذه اللي يكذب ويقول كاني وماني .. يبقى يستاهل يتحط في عنبر المجانين ..

كله موجود يا فندم على اليوتيوب .. والجيش هو اللي عمل كده إمبارح ..

فاكره المصيبة اللي عملوها يوم 9 مارس ؟

وبعدين طلعوا يتاسفوا ويقولوا رصيدنا عندكم يكفي ؟

أهو شكلهم شحنوا وبقى عندهم رصيد جديد .. وخافوا على صلاحية الرصيد فقالوا نستنفذه وننزل ندب في البشر ونقتل ونعتقل فيهم ... وبعدين برضوا نراضيهم ببؤين ونتكلم عن الرصيد وكروت الشحن ...

[Dreamwithme]

بمناسبة التليفزيون يا فتفوته ومزارع العنب البناتي

طب ده أنتي جوزك الحج عبد الرحمن الأبنودي راجل محترم ووطني ... طب لو كنتي بتحبيه قولي لنا ليه لغيتي البرنامج ؟ ...

ولا الهوا هو كده وخلاص

عشان اللي ماسك التليفزيون دلوقتي الشئون المعنوية للجيش

وتعامل التليفزيون معنا لم يتغير ....أو عشان الصراحة أتغير تغير طفيف

لكن لسه شغال من منطلق الأغنية "وأنا عاملة نفسي نايمة"

تم تعديل 9 أبريل 2011 بواسطة Dreamwithme

[fatfouta]

انا نفسى اعرف بيأجلوا المحاكمات ليه يا ناااااااس

النهاردة ماجلين محاكمة الضباط قتلة المتظاهرين ليونيو.......يونيووووو ليه كده هى معضلة قوى كده

والمغربى تتأجل محاكمته ليه وكمان بيطالبوا بتوقيع اقصى العقوبة عليه اللى هى سبع سنوااااااااااات......:110: :110:

[fatfouta]

والله انا لو من اى شخص او قيادة محترمة يمسك التليفزيون ده يا يحكم ضميره صح او يستقيل ويسيب المنصب طالما مش قادر يقول الحقيقة

تم تعديل 9 أبريل 2011 بواسطة fatfouta

[أحمد سيف]

هو ليه محدش عايز يحترم الشعب ليه؟

هو ده السؤال اللي هتجنن علشان أعرف إجابته

ليه تنفيذ المطالب ما بيكونش غير يوم الخميس قبل التظاهرات المليونية

ليه ماحدش مقتنع إن الشعب ده هو صاحب البلد وإن اللي يقوله لازم يمشي بدون فصال

ليه ماحدش من المجلس العسكري مقتنع إن شرعية وجوده مستمدة من الشعب مش من الدبابات ... وعمالين كل شويه يفكرونا انهم بينفذولنا المطالب زي ما يكون ده تفضّل منهم ومش واجب عليهم

لماذا الإصرار على استمرار القيادات القديمة ... ولماذا الإصرار عند تغييرها أن لا يتم الاستعانة بالشخصيات المعروفة بعدائها للنظام السابق والموالاة للثورة وأهدافها ... بل يتم الإتيان بقيادات إما غير معروفة أو أو ماسكة العصاية من المنتصف أو ضعيفة يمكن السيطرة عليها

الناس حاسّه إن المجلس العسكري بيشتغلها والمجلس بيؤكد الإحساس ده كل شويه بتصرفاته وتصريحاته

في ناس بتستغرب إن لستة المطالب بتزيد كل شويه وبيسألوا هوا مافيش سقف للمطالب

دول ناس مش فاهمين المشكلة وفاكرين انها مشكلة مطالب ... المشكلة إن الشعب عايز يحسّ مره انه صاحب السلطة والسيطرة وان اللي هيقول عليه هيتم دون مماطلة ولا خداع ولا معانده

والله العظيم لو كان مبارك إدى الشعب الإحساس ده من أول يوم في الثورة واستجاب لمطالبهم البسيطة ساعتها كان زمانه لسه قاعد على الكرسي والناس بتهتف بحياته ... لكنه فضل يعاند ويسوّف ومع عناده وتسويفه مطالب الناس بتزيد لإنهم حاسين إن اللي في ايده السلطة عمال يلاعبهم ويتحداهم ومش معترف بإنه موظف عندهم

[se_ Elsyed]

انا نفسى اعرف بيأجلوا المحاكمات ليه يا ناااااااس

النهاردة ماجلين محاكمة الضباط قتلة المتظاهرين ليونيو.......يونيووووو ليه كده هى معضلة قوى كده

والمغربى تتأجل محاكمته ليه وكمان بيطالبوا بتوقيع اقصى العقوبة عليه اللى هى سبع سنوااااااااااات......:110: :110:

صوتنا إتنيح عن العدل البطيء ..

