ثورة ... ثورة.... زنجا ... زنجا .. حبس نظيف 15 يوم .. وأستدعاء المبارك وعياله

[se_ Elsyed]

الله اكبر

هو ده الكلام اللي من الأخر

حبس نظيف 15 يوم

وأستدعاء مبارك وجمال وعلاء رسمياً بتهمة قتل المتظاهرين ... وشكل العادلي إعترف عليهم من أول قلم وقال مش هاشيل الليلة لوحدي

[Diab]

smk: smk: smk:

[Alattar]

علي رأي الغريب..هو النائب العام كان مستني كلمة مبارك عشان يقبض علي كل دول

يمكن مبارك اداله الاشارة في كلامه و ماحدش خد باله؟

[se_ Elsyed]

أصدر النائب العام قراراً صباح اليوم الأحد، بطلب حسنى مبارك ونجليه للمثول أمامه للتحقيق، وأرسل خطاباً بذلك لوزير الداخلية لتنفيذ القرار.

وأكد مصدر قضائى أن كلمة مبارك رئيس مصر السابق على قناة العربية لم تؤثر على إجراءات النيابة العامة فى التحقيق مع مبارك وأسرته فى الوقائع المنسوبة إليه، ومنها جرائم الاعتداء على المتظاهرين، وسقوط قتلى وجرحى أثناء أحداث 25 يناير، ووقائع أخرى تتعلق بالاستيلاء على المال العام، واستغلال النفوذ والحصول على عمولات ومنافع من صفقات مختلفة.

أمر المستشار على الهوارى المحامى العام الأول لنيابات الأموال العامة العليا، اليوم الأحد، بحبس الدكتور أحمد نظيف رئيس الوزراء الأسبق، 15 يوماً على ذمة التحقيقات، فى قضية اللوحات المعدنية الخاصة بالسيارات، ومن المقرر أن يتم ترحليه إلى سجن المزرعة بطره.

كانت نيابة الأموال العامة قد بدأت صباح اليوم الأحد، بالتحقيق مع الدكتور أحمد نظيف رئيس الوزراء الأسبق، فى قضية اللوحات المعدنية الخاصة بالسيارات، وحضر نظيف فى تمام العاشرة والنصف إلى سرايا النيابة بالتجمع الخامس داخل سيارة مرسيدس سوداء اللون حملت أرقام "ط ب ع 186" بصحبة محاميه، ودخل عبر جراج المحكمة هربا من عدسات المصورين.

يعتبر هذا التحقيق هو الأول من نوعه لأحمد نظيف فى سلسلة التحقيقات التى تجريها نيابة الأموال العامة مع المسئولين والوزراء فى حكومات النظام السابق.

وكانت الأموال العامة بدأت تحقيقاتها فى قضية اللوحات المعدنية مع وزير الداخلية الأسبق حبيب العادلى ويوسف بطرس غالى وزير المالية السابق، بعدما وجهت لهما النيابة تهمتى تربيح الغير بمنافع مالية والإضرار بأموال أصحاب السيارات المتعاملين مع إدارة المرور.

[se_ Elsyed]

نظيف مش هايطلع منها

سبوبة لوحدها وهي لوحات السيارات رسوها على شركة ألمانية بـ 25 مليون يورو بالأمر المباشر ... لا مناقصة ولا كلام فاضي .. إحنا ما عندناش وقت يابا

وده غير جامعة النيل بتاعته اللي عملها من فلوس وارض الدولة ... بلوشي ..

وغير فسادة في الفلل والمنتجعات بتاعته

[Alattar]

أمر المستشار على الهوارى المحامى العام الأول لنيابات الأموال العامة العليا.................

الراجل ده الواحد بيتفائل بإسمه خير..على الهوارى هو اللى حبس عز و جرانه و المغربى و ابراهيم سليمان

ان شاء الله يخليه كده لحد ما يجيب عيلة مبارك كلها بإذن الله

[se_ Elsyed]

سجن طُره لازم بجد يتحول لمتحف

ده الحبايب كلهم هناك دلوقت

الكولكشن إنضم له النهاردة 3 حتت

احمد نضيف

وابراهيم كامل

وماجد الشربيني

الاتنين الاخرانيين بتوع موقعة الجحش

كريزة الموضوع هاتبقى لما مبارك بعد كام يوم يترحل على طره لاند هو وعلاء وجمال .. وسوزان تقدم على معاش السادات عشان تعرف تعيش

اللهم لا شماته

لكن اللي حصل في شعب مصر في 30 سنة تخلينا نطالب بإعدامة 100 مرة

[se_ Elsyed]

انا مستغرب م

هو أحنا لازم نمد إيدنا ونهلل ونعمل جُمع ومليونيات ؟

[fatfouta]

مبارك لنظيف في شريط كاسيت: أعي الأسباب المشروعة اللي دخلتك السجن يا عبيط وسأنتوي زيارتك قريباً

سجن مزرعة طرة يتحول الى..............طرة لاند

[Dreamwithme]

أنا معجبة جدا بعنوان الخبر في موقع الدستور

رئيس الوزراء السابق ينضم لحكومته في طره بعد قرار حبسه 15 يوما على ذمة التحقيق

اللهم لا شماتة بس فعلا دي وزارة دخلت التاريخ لأنها خرجت من الوزارة علي السجن عدل

يارب انصرنا عليهم ويارب يتحكم عليهم ويترموا في السجن إلي الأبد

[akramgroup]

