فريق طبي اردني يفحص مبارك ويوصي بعلاجه بالخارج.. والجيش يرفض

[Alattar]

الخبر من مصراوي

أفادت مصادر مطلعة لمصراوي، أن فريق طبي أردني، قام بإجراء كشف شامل صباح اليوم على الرئيس السابق محمد حسني مبارك، بمقر إقامته بشرم الشيخ.

وأكد الفريق الطبي أن حالة الرئيس السابق تهاني من تدهور وتستدعي العلاج في الخارج، وتحديدا ألمانيا حسب ما جاء في التقرير، ورفع الفريق الطبي الاردني تقريرًا للمجلس العسكري بذلك.

وجاءت زيارة الوفد الاردني، بناء علي تعليمات من ملك الأردن عبدالله بن الحسين، بعد ان حصل علي موافقة المجلس الأعلى للقوات المسلحة.

من جانبه، يتجه المجلس الأعلى للقوات المسلحة لرفض – حسبما قالت المصادر – السماح بسفر مبارك للعلاج بألمانيا، واكتفي المجلس بالسماح بقدوم أي فريق طبي أجنبي، لإجراء الكشف على مبارك بمقر إقامته.

وترددت في الاسابيع الماضية انباء كثيرة عن تدهور الحالة الصحية للرئيس مبارك، وقيل انه سافر بالفعل للإمارات للحصول علي العلاج وقيل ايضا انه سافر الي السعودية والمانيا، ولكن المجلس العسكري نفي ذلك نفياً قاطعاً اكثر من مرة، مؤكدا ان مبارك مازال في مقر اقامته الجبرية بمدينة شرم الشيخ، ومن المتوقع ان يخضع مبارك لمحاكمة رسمية خلال الاسابيع القادمة، لجرائم فساد مالي، وعمليات تعذيب وقتل مارسها نظامها السابق.

واكد محمد الجندي وزير العدل في الحكومة المؤقتة في وقت سابق، ان مبارك سيخضع للمحاكمة باعتباره مواطناً، لا يتمتع باي صلاحيات او مميزات في إجراءات محاكمته التي ستكون مدنية.

كانت مظاهرة مليونية خرجت الجمعة في ميدان التحرير، تطالب بمحاكمة الرئيس السابق حسني مبارك، وأولاده، ورموز الفساد في نظامه المخلوع.

بصراحة مش فاهم ..و آسف لو حد اتهمني بسوء الظن..بس مش قادر أكتم أكتر من كده

هل الخبر ده حقيقي..و الأمر عادي جدا؟

ولا ده محاولة لشراء كارت شحن جديد الجيش بيشحن بيه رصيده عشان اللي حصل امبارح؟؟

[Salwa]

انا بقى مش ناوية أسأل كل الأسئلة دى ..

هو بس سؤال واحد..

ليه فريق طبى اردنى ؟؟؟

ليه؟؟

هو مفيش....فريق طبى مصرى ؟؟؟

هى خلاص مصر بكل امكانياتها وفلوسها اللى اتسرقت واتنهبت ...مبقاش فيها مستشفى وااااااااااحد....ينفع يتعالج فيه السيد الرئيس السابق؟؟؟

للدرجة دى ؟؟؟

الكل بينصح بالعلاج ف الخارج...يادى الخارج...طيب والداخل ماله؟؟

مش هو الداخل ده كان من ضمن مسئوليات السيد الرئيس؟؟؟

لمدة تلاتين سنة ؟؟؟

والا ايه؟؟

دى مصر بعد كل اللى حصل فيها ....بقت متخصصة ف علاج السرطان بكل انواعه.

مفروض سيادته يجرب ويشجع الانتاج المحلى ويتعامل مع جيل الأطباء اللى افرزته حقبته التاريخية ..

لسا برضه المصريين كأطباء متفوقين على مستوى العالم ياريس...متخافش.