صوتنا إتنبح عن العدالة الغير مفهوم إتجاهاتها ..

صوتنا إتنبح ويقولوا لنا : بالراحة إنتوا جيل دايماً مستعجل

يرضي ربنا ده ؟

تأجيل شهرين تاني وكلنا شوفنا مين الي ضرب .. وإزاي عربيات الكلاب الشرطة كانت بتدوس على الناس كأنهم حشرات ؟

يرضي ربنا ودماء وأرواح الشهداء تستغيث بنا عشان ناخد بثأرها من القتلة المجرمين اللي ما يعرفوش ربنا

[Alattar]

انا نفسى اعرف بيأجلوا المحاكمات ليه يا ناااااااس

النهاردة ماجلين محاكمة الضباط قتلة المتظاهرين ليونيو.......يونيووووو ليه كده هى معضلة قوى كده

والمغربى تتأجل محاكمته ليه وكمان بيطالبوا بتوقيع اقصى العقوبة عليه اللى هى سبع سنوااااااااااات......:110: :110:

واضح ان فعلا مافيش حل غير المحاكم الاستثنائية..كل حاجة في البلد اليومين دول استثنائية..اشمعني يعني المحاكم هتبقي محاكم عادية

و زي ما قلت في موضوع محاكم الغدر للأستاذ عادل..ما ينفعش نأجل حكم في قضية ضد رجل أعمال أو مسئول فاسد و نعطل القضية عشان القاضي عنده قضية خلع والولية مش طايقة الراجل و عاوزه تخلعه في أقرب وقت..و القضاة كلهم مشغولين..و نسيب قضايا ممكن لو اتأجلت زيادة عن كده الناس تدخل الأقفاص و يقتولهم و نخلص منهم ..و بلا محاكمات بلا وجع دماغ

وقاضي تاني استعشر الحرج من أحمد عز,,هو أحمد عز كان لا مؤاخذه قالع الطرحة ولا ايه؟؟..مش فاهم أنا ايه استشعر الحرج دي؟؟

حاجة تقرف

[Ahmed Anwer]

لكن هأرجع تاني وأسأل طب ما المجلس كان عارف عن موضوع نية بعض ضباط الجيش إلي الانضمام للميدان ليه لم يقبض عليهم عند دخول الميدان

يا افندم يمنعوا مين دوول ملايين ،، السيطرة علي الميدان بملايينه بمحلاته بحوالي تسع مداخل مستحيل

بتكلم علي منع تسع او عشر أفراد ،، و مش معروفين

علي فكرة الجيش طلب منهم بهدوء يسلموهم الضباط و يفضوا الإعتصام ،، رفضوا و شتموا الجيش ده من شهادات الشهود

و بعد كده ضرب النار الفظيع ،،، كان في الهوا

اللي أنا فعلا مش فاهمه ،، طب أنتا خلاص عملت العملة و سيطرت علي الميدان ،، و فعلا أعداد المعتصمين كلام فاضي ،،

تنسحب ليه بقه !!! و تسيب الميدان لمتظاهرين ،، و شوية شوية ناس تتعاطف معاهم أو روح تتفرج حتي !!!

و نخش في دوامة مالهاش لازمة

[se_ Elsyed]

والله انا لو من اى شخص او قيادة محترمة يمسك التليفزيون ده يا يحكم ضميره صح او يستقيل ويسيب المنصب طالما مش قادر يقول الحقيقة

نقول كمان

المجلس العسكري إختار الدكتور سامي الشريف عميد كلية الإعلام جماعة القاهرة ... وصاحب محلات ورئنيش " هانلمعكو " المسئولة عن حملات تلميع مبارك وإبنه .. وكان من المسبحين بحمده والمتغزلين في جماله

ومع ذلك ... كافئوه وعينوه في المنصب ده عشان يبدأ مرحلة ثورية جديدة لما بعد مبارك

[الغريب]

