لماضة مصرية جدا بتاريخ: 10 أبريل 2011 تقديم بلاغ مشاركة بتاريخ: 10 أبريل 2011 السلام عليكم و رحمة الله و بركاته 365...يوم سعادة ده طبعا مش اسم الفيلم اللي هموووت و اخشه بتاع احمد عز :closedeyes: دي فكرة جت في دماغي بعد ما قريت كتاب اسمه..."كتاب الايام"...و ده برضه غير بتاع استاذنا طه حسين مش هقدر اقول موضوع الكتاب لانه بعيد تماما عن السياق بس اللي عجبني فيه انه عمل كل يوم تدوينة لفكرة بتخدم موضوع الكتاب يعني كل يوم يبقي عندك تدوينة...تكتب فيها...فكرة تكون عملتها...او لازم تعملها النهاردة و لقيت نفسي بقول...طب ينفع نعمل تدوينة نسميها 365 يوم......سعادة التدوينة دي راح تبتدي....بتاريخ.... و تكتب فيها فكرة تخليك سعيد...مهما كانت مجنونة...مهما كانت طفولية اوي...مهما كانت المهم تكون بجد عملتهاأو نويت باذن اله تعملها في اليوم ده....و تيجي تكتب عنها التحدي بتاعي....اني هبتدي النهاردة...و بقول لنفسي...يا تري السنة الجاية باذن الله في نفس التاريخ...راح اكمل 365....يوم....سعادة التحدي التاني...لكل واحد فينا....يا تري قادر تشوف ان كل يوم عدي عليك كان فيه حاجة حلوة... التحدي الاهم....كل يوم عدي عليك....يا تري عملت حاجة حلوة لحد تاني و خليته مبسوط...و قدرت تحس انك انت كمان مبسوط لانبساطه ع فكرة اكيد احنا بنعمل ده....و مش بنقف اوي عند التفاصيل...بس لما بنكتب ده...كأننا النهاردة بنوقع عقد...او كونتراتو....انت الطرف الاولاني فيه...و الطرف التاني....سعادة...و اللي بينهم شروط مش مكتوبة لكنها ملزمة جدا...انك تحققها طالما كتبتها ايدك....و فكر فيها قلبك...(وش اي محامي بيتمرن علي المرافعة) لما بنكتب......بنخلي افكارنا اللي كانت طايرة في اتجاهات كتيرة...تبقي جرعة مركزة اوي...في واقع حقيقي....دي وجهة نظري الحقيقة هي دي الفكرة...و بس نبتدي علي بركة الله توثيق...اصل الفكرة جون جراي (2010). كتاب الأيام 365 فكرة لإثراء علاقاتك. مكتبة جرير: أبو ظبي صباحكم.....كل فيمتو ثانية فيه......س....ع....ا....د....ة رابط هذا التعليق شارك المزيد من خيارات المشاركة
لماضة مصرية جدا بتاريخ: 10 أبريل 2011 كاتب الموضوع تقديم بلاغ مشاركة بتاريخ: 10 أبريل 2011 السلام عليكم و رحمة الله و بركاته 10 أبريل....2011 بوكيه ورد...كله احمر....في نصه واحدة بس بيضا...(عشان محدش دماغة تحدف يمين و لا شمال...العملية مش رومانسية بوتاتا...انا كان نفسي الصراحة ...بس الالوان دي ليها كود خاص للي راح يتلقف البوكيه...و أؤكدلكم انها بعيدة عن الرومانسية توماما....وشي و انا بتلفت يمين و شمال احسن حد من اخواتي يقفشني في افكاري اللوذعية دي) علبة شيكولاتة فيها 18 حتة...(هما كانوا في الاصل عشرين...بس انا اطافست و اكلت اتنين...و بعيدن انا عايزاهم 18 عشان فاضل 18 يوم علي السفر و البداية الجديدة) كان نفسي اشوف رد فعل اللي استقبله...و خصوصا لما اسمع برطمة.... انتي هتفضل مجنونة كده كتير... هتعقلي امتي بس خلاص اليوم لساه بيبتدي....تفتكروا راح آجي هنا تاني النهاردة...و لا اشوفكم بكرة صباحكم....يقين....أن كل لحظة فيها خير رابط هذا التعليق شارك المزيد من خيارات المشاركة
