عفاف شعيب يا جبل ما يهزك ريح !!

[Simba]

توعدت الفنانة عفاف شعيب الساخرين من حوارها على شاشة قناة الحياة أثناء الثورة المصرية، الذي اشتكت فيه من تأثير الثورة على نقص بعض المواد الغذائية مثل البيتزا والكباب، بالملاحقة القانونية عبر مكتب المحامي الشهير المستشار مرتضى منصور.

وقالت عفاف لشبكة MBC أمس (الخميس): "أرسلت بالفعل كل الأوراق لمكتب مرتضى منصور، وأنتظر رفع دعوى قضائية على كل من أساء لي، وخاصة الفنان ماجد القلعي".

وتواجه الفنانة الكبيرة بحملة من السخرية لا تزال مستمرة حتى الآن رغم مرور أكثر من شهر على الحوار، كان آخرها قيام محل لبيع الفطائر بمنطقة الدقي بالقاهرة بإطلاق اسمها على منتجاته من البيتزا.

ووصفت عفاف هذه الخطوة بـ"السخيفة والاستغلالية"، وأضافت: "لن يفلت هو الآخر من الملاحقة القانونية".

وأكدت عفاف شعيب في السياق ذاته أن وراء هذه الحملة بعض زملائها من الفنانات اللائي ضقن ذرعا بانتشارها الفني رغم حجابها، وأوضحت: "سمعت إحداهن تقول إشمعنى عفاف شعيب تشتغل في مسلسلين؟!".

واستطردت: "سأرد على هؤلاء بمقولة الرئيس الفلسطيني الراحل ياسر عرفات: يا جبل ما يهزك ريح".

وكانت عفاف قد أعربت في وقت سابق عن ضيقها من سخرية الشباب على موقع فيس بوك، وقالت في تصريحات سابقة: "أولاد شقيقي أطفال كانوا يشتكون من عدم الحصول على الطعام المحبب لهم، وهو البيتزا والكباب؛ بسبب إغلاق المحال، وقد عبَّرت عن ذلك بعفوية".

ووجَّهت عفاف الشباب إلى الاهتمام بنهضة مصر في المرحلة المقبلة، وأشارت: "أنا أخاف على مستقبل مصر بسبب انشغال الشباب بالتعليق على حوار مضى عليه أكثر من شهر".

نلحق نجيب محامي لاستاذنا زوهيري :closedeyes:

[fatfouta]

ربنا يوفقها

بس هى يعنى مش لاقية يعنى غير مكتب مرتضى منصور!!!

[Simba]

ربنا يوفقها

بس هى يعنى مش لاقية يعنى غير مكتب مرتضى منصور!!!

الراجل طلع امبارح في مصر النهاردة

وشكله ناوي يستعيد امجاد مزيفة

[ozoozo]

استخبي يازوهيري

[Alattar]

نلحق نجيب محامي لاستاذنا زوهيري :closedeyes:

استخبي يازوهيري

هو زوهيري بس؟؟

ده المنتدي كله ما شاء الله كان مروقها علي الآخر..أنا عن نفسي ماليش دعوة يخويا

أنا ولا قلت كده ولا حاجة

إذا الشعب يوما أراد الكباب...فلا بد أن يستجيب ابن أخت تانت عفاف

الحمد لله..أنا في السليم

هو أوزأوز اللي جاب صورة عيل تخين كده معرش جابه منين

و سين سين جاب صورة صارووووووووخ شاورما كبير كده..معرفش برضه جابه منين

[hOuSsAm]

هى هتجيب لزوهيرى منتدى منصور (آه لو شاف الاغنية اللى عاملها عليه)

وزوهيرى هيجبلها منتدى محاورات المصريين

--------------------------------

اقولكوا على حاجة احنا نعملها صفحة عالفيس ونقولها احنا اسفين ياعفاف بس تبطلى تاكلى ريش وبيتزا :P

[Simba]

طب نلحق نعتصم تضامنا مع استاذنا

[مهيب]

الحمد لله..أنا في السليم

هو أوزأوز اللي جاب صورة عيل تخين كده معرش جابه منين

و سين سين جاب صورة صارووووووووخ شاورما كبير كده..معرفش برضه جابه منين

يا نهار ابيض ع الجدعنة. احنا سمعنا ع اللي من اول قلم بيعترف. بس اللي بيعترف من اول خبر ده الجديد

[جسار]

هى من ناحية أنها جبل فهى جبلين فى بعضهم ، ولاريح ينفع ولا حتى أعاصير

ربنا يسترها على زهيرى غلبان ولسه طالع من عملية جراحية ... شوف بقى لو الجبل

ده ريح عليه ...أنا رايح ادعى له فى مقام السيد البدوى ويبقى عملت اللى عليا

[osasaus]

الريح ايه اللى تأثر فيها ما شاء الله دا سوسو عندو سنتين و بياكل ريش .... مش بيرضع زى باقى الاطفال

[se_ Elsyed]

وأكدت عفاف شعيب في السياق ذاته أن وراء هذه الحملة بعض زملائها من الفنانات اللائي ضقن ذرعا بانتشارها الفني رغم حجابها، وأوضحت: "سمعت إحداهن تقول إشمعنى عفاف شعيب تشتغل في مسلسلين؟!".

