يا نهارك مالوش لون يا سين سين : المحكمة العسكرية تصدر حكما بالحبس 3 سنوات على مدون انتقد "الجيش"

[أحمد سيف]

كلامك شهد ياباشا

طيب لما الشيخ يعقوب قال غزوة الصناديق وده كان راى اترفع عليه 30 دعوه ولم نسمع من 6 ابريل او ائتلاف الثوره عن حريه الراى

حضرتك تفتكر ليه؟

هل الحريه تتجزء

انا مش فاهم ارجو من الساده الاعضاء يفهمنا ايه الازدواجيه ديه وليه

حد قال لسعادتك انك مش من حقك ترفع 100 دعوى على مايكل نبيل زي اللي اترفعوا على الشيخ محمد يعقوب ... والقضاء المدني يحكم فيها وإن شاء الله يديه إعدام

الاعتراض هو على أن يحاكم عسكريا على آراء قالها ويحكم عليه بالسجن 3 سنين

ممكن يكون عامل بلاوي زرقا بس لما آجي أحاكمه ألتزم بالضوابط القانونية زي ما اللوائين عمالين يتكلموا في التلفزيون عن محاكمات رموز النظام ويبررون تأخرهم فيها

يعني بالذمه أنهي جرائمه أكبر حسني مبارك ولا مايكل نبيل؟

يبقى نسيب حسني شهرين قاعد في شرم الشيخ وهي اللي عمل ما عمل على مدى 30 سنه ونمسك في شاب طائش كتب كلمتين غلط؟

هي دي بقى اللي اسمها معايير مزدوجه

تم تعديل 11 أبريل 2011 بواسطة أحمد سيف

[عصام أبوالفتح]

يحدث فى المصيف معى ومع ناس كتير :

تبنى تشكيلات رائعة من الرمال وبعدين يطلعلك عيل من تحت الارض ينظر لها بحقد ويقول فى نفسه: فيها لاخفيها وبعدين يمشى مغمض عينه كأنه مش شايف ويدوسها ويبعثرها او يزق واحد صاحبه عليها او يتظاهر بالوقوع او يقذفها بالرمال

تقول ايه غير : عيل وغلط :)

هل لو كان الطفل ده شاب طويل كده او راجل كبير . بالتاكيد هاتتخانق معاه وهاتعتبر تصرفه ينم عن مركب نقص وحب للمشاكل

ايهما اهم تشكيلات الرمال ام بناء البلد من جديد?

[م تيمور المراغي]

كلامك شهد ياباشا

طيب لما الشيخ يعقوب قال غزوة الصناديق وده كان راى اترفع عليه 30 دعوه ولم نسمع من 6 ابريل او ائتلاف الثوره عن حريه الراى

حضرتك تفتكر ليه؟

هل الحريه تتجزء

انا مش فاهم ارجو من الساده الاعضاء يفهمنا ايه الازدواجيه ديه وليه

حد قال لسعادتك انك مش من حقك ترفع 100 دعوى على مايكل نبيل زي اللي اترفعوا على الشيخ محمد يعقوب ... والقضاء المدني يحكم فيها وإن شاء الله يديه إعدام

الاعتراض هو على أن يحاكم عسكريا على آراء قالها ويحكم عليه بالسجن 3 سنين

ممكن يكون عامل بلاوي زرقا بس لما آجي أحاكمه ألتزم بالضوابط القانونية زي ما اللوائين عمالين يتكلموا في التلفزيون عن محاكمات رموز النظام ويبررون تأخرهم فيها

يعني بالذمه أنهي جرائمه أكبر حسني مبارك ولا مايكل نبيل؟

يبقى نسيب حسني شهرين في شرم وهي اللي بوّظ البلد ونهب خيراتها وقتل شعبها على مدى 30 سنه ونمسك في شاب طائش كتب كلمتين غلط؟

هي دي اللي اسمها معايير مزدوجه

رصيدي من النقط خلص للاسف ,,

[الباشمهندس ياسر]

ياسر الاختلاف في الراي لا يفسد للود قضية

والكلام عن حروب النت خلاص عفى عليه الزمن السجن دلوقتي بقى للنتيته وبس :happy:

دكتوره ام احمد ممكن يكون حيثيات الحكم من مصدر موثوق ,,

لان اللي انتي اوردتيه باين انه من جهة مش طايقه الولد اصلا ,,

ود ايه راجل

بقي تقول زرع الخوف ف نفوس الناس و كلها و تحط قوسين و راجع تقول ود

قلبك ابيض يا عم

الواد كان لازم يتشد لانه عيل من دعاة الفتنة فعلا و يضر بأمن الوطن

يعني ايه نلغي التجنيد

معليش اسمح لي أختلف معاك في النقطة دي

أنا شخصيا من أنصار استمرار التجنيد الإجباري ولي أسبابي

لكن هناك آراء أخرى تقول أن هذا النظام ليس هو النظام الأمثل للجيش المصري خصوصا بصورته الحالية ... ولديهم حجج تدعم ما يقولونه

من واجبنا أن نحترم جميع الآراء ونناقشها بهدوء دون تخوين

قانون التجنيد الإجباري زيه زي أي قانون تاني من حق الشعب يعيد النظر به بالوسائل الدستورية سواء بالتعديل أو حتى الإلغاء

وعلى فكره اللي بيكلمك ده خدم جيش وعلى دبابه ام 60 كمان

ما دمنا ارتضينا الحرية منهجا فلابد أن نتحمل تبعاتها

اهلا باختلافك يا دكتور

نراجع قانون التجنيد الاجباري من باب اننا عايزين حاجة اصلح للوطن و للشباب ولا نقول اننا بنرفض التجنيد بذاته و لذاته

بالنسبة لأي قانون سواء كان تجنيد إجباري أو غيره

رفض تنفيذ القانون أو مخالفته أمر ممنوع ويستحق العقوبه

أما ابداء الرأي في القانون والمطالبة بتغيره أو حتى إلغاؤه بالطرق الدستورية فحق مشروع لكل مواطن

وإلا كنا زمانا دلوقت كلنا خلف القضبان لأننا نطالب بإلغاء قانون الطوارئ

رغم أني أختلف معهم ... فأنا لا أستطيع أن أتهم من يطالبون بإلغاء قانون التجنيد الإجباري واستبداله بجيش من المحترفين بأنهم اقل وطنية مني

باشا

مساك جميل

لينا رجعه و نتناقش برواقة

[Om Zayd]

ممكن سؤال؟

ايه حدود حرية الرأي؟

ايه الفرق بين ان واحد حر يقول راي و بين واحد من خلال الراي ده بيولع فتنة؟

بالنسبة لي .. جزء من الاجابة هو القانون

هل تجاوز القانون ام لا؟

الحاجة التانية المحاكمة امام المحاكم العسكرية

الكتاب الأول - الباب الثاني - اختصاص القضاء العسكرى

الباب الثاني اختصاص القضاء العسكرى مادة 4 يخضع لاحكام هذا القانون الاشخاص الاتو بعد 1- ضباط القوات المسلحة الرئيسية والفرعية والاضافية 2- ضباط الصف وجنود القوات المسلحة عموما . 3- طلبة المدارس ومراكز التدريب المهنى والمعاهد والكليات العسكرية . 4- اسرى الحرب 5- اى قوات عسكرية تشكل بامر من رئيس الجمهورية لتأدية خدمة عامة او خاصة او وقتية . 6- عسكريو القوات الحليفة او المحلقون بهم اذا كانوا يقيمون في اراضى الجمهورية العربية المتحدة الا اذا كانت هناك معاهدات او اتفاقيات خاصية او دولية تقضى بخلاف ذلك . 7- الملحقون بالعسكريين اثناء خدمة الميدان وهم :- كل مدنى يعمل في وزارة الحربية او في خدمة القوات المسلحة اى وجة كان . مادة 5 تسرى احكام هذا القانون على كل من يرتكب احدى الجرائم الاتية:- (أ‌) الجرائم التى تقع في المعسكرات او الثكنات او المؤسسات او المصانع او السفن او الطائات او المركبات او الاماكن او المحلات التى يشغلها العسكريون لصالح القوات المسلحة اينما وجدت . (ب‌) الجرائم التى تقع على معدات ومهمات واسلحة وذخائر ووثائق واسرار القوات المسلحة وكافة متعلقاتها .

مادة 6 (2) – تسرى احكام هذا القانون على الجرائم المنصوص عليها في البابين الاول والثانى من الكتاب الثانى من قانون العقوبات وما يرتبط بها من جرائم والتى تحال الى القضاء العسكرى بقرار من رئيس الجمهورية . ولرئيس الجمهورية متى اعلنت حالة الطوارىء ان يحيل الى القضاء العسكرى اى من الجرائم التى يعاقب عليها قانون العقوبات او اى قانون اخر . مادة 7 تسرى احكام هذا القانون ايضا على ما ياتى : 1- كافة الجرائم التى ترتكب من او ضد الاشخاص الخاضعين لاحكامه متى وقعت بسبب تأديتهم اعمال وظائفهم . 2- كافة الجرائم التى ترتكب من الاشخاص الخاضعين لاحكامه اذا لم يكن فيها شريك او مساهم من غير الخاضعين لاحكام هذا القانون . مادة 8 كل شخص خاضع لاحكام هذا القانون ارتكب خارج الجمهورية العربية المتحدة عملا يجعله فاعلا او شريكا في جناية او جنحة داخلة في اختصاص القضاء العسكرى يعاقب بمقتضى احكامه ولو لم يعاقب عليها قانون البلد الذى وقعت فيه . اما اذا كان الفعل معاقبا عليه فان ذلك لايعفى من المحاكمة ثانية امام المحاكم العسكرية . الا انه يجب مراعاة مدة العقوبة التى يكون قد قضاها . مادة 8 مكررا يختص القضاء العسكرى بالفصل في الجرائم التى تقع من الاحداث الخاضعين لاحكام هذا القانون . وكذلك الجرائم التى تقع من الاحداث الذين تسرى في شأنهم احكامه اذا وقعت الجريمة مع واحد او اكثر من الخاضعين لاحكام هذا القانون وذلك كله استثناء من احكام القانون رقم 31 لسنة 1974 بشان الاحداث . ويطبق على الحدث عند ارتكابه احدى الجرائم احكام القانون رقم 31 لسنة 1974 المشار اليه عدد المواد 25 و 27 و 28 و 29 و 30 و 31 و 38 و 40 و 52 منه . ويكون للنيابة العسكرية جميع الاختصاصات المخولة لكل من النيابة العامة والمراقب الاجتماعى المنصوص عليها في قانون الاحداث . ويصدر وزير الحربية بالاتفاق مع وزير الداخلية والشئون الاجتماعية القرارات اللازمة لتنفيذ التدابير التى تحكم بها في مواجهة الحدث . مادة 9 يبقى العسكريون والملحقون بهم خاضعين لاحكام هذا القانون حتى ولو خرجوا من الخدمة اذا كانت جرائمهم وقت وقوعها تدخل في اختصاصه مادة 10 تطبق فيما لم يرد بشأنة نص في هذا القانون النصوص الخاصة بالاجراءات والعقوبات الواردة في القوانين العامة .

اللطيف بقى اننا مش عارفين التهمة تحديدا اللي اتحاكم عليها

و جزء كبير من الاسباب التي بموجبها يحال الى المحاكم العسكرية لا غبار عليه و اعتقد -وارجو التصحيح ان كنت مخطئة- موجود في دول متقدمة كثيرة

مشكلتنا هي مع ما لونته بالاحمر

لذا نحتاج توضيح اكثر من المحكمة العسكرية بشان التهم التي ادين بها

و للعلم ممكن الطعن على احكام المحكمة العسكرية في الجرائم المحكومة بالقانون العام

حرصاً من هيئة القضاء العسكرى على مصلحة من اجريت محاكمتهم أمام المحاكم العسكرية عن أحداث الاخلال بالأمن التى تمت فى الفترة التى اعقبت ثورة 25 يناير 2011.

ونظراً لما تلاحظ لأجهزة الهيئة من عدم المام المحكوم عليهم وذويهم باجراءات الطعن فى تلك الأحكام فقد رأت الهيئة توضيح تلك الاجراءات طبقاً لما هو منصوص عليه فى قانون القضاء العسكرى رقم 25 لسنة 1966 والمعدل بقانون رقم 16 لسنة 2007 على النحو التالى :

1- أن يكون الحكم الصادر من المحاكم العسكرية فى جناية أو جنحة من جرائم القانون العام وقد تم التصديق عليها .

2- تقوم أجهزة الهيئة باعلان المحكوم عليهم بعقوبات ىسالبة للحرية بلأحكام المصدق عليها فى محبسهم ولا يعتبر المحكوم عليه قد أعلن بالحكم المصدق عليه الا بعد التوقيع منه على النموذج المعد لذلك وتبدأ مدة الستين يوماً المقررة للطعن اعتباراً من تاريخ الاعلان

3- يقدم المحكوم عليه بنفسه أو بواسطة محامى أو غير محام بمقتضى توكيل خاص تقرير بالطعن الى النيابة العسكرية او الى المحكمةالعليا للطعون العسكرية مباشرة فى خلال ستين يوماً من اعلانه بالحكم المصدق عليه .واذا كان المحكوم عليه مسجوناً فله أن يقرر بالطعن فى السجن المودع به على النموذج المخصص لذلك,ويقوم المختص بالسجن بتحرير التقرير والتوقيع عليه منه ومن الطاعن ثم يرسل بواسطة ادارة السجن الى النيابة العسكرية المختصة .

4- لا يشترط فى المحامى الذى يقدم التقرير بالطعن أن يكون مقبولاً للمرافعة أمام محكمة النقض .

5- تقدم الأسباب التى يبنى عليها الطعن من محام مقبول للمرافعة أمام محكمة النقض وكل من التقرير بالطعن وايداع أسبابه يكونان معاً وحدةاجرائية لا يقوم فيها أحدهما مقا الآخر ولا يغنى عنه لذلك يجب التقرير بالطعن وايداع أسبابه لدى المحكمة العليا للطعون العسكرية فى خلال ستين يوماً من ىتاريخ اعلان الطاعن بالحكم بعد التصديق .

6- فى الأحكام الغيابية الصادرة فى جرائم القانون العام الخاصة بالأحداث الجارية لا يقبل الطعن المرفوع من المتهم المحكوم عليه بعقوبة مقيدة بعقوبة مقيدة للحرية اذا لم يتقدم اذا لم يتقدم للتنفيذ قبل يوم الجلسة .

[م تيمور المراغي]

و بين واحد من خلال الراي ده بيولع فتنة؟

كلمة يولع فتنة

الحل السحري والسريع للقمع وقصف الاقلام وذبح الرقاب على مر العصور ,,

خلاص بقى كل اللي يشوف حرامي ويقول عنه انه حرامي يبقى مثير للفتنة

اخرس واقفل بؤك ومشي حالك الا تحصل فتنة ,,

وكل مفردات عصر مبارك اللي ذهبت الى حيثما القت ,,

عموما اللي وصلني ان مايكل حيخرج وان الحكم ده زي عدمه ,,

[م تيمور المراغي]

في مكالمتي من دقايق مع م.احمد ماهر المنسق العام لحركة شباب 6 ابريل صرح لي ان الحركة تدين وبشدة الحكم العسكري الصادر بحق مايكل نبيل وسيصدر عنها الليلة بيان رسمي توضح في موقفها من الحكم وآلية التصعيد التي ستتبعها ضد المجلس العسكري في المرحلة المقبلة ,,

حسبنا الله ونعم الوكيل ,,

بيان من حركة شباب 6 ابريل ,,

تعلن حركة شباب 6 ابريل تضامنها الكامل مع مايكل نبيل ومع غيره من المصريين ,,

وتؤكد رفضها التام لاي محاكمات عسكرية للمدنيين

هذا وتوضح ان ما اذيع مؤخرا عن انتماء مايكل نبيل الى الحركة غير صحيح فهو ليس عضوا بالحركة ولكننا نؤكد تضامننا الكامل معه ,,

اللجنة الاعلامية ,,

[Diab]