لماضة مصرية جدا بتاريخ: 11 أبريل 2011 كاتب الموضوع تقديم بلاغ مشاركة بتاريخ: 11 أبريل 2011 السلام عليكم و رحمة الله و بركاته 11 أبريل 2011 اليوم ابتدي غريب جدا...مش عشان "البيبي" بتاع العصفورة اللي لقيته لابس علي كتفي اليمين اول ما خطيت برجلي للشارع :blink: و لا عشان نوبة الحساسية بسبب الجو...و ماسكة فيا لغاية دلوقتي :sad: عشان النهاردة...بكرم ربنا....لقيت خمس اتصالات من اشخاص كان نفسي فعلا اطمن عليهم و كانوا غايبين عني فترة طويلة اللي بسطني فوق الوصف اني امبارح بالليل كنت لسه بفكر فيهم ماما كانت دايما تقول...القلوب بتسلم يا تري اللي بنحبهم...و بنخاف عليهم قلوبهم....مسلمة...و سمعانا انا عايزة اروح انام... عايزة اغمض عيني... اخاف الفرحة لتنسرق احلموا.... صدقوا الحلم.... عشان يمكن تفتحوا عينيكم.... تلاقوه مكنش حلم...زي ما تخيلتم و علي هامش الحلم...... بلاش تغيبوا عن قلوب ناس بتحبكم.... ارفعوا السماعة قولوا....ألو....من غيرمناسبة.... احيانا راح تفرق كتير ربي لك الحمد تصبحوا.....علي سعادة رابط هذا التعليق شارك المزيد من خيارات المشاركة
الباشمهندس ياسر بتاريخ: 11 أبريل 2011 تقديم بلاغ مشاركة بتاريخ: 11 أبريل 2011 ربنا يجعهل ايامك كلها سعادة بس السؤال لما يبقي 365 يوم سعادة .. مش هيحصل زهق الحياة محتاجة شوية بهارات تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
مغتربة بتاريخ: 11 أبريل 2011 تقديم بلاغ مشاركة بتاريخ: 11 أبريل 2011 جميل قوى التوبيك دا يا لموضه و يا ترى ينفع نشارك فيه و لا دا مساحه خاصه :give_rose: ما اجمل الانوثه عندما تمتطى صهوه الحياه رابط هذا التعليق شارك المزيد من خيارات المشاركة
لماضة مصرية جدا بتاريخ: 12 أبريل 2011 كاتب الموضوع تقديم بلاغ مشاركة بتاريخ: 12 أبريل 2011 السلام عليكم و رحمة الله و بركاته 12 ابريل 2011 زميلي عيان....انااتحمقت و شيلت الشيلة بتاعته اول مرة اشتغل الحكاية دي واقفة... متلخبطة..... اول نص ساعة كنت هروح و بعدين ....قولت يا بت با لمضمض....دوسي...ايه اللي راح يجري...(وش عيل عايز يخبي خوفه....راح عمل أسد) انطلقت....ولله الحمد كاني اعرف الموضوع من زمان ربي لك الحمد بعد ما خلصت و انا ماشية في الشارع....بسأل نفسي...إزاي ابقي بشتغل ورا مكتب و كورسي بيلف...مع ان شخصيتي كلها فيها تفاعل مع الناس انبسطت من الفكرة كتير و انبسطت اكتر من الحلم اللي ابتدي يصحي جوه مني لماضة.....مكانك مش هنا.....فتشي عن حلمك.....نقطة و من اول الحلم رابط هذا التعليق شارك المزيد من خيارات المشاركة
