قبر مبارك .....

[عطر الجنة]

كشفت مصادر لموقع "المصريون"، أن أسرة الرئيس السابق حسني مبارك تمتلك مقبرة بمنطقة مصر الجديدة بجوار كلية البنات تبلغ مساحتها 80 مترًا مربعًا، تكلف إنشاؤها ما يقرب من 15 مليون جنيه، وتحتوي على العديد من وسائل الرفاهية التي لا تتلائم مع البساطة التي ينبغي أن تتوافر في المقابر عمومًا.

إذ يوجد بهذه المقبرة تكييف مركزي يشعر الواقف خارج المقبرة برطوبة الجو، وأرضية "الحوش" من الرخام المستورد العالي الجودة، وهناك حجرة استقبال خاصة للضيوف، ويوجد بها تليفون دولي ومطبخ صغير لإعداد المشروبات، وتحتوي على ثلاجة كبيرة لحفظ الفاكهة والمشروبات.

وتكسو أرضية المقبرة سجاد إيراني أحمر اللون، وجدرانها من الرخام الطارد للذباب، وحجرة الاستقبال يوجد بها أرائك جلد أمريكي الصنع وصالون ذهبي أثري يرجع إلى عهد الأسرة العلوية، إضافة إلى دورة مياه مكسوة بـ "البورسلان" الأسود وبه "جاكوزي"، إضافة إلى حديقة صغيرة جدا خارج المقبرة.

وتوجد هناك حجرة إضافية بجوار المكتبة تحتوي على أرفف للكتب ومقتنيات خاصة وصور لمبارك وأسرته، وبحسب المصادر، فإن أثاث المقبرة والكماليات الخاصة بها تم استيرادها من الخارج وأشرف عليها مهندسون من باريس.

وتحيط بالمقبرة من الخارج كاميرات مراقبة وحراسة خاصة تعمل ثلاث دوريات وتضم كل دورية ثلاثة أفراد ولهم دفتر حضور وانصراف. لكن تم إلغاء هذه الحراسة بزوال حكم صاحب المقبرة.

وأكد المصدر أن كان عندما يقترب أحد من المكان أو يستفسر عن صاحب هذه المقبرة – التي لا توجد عليها لوحة تشير إلى أنها خاصة بمبارك وسرته- "كنا نقول له أنها خاصة بأمير عربي وأحيانا نقول إنها لرفات أحد آل البيت وتشرف عليها الدولة، وإنها تابعة لوزارة الأوقاف، خوفا من غضب الأهالي".

المفارقة، أنه لا الرئيس السابق أو أي من أفراد أسرته قاموا بزيارة المقبرة من قبل لكن سكرتاريته الخاصة هي التي تتابع المكان كل فترة. يذكر أن حفيد مبارك محمد نجل ابنه الأكبر علاء الذي توفي في العام الماضي قد تم دفنه بمقابر آل ثابت عائلة سوزان مبارك، نظرًا لأنه لم تكن هذه المقبرة بنيت وقتها.

15 مليون جنيه وفى واحد فى حديث تلفزيونى اليوم قال 15 مليون دولار

سبحانك يارب فى ناس عايشة حتى وهى ميتة و فى ناس عايشة وهى مدفونة بالحيا

15 مليون حل لكام اسرة من مشاكل كتير

زواج و عصمة كام شاب و فتاة

سبحانك قبر اكبر من شقق ال 45 متر التى وزعت على سكان الدويقة

كام طفل شوارع من اللى بيناموا تحت الكبارى مش حتى فى القبور كانوا سيجدون مأوى

لكن ارجع واقول لازم نحاسب نفسنا قبل ان نحاسبه فلولا رضانا بسياسة الامر الواقع لما تمادى فى طغيانه

يا رب

[Alshiekh]

ياترى القبر ده موجود فى اقرار الذمة المالية؟

وبناه على حسابه؟ والا على حساب فقراء الشعب المصري؟

15 مليون جنيه دول يبنوا حى بحاله للفقراء

لأ وبيقول الكفن مالوش جيوب

طلع القبر هو اللى ليه حساب جارى

[Simba]

هي الناس دي فاكرة انها هتقوم بالليل تتفقد الرعية ولا حاجة :blink:

[mhamed]

انا لله وانا اليه راجعون

سبحان الله ماذا يعتقدون فيما بعد الموت

هل يؤمنون حقا ان هناك حساب ان هناك جنة ونار

لا افهم هل كانوا يعلمون شيئا عن الاسلام

ام هذه طريقة دفن الفراعنة على الطرق الحديثة

انا لله وانا اليه راجعون

[Salwa]

سبحان الدايم .

