عااجل : العربية تبث بعد قليل تسجيل صوتي للرئيس المخلوع محمد حسني مبارك

[التونسى]

ربنا كبير .. يمهل ولا يهمل .. وان شاء الله خطة تبييض الوجوه دى تفشل .. ماهو لو محدش سرق فعلا من عائلة مبارك .. او على اقل التقدير سهل السرقه للاخرين .. اومال مين اللى سرق ومين اللى سهل ... ماهو لو مبارك ده برئ فعلا هو وعائلته وبالتالى اعوانه وزبانيته .. يبقى الثوره دى قامت ليه .. مدام مكنش فيه سرقه ولا نهب ولا استغلال نفوذ

ولكن اعود فاقول ((يمكرون ويمكر الله والله خير الماكرين)))

لساك مكار.. وفيك نفس يا مبارك

[Alattar]

طب بالله عليكوا...و عيني في عينيكوا كده...ما وحشكوش صوته؟؟

يلا خدوا و هيصوا

http://www.youtube.com/watch?v=3MFfhRKJyfU&feature=tnw

[Diab]

والله بياناته اتحسنت كتير من بعد التنحى انما البيان ده

هيعمل حاجتين هيولع الدنيا اكتر على المجلس الى اداله فرصه اخفاء الاصول

و من ناحيه هيخلى بتوع احنا اسفين يا ريس يظيتو علينا

غباء معتاد

حافظ مبيفهمش

ليه

لو فاكرة خطاباته كلها علي طريقة جه يكحلها يعميها منها مثلا خطاب الخميس بتاع جمعة الغضب ولا بتاع يوم الثلاثاء اللي كان بعدة معركة الجمل

كدة المجلس العسكري في خانة اليك ومقدموش غير انه يحاكم مبارك ودلوقت قبل كمان شوية لان غضب الشعب هيتصاعد

أنا متفائل وهتشوفوا

تم تعديل 10 أبريل 2011 بواسطة Diab

[Abu Reem]

يا جماعة امبارح فيً موضوع ما حدث فيً ميدان التحرير قلت لكم ان محاسبة رئيس عربي سابق لن تحدث الا في حالة واحدة فقط هي اذا ما ارادت امريكا ذلك للاسف

هل القذافي اللي بتقول عليه مجنون هيطلع يعني اذكى من مبارك الراجل بقاله شهرين محدش عارف ياخذ منه حق ولا باطل وحلف الناتو بجلالة قدره مش قادر علي شوية كتائب عسكرية يقودها ابناء القذافي

فهل يعني مبارك بحنكته يوم ما يقرر يتنحي علي الحكم هيقوم كده اول ما نقوله ارحل يعني امشي يقوم خارج كده ويقول لنا بس ما تنسونيش من الجوابات

ما كانش حد غلب ، ، علشان كده قلت ان تنحيته كانت مقابل صفقة او اتفاق مع المجلس العسكري وان هناك اسرار لن تعلن ولا يجب ان نضغط ونستميت لمعرفتها،

وهذا الخطاب هو بالتأكيد تم بايعاز من المجلس العسكري حتى يرفع عنهم الحرج كما قلت امس وبهذا الخطاب يبقى اللي عنده دليل يقدمه من غير دوشة ومظاهرات وهوه اعلن ان عنده جيش جرار من المحاميين البريطانيين

والجدع يثبت علي حاجة

- نعم نستمر في تقديم الادلة لو نملكها ونجري وراء اموال الشعب المصري لكن لا يجب ان ندخل في مواجهة مع المجلس العسكري لكي يتم القبض علي مبارك ومحاكمته علي الاقل طاملما لا توجد ادلة معلنة او علي الاقل نركز علي تخليص البلد من بقايا الفاسدين ونركز علي ان يحل الشرفاء مكان الفاسدين سواء في منصب المحافظ او رئيس المجلس المحلي او في منصب الوزير او عميد الكلية او رئيس التحرير او مدير امن وهكذا

- هذه هي الاولوية الان مع المضي قدما في اجراء انتخابات مجلس شعب نزيهة يتبعها انتخابات رئاسية