لماضة مصرية جدا بتاريخ: 12 أبريل 2011 كاتب الموضوع تقديم بلاغ مشاركة بتاريخ: 12 أبريل 2011 جميل قوى التوبيك دا يا لموضه و يا ترى ينفع نشارك فيه و لا دا مساحه خاصه :give_rose: يا خبر ابيض يا ضي عيني طبعا هو ايحاء الموضوع انه تدوينة شخصية....بس بالعكس انا نفسي ان كل حد فينا علي آد ما يقدر....يعمل "تأريخ" للسعادة و بالعكس...نفسي اوي نتشارك لحظاتنا الحلوة....مش بس الضحك عدوي....السعادة كمان عدوي قوية اوي و ممكن جدا...اغش فكرة من عندك...او انكش دماغي بالتدوينة بتاعتك.....و اختزنها عندي فاكرة يا مغتربة لما مرة كنا بنتحاور و انتي قولتيلي.....خلي دايما عندك..."خزين" من اللحظات اللي بتتقوي بيها اهو انا سمعت كلامك يا مغتربة و بحاول اعمل خزين....من لحظات خاصة جدا....و بشاركها معاكم مساحة لينا كلنا.......عشان نعيد اكتشاف السعادة في حياتنا...كل واحد بمفرداته هو و بعيونه هو مساااااااااكي كل السعادة....اللي هي تشبهك انتي رابط هذا التعليق شارك المزيد من خيارات المشاركة
لماضة مصرية جدا بتاريخ: 12 أبريل 2011 كاتب الموضوع تقديم بلاغ مشاركة بتاريخ: 12 أبريل 2011 ربنا يجعهل ايامك كلها سعادة بس السؤال لما يبقي 365 يوم سعادة .. مش هيحصل زهق الحياة محتاجة شوية بهارات السلام عليكم و رحمة الله و بركاته يعني انا قولت اخيرا حد عبر الموضوع و دخل يقول بوقين...بدل ما انا قاعدة اغني لوحدي....الاقي حضرتك داخل بالبهارات خبط لزق كدهوت....(وشي و انا عمالة اعطس...لاني سعادتك كاتبة فوق ان عندي حساسية ررررررهيبة.... :lol: الله يسامحك) بالنسبة لكلام حضرتك ممكن اختلف معاك حتة آد النملة انبارح كنت بقول لنفسي معقولة يا لمضة راح تقدري تكملي التدوينة....عندي يقين باذن الله اني راح اقدر عارف ليه عشان مش ممكن يعدي عليك يوم من غير ما تحصلك فيه حاجة......صغيرة آد النملة...و بجد تخليك مبسوط...بس يا تري عينك وقفت عندها...قلبك حسها عارف ايه اسوأ سيناريو....ان اصلا متحصلشي حاجة ....و في الحالة دي....برضه هتبقي حصلت حاجة حلوة عارف ايه.....(ان مافيش حاجة وحشة حصلت...و ده في حد ذاته....و الله يبسط) انا دلوقتي اتعلمت ان بجد لو الواحد كل يوم بيقوم من يومه و هو حاطط تارجت قدامه انه راح يرجع اخر اليوم و يدون لحظة حلوة عدت عليه و يشكر ربنا عليها....بجد بتغير طعم اليوم خالص قولنا بقي يومك....كان طعمه ايه......؟؟؟ ربنا يحلي كل ايامك....بمذاقات لا تنتهي من السعادة رابط هذا التعليق شارك المزيد من خيارات المشاركة
لماضة مصرية جدا بتاريخ: 12 أبريل 2011 كاتب الموضوع تقديم بلاغ مشاركة بتاريخ: 12 أبريل 2011 السلام عليكم و رحمة الله و بركاته عشان برضه احقاقا للحق الجميلة دريمي عاملة فيه توبيك راااااااائع جدا اسمه 100 فكرة للسعادة.....عن كتاب رائع هي بتتناوله بالشرح و التأمل روحوا غشوا بقوا افكار....و الاهم طبقوها في حياتكم لو حبيتوا تحطوا ليها تاريخ....و تاخدوا مواعيد مع السعادة...و تشاركونا....ابقوا اكتبوها...دونوها صدقوني راح يجي يوم تحتاجو ترجعو ليها...و تتونسوا جواها مساكم.....يشبهكم انتم ...يعني كل الحلا رابط هذا التعليق شارك المزيد من خيارات المشاركة