مادايم الا وجه الله.

ياجماعة الخير ايه المشكلة اللى حصلت ؟؟

اوعوا تكونوا نسيتوا ان العالم كله كله كله شرقه وغربه يطلق على الرئيس السابق لقب ((الفرعون الأخير ))...يبقى فين المشكلة ؟؟

هو بيظن انه مخلد ابد الدهر ...دى اولا .

اما ثانيا...

هو بقى دلوقت شعر بمعاناة اكثر من اتنين مليون أو ثلاثة مليون يعيشون ف المقابر ....لهذا ...قرر أن يهئ مقبرة تليق بابنائه وأحفاده ..يعيشوا فيها سويعات ف السنة حتى يشعروا ويتلاحموا مع هذه الفئة من ابناء الشعب البائسين..

ثالثا...

بناء المقابر بهذه الطريقة ليست بدعة ....,ولاتنسوا ان زوجته انجليزية وبالتالى ابنائه (( سواء قالوا نعم..او قالوا لا)) هم انجليزيين ايضا ...

وتوجد دائما فى كل منطقة مقابر مكان لاستقبال المعزيين ودورة مياه (( مفيش جاكوزى ..دى جديدة دى عليا ومشوفتهاش ))...ايضا...مشفتش السجاد الايرانى ولا الصالونات المذهبة ..

احنا وصلنا لايه دلوقت؟؟ ...رابعا؟؟؟...صح.

رابعا...

بناء هذه المقبرة بهذا الشكل ....لاعلاقة لها بأى دين (( والله اعلم )) ..

ده مفيش ولا ذرة من الايمان ...يعنى نهب فى خلال الحياة وحتى الموت ؟؟

كل الأديان راينا فيها صور رائعة للزهد وخصوصا للعارفين ..

وبما أن (( البعض يعيش ف الدنيا )) ...لايحكمه ولا يتحكم به ..

دين أو مثل عليا ..او ..اخلاق الصالحين..

فتوقعوا كل شئ ...

و...

ان دامت لك ما آلت لغيرك..

ف الأول والآخر ...ورغم الرخام الذى يمنع الذباب ...كل هذا الهيلمان سوف يحفظ..

جيفة ..

يارب ارحمنا برحمتك.

ملاحظة اخيرة...

رايت مقبرة شبيهة (( لكن اكبر وحاجة تانية خالص ...للديكتاتور فرانكو...))..يظهر أن الديكتاتوريين يتشابهون فى اشياء كثيرة ..

[Howayda Ismail]

ايها الشامخ الذى لايرام ...............نحن من طينة عليك السلام

انماهذه الحياة الدنيا متاع...........ومع الموت تستوى الاقدام

الا انما الدنيا كظل بنيته........ولابد يوما ان ظلك زائل

[لماضة مصرية جدا]

كشفت مصادر لموقع "المصريون"، أن أسرة الرئيس السابق حسني مبارك تمتلك مقبرة بمنطقة مصر الجديدة بجوار كلية البنات تبلغ مساحتها 80 مترًا مربعًا، تكلف إنشاؤها ما يقرب من 15 مليون جنيه، وتحتوي على العديد من وسائل الرفاهية التي لا تتلائم مع البساطة التي ينبغي أن تتوافر في المقابر عمومًا.

إذ يوجد بهذه المقبرة تكييف مركزي يشعر الواقف خارج المقبرة برطوبة الجو، وأرضية "الحوش" من الرخام المستورد العالي الجودة، وهناك حجرة استقبال خاصة للضيوف، ويوجد بها تليفون دولي ومطبخ صغير لإعداد المشروبات، وتحتوي على ثلاجة كبيرة لحفظ الفاكهة والمشروبات.

لكن ارجع واقول لازم نحاسب نفسنا قبل ان نحاسبه فلولا رضانا بسياسة الامر الواقع لما تمادى فى طغيانه

يا رب

السلام عليكم و رحمة الله و بركاته

استغفر الله العظيم علي الصبح....تكييف....و تليفون دولي و تلاجة كبيرة...ده كده بقي جهاز العروسة مش مقبرة...(و الله ما بتريق...بس بستغرب بمرارة)

تعامل الانسان مع الموت من وجهة نظري بيعكس كتير ازاي كان عايش حياته و ازاي هو شايف الاخرة اصلا

اذا كان شايف ان يبقي فيه جاكوزي....(و مش عارفة الناس رايحة تصيف و لا رايحة تتعظ)....يبقي خلاص هو كده اخد نصيبه من الدنيا....عايز نعيم الدنيا....و نسي ان الدنيا دي مش بتساوي عند ربنا جناح بعوضة