بس جرب ومش حاتندم ابداااا

ربنا يشفى كل مريض... :give_rose:

[fatfouta]

ماحدش يا ماما سلوى تقريبا عاوز يشوف وشه من الداخل

وهو كمان يخاف لا يمسكوه يعملوا فيه حاجة....معلشى اصله فاكر الناس كلها خونة.....وفى مثل بيقول يا خاين مين خونك

شوف وصل لدرجة ايه انه بيثق فى الخارج اكتر من ولاد بلده

تم تعديل 9 أبريل 2011 بواسطة fatfouta

[Alattar]

انا بقى مش ناوية أسأل كل الأسئلة دى ..

هو بس سؤال واحد..

ليه فريق طبى اردنى ؟؟؟

ليه؟؟

هو مفيش....فريق طبى مصرى ؟؟؟

هى خلاص مصر بكل امكانياتها وفلوسها اللى اتسرقت واتنهبت ...مبقاش فيها مستشفى وااااااااااحد....ينفع يتعالج فيه السيد الرئيس السابق؟؟؟

للدرجة دى ؟؟؟

الكل بينصح بالعلاج ف الخارج...يادى الخارج...طيب والداخل ماله؟؟

مش هو الداخل ده كان من ضمن مسئوليات السيد الرئيس؟؟؟

لمدة تلاتين سنة ؟؟؟

والا ايه؟؟

دى مصر بعد كل اللى حصل فيها ....بقت متخصصة ف علاج السرطان بكل انواعه.

مفروض سيادته يجرب ويشجع الانتاج المحلى ويتعامل مع جيل الأطباء اللى افرزته حقبته التاريخية ..

لسا برضه المصريين كأطباء متفوقين على مستوى العالم ياريس...متخافش.

بس جرب ومش حاتندم ابداااا

ربنا يشفى كل مريض... :give_rose:

و مش بس كده..حضرتك واخدة بالك من الحتة دي

وجاءت زيارة الوفد الاردني، بناء علي تعليمات من ملك الأردن عبدالله بن الحسين،

يعني الملك عبد الله بعتله فريق طبي..و الفريق جه و قال الراجل لازم يسافر..و افتح العربية يابني و شيلوا الراجل دخلوه..وبالراحة عليه عشان ده راجل كبير

ده ايه شغل الأفلام الهندي ده...مع الاعتذار طبعا لأميتاباتشان

يعني هو لو فريق مصري ما كانش هيقول عاوزين نعالجه بره..لأ..كان هيقول نعالجه هنا في المستشفي الاستثماري بتاعي..و يلهف اللي وراه و اللي قدامه

خليه يجرب مرة اللي كان بيحصل مع الناس

[Alshiekh]

لو كان الخبر حقيقى ، فمن حقنا نسأل السؤال الآتى:

هل تسفير مريض للعلاج بالخارج بيتم بتوصية من لجنة طبية مصرية أم كل من هب ودب له الحق يوصى بذلك؟

وبعدين ايه هى حالته المرضية؟ ولماذا لم يعرض على الاطباء المصريين؟

وياترى لو سافر للعلاج بالخارج هل سيحتاج لمرافقين؟ ابناء ، زوجة؟ اصهار؟ اصدقاء؟ علشان يبقوا يساعدوه و " يونسوه "

[rewsha]

وتحديدا ألمانيا حسب ما جاء في التقرير،

ممكن انا بقى اساْل واقول اشمعنى المانيا بالذات؟

ده بحجة انه كان بيتعالج هناك قبل كده وله ايه؟

ثم انهم قبل كده قالوا ان في فريق الماني كان يصاحب الريس المخلوع وهوه في شارم (ده اول ما اتخلع ) لاْن حالته سيئه .طيب ما يبعتوا يجيبوا الفريق الالماني ده تاني.وله هوه مش معاه فلوس علشان يدفع لهم؟؟؟ده لو كان اصلا هوه اللي هايدفع .

ملحوظه بقى:

________________

كل ما الناس تطالب بالسرعه في المحاكمه .كل ما نلاقي خبر ان مرضه اشتد وحالته تصعب عل الكافر ياعيني

[fatfouta]

لا والنهاردة مطلعين خبر يا روشة يقولوا..........مبارك لم يعُد قادرا عالمشى

يعنى مش هيقدر ييجى القاهرة عشان المحاكمة :coffeenews:

:waf:

[Howayda Ismail]

انا بقى مش ناوية أسأل كل الأسئلة دى ..

