صفحة المحاورات علي الفيس بوك

[Simba]

بعيد عن الجروب الشبه مهجور علي الفيس بوك لانه مش بيظهر في الوال للاعضاء

ليه المحاورات ما بتعملش صفحة علي الفيس بوك باسمها

والمحاورات مش منتدي صغير

تم تعديل 9 أبريل 2011 بواسطة سمبا

[Simba]

طيب بما اني اتعودت انا لما بحط موضوع في الباب ده بذات الخصوص بغني وارد علي نفسي

فاحب اضيف ياريت كمان عمل حساب للمنتدي علي تويتر

[الباشمهندس ياسر]

مش عاوز كورال وراك يا كابتن

بص يا سمبا

ممكن توضح الهدف من ورا البيج دي

[Simba]

مش عاوز كورال وراك يا كابتن

بص يا سمبا

ممكن توضح الهدف من ورا البيج دي

بالنسبة لتويتر انا شايف انه هيكون ميزة كويسة للمحاورات لان كل مشترك عنده عدد معين من المتابعين والمواضيع الجديدة هتكون عبارة عن روابط في حساب المحاورات علي التويتر يقدر اي واحد فينا يعمل لها ريتويت للمتابعين اللي عنده

بالنسبة للفيس بوك

الشعب المصري كله بقي يستخدم الفيس بوك بعد ما اكتشفوا انه الاداة الوحيدة اللي بتشيل الرؤساء العرب ووجود صفحة علي الفيس بوك متهيألي مهم من اول المؤسسات الحكومية لحد الجرايد لها صفحاتها علي الفيس

[التونسى]

ممكن توضح الهدف من ورا البيج دي

عشان لو المنتدى قفل تانى لاى سبب نقدر نعرف ونقدر نتجمع ونطمن على بعض وعلى المحاورات .. وبرده فيه دعايه واستقطاب لاعضاء جدد

[abdulmuttaleb]

موضوع هايل

الصفحة دي ح تكون فرصة إنها تعمل انتشار أكثر وأوسع للمنتدى، وده ح ينعكس في جانبين مهمين جدا بناء على ما يترتب على الصفحة من زيادة الزيارات للمنتدى:

1- زيادة دخل الإعلانات سواء جوجل أو غيرها من إعلانات ممكن أن المحاورات يتيحها لتمويل مصاريف التشغيل

2-إثراء فحوى المشاركات وخصوصا إذا ترتب على زيادة الزيارات ازدياد المشاركات القادمة من مشاركين مصريين مما سيضفي مزيدا من التوازن والرؤى الأوسع لمشاركات المنتدى وبالتالي سينعكس إيجابا على القراء

فضلا عن تقوية العلاقات البينية بين أعضاء المحاورات أنفسهم وبالتالي زيادة انتماءهم وارتباطهم بمحاورات المصريين

الصفحة المقترحة دي ممكن تكون الـ

Status

هي مثلا تنويه لموضوع ساخن في المحاورات مثلا، أو الدعاية لمقابلة مع شخصية عامة على صفحات المنتدى، وهكذا

طبعا نسيت أقول إني شغال في شركة للتسويق الرقمي وعبر السوشيال ميديا بشكل عام، واحتمال كبير أقدم استقالتي وأفتح مكتب مستقل لاستشارات النوع ده من التسويق فيعني جايز يكون كلامي متحيز حبتين للفكرة:)

[rewsha]

ايه ده ...ايهده؟

طب كده انا هاضطر اعمل عدد 2 اكاونت على الفيس.

واحد عليه اخواتي واصدقائي .والتاني هايبقى للمحاورات بس .

اصل مش معقول كل اللي على المحاورات هايشفوا الحوارات بتاعتي على الفيس مع اخواتي مثلا واصدقائي اللي من ايام ثانوي :wub:

كده الدنيا هاتزيط :P

[Simba]

ايه ده ...ايهده؟

طب كده انا هاضطر اعمل عدد 2 اكاونت على الفيس.

واحد عليه اخواتي واصدقائي .والتاني هايبقى للمحاورات بس .

اصل مش معقول كل اللي على المحاورات هايشفوا الحوارات بتاعتي على الفيس مع اخواتي مثلا واصدقائي اللي من ايام ثانوي :wub:

كده الدنيا هاتزيط :P

ميزة الصفحة ان الاعضاء مش بتشوف حسابات بعضها مش بتظهر غير لأدمن الصفحة بس وبتظهر لو حبيتي تحطي تعليق

[Howayda Ismail]

ايه ده ...ايهده؟

طب كده انا هاضطر اعمل عدد 2 اكاونت على الفيس.

واحد عليه اخواتي واصدقائي .والتاني هايبقى للمحاورات بس .