وبعد ذلك قد تكون مسألة محاكمة الرئيس السابق جاءت بعد ان تقف البلد على رجلها ، بدلا من الدخول في مواجهة لا طائل من وراؤها سواء مع المجلس العسكري او فلول النظام السابق

تم تعديل 10 أبريل 2011 بواسطة Abu Reem

[أحمد سيف]

رأيي أنه ما دام قد عرض الكشف عن حساباته في جميع دول العالم فمعنى ذلك إما أنه فعلا لا يمتلك حسابات أو أنه من المستحيل الوصول اليها ... وفي الحالتين فمن غير المجدي إضاعة الزخم الثوري وشغل الناس بهذه القضية ولنتركها للقضاء المصري والدولي ليقول كلمته فيها ... ولنلتفت الى مسائل أكثر أهمية مثل إزاحة رموز النظام السابق من مواقعهم وتحجيم نفوذهم وتقديمهم للعدالة لمواجهة خطط الثورة المضادة ... وكذلك الى بناء المشروع السياسي للنظام الجديد واستعادة عافية الاقتصاد حتى لا نخسر تأييد الناس للثورة.

[fatfouta]

ده ايه البجاحة دى وده يبقالنا ايه دلوقتى عشان يقول كلمة ولا مايقولش

بيقول ادعاءات اتالمت منها كثيرا.....يا حرااااام

طب خلاص ياخويا بيع الفيلا وهات فلوسها طالما ماحيلتكش حاجة

[fatfouta]

اه صحيح طب والدول اللى اعترفوا بوجود ارصدة ليه عندهم دول كمان بيدعوا؟؟؟!!!

ده كانه بيقولنا............فتشنى فتشششششش

واحلى حاجة لما قال فى الآخر

:waf:

تم تعديل 10 أبريل 2011 بواسطة fatfouta

[الغريب]

رأيي أنه ما دام قد عرض الكشف عن حساباته في جميع دول العالم فمعنى ذلك إما أنه فعلا لا يمتلك حسابات أو أنه من المستحيل الوصول اليها ... وفي الحالتين فمن غير المجدي إضاعة الزخم الثوري وشغل الناس بهذه القضية ولنتركها للقضاء المصري والدولي ليقول كلمته فيها ... ولنلتفت الى مسائل أكثر أهمية مثل إزاحة رموز النظام السابق من مواقعهم وتحجيم نفوذهم وتقديمهم للعدالة لمواجهة خطط الثورة المضادة ... وكذلك الى بناء المشروع السياسي للنظام الجديد واستعادة عافية الاقتصاد حتى لا نخسر تأييد الناس للثورة.

والله كنت داخل أقول الكلمتين دول

رب ضرة نافعة

لعل كلمة مبارك تجعلنا جميعا نلتفت للأهم وهو التأسيس لدولتنا الحديثة

[الغريب]

خدو خبر حلو أهو علشان تحلو بيه كلمة مبارك :

عاجل : الجزيرة مباشر مصر :النائب العام يقرر التحفظ على أموال سامح فهمى ويوسف والى والـ 100 الف فدان للوليد بن طلال بتوشكى

[لماضة مصرية جدا]

?????????ليه العربيه مش القناه الاولى

السلام عليكم و رحمة الله و بركاته

لسه داخلة التوبيك...و بسال نفس السؤال

ليه العربية؟؟

ليه دلوقتي؟؟

و ازاي يعني نسيب كل واحد يقول كلمتين حونيين في التوقيت ده بالذات؟؟؟

طب مش هنسمع بقي باقي النشيد من حبيب العادلي و بقية العصابة و لا ايه؟؟؟

سيناريون مستفز لابعد حد

الحمد لله اني لسه مسمعتش الخطاب....ربنا يستر و اقدر امسك نفسي و اسمعه بالليل

[Abu Reem]

اه صحيح طب والدول اللى اعترفوا بوجود ارصدة ليه عندهم دول كمان بيدعوا؟؟؟!!!