هو بس سؤال واحد..

ليه فريق طبى اردنى ؟؟؟

ليه؟؟

هو مفيش....فريق طبى مصرى ؟؟؟

هى خلاص مصر بكل امكانياتها وفلوسها اللى اتسرقت واتنهبت ...مبقاش فيها مستشفى وااااااااااحد....ينفع يتعالج فيه السيد الرئيس السابق؟؟؟

للدرجة دى ؟؟؟

الكل بينصح بالعلاج ف الخارج...يادى الخارج...طيب والداخل ماله؟؟

مش هو الداخل ده كان من ضمن مسئوليات السيد الرئيس؟؟؟

لمدة تلاتين سنة ؟؟؟

والا ايه؟؟

دى مصر بعد كل اللى حصل فيها ....بقت متخصصة ف علاج السرطان بكل انواعه.

مفروض سيادته يجرب ويشجع الانتاج المحلى ويتعامل مع جيل الأطباء اللى افرزته حقبته التاريخية ..

لسا برضه المصريين كأطباء متفوقين على مستوى العالم ياريس...متخافش.

بس جرب ومش حاتندم ابداااا

ربنا يشفى كل مريض... :give_rose:

عند حضرتك حق والله

طيب مستشفيات القوات المسلحة تعتبر من احسن المستشفيات الموجودة فى مصر

وبامكانهم استدعاء اى خبير او استشارى من الخارج وده بيتم باستمرار فى تخصصات كتير

وبعدين سوزان كانت بتتعالج فى مستشفى مصطفى كامل وبه وحدة مخصصة للاورام على اعلى مستوى

واهو يبقى زيتهم فى دقيقهم ريسهم وحيتعالج عندهم ولا بقت كخة دلوقت حجة والسلام

بس عشان يحسوا بمعاناة ملايين الناس الى مكنتش لاقية حتى تمن العلاج مش سفر برة

كم واحد فى مصر مات اهمال وقلة فلوس اوسفر للخارج او حتى انتظار دور علاج نفقة

الدولة يجيله بعد وفاته حسبنا الله ونعم والوكيل يمهل ولايهمل

[Howayda Ismail]

ماحدش يا ماما سلوى تقريبا عاوز يشوف وشه من الداخل

وهو كمان يخاف لا يمسكوه يعملوا فيه حاجة....معلشى اصله فاكر الناس كلها خونة.....وفى مثل بيقول يا خاين مين خونك

شوف وصل لدرجة ايه انه بيثق فى الخارج اكتر من ولاد بلده

ماهو يافتفت يعتبر ضابط على المعاش وممكن يتعالج فى المستشفى العسكرى

وكشفه بجنيه واحد اه والله جنيه للضابط واسرته 2 جنيه

وخدمة فنادق 7 نجوم كمان وحيكون مطمن مليون المية مش الجيش اللى حيعالجه

[Handasah]

كل دى حكايات ومراوغات للهروب من مصر...........

[Howayda Ismail]

مش عارفة بس عندى احساس ان بيضحك علينا ومبارك مش فى مصر اصلا

يعنى بينه وبين اسرائيل فردة كعب ويستنى تحت رحمة الاذن بالسفر للخارج

حجة انه عيان وبيموت مش قادر يمشى مقدمة لعدم ظهوره

لو كده يعملوا له محاكمة دليفرى او من منازلهم حتى وان لم يتم تطبيق العقوبة

اهو اسمه اتحاكم يمكن يجى فرج ربنا وقتها ويبقى حكمه فى ايد ربنا

[ذهبية]

هو مبارك و عيلتة دى هيفضلوا كدة عمالين لنا فيلم عربى فى كل حاجة

مفيش اى حاجة مؤكدة ابدااااا

من اول ما طلع مبارك هيمشى و لا قاعد و شوية هيورث و لالا

حتى فى خطاب التنحى طلع قال هاعمل نائب

ولما مشى مشى فجاة و فضلنا نقول سافر السعودية لا المانيا و بعدها شرم الشيخ

فلوسة محدش يعرفها تاريخة و اسرارة محدش يعرفها باسمع قصص و روايات بالف راوية كلها مناقضة نفسها