اصل مش معقول كل اللي على المحاورات هايشفوا الحوارات بتاعتي على الفيس مع اخواتي مثلا واصدقائي اللي من ايام ثانوي :wub:

كده الدنيا هاتزيط :P

ايوة انا عارفة المحاورات على الفيس من زمان ودخلت هناك امبارح وجدت سى السيد وتامر

لكن زى مابتقولى كده ماينفعش نسجلها عندنا

يانهار ابيض دى تبقى هيصة وزيطة وزمبيلطة

يبقى كده محاورات الفيس حتبقى للرجال فقط هههههههه

[Simba]

ايه ده ...ايهده؟

طب كده انا هاضطر اعمل عدد 2 اكاونت على الفيس.

واحد عليه اخواتي واصدقائي .والتاني هايبقى للمحاورات بس .

اصل مش معقول كل اللي على المحاورات هايشفوا الحوارات بتاعتي على الفيس مع اخواتي مثلا واصدقائي اللي من ايام ثانوي :wub:

كده الدنيا هاتزيط :P

ايوة انا عارفة المحاورات على الفيس من زمان ودخلت هناك امبارح وجدت سى السيد وتامر

لكن زى مابتقولى كده ماينفعش نسجلها عندنا

يانهار ابيض دى تبقى هيصة وزيطة وزمبيلطة

يبقى كده محاورات الفيس حتبقى للرجال فقط هههههههه

كلاكيت تاني مرة

الصفحة غير الجروب

حسابات الاعضاء مش بتظهر لبعضها

[Howayda Ismail]

كلاكيت تاني مرة

الصفحة غير الجروب

حسابات الاعضاء مش بتظهر لبعضها

اه فعلا انا جربت دلوقت مش بيظهر حساب الاعضاء

يعنى نسجل وعلى ضمانتك يااستاذ سمبا

[Simba]

كلاكيت تاني مرة

الصفحة غير الجروب

حسابات الاعضاء مش بتظهر لبعضها

اه فعلا انا جربت دلوقت مش بيظهر حساب الاعضاء

يعنى نسجل وعلى ضمانتك يااستاذ سمبا

ان شاء الله

بس لما حد من الادارة يدخل ويقول رأيه

او يقول الموضوع مطروح للنقاش في الغرفة المظلمة وسنغلق الموضوع وشكرا لحسن تفهكم وتعاونكم :closedeyes:

[rewsha]

حسابات الاعضاء مش بتظهر لبعضها

طيب ,اذا كان كده ,يبقى ماااااشي.(وش مصطفى شعبان في مسلسل العار)

[fatfouta]

كلاكيت تاني مرة

الصفحة غير الجروب

حسابات الاعضاء مش بتظهر لبعضها

اه فعلا انا جربت دلوقت مش بيظهر حساب الاعضاء

يعنى نسجل وعلى ضمانتك يااستاذ سمبا

ان شاء الله

بس لما حد من الادارة يدخل ويقول رأيه

او يقول الموضوع مطروح للنقاش في الغرفة المظلمة وسنغلق الموضوع وشكرا لحسن تفهكم وتعاونكم :closedeyes:

نسيت تكتب

الادارة الموازية :unsure:

[Om Zayd]

الصفحة معمولة.. و لا نعملها؟

[عادل أبوزيد]

على تويتر يمكن إستخدام #egytalks لمتابعة أو بث أى معلومات عن محاورات المصريين و هذا يسمى هاشتاج و وضعه فى أى مداخلة أو البحث عنه سيأتيك بكل ما تم بثه عن محاورات المصريين على تويتر.

[fatfouta]

انا قريت الموضوع كله وكل الردود عشان الاقى الرابط....مش لاقياه خااااالص

فين الرابط اللى هدوس عليه تطلع لى الصفحة يا سمبا؟؟؟

[قلب ابيض]

انا قريت الموضوع كله وكل الردود عشان الاقى الرابط....مش لاقياه خااااالص

فين الرابط اللى هدوس عليه تطلع لى الصفحة يا سمبا؟؟؟

فتفت...

مش اللينك ده هو اللى تقصدوه؟؟

http://www.facebook.com/topic.php?uid=379491868127&topic=15027&post=96553#!/group.php?gid=379491868127

طب حد يوضح لو انا غلط

[Simba]

لا فتفوتة دي مش الادارة الموازية بس بحكم العشرة عرفت سياستهم تقريبا لما بيحبوا ما يزعلوش حد منهم وياخدوا موقف الموضوع بيتقفل علي وعد ان فريق الاشراف هيناقشه

احنا عايزين جلسات المناقشة دي تبقي علنية

أم زياد

لا هو مش معمول ولا هنعمله

دي حاجة راجعة للادارة لو حبت تعملها مشكورة واتمني انها تعملها

[Simba]

على تويتر يمكن إستخدام #egytalks لمتابعة أو بث أى معلومات عن محاورات المصريين و هذا يسمى هاشتاج و وضعه فى أى مداخلة أو البحث عنه سيأتيك بكل ما تم بثه عن محاورات المصريين على تويتر.

الهاشتاج فكرة كويسة يا استاذ عادل وممكن احنا نشترك فيها

لكن المتابعين اللي ما يعرفوش المحاورات هتبقي لخبطة ليهم

انا قصدت اكونت باسم المحاورات نفسه يتحط فيه روابط واخبار المنتدي علي تويتر