ده كانه بيقولنا............فتشنى فتشششششش

واحلى حاجة لما قال فى الآخر

:waf:

علي رايك يافتفوتة

تجيش تفتشني

فعلا هو بغباوته بسلاطاته بباباغنوجه

اما عن التصريحات الخارجية اللي تحدثت عن ارصدته

مش بعيد يتم نفيها او يقولوا ان احنا اتلخبطنا بين ارصدته وارصدة القذافي

ما هيلاري كيلنتون قالتها قبل كده

مين عارف يمكن الراجل يطلع برئ مش هو بيقول لا امتلك اي عقارات لي او لابنائي

يعني حتي المسكين مش محصل شقة في مشروع مبارك ام 90.000 الف جنيه

شفتي نزاهة اكثر من كده يبقي المشروع باسمه ومعندوش حتي شقة فيه

شعب مفتري صحيح

[jasmin hamed]

مبارك لازم يتحاكم و لازم يدخل السجن مش عشان فلوسه بس هو و عياله لازم

يتحاكم بتهم القتل و الاهمال الجسيم لان سجنه هيكون عبره لمن يعتبر

من بعده من الروساء رساله تقدر تقول ( حتى يا حلو لو خفيت فلوسك مش هتعرف تتمتع بيهم

يبقلى الى يجى على المنصب يفهم انه يمشى عدل و الا العقاب على اد المسئوليه

انت مش جى تستنفع بهدايا و منح انت جاى تخدم

[ابو محمود]

يبدو ان هذا الرجل يعرف جيدآ ماذا صنع بنا على مدى ال30 سنة حولنا الى مسخ او الكثير من شعب مصر الذى تحول الى كمية كبيرة من الأميين والمتعلمين الغير متعلمين لقد فعل بنا مالم يفعلة الا شيطان او حاقد على هذا الشعب ان هذا الرئيس هو شر مارزقنا بة الله لقد دمر على يدية سواعد مصرية وخنق كل الكوادر المحترمة وترك لنا السفهاء واللصوص ممن باعو ضمائرهم للشيطان فأصاب مصر بكل مرض عضال وانهك قواها ودمر كل أمل حتى اننا الان نفكر فى كيف يتم صنع الامل فى بنية اكلها السوس والفساد انة جسد خلقة مبارك بحنكة وصنعة بمكر والان يحاول هو واذنابة بخطابة هذا ان يقلب علينا المائدة وينهى لنا صحوتنا وثورتنا فيجب علينا الاهتمام بالامل ورعايتة والبناء البناء ايها الشعب العظيم هو من يعوض لك ما سلبة اللصوص وعلى رأسهم مبارك فهيا الى الجهاد الى العمل والتعليم والزراعة والصناعة الجادة والمحترمة التى تجعلنا نقضى على ذكريات ابو التلامة وابناءة وشركاة

[fatfouta]

اه صحيح طب والدول اللى اعترفوا بوجود ارصدة ليه عندهم دول كمان بيدعوا؟؟؟!!!

ده كانه بيقولنا............فتشنى فتشششششش

واحلى حاجة لما قال فى الآخر

:waf:

علي رايك يافتفوتة

تجيش تفتشني

فعلا هو بغباوته بسلاطاته بباباغنوجه

اما عن التصريحات الخارجية اللي تحدثت عن ارصدته

مش بعيد يتم نفيها او يقولوا ان احنا اتلخبطنا بين ارصدته وارصدة القذافي

ما هيلاري كيلنتون قالتها قبل كده

مين عارف يمكن الراجل يطلع برئ مش هو بيقول لا امتلك اي عقارات لي او لابنائي

يعني حتي المسكين مش محصل شقة في مشروع مبارك ام 90.000 الف جنيه

شفتي نزاهة اكثر من كده يبقي المشروع باسمه ومعندوش حتي شقة فيه

شعب مفتري صحيح

الحقيقة يا ابو ريم احنا شعب مانستاهلهوش

طب بلاش الارصدة اللى بينكرها

والشهداااااء؟؟؟؟؟؟؟؟؟؟؟

[capitshino]

عاحل عن الفضائية المصرية : النائب العام يصدر مذكرة للتحقيق مع مبارك ونجليه

[fatfouta]

الإخوان: حديث مبارك يدل على أنه لم يفهم ما حدث في مصر.. ومازلنا نطالب بمحاكمته

طالبت جماعة الإخوان المسلمين، الرئيس السابق حسنى مبارك، بإثبات صدق كلامه الذي قاله في التسجيل الصوتي، الذي أذاعته قناة العربية، ويكشف عن الأكواد السرية لحساباته في البنوك، معتبرة أن عدم ذكره لحسابات أولاده دليل على إدانتهم.

