ثورة ... ثورة.... زنجا ... زنجا .. حبس نظيف 15 يوم .. وأستدعاء المبارك وعياله

[ozoozo]

مش عارفة يا جماعة المصري اليوم بتقول أن القرار صدر ب15يوم لصفوت الشريف

لكن اليوم السابع بتكدب الخبر وبتقول إن الكسب غير المشروع ينفي إصدار هذا القرار وإن التحقيق مع الشريف مستمرة

ماتصدقيش اليوم السائع لان قرني مشارك فيها

[خالد شحاته]

يارب عقبال عاطف عبيد ويدخل معهم

ده بالذات محبوس محبوس

لان ده باذات هو اساس المصائب الا مصر فيها من الخصخصة

[ام سلمي]

بوابة الاهرام

قرر جهاز الكسب غير المشروع حبس صفوت الشريف الأمين العام السابق للحزب الوطني لمدة 15 يوما وترحيله إلى سجن مزرعة طرة، بعد التحقيق معه لمدة ثلاث ساعات حول تضخم ثروته وثروة عائلته، حيث يمتلكون أكثر من 21 فيللا وقصر، ولم يقدم الشريف المبررات الكافية حول تملكه كل هذه الثروة.

من ناحية أخرى أكد مصدر قضائى أن النيابة سوف تستدعى صفوت الشريف، رئيس مجلس الشورى السابق فى خلال الأيام القليلة المقبلة، للتحقيق معه فى واقعة التحريض على التعدي على صحفى بمجلة الإذاعة والتلفزيون وأكد أنه عقب الاستماع إلى أقوال المجنى عليه على سعيد وأمال خورشيد أرملة صلاح نصر، رئيس المخابرات فى عهد الرئيس الراحل جمال عبد الناصر سوف يمثل الشريف للتحقيق وسماع أقواله فى الاتهامات الموجهة إليه بتحريض البلطجية والتهديد بالقتل.

وكان المستشار محمد عبد الشافى، رئيس نيابة قصر النيل استدعى على سعيد الصحفى بمجلة الإذاعة والتليفزيون والفنانة أمال خورشيد للاستماع إلى أقوالهم فى واقعة تحريض صفوت الشريف لمجموعة من البلطجية للاعتداء على الصحفى وتهديده بالقتل .

جاء هذا عندما اعتدى "بلطجية فى 31 مارس الماضى على الصحفي علي سعيد المحرر بمجلة "الإذاعة والتليفزيون" في أعقاب قيامه بنشر حوار مع الفنانة اعتماد خورشيد كشفت فيه عن تجاوزات عديدة لضابط المخابرات السابق والأمين العام للحزب "الوطني" السابق صفوت الشريف.

كشفت التحقيقات المبدئية عن أن الصحفى تلقي من المتهمين تهديدًا بالقتل حيث قالوا له: هذا إنذار لك ولها"، فيما يبدو إشارة لوقف هذا الحوار، وقد اتهم الصحفي في محضر رسمي الشريف بتحمل مسئولية التحريض على الاعتداء عليه بالضرب وتهديده بسبب الحوار الذي نشره للفنانة.

وقال المجنى عليه فى بلاغه أنه أجرى حوارًا مع اعتماد خورشيد، أرملة صلاح نصر، مدير جهاز المخابرات في عهد الرئيس الراحل جمال عبد الناصر، والتي نشرت كتابًا شهيرًا كشفت فيه عن فضائح جهاز المخابرات أثناء رئاسة زوجها الراحل، كما تعرض الكتاب لعدد من رجال المخابرات في ذلك الوقت ونشره تحت عنوان "آمال خورشيد شاهدة على انحرافات صفوت الشريف".

[Alattar]

أين الرجل الثاني ياجماعة الخير

عمر سليمان

محدش جاب سيرته ولا شافه ولا اي حاجة

مفيش حاجة تسيء اليه ولا اه؟؟؟؟؟؟؟

هههههههههههه

ايه عم جر الشكل ده؟؟

[مهيب]

هذه هي تجليات قدرة الله سبحانه و تعالى التى لا يحدها شيء .. سبحان الله .. والله الواحد بقى يسمع كلمة (الله أكبر) فى الآذان فيتهز قلبه معاها .. حقيقة الأمر أن ما يحدث من مساءلة لهؤلاء اليوم .. و من تبدل لحال .. و من ذلة بعد عز و تجبر و خيلاء .. بيخلى الواحد عاوز يسجد مكانه كده و يفضل ساجد واضع رأسه فى الأرض تواضعا لله ..