على يدددددددددددددددددددددي

أنا فعلاً مره كنت سهران مع زهيري

وتلقى إتصال من إحنا الفنانات وقالت له : شوفت يا زيزو .. إحنا قاعدين نسقع قُلل .. والست عفاف شًحيب نازلة شغل زي المنشار

راح زهيري ناطط من مكانه وقال لها : ولا يهمك يا مُزه .. أنا هابهدلهالك وأقعدها في بيتها ..

وراح حضرتك عامل الفيديو بتاع ماما زمانها جايه .. جايه بعد شويه ... وكدهوت ...

[التونسى]

واستطردت: "سأرد على هؤلاء بمقولة الرئيس الفلسطيني الراحل ياسر عرفات: يا جبل ما يهزك ريح".

مفروض ترد على هؤلاء بنفس المقوله .. ولكن بعد التعديل .. (((يا بيتزا .. ما يهزك ريش ))) او (((يا فرخه .. ما يهزك ديك))) او ((يا نيفه .. ما يهزك سيخ))

[محمد عبدالعزيز]

أصحاب العقول فى نعيم

[hOuSsAm]

وأكدت عفاف شعيب في السياق ذاته أن وراء هذه الحملة بعض زملائها من الفنانات اللائي ضقن ذرعا بانتشارها الفني رغم حجابها، وأوضحت: "سمعت إحداهن تقول إشمعنى عفاف شعيب تشتغل في مسلسلين؟!".

على يدددددددددددددددددددددي

أنا فعلاً مره كنت سهران مع زهيري

وتلقى إتصال من إحنا الفنانات وقالت له : شوفت يا زيزو .. إحنا قاعدين نسقع قُلل .. والست عفاف شًحيب نازلة شغل زي المنشار

راح زهيري ناطط من مكانه وقال لها : ولا يهمك يا مُزه .. أنا هابهدلهالك وأقعدها في بيتها ..

وراح حضرتك عامل الفيديو بتاع ماما زمانها جايه .. جايه بعد شويه ... وكدهوت ...

هو ده جزاة الراجل اللى مؤتمنك على اسراره والحانه

بيع كدة فى اول كليب ولمين لعفاف شعيب

امال هتعمل ايه مع كليبات منتدى منصور وموافى

يا عينى عليك يا زوهيرى .............. هتشوف ايام زى الشوربة والسبب صديقك الصدوق

انا بهدى النفوس :closedeyes:

تم تعديل 10 أبريل 2011 بواسطة hOuSsAm

[MZohairy]

هي زعلت ليه؟؟؟؟

و حياة اللوري سوسو ما تزعلي يا تانت انا كنت بهزر و يتحرق الشعب و تتحرق الثوره ...المهم ما يتحرقش الكباب

دي ناس تجيب التيتانوس ....يا سااااااتر

[م تيمور المراغي]

حمد الله على السلامه يا زوزو ,,

وخللي بالك من زوزو

اصلوا لما بيحط نوزو في موضوع ,, انت سيد العارفين :happy:

[se_ Elsyed]

النائب العام يامر بضبط وأحضار المدعو مزاهيري للتحقيق له فيما نسب إليه من جرح مشاعر سوسو إبن أخت طنط عفاف ...

التحقيق يستغرق 7 ساعات بحضور عنتر الكبابجي شاهبندر الكبابجية لكي يُدلي برأية هل كان الخلاف حول ريش ام نيفه

لفيف من نقابة المحامين العرب يتطوعون للدفاع عن مزاهيري ...

مندوب من شركة بيتزا هت يُطالب بحضور التحقيقات ليُقف في صف مزاهيري وليؤكد أنه حتى أثناء الثورة كانت هناك بعض الفروع تتوافر بها خدمة الديليفري

مزاهيري يصحطب معه عوده ويستغل لحظات الأستراحة ليشدو بألحانه الحزينة كــ " الطشت قال لي الطشت قالي .. يا حلوه ياللي قومي خدي الشاور بتاعك "

لوحظ إن مزاهيري يربط منخاره برباط شاش كبير يداري على ملامح وجهة بالكامل ..

سوسو يحضر مع خالته عفاف ليستدر عطف المحققون

في نهاية التحقيق .. يامر النائب العام بحبس المتهم مزاهيري 15 يوماً مع سبق الأصرار والترصص .

رفعت الجلسة .. يالا ياض إنت وهو من هنا