يا جماعة أبوس إيديكم أنا بكتب وأنا ببكي

كلامكم كله على العين والرأس من حيث بطأ العدالة والكلام ده

أنما في شئ مهم

منذ بداية الثورة وهذه الثورة لم يكن له رأس والحمدلله الموضوع ده كان ليه إيجابية

يفترض بعد الثورة لما نييجي نعمل أي تظاهرة لأي مطالب يفترض أننا نحدد عاوزين أيه من التظاهرة وهتخلص الساعة كام والناس تنصرف أمتى بالظبط ونقول للجيش اللي يكمل بعد ما الناس تمشي ملناش دعوة بيه .. كويس

يفترض كمان أن كل القوى المشاركة في التظاهرة تحدد موقفها من شكل التظاهرة وكمان يحددوا موقفهم من الظباط المنشقين اللي خرجوا علينا وقالوا نقلبها ضلمة على المجلس العسكري

أنما اللي حصل من عشوائية ده كان ينفع قبل الثورة أنما بعدها مينفعش

[الغريب]

بعد إذنك يا س س

ضم هنا الموضوع بتاع نوارة نجم علشان فيه كلام كويس جدا للأعضاء الأفاضل حول نفس المضمون

شكرا...

[fatfouta]

البرادعي: الثقة بين الجيش والشعب «خط أحمر» .. ومشاهد التحرير تُدمي القلوب

أكد الدكتور محمد البرادعي، المدير السابق للوكالة الدولية للطاقة الذرية، الذي أعلن نيته الترشح لانتخابات رئاسة الجمهورية، أن الثقة بين الجيش والشعب «خط أحمر»، مشيراً إلى أنه لابد من الحفاظ عليها من أجل حماية الوطن.

وأكد في رسالة كتبها على صفحته الخاصة على موقع التدوينات القصيرة «تويتر» تعليقاً على ما شهده ميدان التحرير، فجر السبت، أثناء فض اعتصام المتظاهرين بالقوة من قبل بعض قوات الجيش، أن الحوار هو البديل الوحيد، واصفا ما حدث في التحرير بـ«مشاهد تدمي القلوب».

وأوضح البرادعي أن الطريق الى الاستقرار لمصر يتمثل في الاستجابة السريعة لمطالب الثورة والمشاركة المدنية في المرحلة الانتقالية، ووضع خارطة طريق متكاملة وإجراء حوار وطني جاد حول أسس بناء الدولة .

تم تعديل 9 أبريل 2011 بواسطة fatfouta

[أحمد سيف]

انا نفسى اعرف بيأجلوا المحاكمات ليه يا ناااااااس

النهاردة ماجلين محاكمة الضباط قتلة المتظاهرين ليونيو.......يونيووووو ليه كده هى معضلة قوى كده

والمغربى تتأجل محاكمته ليه وكمان بيطالبوا بتوقيع اقصى العقوبة عليه اللى هى سبع سنوااااااااااات......:110: :110:

اللي ما يشوفش من الغربال يبقى أعمى

الواضح الآن المجلس العسكري مش عايز ينفذ مطالب الثورة ... أو عايز ينفّذ الحد الأدنى منها ... بحيث يبقى قدر ما يستطيع من هياكل النظام السابق تمهيدا لتاسيس نظام جديد يكمل من خلاله سيطرته العسكر على البلاد كما كان الحال طوال السنوات الستين الماضية

هدفه الآن هو انتهاء الحالة الثورية وعودة الناس الى حياتها الطبيعية ويستخدم في ذلك بعضا من مخططات (إجهاد) الثورة التي أشار لها بلال فضل ... والتي تقوم على إطالة أمد الأزمة بقدر الإمكان والتصرف بسلبية تجاه حالة الانفلات الأمني والتعتيم الإعلامي على رموز الثورة وأخبارها والتستر على رموز الفساد لإشاعة حالة من الإحباط لدى الناس وتخويف الناس من الانهيار الاقتصادي القادم والظروف الإقليمية.