يتقمص البعض منا شخصية الإسكندر الأكبر

حارب شابا

حارب الجميع

كل بلاد الأرض تقريبا

وكان ينتصر

دوما

فإغتر بهذا

وأراد أن يبلغ أطراف الأرض

بدلا من أن يحفظ غنائمه من البلاد

أنهك جيشه

وباعد بين جيشه وبين مصدر قوته

بلاد اليونان

فسقط صريعا

وتفككت دولته بين قادته

وضاعت دولة الإسكندر

رجاء

سقف الطموحات لابد ان يحدد

وبمجرد أن تكسبوا هدفا

أمنوه جيدا ثم إبدؤا فيما بعده

تحياتي

تم تعديل 12 أبريل 2011 بواسطة Diab

[م تيمور المراغي]

فعلا نجحنا في الثورة

فلن نسمح لكائن كان من كان ان يعود بنا عشرات السنيين الى الوراء

حريه ,,

[se_ Elsyed]

ما أجمل الشعارات يا تيمور

لكن متى ؟

فرق كبير

نحن هنا أمام حالة واحد عمال يهيج الدنيا على المؤسسة العسكرية وعامل حملة شعواء عشان ما يبقاش عندنا جيش والكل يتهرب من التجنيد ... وفي نفس الوقت بيُمجد في إسرائيل وبيتمنى نبقى زيها ...

والاهم من ذلك إن الفترة الإنتقالية دي البلد تحت الحُكم العسكري . وقضايا حساسة مثل هذه لازم يتاخد فيها أكشن سريع بدل الأمور ما تفلت مننا ..

وأنا بأكد لك إن اللي حصل له ده يعتبر قرصة ودن ومش هايتسجن .. وهاتشوف ...

نحن مع الحرية قلباً وقالباً يا عزيزي

لكن للحرية دائماً حدود ....

وتذكر " لا توجد حرية مُطلقة إلا في مستشفى الأمراض العقلية .. حيث أن المجنون غير مسئول عن أفعالة أو أقوالة ... وعشان كده لا يُحاسب "

[م تيمور المراغي]

ولا يجرمنكم شنئان قوم على الا تعدلوا ,,

اعدلوا هو اقرب للتقوى ,,

من حق مايكل ان يحاكم امام محكمة مدنية

ما ينفعش اسال قاضي انت حكمت على فلان بالسرقه ليه تقول لي اصله قتل واحد اول امبارح !

دي حاجه ودي حاجه ,,

قرصة الودن دي يا س موجهه ليك وليا ولكل ناشط حيقول كلمة حق امام الصنم الجديد لمصر !

ماهو احنا مكتوب علينا عبادة الاصنام ,,

كل التيارات الليبرالية اعترضت على الحكم يا س فبلاش الكلام عن الحريات المطلقه ومشافي المجانين

من أأصل و ابسط مباديئ الحريه هو حرية التعبير عن الرأي والتي لا يختلف عليها اثنان ,,

للجميع التحية ,,

[se_ Elsyed]

إزاي بتتكلم عن حرية الرأي وإنت نفسك بتمنعها ؟

كل التيارات الليبرالية اعترضت على الحكم يا س فبلاش الكلام عن الحريات المطلقه

حاول تفرق عن المجلس العسكري اللي مش عاجبك ...

وعن الجيش بشكل عام

وشوف الولد كان بيتكلم عن مين فيهم كلام كله اكاذيب وتحريض ..

بالمناسبة ... هل من الحرية إن أجي في منتدى المحاورات مثلاً وأفتح موضوع أتغزل في إسرائيل واقول فيها شعر جاهلي وأكتب كمان موضوعات باللغة العبرية ؟

[mustafagamiel]

التعبير عن الرأي <> التحريض

هناك فرق

[م تيمور المراغي]

بالمناسبة ... هل من الحرية إن أجي في منتدى المحاورات مثلاً وأفتح موضوع أتغزل في إسرائيل واقول فيها شعر جاهلي وأكتب كمان موضوعات باللغة العبرية ؟

كويس انك جبت المثال ده اوي

طيب

تخيل بقى طلع قرار اداري كان نصه كالتالي :

تم ايقاف العضو اركيتكت لتعمده ارسال رسائل دعائية الى كل الاعضاء !!