ربنا سبحانه و تعالى يمهل و لا يهمل .. و يعز من يشاء و يذل من يشاء .. هذه العبارات و الآيات الكريمات تأخذ الآن عند الكثير من الناس طول و عرض و ارتفاع و عمق .. نحن نرى قدرة الله و جبروته يتمثلان أمامنا .. نرى الله يخاطبنا و يخبرنا كم هذه الدنيا تافهة غرور لا تستأهل نظرة و لا اهتماما .

أشياء كثيرة أذكرها و أنا أرتعد ..

- الرسل و الأنبياء الذين عرضت عليهم الدنيا فعرضوا عنها .. هذه هى الدنيا كما رأوها

- الظلم و عواقبه و قدر الله أن يمد فى أعمار الظالمين كي يشهد الخلق و يعتبروا .. كنا نتندر أحيانا لطول عمر الحكام العرب و كيف أن الله يمد فى أعمارهم كي يزيدنا ذلا و هوانا .. الآن علمنا الحكمة .. الآن فهمنا .. سبحانك ربنا ما علم لنا الا ما علمتنا.

- عاقبة الظلم و جبروت الله على الظالم .. فيذكر كل منا من ظلم في حياته من قبل و لو ظلما هينا و ليستغفر ربه حقا.

- هوان الدنيا .. انظروا الى هؤلاء و تذكروا الى أين وصلوا و كم جمعوا .. انظروا اليهم اليوم ببدلهم البيضاء و نظراتهم الشائهة المذهولة المهزوزة .. اللهم لا شماتة فى مخلوق .. فقط هو الخوف و اتقاء غضبة الخالق سبحانه و تعالى .

يجب علينا أن نعزل أنفسنا لحظات من الآراء و الرؤى و المتابعة الكثيبة لمجريات الأمور السريعة المتلاحقة و أن نختلس بين الفينة و الأخرى لحظات نتأمل فيها كم العبر و العظات و الصور لتجليات قدرة الله فيم يحدث الآن ..

حقا لا اله الا الله وحده لا شريك له .. له الملك و له الحمد .. يحيي و يميت و هو على كل شيء قدير

اذكروا الله

مهيب

تم تعديل 11 أبريل 2011 بواسطة مهيب

[mustafagamiel]

هذه هي تجليات قدرة الله سبحانه و تعالى التى لا يحدها شيء .. سبحان الله .. والله الواحد بقى يسمع كلمة (الله أكبر) فى الآذان فيتهز قلبه معاها .. حقيقة الأمر أن ما يحدث من مساءلة لهؤلاء اليوم .. و من تبدل لحال .. و من ذلة بعد عز و تجبر و خيلاء .. بيخلى الواحد عاوز يسجد مكانه كده و يفضل ساجد واضع رأسه فى الأرض تواضعا لله ..

ربنا سبحانه و تعالى يمهل و لا يهمل .. و يعز من يشاء و يذل من يشاء .. هذه العبارات و الآيات الكريمات تأخذ الآن عند الكثير من الناس طول و عرض و ارتفاع و عمق .. نحن نرى قدرة الله و جبروته يتمثلان أمامنا .. نرى الله يخاطبنا و يخبرنا كم هذه الدنيا تافهة غرور لا تستأهل نظرة و لا اهتماما .

أشياء كثيرة أذكرها و أنا أرتعد ..

- الرسل و الأنبياء الذين عرضت عليهم الدنيا فعرضوا عنها .. هذه هى الدنيا كما رأوها

- الظلم و عواقبه و قدر الله أن يمد فى أعمار الظالمين كي يشهد الخلق و يعتبروا .. كنا نتندر أحيانا لطول عمر الحكام العرب و كيف أن الله يمد فى أعمارهم كي يزيدنا ذلا و هوانا .. الآن علمنا الحكمة .. الآن فهمنا .. سبحانك ربنا ما علم لنا الا ما علمتنا.

- عاقبة الظلم و جبروت الله على الظالم .. فيذكر كل منا من ظلم في حياته من قبل و لو ظلما هينا و ليستغفر ربه حقا.

- هوان الدنيا .. انظروا الى هؤلاء و تذكروا الى أين وصلوا و كم جمعوا .. انظروا اليهم اليوم ببدلهم البيضاء و نظراتهم الشائهة المذهولة المهزوزة .. اللهم لا شماتة فى مخلوق .. فقط هو الخوف و اتقاء غضبة الخالق سبحانه و تعالى .

يجب علينا أن نعزل أنفسنا لحظات من الآراء و الرؤى و المتابعة الكثيبة لمجريات الأمور السريعة المتلاحقة و أن نختلس بين الفينة و الأخرى لحظات نتأمل فيها كم العبر و العظات و الصور لتجليات قدرة الله فيم يحدث الآن ..