نحن بحاجة اليوم أكثر من أي وقت مضى لاستكمال مسيرة الثورة حتى تحقيق أهدافها الكاملة

[Dreamwithme]

أهو اتفضلوا خبر من الأخبار اللي تحرق الدم وتخلي الواحد مش فاهم

ولا ياتري يا هل تري الجيش سيقبض عليه بمعرفته ولا بيضحكوا علينا ولا أيه؟! :Head:

المصدر الدستور الأصلي "الموقع"

قالت مصادر بمكتب النائب العام لـ"الدستور الأصلى" أن النيابة العامة لاتعلم شيئا عن أمر ضبط وإحضار إبراهيم كامل الصادر من المجلس الأعلى للقوات المسلحة لتورطه في القيام بأعمال تحريض من بعض أتباعه وإثارة الجماهير فى ميدان التحرير أمس الجمعة، وأكدت المصادر أن النيابة لم تتخذ أى إجراءات من جانبها تجاه كامل، فيما يخص الأحداث التى وقعت أمس للمتظاهرين بميدان التحرير أثناء المشاركة فى "جمعة التطهير".

[أحمد سيف]

دي مقالة كويسه تدعم ما أشرت اليه من أن المجلس العسكري لن ينفذ مطالب الثورة لأنها تتعارض مع طبيعته وفكره

طبيعي في خضم أية ثورة أن ينقسم المجتمع إلى ثوريين يسعون إلى التغيير هدما للقديم،وبناءا للجديد،ومحافظين يرضون بالحد الأدنى من تحقيق المطالب،حفاظا على الاستقرار كما يرونه،وبناءا على التفاعل والتفاوض و التكامل و التدافع بين هؤلاء و أولئك،بل و الإنصات و التنسيق بين الصوت المحافظ و الثوري بداخل كل إنسان ، تسير عملية التغيير و التحول متنامية و متوازنة في المجتمعات التي تشهد ثورة..

تأملوا معي في خريطة ثورة مصر،وحاولوا تمييز الثوري و المحافظ،ستجدون فئة عريضة جدا من الناس مش فاهمة حاجة لسه،و بالتالي واخدين جنب،و كأن ما حصل لا يعنيهم،أو هم يكتفون بالفرجة عليه من بعيد لبعيد،وأعراض الفرجة من القلق الشديد و التوتر،والخوف،واليأس،والتشاؤم بشأن المستقبل،وبالتالي الاستعداد الدائم لنشر الفزع و الفزاعات،والشائعات،وهذا الجمهور العريض هو محافظ بامتياز،فإذا أضفنا له المؤسسة العسكرية التي هي محافظة أيضا بحكم التكوين و المهام الدائمة،والجهاز البيروقراطي الحكومي المضغوط جدا حاليا تحت تأثير و هدير المظاهرات الفئوية،وكذلك كتلة كبيرة جدا هي أغلبية جماعة الإخوان المسلمين،وأصحاب التوجهات السلفية،والخط الرسمي للكنيسة الأرثوذكسية المصرية،هؤلاء جميعا .. ليسوا أعداءا للثورة بقدر ما هم محافظين و متحفظين بشأن المزيد من التغيير السريع،وبشأن إعادة تشكيل مواقفهم وطريقة أداءهم و تعاطيهم مع القضايا

في صف الثوريين سنجد كتلا كبيرة أيضا بعضهم ينشط في خطوط عمل و إنتاج واضحة،وأغلبهم يبدو مرتبكا،و البعض الآخر،يبدو مذبذبا بين الحماس غير المنظم،وغير الفاعل للثورة،وبين الدخول في معارك جانبية بعضها حقيقي،ربما ليس وقته الأن،وبعضها مصطنع

الكتل شديدة الحماس للثورة،وبخاصة من الشباب،تشعر بالتوتر الشديد و هي ترى التباطؤ في تنفيذ المطالب،و التلكؤ في حسم ملفات عاجلة وخطيرة،مع استمرار وجود بقايا النظام القديم في مواقع كثيرة جدا متنفذة،دون ملاحقة،و لا محاسبة،و لا حتى تهديد بالمحاكمة

و بقية المشهد تحتله تلك المخالب المتمكنة القابضة الملفوفة في قفاز من الحرير،في محاولات دؤوبة لإجهاض الثورة،ولو بتمرير الوقت،و تفريق الناس،أو شغلهم بقضايا خلافية،و أنواع من الفتن الطائفية أو السياسية،و التحريش بين فئات الشعب،و لا مانع من ترويعه بطرق مختلفة ، لأن الخائفين هم الوقود الأهم لأية ثورة مضادة ، و مناخ الخوف هو الأفضل و الأمتع لكل مستبد و ظالم