ايه الجمال ده

دى حاجه جميله اوى

حكومه مفخرة للشعب المصرى

للدرجادى كنا نايمين على ودانا

قال ويقولك الثورة جابتنا لورا وخسرتنا

ده احنا لو وفرنا بس السرقات اللى كانت بتحصل والناس مشتغلتش هانطلع كسبانين اخر السنه

[se_ Elsyed]

وعندك واحد حرامي كبير وصلحه

حبس محمد إبراهيم سليمان 15 يوم

هي طُره هاتاخد العدد ده كله ؟

[fatfouta]

ترحيل نظيف إلى سجن المزرعة لتنفيذ قرار حبسه 15 يوما

خرج الدكتور أحمد نظيف رئيس مجلس الوزراء الأسبق من مقر نيابة الأموال العامة بالتجمع الخامس، لترحيله إلي سجن طرة، لتنفيذ قرار حبسه 15 يوماً علي ذمة التحقيقات، لاتهامه بالموافقة علي توريد اللوحات المعدنية إلى وزارة الداخلية بالأمر المباشر، إلى شركة (الوتش) الألمانية بقيمة 92 مليون جنيه بأسعار مبالغ فيها.

خلال التحقيقات، التي استمرت نحو 7 ساعات، نفي نظيف ما نسب إليه من اتهام، وقرر أن هناك مبررات للتعاقد، وأن وزارتي الداخلية والمالية عندما عرض عليهما عرض شركة الوتش الألمانية، كان من المفترض أن ينظرا إلى هذا العرض بعين الإعتبار، مقارنة بالعروض الأخري.

جريدة الاهرام

[الغريب]

نفسنا بجد الصورة تكتمل في مزرعة طرة

وينضم صفوت الشريف وفتحي سرور لهذه الكوكبة الرائعة وينضملهم بعض الأعضاء من مجلس الشعب والشورى الفاسدين ويكملوا الصورة للمجالس النيابية الرائعة هناك

وبعد كدة يدخل مبارك ويتم تأسيس جمهورية طرة العربية

يا سلاااااااااااااام

[se_ Elsyed]

إيه الراجل القوي الجريء الشريف ده

وزير العدل المحترم يتحدث على قناة الحياة اليوم .. ويقول : مبارك هاييجي غصب عنه لكي نحقق معه .... وإذا لم ياتي طواعيةً .. فسنأتي به بالقوة ... اما عن إستعدادة لتفويض وزارة الخارجية ووزارة العدل بالكشف عن أرصدتة فهذا شيء جيد جداً وسيُسهل علينا مهمة اللجان التي ستكشف عن ثرواتة وسنواجهة بها مقارنة بإقرار الذمة المالية ... مع إن هناك دول اعلنت أن لديها أرصدة له ولعائلتة !!!!!!!

هذا كلامة بالنص

[se_ Elsyed]

يا غريب .. لو سمحت تبلغ قُرني يجهز شنطة الغيارات وعلبة الدوا بتاعته ..

لإن هايتحقق معاه بكره في إدارة الكسب غير المشروع وبعد بكره في إتهاماتة في قضية موقعة الجمل ...

وهذا الأسبوع فتحي شرور برضوا هايشرف في النيابة ....

[se_ Elsyed]

يا حلاوتك بالبدلة البيضا يا محمد يا أبراهيم يا سليمان

عقبال الحمرا يا خفيف

[mamdowh]

نبأ عاجل : أحمد نظيف يعلن تشكيل الحكومة الجديدة من ليمان طره ويعلن تأجيل حلف اليمين لحين اكتمال الشرعية الدستورية فى السجن بعد وصول رئيسا مجلس الشعب والشورى والراس الكبيرة ( البيج بوس )

[عصام أبوالفتح]

النائب العام يستحق ان يكون رجل العام

[hOuSsAm]

سجن طُره لازم بجد يتحول لمتحف

ده الحبايب كلهم هناك دلوقت

الكولكشن إنضم له النهاردة 3 حتت

احمد نضيف

وابراهيم كامل

وماجد الشربيني

هو ينفع نفتح باب للتذاكر

يعنى الزيارة 3 دقايق بعشرة جنيه

3 دقايق وتفة بعشرين جنيه

وهتفرق بقى بلكون ولا صالة

والله هيبقى دخل كبير اوى ونخصص دخلهم لبناء العشوائيات اللى اهملوها طول السنين اللى فاتت دى

وانا هروح واقف بعربية فول هناك (والله بعمل فول حلو اوى وهكسب واعيش والف الدنيا كلها من اول اسكندرية لحد اسوان ومن شرم لحد السلوم)

حسبى الله ونعم الوكيل فيهم كلهم

بالنوسبة لاحمد نظيف الراجل ده طويل اوى وانا قريب لطوله (ايوة منا اعدت معاه فى اسبوع اعداد القادة فى حلوان وكان جاى يظبطنا للحزب الواطى اول ممسك الوزارة )

ممكن اتطوع واحلقله زيرو بايدى واديله الاقفا اللى بعد الحلاقة :closedeyes: