حبس ( مبارك ... و جمال ... وعلاء ) 15 يوم على ذمة التحقيق

[se_ Elsyed]

يااااااااااااااااااه

أي رئيس بعد كده مش هايمضي على ورقة حتى وعينه هاتبقى في وسط راسه

الله أكبر من الجميع

والشعب أكبر من أي حاكم أو حكومة أو جيش او شرطة ..

[tarek hassan]

دا كده حكومة موازية في طره وكمان رئيس

طيب خليهم يتسلوا

[se_ Elsyed]

طيب دلوقتي مبارك وأولاده في طرة ولا فين بالظبط علشان نبقى عارفين

أصل ممكن يكون إحتجازهم في سجن من تصميم حسين سالم في شرم الشيخ بردو

لأ .... هايترحلوا على القاهرة عشان بكره او بعده بالكتير هايتحقق معاهم في إدارة الكسب غير المشروع اللي ما ينفعش المحققين بتوعها يتحركوا ويروحوا شرم الشيخ ..

[capitshino]

عاجل : التليفزيون المصرى يؤكد الخبر

[arkan]

يا جماعة بجد محتاجين نسجد شكر لله

وبجد من كل قلبي احيي المجلس العسكري العظيم اللى بعد فضل الله ما وصلنا الى ما نحن فيه الان (من لا يشكر الناس لا يشكر الله)

اللهم لك الحمد

يارب وفقنا وأعنا اننا نبنى بلدنا على النحو الذي يرضيك

[الغريب]

أنباء عن احتكار عز للعدس في سجن طرة

لمزيد من المسخرة تابعوا تويتر على الرابط

http://twitter.com/search?q=%23PortoTora

[الغريب]

[shiko]

خبر منذ قليل من وكالة أسوشيتد برس بيقول إن النائب العام أصدر فرار بحبس الرئيس السابق (مش بس جمال وعلاء) 15 يوم على ذمة التحقيق

[se_ Elsyed]

خبر منذ قليل من وكالة أسوشيتد برس بيقول إن النائب العام أصدر فرار بحبس الرئيس السابق (مش بس جمال وعلاء) 15 يوم على ذمة التحقيق

U always come late

الخبر هنا من اول امبارح وإحنا كلنا مزجططين وفرحانين يا شيكو ...

ركزي بقى الله يرضى عليكي

[الغريب]

مطلب الجماهير في الجمعة القادمة في ميدان التحرير

الشعب يريد زيارة بورتو طرة

[samehmagdy]

مبروووووووووووووووووووووووووووك

الخبر على الCNN

وعلى الجزيرة والتلفزيون

حبس مبارك 15 يوم على زمة التحقيق

حاسس زى ما تكون الثوره كانها لسه بتقوم من تانى

[se_ Elsyed]

فتحي وحشني قوي ...

خلص يا توحه وهات شنطتك معاك النهاردة عشان تلحق الشو بتاع الويك إند في طُره لاند إنما إيه .... هايلز

فقرات برنامج الحفلة

- شو روسي

- الساحر العجيب اللي بيدب السيخ المحمي في صرصور أي مسجون وما بيقولش أي .

- فقرة المطبخ .. والتحدي بين النزلاء على من يلتهم أكبر عدد من أطباق اليمك ( العدس يعني )

- مسابقة لعبة الكراسي بين جمال وعلاء

- لعبة شد الحبل بين الحرس الجديد والحرس القديم

- اللعبة الشيقة ( حُسني جاب موز ) .. ودي فوازير وحكايات من الزمن القديمة يحكيها جدو حُسني لأولاده الشجناء النونو عن مغامراته في حرب تشرين وإزاي كان بيقتل ويتقتل كل يوم

- والمفاجأة .. لعبة صلطح بين ظباط السجن .. وبين إئتلاف حكومة الفساد .. والقفا اللي ما يطرقعش .. ما يتحسيبش ...

[shiko]

يا مطري رخي رخي علي راس حرامية وبخي

حرامية راكبة السلطة لحسوا لي فلوسي ومخي

دي جيوبي فاضيه نضيفة والباشا في فيلا مخيفة

يابلادي خشي الحمام و علي راسهم يلا وضخي

وعجبي

تم تعديل 13 أبريل 2011 بواسطة shiko

[الغريب]

مبارك : الأخوة والأخوات، لم أكن انتوي الذهاب إلى طرة

[rewsha]

مبروك يا جماعه ...لو الخبر حقيقي

مش عارفه اوصف احساسي على الصبح كده

حاسه ان بيتهياْلي او باحلم او بينضحك عليه تاني

من كتر ما انا مش مصدقه الخبر

[se_ Elsyed]

مبروك يا جماعه ...لو الخبر حقيقي

مش عارفه اوصف احساسي على الصبح كده

حاسه ان بيتهياْلي او باحلم او بينضحك عليه تاني

من كتر ما انا مش مصدقه الخبر

هما كده المصريين .. يموتوا في العياط ...

إفرحي يا روشة .... طلعت رجب قربت .. وجهزي قد قفصين عيش .. على إتنين كيلو حاوة ( طعمه بار ) عشان نفرقهم على الحبايب في طُره ..

خليهم يدوقوا لحظه واحده من لحظات البؤس اللي عاشها المصريين

[لماضة مصرية جدا]

السلام عليكم و رحمة الله و بركاته

زعلااااااااااااانة منكم

محدش يصحيني من انبارح و فيه كل الهوليلة و الزغططة دي

سبحان الله

بس نفسي يحصل معاهم زي اللي بنشوفه في الافلام الاجنبية....يحلقوا شعرهم زيرو و يحطهوم تحت الشاور و يبخوا عليهم بودرة عفريت عشان الهرش و كدهوت

سبحانك يا ربي...الايام دول

افرحي يا ام الشهيد....افرحي يا مصر

سبحان الله

سبحان الله

سبحان الله

[rewsha]

‎

في السنة اللي قالوا فيها جمال هيبقي الريس .. حبسناه

الشعب المصري .. ام الاجنبي

[rewsha]

مبروك يا جماعه ...لو الخبر حقيقي

مش عارفه اوصف احساسي على الصبح كده

حاسه ان بيتهياْلي او باحلم او بينضحك عليه تاني

من كتر ما انا مش مصدقه الخبر

هما كده المصريين .. يموتوا في العياط ...

إفرحي يا روشة .... طلعت رجب قربت .. وجهزي قد قفصين عيش .. على إتنين كيلو حاوة ( طعمه بار ) عشان نفرقهم على الحبايب في طُره ..

خليهم يدوقوا لحظه واحده من لحظات البؤس اللي عاشها المصريين

حيث كده بقى عاوزين نعلق الانوار ونقيم الافراح ونوزع الشربات

بس انا باحب الشربات يكون بطعم الفراوله لو سمحتوا

تم تعديل 13 أبريل 2011 بواسطة rewsha

[fatfouta]

وربنا حطيت الخبر وانا مش مصدقاه برضو

الواحد هيجراله حاجة من الفرحة انا والله ماشمتانة فيهم بس حاسة اننا كده اخدنا حقنا اللى كان ضايع

والشهداء دمهم ماراحش هدر....الف حمد وشكر ليك يااااااااارب

المجد للشــــــــــــــــــهداء

وذى ماقال الريـــــــــــس...............بورتو طرة كوـــــــــــــس