نقل مبارك للقاهره

[rewsha]

نقل مبارك للقاهرة وبدء التحقيق معه نهاية الأسبوع

تاريخ ووقت النشر الاحد 10 ابريل

___________________________________________________________

تواترت أنباء عن وصول الرئيس المخلوع حسني مبارك إلى القاهرة، مساء اليوم، وبدء التحقيق معه نهاية الأسبوع الجاري.

وقالت جريدة (الشروق) اليومية في عددها الصادر صباح غدٍ الإثنين: إن قوة أمنية بإشراف القوات المسلحة قامت، اليوم، بنقل الرئيس المخلوع إلى القاهرة تحت حراسة أمنية مشددة، وذلك لمباشرة التحقيق معه.

من جهته، أكد أحمد أبو بركة الفقيه الدستوري وعضو البرلمان الشعبي لـ(إخوان أون لاين) أن تحركات مبارك تخضع كلها لقرارات من القوات المسلحة؛ لأنه لم يصدر ضده أي إجراء قضائي يتم اتخاذ مواقف عقابية ضده بناء عليه، مشيرًا إلى أن فرض الإقامة الجبرية عليه ليس قرارًا قضائيًّا بل عسكريٌّ، وبالتالي فتحركاته تخضع للقوات المسلحة.

وأضاف أن إعلان النائب العام استدعاءه هو أول قرار قضائي يتم اتخاذه تجاه الرئيس المخلوع، وبناء عليه سيتحدد موقفه وعقوبته بعد الانتهاء من التحقيقات.

وفي سياق متصل، نفى مصدر مطلع إجراء تحقيق مع جمال مبارك نجل الرئيس السابق في مقرِّ جهاز الكسب غير المشروع في وقت متأخر من مساء اليوم.

الفجر

[م تيمور المراغي]

نستنى بيان المجلس العسكري ,,

[ذهبية]

أن تحركات مبارك تخضع كلها لقرارات من القوات المسلحة؛ لأنه لم يصدر ضده أي إجراء قضائي يتم اتخاذ مواقف عقابية ضده بناء عليه، مشيرًا إلى أن فرض الإقامة الجبرية عليه ليس قرارًا قضائيًّا بل عسكريٌّ، وبالتالي فتحركاته تخضع للقوات المسلحة.

ازاى اصدق العبارة دى و هو عمال يقول حورات و بيانات و عمال يشحن الثورة المضادة و عايش فى الدور انة لسة الرئيس

اقامة جبرية ازاى و عسكرى ازاى

و الحوار دة خرج ازاى

هل استاذن من الحكم العسكرى

طبعا لا

لانة بيعمل الللى هو عايزة

يبقى مين بيضحك على مين

[engmido]

يارب يا مسهل

انا كمواطن يهمنى المحاكمة تتم بشفافية

ولا يهمنى قوى تنفيذ الحكم ولكن يهمنى الفلوس

لان سجن راجل عنده83 سنة مش هيفيدنا اللى يفيدنا الفلوس اللى عنده وعند ولاده ان وجدت كما يدعون

[fatfouta]

الخبر ده اتنفى من مصدر عسكرى وامنى....الخبر فى المصرى اليوم

مصادر عسكرية وأمنية: ضبط مبارك مسؤولية الشرطة.. والعيسوي كلف مدير الأمن بالمهمة

تم تعديل 11 أبريل 2011 بواسطة fatfouta

[ozoozo]

والله المفروض الاسره الكريمه دي الشرطه تطلقها في وسط البلد

وتسيب العيال يتحرشوا بيهم في الشوارع تحرش جماعي

زي ماكانو بيتحرشوا بالبنات في الاعياد كده

[hOuSsAm]

ولا يهمنى قوى تنفيذ الحكم ولكن يهمنى الفلوس

لان سجن راجل عنده83 سنة مش هيفيدنا اللى يفيدنا الفلوس اللى عنده وعند ولاده ان وجدت كما يدعون

انا مش معاك سجن الراجل ده ومحاكمته فايدة كبيرة اوى (للمستقبل) عشان بعد كدة اى مسئول متسولش ليه نفسه انه يخون وينهب الشعب عشان هيبقى عارف ان مصيره الى مزبلة التاريخ وهيتعلق على حبل المشنقة

العقاب مهم جدا يا محمد

ولو لغينا العقاب والثواب قوانين الكون هتتلخبط

ozoozo

مرسلة اليوم, 08:49 AM

والله المفروض الاسره الكريمه دي الشرطه تطلقها في وسط البلد

وتسيب العيال يتحرشوا بيهم في الشوارع تحرش جماعي

زي ماكانو بيتحرشوا بالبنات في الاعياد كده

مش بمزاجى ولا مزاجك

القانون لازم ياخد مجراه

ده مواطن مصرى واذنب يبقى يتعاقب حسب القوانيين المصرية قدام محكمة مصرية

والتحرش فى ميدان عام ده مش فى الدستور ولا فى اى حتة

انا وانت بردوا لو اذنبنا سواء ذنب صغير او كبير نتحاكم بالقوانين المصرية

بلاش غضبنا تضيع مننا ديمقراطيتنا

تم تعديل 11 أبريل 2011 بواسطة hOuSsAm

[لماضة مصرية جدا]

السلام عليكم و رحمة الله و بركاته

من اجمل ما سمعت امبارح في التلفزيون علي العاشرة مساءا...شخص قانوني...بيقول ان المذكرة بتاعت النائب العام طلعت بتقول "استدعاء" مبارك

و لو تغيب المفروض تبقي..."ضبط و احضار"

و قاعدة اتخيل فعلا انه يطب عليه اتنين مخبرين من اللي مربيهم علي عينه كده....و هوووووووب يعكشوه

ربنا كريم

[Dreamwithme]

أعتقد إن تضارب الأنباء عن حضور مبارك للقاهرة بغرض تثبيط همة المتظاهرين للذهاب إلي شرم الشيخ

خاصة مع اعلان بعضهم عن ترتيب تواجد أتوبيسات يوم الجمعة صباحا للتحرك إلي شرم