و تضغط الجماهير المتحمسة للثورة عبر الحشود ،و عبر تكرار المطالب و المطالبة،منتظرة من الأطراف غير الثورية،و بعضها معادي للثورة،تنتظر منها التنفيذ!!! أي أنها تطلب من المحافظين بحكم التكوين ، أو بحكم الوظيفة أن يقوموا بالواجبات الثورية ، و تحقيق المطالب و المهام الثورية !!! و هذا عجيب للغاية، و نتائجه واضحة لكل مراقب

الأجهزة المحافظة و الفاسدة ستظل قدرتها على الاستجابة و إنجاز الأهداف الثورية محدودة للغاية ، و أحيانا ستبدو مناهضة،و الحل أن ننتقل من المناشدة و المطالبة،إلى مستويات أكثر فاعلية و تركيبا ، تنقل الثورة من الكلام إلى الفعل المباشر،و التنفيذ العملي

هذا هو عمل جماعات الضغط و المراقبة و تطوير الأداء الشعبي،و تنسيق الجهود و الإرادة الثورية لجماهير عريضة،و هو عمل يشبه العمل النقابي ، و العمل التكويني الجماعي،المسمى بالعمل المدني،و هو مختلف عن تأسيس الأحزاب ، و مختلف عن العمل ضمن كيانات طائفية ، أو طبقية ، أو فئوية ، إنه تنظيم جهود الناس المتحمسين ليفعلوا

من الملفت أنه حتى الكيانات التي لعبت دورا مجيدا بوصفها جماعات ضغط غير حزبية مثل:6 أبريل ، و كلنا خالد سعيد ، لم تكمل المسيرة في ممارسة أدوارها كجماعات ضغط ، و أدوات تنظيم للإرادة و الصفوف الثورية ، و تبدو و كأنها تبحث لها عن دور ، في مجتمع ما بعد الثورة .. بل إن فكرة تحويل الزخم الثوري إلى فعل سياسي حزبي هو اقتراب محافظ جدا بامتياز

و أتلفت حولي لأتسمع و أتتبع فقهاء العمل المدني و أساطينه،فلا أكاد أسمع لهم صوتا،رغم أن اللحظة هي وقتهم بامتياز،و الدور عليهم ، و المسئولية هي الأن تتمثل في كيفية تدريب المتحمسين لأداء و تحقيق المهام الثورية على طريقة المجتمع المدني ، و ليس فقط بالضغط على حكومة منهكة،بجهاز بيروقراطي منهار ، أو انتظار حراك ثوري من عسكر محافظين لا علاقة لهم بالسياسة،مع تأكيدي على أهمية استمرار الضغط الشعبي،و الاحتشاد الجماهيري لوقف التجاوزات على الأقل ، قبل تحقيق الإنجازات التي أراها مرهونة بتنشيط الغدد و الهياكل و الأفكار التنظيمية على طريقة المجتمع المدني ، تلك الطريقة التي قد تبدو غائمة، أو غامضة لمن لا يعرفها جيدا ، لكن سؤالي يظل معلقا : أين الذين يجيدونها ؟؟

ملفات التحول لن تنجزها إلا الأطراف و القوى و الإرادة الثورية المتهيكلة حول الوعي و التنظيم و التدريب و التشبيك و التواصل مع الأجهزة الحكومية أحيانا مراقبة و دعما ، و أعادة تشكيل ، و مع جهود المجتمع المدني العالمي،و بخاصة مع أصحاب الخبرات السابقة في إدارة ملفات التحول في بلدان مثل أوربا الشرقية ، و أمريكا اللاتينية ، و غيرها

لا الاكتفاء بتأكيد الثقة في المجلس العسكري، و حكومة شرف،و لا مجرد الاكتفاء بالضغط عليهما سينجز المهام الثورية،و استهلاك الطاقة الثورية في مناهضة محاولات الالتفاف،و نقد القوى المحافظة على طريقة.. إطفاء حريق هنا ، أو حل مشكلة هناك .. هذا المنوال ليس الأفضل في إدارة الطاقة الثورية ، و لا الإرادة الشعبية ، لكن يلزم رسم الخرائط ، و تحديد الملفات ، و توزيع و تنسيق الأعمال الجماعية،ليتحول الارتباك الغالب على المشهد إلى إنجاز بشأن التحول و التغيير ، الهدم و البناء