الراجل دة عمال يشتغلنا

وبعدين بقىىى

و الله لو فيلم هندى كان هيكون لة اخر

حتى الى احنا فية ملوش اخررررر

[rewsha]

لا والنهاردة مطلعين خبر يا روشة يقولوا..........مبارك لم يعُد قادرا عالمشى

يعنى مش هيقدر ييجى القاهرة عشان المحاكمة :coffeenews:

:waf:

مش قادر يمشي؟

خلاص يجيبوه على كُرسي .وهايلاقي الف من يشيله يوصله لحد قاعة المحكمه

[AdelSaleh]

أرجوا أن يتم علاج مبارك على نفقة الدولة فى مستشفى سيد جلال أو مستشفى أحمد ماهر التعليمى أو مستشفى الدمرداش أو القصر العينى الفرنسى أو الوحدة الصحية بكفر شكر ويجب أن يوضع مع المرضى المصريين المحشورين على أرضية تلك المستشفيات ويأكل من نفس الإناء الذى يأكلون منه ويأخذ نفس الدواء الذى يعالجون به كل هذا مقبول على نفقة الدولة أما صبغة الشعر فلا تكون على نفقة الدولة بل ستكون من مخلفات نظامه الذى أوصل هذة المستشفيات لهذا المستوى من التدنى فيجب أن يعاقب بعلاجه فى المستشفيات الحكومية وأن ينتظر دوره فى الحصول على قرار العلاج وكفى ما فعله بشعب مصر من ظلم وسرقة وتبجح

[AdelSaleh]

مبروك القبض على عاطف عبيد وعقبال القبض على نظيف وبطرس غالى ورشيدوماجد جورج وآل مبارك وآل ثابت وسرور وصفوت ومفيد شهاب والفريق فاضل والفريق شفيق يا راجل- هل تصدقون أنهم جميعا قالوا أنهم من شباب الثورة بس كانوا بيسرقوا البلد علشان يدعموا محدودى الدخل ويدعموا الثورة- أرجوا وضع فتحى سرور فى ميدان عام وسؤال المواطنين هل توافقون على إعدام فتحى سرور وبدون النظر إلى موافقتهم من عدمه يتم الإعلان ( موافقون ) كما كان يفعل فى المجلس سيد قراره

تم تعديل 10 أبريل 2011 بواسطة AdelSaleh

[AdelSaleh]

هل فيه حرامى فى الدنيا كلها تشكل له محكمة مخصوص وتذهب إلى مقر إقامته وتستأذنه فى أن تقوم بمحاكمته لإرضاء الشعب الذى قام هو ونظامه بسرقته؟ طبعا زيارة هيئة المحكمة الموقرة ستكون أول مرة زيارة للتعارف وأكلة سمك والثانية للإستإذان والثالثة بتشكيل لجنة مقابلة شخصية من شيوخ القضاءلتقرر هل يصلح أن يكون متهما من عدمه والرابعة أن يكون جميع القضاة من الحاصلين على تقدير مقبول وتم تعيينهم بمعرفة النظام السابق وبقرار منه لأنهم أولاد أو أقارب السادة المستشارين - هذا هو العدل الذى شكله مبارك فعليه اليوم أن ينتقل إليه وهو ما لم يحدث لأى مجرم متهم فى الدنيا بأن يتم محاكمته فى الوقت والمكان الذى يريد والخوف أن لا يصدق على هذة الأحكام بنفسه ولنفسه؟ إن عدل السماء أكبر وأقوى - يا سادة .. أى حرامى فى البلد يتم إقتياده من قفاه على يد أمين شرطة إلى أقرب قسم ويوضع فى الحجز مع المجرمين وينتظر العرض على رئيس النيابة الذى يجعله ملطوع على باب مكتبه لساعات طويلة ثم يصدر قرار بالحبس على ذمة القضية هذا ما يحدث مع كل الناس الشرفاء ونريد أن يكون مبارك من الشرفاء الذين يجب أن يمروا بهذة التجربة وزملاؤه فى الإجرام والنهب والسرقةمعه.. أليس هذا هو العدل؟؟؟؟؟؟