وقال صبحي صالح، القيادى بالجماعة:«يبدو أن مبارك لم يفهم ما حدث فى مصر منذ 25 يناير حتى الآن، أو أن 80 مليون مصري أغبياء، لأن ثورته تملأ الدنيا»، معتبراً حديثه الآن «استكبار بغير حق، واستهزاء بمشاعر الناس تجعل من كان لا يطالب بمحاكمته أن يطالب بها الأن».

وأضاف لـ«المصرى اليوم»: «نحن مازلنا نطالب بمحاكمة مبارك، وإذا كان صادقاً فى البحث عن أمواله فليدلنا على الأكواد السرية لحساباته في البنوك، مشيراً إلى أنه عدم ذكر أولاده والاكتفاء فقط بذكر نفسه هو وزوجته، هو دليل إدانه كافي لهم.

[لماضة مصرية جدا]

السلام عليكم و رحمة الله و بركاته

انا مع راي استاذ احمد سيف

الموضوع دلوقتي لازم يكون في ايدين القانون و القضاء

بس هو سؤال خطر علي بالي دلوقتي

كلنا متخيلين ان مبارك اول ما راح يتحاكم....راح يتهبد مثلا حكم اعدام او اقصي عقوبة

يا تري هل من الممكن...و هلي احنا مستعدين ان احنا نتخيل و لو للحظات ان مبارك ممكن يقدم للمحاكمة....و ننبسط شوية حلوين....و بعد كده ميلقوش عليه تهمة

انا حاسة ان احنا بندور في دايرة مفرغة

انا مؤيدة جدا لمحاكمة مبارك.....بس سؤال عمال يرن في وداني....هل هو بالغباء دوت انه ميكونشي مجهز نفسه و حاميها كويس اوي بالمستندات برضه و كله قااااااااانوني

انا مش عايزة افتي

بس افضل حل ان احنا نحط هدف واضح قدامنا.....محاكمته....و قبول القضاء...كمنحي للعدالة

و نتفرغ بقي ...هنبني ازاي....و متهيالي يبقي ده الثائر الحق زي ما الشيخ الشعراوي قال

مش هسمع اللي قاله لا دلوقتي و لا بالليل

الموضوع متروك للقضاء و عايزين نشوف اخبار انتخابات الرئاسة القادمة ايه؟؟؟؟

[fatfouta]

العربية عاجل: النائب العام يطلب مبارك ونجليه للتحقيق

[أسد]

يعني لا هو عيان

ولا بيفرفر ..

ولا مش قادر يمشي ..

ولا محتاجإخلاء طبي لألمانيا ولا حاجة

موضوع الفلوس ده أمر مفروغ منه

ما هو مش معقول حيطلع يقول ..

ياشعبي العظيم ..

فلوسكم عندي

ويروح خابط خبطتين على صدره

أكيد حيسوق علينا الشرف

المهم ..

إنه بصحة جيده

وماتصدقوش الإشاعات اللي بتقول إنه ياعيني ياحرام بيموت

آهو ..

زي البربند آهو

[Alattar]

العربية..عاجل

النائب العام: التحقيقات مع مبارك وأسرته في الاعتداء على المتظاهرين والمال العام

يعني حتي لو طلع فعلا ما حيلتوش غير ال 2500 جنيه اللي كان شايلهم في البوسطة لوقت عوزة..لسه فيه تهمة الاعتداء علي المتظاهرين

النائب العام المصري: حديث مبارك لـ"العربية" لن يؤثر على التحقيقات

هو ده الكلام المنتظر دلوقتي

تم تعديل 10 أبريل 2011 بواسطة Alattar