طبيعي أن تحدث عمليات مد و جزر ثوري،و لكن الغموض و التشرذم ،و زخم الملاسنات و الشتائم المتبادلة، و الحوارات غير الموجهة،هذا و غيره يمكن أن ينتج ضجيجا ثوريا ، لكنه بلا كثير كثير طحن ، و الله أعلم

تم تعديل 9 أبريل 2011 بواسطة أحمد سيف

[fatfouta]

يا شيخ والله اول مرة ادعى على حد ان ربنا ياخده مولع البلد فى وجودك او عدمه.....وعلى فكرة بناءا على كلام وزير العدل لو مات مصر اللى هتورثه يعنى فلوسه هتبقى لينا احنا مش لولاده ومراته

فريق طبي اردني يفحص مبارك ويوصي بعلاجه بالخارج.. والجيش يرفض

أفادت مصادر مطلعة لمصراوي، أن فريق طبي أردني، قام بإجراء كشف شامل صباح اليوم على الرئيس السابق محمد حسني مبارك، بمقر إقامته بشرم الشيخ.

وأكد الفريق الطبي أن حالة الرئيس السابق تهاني من تدهور وتستدعي العلاج في الخارج، وتحديدا ألمانيا حسب ما جاء في التقرير، ورفع الفريق الطبي الاردني تقريرًا للمجلس العسكري بذلك.

وجاءت زيارة الوفد الاردني، بناء علي تعليمات من ملك الأردن عبدالله بن الحسين، بعد ان حصل علي موافقة المجلس الأعلى للقوات المسلحة.

من جانبه، يتجه المجلس الأعلى للقوات المسلحة لرفض – حسبما قالت المصادر – السماح بسفر مبارك للعلاج بألمانيا، واكتفي المجلس بالسماح بقدوم أي فريق طبي أجنبي، لإجراء الكشف على مبارك بمقر إقامته.

اخبار مصراوى

[Ahmed Anwer]

(( أخذ الحق حرفة )))

كل ثورة و أنتم طيبين بسبب غباء البعض

[fatfouta]

الجيش يكثف انتشاره بشرم الشيخ لمنع هروب أسرة مبارك

قالت شهود عيان اليوم السبت، بمدينة شرم الشيخ بمحافظة جنوب سيناء، إن قوات الجيش كثفت من تواجدها فى مطار شرم الشيخ، وبالقرب من طائرات خاصة لأسرة الرئيس المخلوع حسنى مبارك تحسباً لأية محاولة للهروب إلى خارج البلاد، بعدما بدأت الإجراءات الفعلية لمحاكمة أسرة الرئيس المخلوع.

وقالت المصادر إن هناك انتشاراً كبيراً للجيش وللشرطة العسكرية فى محيط الفيلا التى يقيم فيها الرئيس المخلوع ومطار شرم الشيخ، وأفادت أنه تم منع حركة إقلاع أى طائرات خاصة من المطار، وقالت المصادر إن انتشار الجيش تم تكثيفه منذ مساء أمس الجمعة.

اليوم السابع

[أحمد سيف]

الجيش يكثف انتشاره بشرم الشيخ لمنع هروب أسرة مبارك

قالت شهود عيان اليوم السبت، بمدينة شرم الشيخ بمحافظة جنوب سيناء، إن قوات الجيش كثفت من تواجدها فى مطار شرم الشيخ، وبالقرب من طائرات خاصة لأسرة الرئيس المخلوع حسنى مبارك تحسباً لأية محاولة للهروب إلى خارج البلاد، بعدما بدأت الإجراءات الفعلية لمحاكمة أسرة الرئيس المخلوع.

وقالت المصادر إن هناك انتشاراً كبيراً للجيش وللشرطة العسكرية فى محيط الفيلا التى يقيم فيها الرئيس المخلوع ومطار شرم الشيخ، وأفادت أنه تم منع حركة إقلاع أى طائرات خاصة من المطار، وقالت المصادر إن انتشار الجيش تم تكثيفه منذ مساء أمس الجمعة.

اليوم السابع

طيب مش بدل الغلبه دي كلها يجيبوه القاهرة ويحاكموه هناك

ولا لازم يفضل كده قاعد على الحدود جنب حبايبه اسرائيل والسعوديه

[fatfouta]

رصد | عاجل | مؤكد | المجلس العسكرى ينهى أجتماعه مع شرف الان ومؤتمر صجفى الساعة السادسة للمجلس العسكرى