مش عارفة اقول ايه....بس معقول فيه ناس متفكرشي ان الجنة ممكن يكون فيها حاجات احلي مليون مرة من كده....و معقولة ميبقاش عنده شوووووق اهن يلاقيها تحت الارض...و يوم العرض الاكبر

سبحانك يا ربي...ما عبدناك حق عبادتك

فعلا من كل قلبي...بقول لمبارك....الله يرحمك

استاذتي عطر الجنة

عجبتني اوي كلمة حضرتك...."نحاسب انفسنا"

و لقتني بفكر ان احنا كافراد عاديين احيانا بنبالغ في بناء المقابر طبعا مش بالرفاهية اللي اوردها الخبر....لكن فيه ناس بسيطة كتير يمكن مش علي مستوي الغني الفاحش بتلاقيها بتبالغ في انها تعمل كماليات للمقابر و اموووووت و اعرف بتعملها ليه

شخصيا...نفسي اموت في قبر مساوي بالتراب....و محدش يعرف اصلا انا مدفونة فين

يا رب جنتك....اشتقت ليها

صباح حضرتك...استاذتي "عطر الجنة".....اشتياق للجنة....اوي

[jasmin hamed]

والله انا مجرد ماقريت العنوان جسمى اشعر

الواحد مش متخيل الراجل ده ذى الى قيامته قامت

يعنى من كام شهر بس من ايام ماحفيدو كان لو كان غير الدستور لو كان اهتم بالبلد شويه

كان ناس كتير هتسامحه و تترحم عليه بس خلاص ذى الى يكون قيامته قامت و

مابقاش ينفع الناس مش هتسامح فى حق

طب هو لما شاف ميدان التحرير و هو مليان مافكروش ده بتل الذنوب الى شايلها على كتافه

تم تعديل 12 أبريل 2011 بواسطة jasmin hamed

[باهى الطائر الحزين]

طيب وايه يعنى

ماانا قلت مره

وضعا ساق على ساق .. ارووح اموت

وده لان رصيدى فى البنك ثلاثه مليون مليم

ولو عندى سبعين ملعار كنت هعمل اكتر منه

عادى يعنى

نسيت حاجه

( الى فحرة الله )

تم تعديل 12 أبريل 2011 بواسطة طائر الليل الحزين

[mekkawy]

أهو دلوقتي عرفت يعني ايه فراعنة و ايه الصلة بين مبارك و الفراعنة

إن الاتنين بيؤمنوا بالبعث بعد الموت

جاكوزي ... جاكوزي يا مبارك يا ظااااااااالم !!!!

[Alattar]

وياتري و هو طالع ان شاء الله علي المقبرة..هيعدي علي الكوافير الأول..و بعدين الاستوديو يتصور؟؟

ما هي دي التقاليد المتبعة!!..ما هو الباشا شكله بيأسس عش الزوجية

لاحول ولا قوة الا بالله

[fatfouta]

خدوا بالكم الجدران طاردة للذباب......طب ياترى هتطرد الدود ولا لأ؟؟؟ لا مؤاخذة يعنى

[ذهبية]

خبر مستفز جدا بصراحة

هو سرقة فى الحياة و سرقة فى الموت كمان

هو فاكر نفسة من طينة تانية غير البشر

استغفر الله العظيم

عايز يعيش ملك وهو فوق الارض و ملك و هو تحت الارض

اية الجبرووووووووت دة

[Alattar]

خبر مستفز جدا بصراحة

هو سرقة فى الحياة و سرقة فى الموت كمان

هو فاكر نفسة من طينة تانية غير البشر

استغفر الله العظيم

عايز يعيش ملك وهو فوق الارض و ملك و هو تحت الارض

اية الجبرووووووووت دة

للأسف..ياريت كان ينفع..تقريبا ما حدش قالله انه ما ينفعش

[masraweya]

ناس كثير عندنا بتعتبر المقبرة جزء من الوجاهة الاجتماعية للعائلة

زي الصوان و المقرئ.. اللي لازم "يشرف" حتى لو هيستلفوا

الغريب .. يعني عارف اهه انه هيموت.. و جهز مقبرة "تشرف" قدام الزعماء و الرؤساء و اباطرة المال و الاعمال

جهز يا ترى نفسه للقاء الله ؟

الاهم بقى .. يا ترى احنا جهزنا لآخرتنا؟

ربنا يحسن ختامنا

و يجعلنا من اهل الجنة

[fatfouta]

http://www.youtube.com/watch?v=SCbl1rj6aQk&feature=share