Dreamwithme بتاريخ: 12 أبريل 2011 تقديم بلاغ مشاركة بتاريخ: 12 أبريل 2011 ماهذا الذي؟ .....أحقا ما أري؟ :blink: :blink: لماضة فتحت دوكان سعادة جنب مني وهتسرق مني الزباين (اللي هما مش موجودين أساسا) :wub: طب كونتي قولي لي يابنتي يا لماضة قبل ماتعملي العملة دي كنت قلت لك مفيش زباين للسعادة وهترسي إنك بتكلمي نفسك زي ما ما بكلم نفسي هناك :P الدكان بتاعي علي فكرة هو مش شرح لكتاب ولا حاجة لكن هو يومياتي أنا مع السعادة كنت من فترة بدأت أكتب كل يوم فكرة عن السعادة في كشكول خاص بي وبعدين حبيت أنقله للمحاورات يمكن حد يكون محتاج بقرشين سعادة ولا حاجة يعني أحيانا تكون الفكرة من كتاب وأحيانا تكون من تأملاتي... بس أنا بصراحة قنوعة قلت 100 فكرة مش 365 يوم سعادة .....شكلك داخل علي طمع ;) طب اسمحي لي يا أفندم أشارك معاكي هنا وياريت لو نقدر نفتح الدوكانين علي بعض فنكلم بعض إحنا الاثنين بدل ما أنا قاعدة لوحدي هناك وإنت وحدك هنا؟! شوفي أيه الأحسن وقوللي رأيك أيه وعموما سواء انضممنا لبعض أو فضلوا موضعين منفصلين أنا حاجزة أول كرسي في المتابعين والمشاركين إن شاء الله <p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p> رابط هذا التعليق شارك المزيد من خيارات المشاركة
masraweya بتاريخ: 12 أبريل 2011 تقديم بلاغ مشاركة بتاريخ: 12 أبريل 2011 فيه ناس.. حواليها نِعَم كثير مش حاسة بيها فمش قادرة تستطعم السعادة مساكين.. بيبعدوا عن نفسهم السعادة و ناس تانية خايفة على النعمة و السعادة من الحسد فمبتتكلمش عليها .."لحسن تتنظِر"!؟ و دول دايما حاسين بالتهديد من اللي حواليهم فمبيقدروش يتشاركوا سعادتهم مع الناس سعادتهم منقوصة و منغصة اوعوا تبقوا من النوعين دول كن جميلا .. ترى الوجود جميلا دايما قولوا .. الحمد لله الحمد لله رابط هذا التعليق شارك المزيد من خيارات المشاركة
قلب ابيض بتاريخ: 12 أبريل 2011 تقديم بلاغ مشاركة بتاريخ: 12 أبريل 2011 جميله كعادتك ...وفى تناولك لآى موضوع مهما كان بسيط يصبح ذا قيمه ومعنى وغير عادى لمجرد وجود اسمك به . احسست اليوم بسعاده من نوع اخر مختلف بدء بألم ومراره غريبه لم اكن اتصنعها او اتمناها عشت ساعات اعتبرها دهر من الالم .... وفيما السعاده؟؟؟ سعادتى بان الله جعل الالم لاشعر بقيمه الصحه سعادتى بان الله يمحو لى بالالم ذنوب ربما اقترفتها عن غير عمد شعرت بسعاده ابكتنى من شده الالم كلما تألمت بكيت من يقينى بالله انه يمحو عنى سيئه سعادتى ان لكل شىء علاج ..وان الله اتاحه لى صدقونى ....سعيده بابتلاء ربى رابط هذا التعليق شارك المزيد من خيارات المشاركة