تم تعديل 10 أبريل 2011 بواسطة AdelSaleh

[لماضة مصرية جدا]

السلام عليكم و رحمة الله و بركاته

مش عارفة ليه الخبر دوت بيفكرني لما كنا صغيرة و كان صابح عندي مدرسة مثلا....اروح فجأة اعيا....و من درجة تقمصي للدور و تصديقي فعلا بترتفع درجة حرارتي و طبعا ماما...(0كان قلبها خفيف الحقيقة) كانت بتجري بيا علي الدكتور

و يترتب علي ذلك اني اغيب من المدرسة....و طول اليوم اقضيه في دلع

رجوعا للخبر

موقف الجيش يحترم للغاية و هو ده التصرف الصحيح

و استكمالا وزير العدل طلع بيان ان لازم يكون فيه قومسيون طبي يحدد حالته

بعيدا عن كل اللغط الطبي دوت اللي المقصود به كالمعتاد التتويه

عجبني ان احنا ابتدينا نتعامل مع المضوع:

1- مقبلناش الخبر زي ما هوت

2- القائمين علي الامر محدش منهم طلع و قال العبارة الشهيرة...ارحموا عزيز قوم ذل...و طبعا مقترنة ب "صاحب الطلعة الجوية"....و استندنا في حكمنا لمرجعية القانون اللي بينص علي مثول المتهم للنيابة الا في حالة القومسيون الطبي

3- هموت و اعرف....يا تري مبارك و اسرته حاسين بايه....مش شماتة....و العياذ بالله....لكن مفكرشي طيلة فترة حكمه انه في يوم راح يحاسب امام رب العالمين....مش بس قدام وكيل نيابة...ياتري كان ناوي يقول ايه؟؟؟

و لله الامر من قبل و من بعد

تحياتي

[rewsha]

مبروك القبض على عاطف عبيد

تأجل البت فى قرار التحفظ على أموال عاطف عبيد

قررت الدائرة العاشرة بجنايات محكمة شمال القاهرة تأجيل البت فى قرار التحفظ على أموال رئيس الوزراء الأسبق عاطف عبيد إلى جلسة الثلاثاء القادم 12 أبريل، وذلك لاطلاع الدفاع على أوراق القضية، حيث قال محامى عبيد إنه لم يتم اخطار عبيد بالقرار وعلم من وسائل الاعلام بقرار التحفظ على أمواله.

أرجوا وضع فتحى سرور فى ميدان عام وسؤال المواطنين هل توافقون على إعدام فتحى سرور وبدون النظر إلى موافقتهم من عدمه يتم الإعلان ( موافقون ) كما كان يفعل فى المجلس سيد قراره

bv:- bv:- bv:-

[ذهبية]

انا بصراحة اكتر حاجة خناقنى و انا باتفرج على الاخبار

مووضع التاجيل دة

يقولوا الخبر و مفيش ساعة و لقد تم التاجيل ليوم الثلاثاء القادم يجى الثلاثاء تم التاجيل الى يوم الخميس و هكذا

اية القصة بالضبط بقى

اية الدلع دة و الاستهبال

بصراحة لا شايفة مبرر للتاجيل و لا شايفة جدية فى القرارات

انا حاسة انة بينضحك علينا

لا ام مساكنا شوية عيال ملهمش كلمة ااقدم رجل و اخر رجل

هو بس فالحين كل شوية قرار عسكرى

تم الحكم على معرفش مين سبع سنين لسرقة حبل غسيل

تم الحكم خمس سنين للاشتباة

هو الحكم و القضاء والاحكام العسكرية فية كمان خيار و فاقوس

[Alattar]

مبروك القبض على عاطف عبيد

تأجل البت فى قرار التحفظ على أموال عاطف عبيد

أيون عشان يلحق يكمل ال 5 مليار..حيث أنه يا عيني ممعاهوش غير 4 مليار و 950 مليون و 60 ألف و 3 مليم

خليهم يأجلوا كل حاجة كده لحد ما نصحي في يوم الصبح ما نلاقيش ولا واحد منهم في البلد