صفحة المحاورات علي الفيس بوك

[مغتربة]

مبرووووووووووووووووووووووك مبرووووووووووووووووووووووووووووك

فكره جميله استاذ سمبا احييك عليها

[قلب ابيض]

مبروووووك

[م تيمور المراغي]

ممكن طلب صغنن ,,

اللي يدخل هناك يعرف عن نفسه و لو على الخصوصية ممكن تعمل اكونت تاني خاص بالمحاورات بنفس النيك نيم اللي هنا ,,

[moslemah]

رجاء الحوار حول القيمة المضافة لوجود صفحة لمحاورات المصريين على ال facebook

استاذى الفاضل ..

الهدف من صفحه المنتدى على الفيس بوك هو نشر روابط مواضيع المنتدى (Recent topics) تلقائيا على الصفحه

و عن طريقه الربط انا دورت علي شرح ليها (بس انا مش جربتها..)

هى هتكون عن طريق التطبيق ده http://apps.facebook.com/rssgraffiti/

ولأدمينز الصفحه الشرح موجود فى اللينك

ده http://hdhd2010.blogspot.com/2011/01/rss.html

أو ده http://www.ar-wp.com/t29045.html

ومبروك على البيج طبعا و اتمنى الربط يظبط ...

[عادل أبوزيد]

الفاضلة Moslema

ما هى الإضافة بوضع روابط موضوعات من محاورات المصريين هناك ؟

وجود صفحة على ال facebook يكون مفيد للمواقع الجديدة التى تبحث عن إشهار غير موجود أو متواضع فى حالتنا تتلقى محاورات المصريين 30000 زيارة يوميا و هو رقم جيد.

موقع محاورات المصريين موقع حوارى و ليس موقعا إخباريا

الفائدة الوحيدة للصفحة هو التواصل فى حالة توقف محاورات المصريين.

[moslemah]

أكيد أستاذ عادل المنتدى ليس اخبارى..و انما حِوارى و ثرى بالمناقشات و الاراء ...

ولكن أعتقد وجود صفحه له على الفيس بوك ان كانت نسبه الفائده للمنتدى قليله...فهو يعطى نسبه فائده جيدة لأعضاء الفيس بوك و يمكن فيها ناس تبحث عن حوارات مفيده (مثل المحاورات) غير متواجده بمنتديات كثيره..

فإن لم تكن الفائده صريحه و مباشرة للمنتدى نفسه فقد تكون لأخرين من مشتركى الفيس بوك ...

بالإضافه الى ان ليس كل منتدى مرتبط بالفيس بوك يبحث عن زوار (على الرغم من انه قد يكون الهدف من التطبيق المستخدم للربط نفسه زياده عدد الزوار )

و هذا لا يقلل من قيمه المنتدى بالعكس قد يضيف محاورين ذوى أفكار و أرآء جديدة ( و ده أكيد من أهداف المنتدى)...

ويبقى رد الاستاذ سمبا كفيل بالموضوع ان كان الربط التلقائى لا يشكل اهمية للمنتدى او يسبب عبء على آليات المنتدى التقنيه..

احنا نقدر نحط روابط المواضيع المهمة هناك في الصفحة بس عن طريق كوبي وباست :)

[Simba]

الفاضلة Moslema

ما هى الإضافة بوضع روابط موضوعات من محاورات المصريين هناك ؟

وجود صفحة على ال facebook يكون مفيد للمواقع الجديدة التى تبحث عن إشهار غير موجود أو متواضع فى حالتنا تتلقى محاورات المصريين 30000 زيارة يوميا و هو رقم جيد.

موقع محاورات المصريين موقع حوارى و ليس موقعا إخباريا

الفائدة الوحيدة للصفحة هو التواصل فى حالة توقف محاورات المصريين.

متفهم جدا لرايك أستاذي عادل ومقدر بعض القلق لان اسم المحاورات فعلا اسم عريق وعلشان كده تم تغير الصفحة الي اسم محبي محاورات المصريين

وبتغيير الاسم اقدر اقول لحضرتك هي تجمع لكل محبي المحاورات علي الفيس بوك كاداة للتواصل او تبادل اخبار سريعة

تحياتي الي استاذنا العظيم