لماضة مصرية جدا بتاريخ: 13 أبريل 2011 كاتب الموضوع تقديم بلاغ مشاركة بتاريخ: 13 أبريل 2011 السلام عليكم و رحمة الله و بركاته 13 أبريل....2011 اليوم كله علي بعضه رب لك الحمد و الشكر رائع مش عشان اخيرا ميلت علي الجزار اللي في قفا بيتنا خبط لزق... و اخيرا اخدت قرار اني اطبخ بعد اعتزال العمل المطبخي لما يناهز الخمسة عشر عقدا زمنيا...(و ربنا انا مكسوفة مني مووووووووت) و مش عشان ان النهادرة يوم ميلاد....أغلي الناس...عندي....اخويا الكبيرو لسه مطفين الشمع من شوية عبر الاثير بس عشان النهاردة فتحت عينيا و كان أول خبر اقراه.... مبارك 15 يوم علي ذمة التحقيق سبحانك يا ربي...تمهل و لا تهمل مساااااكم يقين....ان بكرة...فيه موعد تاني للسعادة رابط هذا التعليق شارك المزيد من خيارات المشاركة
لماضة مصرية جدا بتاريخ: 13 أبريل 2011 كاتب الموضوع تقديم بلاغ مشاركة بتاريخ: 13 أبريل 2011 ماهذا الذي؟ .....أحقا ما أري؟ :blink: :blink: لماضة فتحت دوكان سعادة جنب مني وهتسرق مني الزباين (اللي هما مش موجودين أساسا) :wub: السلام عليكم و رحمة الله و بركاته مسا الحلم اللي بيبقي حقيقة يا دريمي عجبني اوي كلمتك.."دكان" سعادة.....السعادة "البضاعة"...اللي مش لازم نستني الناس لما تيجي لغاية عندنا...احنا نفتح دكاكين كتير...هنا في المحاورا...في بيتنا...في جامعتنا...في شارعنا....في قلوبنا....احنا نرسم دواير تفضل تكبر و تكبر...و يفضل مداها يوصل لابعد نقطة....و لاكتر انسان كان فاكر في يوم ان السعادة مش من نصيبه....(و كلنا بتمر بينا اوقات زي كده) عارفة يا دريمي....ببيقي مبسوطة اوي....لما الاقي مثلا التوبيك بتاعك علي القائمة و انا التوبيك جاي من تحت....ايون...عايزين نعمل حصار للسعادة....فالناس متعرفشي تفلفص مننا...(وش اتنين مخبرين هاجمين علي اعضاء المحاورات و بيزنقوهم في الحيط) خلني اقتبس من استاذة مصرية متغربة...."المخدة بتشيل اتنين حلوين" و الحلوين مين بقي دريمي.....و دريمي :) مساكي كل الحلا...اللي ميكفهوش حلم واحد بس رابط هذا التعليق شارك المزيد من خيارات المشاركة
لماضة مصرية جدا بتاريخ: 13 أبريل 2011 كاتب الموضوع تقديم بلاغ مشاركة بتاريخ: 13 أبريل 2011 فيه ناس.. حواليها نِعَم كثير مش حاسة بيها فمش قادرة تستطعم السعادة مساكين.. بيبعدوا عن نفسهم السعادة و ناس تانية خايفة على النعمة و السعادة من الحسد فمبتتكلمش عليها .."لحسن تتنظِر"!؟ و دول دايما حاسين بالتهديد من اللي حواليهم فمبيقدروش يتشاركوا سعادتهم مع الناس سعادتهم منقوصة و منغصة اوعوا تبقوا من النوعين دول كن جميلا .. ترى الوجود جميلا دايما قولوا .. الحمد لله الحمد لله السلام عليكم و رحمة الله و بركاته طب تصدقي....انا لسه كنت بفكر في حضرتك النهاردة...و بقول...