حقا لا اله الا الله وحده لا شريك له .. له الملك و له الحمد .. يحيي و يميت و هو على كل شيء قدير

اذكروا الله

مهيب

جزاك الله خير على هذه التذكرة الجميلة

قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك على كل شيء قدير

أمنت بالله

[se_ Elsyed]

المصري اليوم عاجل: حبس صفوت الشريف 15 يوماً على ذمة التحقيق في قضية تضخم الثروات.

أنا جبتها لكم من الكنترول إمبارح

تم الارسال الأمس, 09:33 PM

يا غريب .. لو سمحت تبلغ قُرني يجهز شنطة الغيارات وعلبة الدوا بتاعته ..

لإن هايتحقق معاه بكره في إدارة الكسب غير المشروع وبعد بكره في إتهاماتة في قضية موقعة الجمل ...

وهذا الأسبوع فتحي شرور برضوا هايشرف في النيابة ....

عارفين ليه ؟

لإن عنده 15 يوم تاني بكرة في قضية قتل المتظاهرين ... يبقى كده ضمنوا إنه جوه عندهم

فاضل فتحي شرور و الزغلول الكبير وعياله الإتنين

[se_ Elsyed]

أين الرجل الثاني ياجماعة الخير

عمر سليمان

محدش جاب سيرته ولا شافه ولا اي حاجة

مفيش حاجة تسيء اليه ولا اه؟؟؟؟؟؟؟

بصراحة ما فيش حاجه ضده . لإن كل شغله كان في المخابرات ... وتولى موقع نائب رئيس الجمهورية لعدة ايام ..

إلا بقى لو الراجل اللي كان وراه ساعة خطاب التنحي كان ماسك عليه حاجه كده ولا كده ..

[mustafagamiel]

أين الرجل الثاني ياجماعة الخير

عمر سليمان

محدش جاب سيرته ولا شافه ولا اي حاجة

مفيش حاجة تسيء اليه ولا اه؟؟؟؟؟؟؟

بصراحة ما فيش حاجه ضده . لإن كل شغله كان في المخابرات ... وتولى موقع نائب رئيس الجمهورية لعدة ايام ..

إلا بقى لو الراجل اللي كان وراه ساعة خطاب التنحي كان ماسك عليه حاجه كده ولا كده ..

ياباشا شوف كده وقلب الاوراق في الكنترول هتلاقي هتلاقي

يعني في حد هيبقى في المرمة دي ومش هياخد له حتة كده

حلوة المرمة دي على وزن سبوبة بتاعتك

[aimen]

قرنى ما اتحبسش يا رجاله

قرنى لسه بيلعب بديله

استدعاء هانى هلال وفاروق حسنى وعادل لبيب لسماع أقوالهم فى قضية مكتبة الإسكندرية

نفى المستشار عاصم الجوهرى رئيس جهاز الكسب غير المشروع حبس صفوت الشريف 15 يوماً، وقال فى تصريح خاص ل"الدستور الأصلى" أن التحقيقات مازالت مستمرة، وأنه سيتم محاسبة كل من نشر أخبارا غير صحيحة لأن قرارات الجهاز سرية ولا يعلمها أحد إلا بعد انتهائها.

وكانت عربة الترحيلات قد وصلت إلى مقر جهاز الكسب غير المشروع حيث يتم التحقيق مع "صفوت الشريف" الأمين العام السابق للحزب الوطنى ورئيس مجلس الشورى.

وكان الشريف قد مَثل أمام التحقيق بجهاز الكسب غير المشروع صباح اليوم الأثنين، حيث حضر الشريف إلى مقر وزارة العدل فى تمام العاشرة والنصف صباحاً وبصحبته عدد من الضباط كحراسة وتأمين لدخوله، وباشرالتحقيقات معه المستشار أحمد طلبة، حيث وجهت للشريف تهما بإستغلال وظيفته والكسب بطريق غير مشروع.

وقد توقفت التحقيقات وقت صلاة الظهر وأدى صفوت الشريف صلاة الظهر مع المستشارين بالجهاز.

من ناحية أخرى استدعى الجهاز كل من هانى هلال وزير التعليم العالى السابق وفاروق حسنى وزير الثقافة الأسبق وعادل لبيب محافظ الإسكندرية السابق؛ لسماع أقوالهم فى قضية مكتبة الإسكندرية بصفتهم أعضاء فى مجلس أمناء المكتبة، ولم يحضر منهم إلى مقر الجهاز سوى هانى هلال.

http://dostor.org/crime/11/april/11/39928

[se_ Elsyed]

هايروح فين ... قرني هاييجي هاييجي ...