بينما السبب الحقيقي اني فتحت توبيك مثلا بتغزل في اسرائيل ,,

لازم الحكم يكون منطبق تماما على الجريمة مش معقول كل ما اناقش حد فين الحلميه يقوم واصفلي الزمالك !!!!

وتخيل حاجه تانيه

ان يجي ادمن موقع آخر غير المحاورات هو اللي يوقفني كمان !!!!!!!!!

مش ادمن المحاورات

ده بالظبط وجه اعتراضنا في الحركة على الحكم يا س

1 - انه كان حكم سياسي بالدرجة الاولى ,,

2 - انه حرم المتهم من ابسط حقوقه وهو التقاضي امام المحاكم المدنية ,,

للجميع التحية ,,

[reda hamza]

اذا كانت حرية التعبير هي اثارة الفتنة بين الشعب و جيشه و الوصول بنا الي حروب اهلية فلا نريدها

و انا مع المجلس العسكري في محاكمة هذا الشخص الحب و المؤيد لاسرائيل و المعارض لكل ما هوفي مصلحة مصر

و الغريب الدفاع عنه من الكثيرين دون ان يروا هلي فعى=لا هو ظالم ام مظلوم ؟ و هل حرية النقد تعني توجيه التهم بلا ادلة لجيش مصر

اعلموا يا شباب انه ليس من مصلحة الثورة ان نخسر الجيش و الا ستستمر الثورة اعوام طويلة و لن تحقق اهدافها و سنتحول الي ليبيا اخرى و هذا ما يريده الغرب و عملائهم في مصر

[م تيمور المراغي]

التعبير عن الرأي <> التحريض

هناك فرق

كلمة حق اريد بها باطل ,,

بنفس المنطق سيتم اعتبار اي انتقاد لاداء المجلس العسكري جريمة عظمى يترمي الابرياء بسببها في السجون

وهيا دي الرسالة اللي قاصد طنطاوي يوجهها لكل النشطاء بس على مين ,,

وبنفس المنطق كان مبارك وعمر سليمان والعادلي بحكم انهم ممثلين لهيئات ( الرئاسة , المخابرات , الداخلية ) على الترتيب فوق مستوى النقد والمسائلة والاعتراض

نسيتوا مباديئ ثورتنا خلاص يا شباب وبتدافعوا باستماته ضد نفس المباديئ اللي قامت عليها الثورة !!

طيب ماهو بنفس المنطق مبارك كان القائد الاعلى للقوات المسلحة

معقول انتقاد الرتبة الاعلى يبقى بطولة

وانتقاد الرتبة الاقل ( القائد العام ) يبقى خيانة وفتنة وووووو !!

دي واضحه زي الشمس فيه ايه !!!!

[م تيمور المراغي]

طيب خير الكلام عشان مانوصلش لدايرة مفرغة ,,

1 - عاوزين نفرق بين الجيش المصري ( المؤسسة العسكرية ) وبين المجلس العسكري ,,

الاخير مكلف من الثوار ( بادارة ) البلاد مؤقتا لحين تسليم السلطة الى رئيس مدني منتخب يعني كل هجومنا وانتقادنا اليه هو باعتبارة هيئة ( رئاسية مؤقتة ) وليست ( مؤسسة عسكرية )

2 - محاكمة مدني امام محكمة عسكرية منافي لابسط مباديئ حقوق الانسان ,,

3 - كلمة الفتنة هي ( رعب التنيين ) لاي نظام قمعي مستبد لارهاب النشطاء عشان اللي يشوف اي فساد او تواطؤ يفضل ساكت كده ويطنش عشان ما يعملش فتنة

[الغريب]

كلمة حق اريد بها باطل ,,

بنفس المنطق سيتم اعتبار اي انتقاد لاداء المجلس العسكري جريمة عظمى يترمي الابرياء بسببها في السجون

وهيا دي الرسالة اللي قاصد طنطاوي يوجهها لكل النشطاء بس على مين ,,

وبنفس المنطق كان مبارك وعمر سليمان والعادلي بحكم انهم ممثلين لهيئات ( الرئاسة , المخابرات , الداخلية ) على الترتيب فوق مستوى النقد والمسائلة والاعتراض

نسيتوا مباديئ ثورتنا خلاص يا شباب وبتدافعوا باستماته ضد نفس المباديئ اللي قامت عليها الثورة !!