هي استاذة مصراوية فين طب ايه اتمني تاني رب لك الحمد بؤمن بالحسد.....بس بؤمن اكتر ان ما اصابك لم يكن ليخطئك...و ما أخطأك لم يكن ليصيبك اللي بنحكيه في التوبيك هنا....بشوفه تفاصيل صغيرة اوي....يمكن غيري يكون عنده احلي منها....و اكبر منها طبعا بس هي الفكرة....يا تري بتعرف تسعد اللي حواليك...لما تكون مبسوط....يا تري...بتعرف تحكي انك مبسوط....و الاهم يا تري حاسس ان كل يوم بيعدي عليك...الدنيا مكنتش مخاصماك زي ما انت كنت فاكر...و بناء عليه اخدت قرار انك تنسحب من الدنيا العنيدة دي علي اد ما بندي....و بنشوف....الحياة...علي ىد ما هي راح تدينا في المقابل شفتي بقي خلتيني ارغي قوليلنا بقي طعم السعادة النهاردة في يومك....كان فانيليا...و لا سترو بيري....و لا كستر؟؟ مسا حضرتك.....فرحة اني اخش باسكن روبنز في عززززززز البرد...و اقف الاقي كل الانواع اللي بحبها موجودة رابط هذا التعليق شارك المزيد من خيارات المشاركة
لماضة مصرية جدا بتاريخ: 13 أبريل 2011 كاتب الموضوع تقديم بلاغ مشاركة بتاريخ: 13 أبريل 2011 جميله كعادتك ...وفى تناولك لآى موضوع مهما كان بسيط يصبح ذا قيمه ومعنى وغير عادى لمجرد وجود اسمك به . احسست اليوم بسعاده من نوع اخر مختلف بدء بألم ومراره غريبه لم اكن اتصنعها او اتمناها عشت ساعات اعتبرها دهر من الالم .... وفيما السعاده؟؟؟ سعادتى بان الله جعل الالم لاشعر بقيمه الصحه سعادتى بان الله يمحو لى بالالم ذنوب ربما اقترفتها عن غير عمد شعرت بسعاده ابكتنى من شده الالم كلما تألمت بكيت من يقينى بالله انه يمحو عنى سيئه سعادتى ان لكل شىء علاج ..وان الله اتاحه لى صدقونى ....سعيده بابتلاء ربى السلام عليكم و رحمة الله و بركاته مليون سلامة...و اجر و عافية يا رب و لازم لازم تطمنيني عليكي....انا متأكدة انك انتي اللي راح تجيبي العيا تثبيت اكتاف علي الارض....ربنا مش راح يتخلي عنك الجملة اللي بالاحمر....اممممممممم طب انا كان عندي طفلة عندها اربع سنين....و ربنا ابتلاها بمرض صعب طب هي ايه بقي الذنوب اللي كانت عندها؟؟؟؟ ما تيجي نفكر في الابتلاء حاجة تانية مش يمكن ربنا بيرقيكي....بيرفعك درجة....حابب يسمع صوتك و دعاءك...و كلامك لما بتناجيه الوقت الصعب مش يمكن ربنا بيصفي روحك....و بيعليكي مرتبة اعلي شوية مش يمكن ربنا بيقولك...و بيقولي ان الدنيا دي زحمة اوي....امسكوا و تبتوا في الحاجات الاهم في حياتكم....اكيد الصحة رقم واحد....اكيد فرحتي اني اغمض عيني و افتحها و الاقي اللي بحبهم حواليا....دي نعمة اكيد اني اكون.....قادرة حتي اكتب عن المرض....دي رسالة مش يمكن في يوم راح اكون سبب باذن الله عشان حد تاني زيي كان في نفس المرض قبل كده....يخف رسايل كتيرة اوي يا هارتي رسايل ربانية اوي صدقيني....لولا المرض....و قسوته...ربنا يعافيني و يعفو عننا و يدينا الصبر...لولاه...مكناش هنبقي بالقرب ده...