[se_ Elsyed]

تخيلواإن قُرني لسه بيحققوا معاه من 10 الصبح لحد دلوقت عشان موضوع تضخم ثورته ؟؟؟؟

يخرب بيت كده .... 13 ساعة ... دي تبقى كام الثروة دي ؟؟؟؟؟

[aimen]

تخيلواإن قُرني لسه بيحققوا معاه من 10 الصبح لحد دلوقت عشان موضوع تضخم ثورته ؟؟؟؟

يخرب بيت كده .... 13 ساعة ... دي تبقى كام الثروة دي ؟؟؟؟؟

ياعم الراجل كان صايم

وواخدين راحة من المغرب للعشاء علشان صلاة التراويح والإفطار فى الفورسيزون

[aimen]

لا حول ولا قوة الإ بالله

ابوشنب صفوت

يقال انه اتحبس 15 يوم على ذمة القضية

[fatfouta]

الفضائية المصرية اعلنت.....حبس صفوت اللاشريف 15 يوم على ذمة التحقيق :110:

[Alattar]

وعلي الجزيرة منذ قليل..

استدعاء أحمد فتحي سرور للتحقيق معه في تضخم ثروته

[se_ Elsyed]

ما شكيتش لحظة إنه هايتهبد الحته ام 15 ؟

ههههههههههههههه

عارفين ليه ؟

1- عنده تحقيق بكره بتهمة التحريض على قتل المتظاهرين في موقعة الجحش فمش هايمشوروه بقى رايح جاي .. احنا برضوا عندنا إنسانية ومش بنحب بنمرمط نزلاء بورتو طره

2- عربيات ترحيلات صغننة كانت مرابطة أمام جهاز الكسب غير المشروع من الصبح ومزيننها بالورود من الصبح ومنتظراه

أنا صعبان عليه الولا سواق العربية زمانه طهق ... 13 ساعة ملطوع في العربية لما خلاص هايولع في سفوت أول ما يشوفه

خدوا دي ..

بعد بكره زغلول تاني هايقضي معاهم الويك إند

فتحي شرور .. زمانه نزل التوحيد والنور يشتري له شوية غيارات ويستفهم في البؤجه بتاعته

هههههههههههههههههههههههههههههههههههه متخيل منظر الجماعة وهما في طره وكل شويه باب الزنزانة يتفتح ويلاقوا واحد مضروب بالشلوت ومندفع داخل الزنزانة .. النور يولع ... مين ؟

صفوووووووووووووووووووووووووت ... إنت شرفت يا نطع ؟

زيكوووووووووووووووووووووووووو . إنتي جيتي يا كميلة ؟

هههههههههههههههههههههه

ويسألوه بقى عن الكيو ومين اللي واقف فيه دلوقت

[arkan]

مبرزك ياجماعة عقبال الاحكام اللى يستحقوها

ولسه حسابهم عند الله

[Alattar]

ما شكيتش لحظة إنه هايتهبد الحته ام 15 ؟

ههههههههههههههه

عارفين ليه ؟

1- عنده تحقيق بكره بتهمة التحريض على قتل المتظاهرين في موقعة الجحش فمش هايمشوروه بقى رايح جاي .. احنا برضوا عندنا إنسانية ومش بنحب بنمرمط نزلاء بورتو طره

2- عربيات ترحيلات صغننة كانت مرابطة أمام جهاز الكسب غير المشروع من الصبح ومزيننها بالورود من الصبح ومنتظراه

أنا صعبان عليه الولا سواق العربية زمانه طهق ... 13 ساعة ملطوع في العربية لما خلاص هايولع في سفوت أول ما يشوفه

خدوا دي ..

بعد بكره زغلول تاني هايقضي معاهم الويك إند

فتحي شرور .. زمانه نزل التوحيد والنور يشتري له شوية غيارات ويستفهم في البؤجه بتاعته

هههههههههههههههههههههههههههههههههههه متخيل منظر الجماعة وهما في طره وكل شويه باب الزنزانة يتفتح ويلاقوا واحد مضروب بالشلوت ومندفع داخل الزنزانة .. النور يولع ... مين ؟

صفوووووووووووووووووووووووووت ... إنت شرفت يا نطع ؟

زيكوووووووووووووووووووووووووو . إنتي جيتي يا كميلة ؟

هههههههههههههههههههههه

ويسألوه بقى عن الكيو ومين اللي واقف فيه دلوقت

أنا اللي جبت خبر فتحي سرور الأول علي فكره..ماليش دعوه..عاوز الحلاوة

[mamdowh]

والله ياجماعة الجدع اللى اسمه حسن الهلالى شغال زى الفل الخامس او مش عارف الكام ( منظر ليلى خارجى من على عتبه سجن طره ووش أنور وجدى لابس الروب دى شامبر ورافع طرفه على كتفه وبيبص للسما)