طيب ماهو بنفس المنطق مبارك كان القائد الاعلى للقوات المسلحة

معقول انتقاد الرتبة الاعلى يبقى بطولة

وانتقاد الرتبة الاقل ( القائد العام ) يبقى خيانة وفتنة وووووو !!

دي واضحه زي الشمس فيه ايه !!!!

يا بشمهندس رتب الحوار علشان نستفيد كلنا وحاول تجاوب معي على شوية أسئلة الهدف منها ترتيب الدولاب وتنميق مظهر الثورة ، وطلع من دماغك موضوع أننا بنبارز بعض بالســـ مداخلات ــيوف :

1- الدعوة لنقد المجلس عسكري لابد أن تتسم بالحكمة ترتفع حدتها وتنخفض بحسب المواقف ، هل أنت معي في هذا ؟؟

2- هل أنت مع الدعوة لإسقاط المشير فقط ، والسؤال ماذا عن بقية المجلس وأهمهم رئيس الأركان ؟؟

3- لو هناك دعوة "لإزالة المجلس العسكري لأنه أحد مخلفات العهد الفاسد وهذه الدعوة تقول أنها تفك الارتباط بين المجلس والجيش والدعوة لحل المجلس العسكري لا تعني الدعوة لحل الجيش" وكنت أنت يا عزيزي من مؤيدي هذه الدعوة ، فحق على أصحاب هذه الدعوة أن يبينوا لنا تصوراتهم المستقبلية ، وياريت متقوليش أن الكلام ده زي الكلام عن مبارك ، هقولك مبارك حاكم دولة وبالتالي حينما يتم إسقاطه فهناك عدة خيارات لإدارة البلاد ، ولكن المجلس العسكري على رأس كيان منظم ، إذا أردت إسقاطه فعليك أن تقترح حلول لإدارة هذا الكيان ، ولا تنسى أن هذا الكيان وظيفته الهامة ليست داخل حدود البلد، فبرجاء توضيح التوجه في هذا الشأن ؟؟

4- يتوجس البعض أحيانا من تفسير الدعوة لإسقاط المجلس العسكري كحاكم لمصر حتى يتم تمرير شكل معين لإدارة البلاد في هذه الفترة ، وأنا من هؤلاء المتوجسين ، فما هي التطمينات ؟؟

هذه تساؤلات هاامة مطروحة لترتيب الحوار حول هذه المسئلة ، وأريدك أن لا تنسى موقفي وموقف الكثير هنا والذي أشرنا إليه في عدة موضوعات قديمة منها موضوع للفاضل سكوب هو موضوع قديم جاء بعد سقوط مبارك مباشرة وكان تساؤل صاحب الموضوع لماذا لم نسكت على فساد النظام وسكتنا على فساد المؤسسة العسكرية بالرغم من أن الأخيرة جزء من النظام ، وقد تبلورت رؤية معظم الأعضاء أن السكوت الآن جاء على هوانا لأنه في صالحنا ولا يعني أننا نغفر الفساد الموجود هناك ..

أنتظر إجابة عضو في الصالون الثقافي المسمى بمحاورات المصريين ، وليس إجابة فيسبوكية أو تويت صغير :)

تحياتي ..

تم تعديل 12 أبريل 2011 بواسطة الغريب

[م تيمور المراغي]

حجاوبك باختصار يا غريب بقدرك والله لكن وقتي ديق جدا جدا ,,

1 - حدة انتقاد المجلس العسكري بيكون حسب التصرف الصادر منه يعني لو كان التزم بتعهداته معنا في اللقاءات التي جمعته بنا لم نكن ننادي الان بعودته الى الثكنات

2 - ماتقوليش ان الجيش المصري متوقف على 8 قيادات في المجلس العسكري عارفينهم بالاسم فيه حاجه اسمها الصف التاني حتى عندنا هنا في بن لادن في صفوف عديدة معده ومهيئة لتولي المسئوليه ما بالك بمؤسسة جبارة كالمؤسسة العسكرية ,, الجيش مليئ بالقيادات النزيهه والكفئة والمخلصة وهم دول السبب الحقيقي لنجاح ثورتنا لان الكل عارف ان المشير كان عبد المأمور فبلاش اضفاء القداسة والتأليه على شخصه اوي كده ,,

3 سبق وقلت الكلام التالي : (( عاوزين نفرق بين الجيش المصري ( المؤسسة العسكرية ) وبين المجلس العسكري ,,

الاخير مكلف من الثوار ( بادارة ) البلاد مؤقتا لحين تسليم السلطة الى رئيس مدني منتخب يعني كل هجومنا وانتقادنا اليه هو باعتبارة هيئة ( رئاسية مؤقتة ) وليست ( مؤسسة عسكرية )

يعني احنا عاوزين المجلس العسكري يسلم السلطة الان الى مجلس رئاسي مدني منتخب ويعود بكل اعزاز وتقدير الى دوره المنوط به وهو جماية الوطن وليس حكم البلاد ,,

4 - اتفهم مخاوفك من ان الدعوة الى ان يسلم المجلس العسكري السلطة الى مجلس رئاسي هو بقصد تمرير شكل معين لادارة البلاد ولكن اطمنك ان الترتيبات التي استقرت حتى الان ستظل كما هي فقط سيتبدل الحاكم المؤقت وسيكون رئيس مدني منتخب بدلا من المشير طنطاوي والحاشية اياها ,,

للجميع التحية ويارب ما اضطرش اعيد نفس الكلام تاني ,,

[لماضة مصرية جدا]

السلام عليكم و رحمة الله و بركاته

اتصدقوا و تامنوا بالله....انا عايزة ادي حضراتكم عشرة علي عشرة...انتو توهتوني بشكل منقطع النظير

التوبيك ابتدي بتساؤل بريء من استاذنا سين سين....و اللي انا فهمته يا تري ايه حدود الحاجة اللي الواحد يكتبها علي الانترنت...عشان دلوقتي ما شاء الله كوووووولنا بنكتب...و ده تخوف طبيعي

و اذ فجاتن اتكلمتوا عن قانون التجنيد...ماليه و ما عليه...(طب و انا مالي الا اذا نويتم تجندوا البنات....و دي امنية اخواتي الرجالة من كتر ما بيحبوني الحقيقة)

و بعدين ابتدينا نفتي كان عندنا خلفيات قانونية عن حيثيات الحكم

و بعدين فرصة بقي....نقطع في فروة المجلس العسكري و الجيش...!!!!

و بعدين هووووووووب اتكلمنا عن السلفية ...كلاكيت....عاشر مرة

و فيه محاولات جت مختصرة...و دي اللي حبيتها ان احنا نركز علي بناء الوطن دلوقتي؟؟؟

الحوار كله...مع احترامي لكل حرف و كل كلمة من اساتذتي ...بس الحوار حسسني

احنا مخترقين

ايوه

مخترقين...

بمعني انه سهل جدا نتشتت....

سهل جدا منركزشي علي الهدف الاصلي....

سهل جدا نتخانق و منعرفشي نرجع للنقطة الاصيلة و الاصلية في الحوار

احنا فعلا مخترقين

لو كنا كده علي النت....اومال الناس اللي في الشارع يا تري رد فعلها ايه

لا حول و لا قوة الا بالله العلي العظيم

اللي عايزة اطلع بيه من التوبيك دوت

ايه حدود الكتابة علي الانترنت و اللي متعرضشي واحد فينا عاااااادي جدا لاي مساءلة قانونية

هل فيه نص في القانون فيما يتعلق بالتدوين

ده اللي هركز عليه في مداخلات حضراتكم

غير كده....سامحوني.....مش هتابع...عشان بتوهوني...و الحكاية مش ناقصة

صباح حضراتكم.......هدف لازم يتحط قدامنا......الف باء....نبني مصر صح

بس خلاص