و مكنتش الرسالة راحة توصل اسرع كده بكلم نفسي....قبل ما اكون بكلمك و من قلبي اوي بدعيلك.....اتصالحي مع المرض....مافيش مرارة...مافيش الم....الجسم يمكن تتوجع....بس مرارة الروح....و انكسارها هو ده المرض الحقيقي و روحك انا عارفاها...و بحبها....و براهن عليها انها راح تقاوم مساكي.....حلاوة القرب....في كل طاعة.... مساكي يقين....ان ربنا بيبعت لينا راسلي ربانية....بس القلب....اللي يقرا مساكي...فرج قريب اوي....اقرب مما تتخيلي طمنيني ماشي هزي راسك و اوعديني بقلبك انك راح تطمنيني رابط هذا التعليق شارك المزيد من خيارات المشاركة
Dreamwithme بتاريخ: 14 أبريل 2011 تقديم بلاغ مشاركة بتاريخ: 14 أبريل 2011 الخميس 14/4/2011 أنا سعيــــــــــــــــــــــدة جدا النهاردة أكيد الأسباب أكثر من أن تعد لكن أنا سعيدة لأني قررت أبص حواليا وأتأمل اللي ربنا أعطاه لي لأن الجملة اللي فوق ديت كان ممكن تكون أنا تعيسة جدا النهاردة وكانت برضه هتكون في أسباب كتير برضه لكن ما أؤمن أنا به إن السعادة قرار واختيار....أنت هتختار لنفسك أيه؟ عايز أيه؟ هترد تقولي أكيد عايز أكون سعيد طيب وأيه المشكلة ؟ مستني أيه؟ ماتكون سعيد ليه دائما مستنيين حاجة تحصل عشان نكون سعداء النهاردة أجمل جملة قرأتها كانت من تويتر "السعادة ليست هدف تصل إليه إنه رحلة تستمتع بها" طب ليه نؤجل دائما السعادة ونفضل نربطها بشئ أو شخص أو حدث غير موجود الآن ونظل طوال حياتنا في حالة الانتظار أنا سعيدة اليوم لأني عندما تلفت حولي وجدت دائرة كبيرة من النعم وأكبر نعمة في حياتي أمي أنا انسانة مش سهلة خالص وبنت متعبة بصراحة لكن بالرغم من كل شئ وبالرغم من أي ظروف أمي دائما بجواري بجواري ماديا ومعنويا حتي إذا تباعدنا عن بعض ماديا فروحيا لا ننفصل دائما أشعر بوجودها بجواري .....كوجود حائط دائم وراء ظهري أستطيع أن أستند إليه كوجود طاقة بتدفعني إني أترك الكسل وأنطلق لحلمي .....تعلمني ببساطة كلماتها معني الحياة والأحلام تعرف عني أكثر مما أعرف عن نفسي ............تؤمن بي أكثر مما أؤمن بنفسي هي ببساطة أمي أنا .....ياربي لك الحمد علي هذه النعمة اليوم كنا في مشوار ....عندما تأملت الحياة من حولي شعرت بالفخر أني أسير بجواره هذه السيدة صغيرة الحجم طيبة الملامح ....لكنها أمي أنا وليست أم أحد آخر (غير أخواتي طبعا) فانحنيت لأقبل يدها الصغيرة لأجدها تنهرني بهدوء ألا أفعل هذا في الشارع أمام الناس ولكنها لا تدرك حجم بركان المشاعر بداخلي فأنا لدي ثروة ضخمة فأنا لدي أمي <p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p> رابط هذا التعليق شارك المزيد من خيارات المشاركة
لماضة مصرية جدا بتاريخ: 14 أبريل 2011 كاتب الموضوع تقديم بلاغ مشاركة بتاريخ: 14 أبريل 2011 الخميس 14/4/2011 أنا سعيــــــــــــــــــــــدة جدا النهاردة أكيد الأسباب أكثر من أن تعد لكن أنا سعيدة لأني قررت أبص حواليا وأتأمل اللي ربنا أعطاه لي لأن الجملة اللي فوق ديت كان ممكن تكون أنا تعيسة جدا النهاردة وكانت برضه هتكون في أسباب كتير برضه لكن ما أؤمن أنا به إن السعادة قرار واختيار....أنت هتختار لنفسك أيه؟ عايز أيه؟ هترد تقولي أكيد عايز أكون سعيد طيب وأيه المشكلة ؟ مستني أيه؟ ماتكون سعيد ليه دائما مستنيين حاجة تحصل عشان نكون سعداء النهاردة أجمل جملة قرأتها كانت من تويتر "السعادة ليست هدف تصل إليه إنه رحلة تستمتع بها" طب ليه نؤجل دائما السعادة ونفضل نربطها بشئ أو شخص أو حدث غير موجود الآن ونظل طوال حياتنا في حالة الانتظار أنا سعيدة اليوم لأني عندما تلفت حولي وجدت دائرة كبيرة من النعم وأكبر نعمة في حياتي أمي أنا انسانة مش سهلة خالص وبنت متعبة بصراحة لكن بالرغم من كل شئ وبالرغم من أي ظروف أمي دائما بجواري بجواري ماديا ومعنويا حتي إذا تباعدنا عن بعض ماديا فروحيا لا ننفصل دائما أشعر بوجودها بجواري .....كوجود حائط دائم وراء ظهري أستطيع أن أستند إليه كوجود طاقة بتدفعني إني أترك الكسل وأنطلق لحلمي .....تعلمني ببساطة كلماتها معني الحياة والأحلام تعرف عني أكثر مما أعرف عن نفسي ............تؤمن بي أكثر مما أؤمن بنفسي هي ببساطة أمي أنا .....ياربي لك الحمد علي هذه النعمة اليوم كنا في مشوار ....عندما تأملت الحياة من حولي شعرت بالفخر أني أسير بجواره هذه السيدة صغيرة الحجم طيبة الملامح ....لكنها أمي أنا وليست أم أحد آخر (غير أخواتي طبعا) فانحنيت لأقبل يدها الصغيرة لأجدها تنهرني بهدوء ألا أفعل هذا في الشارع أمام الناس ولكنها لا تدرك حجم بركان المشاعر بداخلي فأنا لدي ثروة ضخمة فأنا لدي أمي السلام عليكم و رحمة اللهو بركاته ربنا يقر عينك بيها يا دريمي...و يقر عينها بيكي الامومة مش بس انها ماما...انتي كمان مشاعرك ناحيتها فيها امومة...لانك بتحبيها و بتخافي عليها....و قلبك متوصل بقلبها....مهما بتاخدكم الدنيا و تحسي كده ان حبل المشيمة بينك و بينها لسه متقطعشي...و يا رب دايما يكون موصول ربنا يسعد قلبك بيها...و يراضيها فيكي منكن اقول كلمة آد النملة....(انظري لصورة البنت علي ايدك اليمين...عشان تعرفي انا بشاور علي ايه) انتي انقذتيني النهاردة قاعدة اقدم رجل....و ااخر التانية النهاردة....كان يوم صعب...و لله الحمد و جه علي بالي اجي اكتب...انه خلاص فاضل عليه نص ساعة و يعدي بس لقيت...مساحة احلي بكتير مساحة قرب دافية...رسمتيها...و حطتيني جواها ربنا يسعد قلبك يا رب دايما و يخليك...لينا...و تيجي و تملي لينا...كل كالندر "السعادة"...بمواعيد فرح عاجلة...غير آجلة يا رب مساكي....يوم...و يوم.... و فتافيت....سعادة نشيلها معانا عشان تحلي اليوماللي هو مكنشي..بلون الفرح و بكرة.....معادنا.....في سعادة...يا رب رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان