حبس ( مبارك ... و جمال ... وعلاء ) 15 يوم على ذمة التحقيق

[mamdowh]

الف مبروك والعجل انا دبحته أهو

[مغتربة]

يا صباح الاخبار الى تروق البال و تهدى الحال و تطمن على الجاى

ايوه كده دى الاخبار الى تفرح بصحيح

يا رب كل يوم يكون فى خبر احلى من اليوم الى قبليه عن مصر و اهلها و احوالها

و الله كده طره حقته يتحول لمزار سياحى عالمى

بورتو طره سجن عالمى على ارض مصريه

هههههههههه

بالنسبه للجنس الخشن كده فاضل لهم الاخ سرور و يبقى كملت التشكيله الرئاسيه هناك

بس ليه لسه مبتدوش مع الجنس الى مفروض انه ناعم يعنى لغايه دلوقتى

فين الاخت سوزى مش هى برضه متقدم فيها بلاغ بتاع مكتبه الاسكندريه

طيب و لو طلع ليها قرار حبس هى التانيه هيحبسوها فين

ههههههه اعيش و اشوفك يا سوزى و انت بالجلابيه البيضا و الطرحه الى عمرك ما حطتيها على راسك قبل كدا

و يا ريت بقى تبقى جارتك فى الزنزانه الاخت عايشه عبدالهادى علشان تعرف ساعتها تبوس ايدك على راحتها

[fatfouta]

جمال وعلاء يصلان إلى السجن بـ«الكلابشات» بعد نقلهما من سيناء في طائرة

وصل علاء وجمال مبارك، نجلا الرئيس المخلوع، إلى سجن مزرعة طرة، في السادسة من صباح الأربعاء، بعد قرار النائب العام حبسهما 15 يوماً على ذمة التحقيق.

وعلمت «المصري اليوم» أن السلطات نقلتهما في طائرة عسكرية من مقر التحقيق بجنوب سيناء إلى مطار ألماظة بالقاهرة، ثم استقلا سيارة ترحيلات ليلحقا برموز النظام السابق في سجن مزرعة طرة، بينما تم تقييد أيديهما بالكلابشات، وارتديا الملابس البيضاء الخاصة بالمحبوسين احتياطياً.

وأصدرت النيابة العامة بيانا على صفحتها في موقع «فيس بوك» أوضحت فيه سبب إجراء التحقيقات مع الرئيس السابق حسني مبارك ونجليه في شرم الشيخ.

وأشار البيان إلى أن وزارة الداخلية أوضحت للنائب العام أنه يتعذر عرض مبارك ونجليه في القاهرة لما يحيطه ذلك من محاذير أمنية وأوضحت أنه قد يكون من المناسب استجوابهم جميعا بعيدا عن القاهرة، إضافة إلى أنه يتردد أن حالة مبارك قد لا تسمح بنقله.

وأضافت النيابة أنه بالكشف الطبي عن مبارك تبين أنه يعاني من ظروف صحية تستلزم نقله لإحدى المستشفيات ليكون تحت الرعاية الطبية أثناء استجوابه

[fatfouta]

[se_ Elsyed]

يييييييييييييه .. إيه الإستهبال ده

توحه لسه رايح التحقيق دلوقت .

اعتقد كده ممكن تفوته وجبة الغدا في طُره لاند

يالله مش إشكال ... نيشل له نايبه مع العشا

ونعمل حفلة راقصة في ساحة السجن بالليل ... ويقعدوا في النص مبارك ويولعوا نار ويلفوا حواليه ويغنوا " نحنو غرابه عدس عدس "

[fatfouta]

يييييييييييييه .. إيه الإستهبال ده

توحه لسه رايح التحقيق دلوقت .

اعتقد كده ممكن تفوته وجبة الغدا في طُره لاند

يالله مش إشكال ... نيشل له نايبه مع العشا

ونعمل حفلة راقصة في ساحة السجن بالليل ... ويقعدوا في النص مبارك ويولعوا نار ويلفوا حواليه ويغنوا " نحنو غرابه عدس عدس "

معلشى بقى على ما صحى من النوم وحضر شنطته وكده يا جماعة

اعذروا الراجل برضو....بيصحى متأخر :closedeyes:

[hOuSsAm]

مبروك يا جماعة تتويج نجاح الثورة

مبروك لكل ام شهيد اللى ربنا هيبرد دمها بحكم القتلة الظلمة

حاسس ان كل ام دلوقتى هتستريح ونارها هتنطفى

ربنا يرحمك يا خالد سعيد وسيد بلال ويرحم كل شهيد

-----------------------------------

سؤال على هامش التحقيقات

هو ممكن مبارك يستغل وجود قانون الطوارئ فى الدستور ويخلع من قضية قتل المتظاهرين ولا نا اكدة فاهم غلط

---------------------------------

تفتكروا بقى هما هيشيلوا لبعض الشيلة وكله هيبيع فى كله

ولا ظروفهم هتبقى عاملة ازاى فى التحقيقات

واجتماعهم فى طرة هيبقى عامل ازاى

انا كنت بسمع ان حسنى بيدى للوزراء (اللى بيطاطوا طبعا) بالشلوت

دلوقتى مين هيدى لمين

وهل هيلعبوا صلح ولا هيقضوا يومهم ازاى

بجد زى مكان عندى حب معرفة اجتماعتهم شكلها ايه قبل كدة عايز اشوف يومهم عامل ازاى فى طرة

تم تعديل 13 أبريل 2011 بواسطة hOuSsAm

[fatfouta]

فيديو للناس اللى واقفين عند المستشفى مستنيين خروج علاء وجمال...وبيقولوا

الملاكى لاااااااااء......البوكس اهو

ومدير الامن بيحاول يهديهم

http://www.youtube.com/watch?v=vmFXuJ5nP6E&feature=player_embedded

[مغتربة]

عد قرار حبسه 15 يوماً..

تدهور صحة مبارك وأنباء عن نقله لمستشفى عسكرى بالقاهرة

الأربعاء، 13 أبريل 2011 - 11:01

الرئيس السابق محمد حسنى مبارك

جنوب سيناء ـ فايزة مرسال

كشفت مصادر مطلعة لـ"اليوم السابع" عن تدهور صحة الرئيس السابق محمد حسنى مبارك بعد صدور قرار من النائب العام بحبسه 15 يوماً على ذمة التحقيقات فى تهم بتضخم ثروته، والمشاركة فى قتل المتظاهرين فيما يعرف بجمعة الغضب 28 يناير الماضى.

وذكرت المصادر أن مبارك المتواجد حاليا بمستشفى شرم الشيخ للعلاج من أزمة قلبية داهمته أمس الثلاثاء، يخضع لحراسة أمنية مشددة تمهيداً لنقله لأحد المستشفيات العسكرية بالقاهرة وسط تكتم شديد عن مكانها.

[ام سلمي]

اللهم لك الحمد

ده يوم من ايام الله

"وقل جاء الحق وزهق الباطل ان الباطل كان زهوقا"

[fatfouta]

بعد حبس العائلة, ماما سوزان تقرر تغيير الشعار من "القراءة للجميع" "الى "السجن للرجاله

[se_ Elsyed]

يكفيني هذا الخبر .. لكي أرفع رأسي عالياً وأهتف واقول " أنا مصري " ... نحن شعب صنع ثورتة بدون مساعدة من أحد ... نحن نستحق أن نكون في الصدارة

رصد |صحافة |الجارديان: مصر تترك إسرائيل .. لتعاود قيادة العرب

[fatfouta]

بيقولوا نقلوه لمستشفى كوبرى القبة العسكرى

نقل مبارك للمستشفى العسكرى بحدائق القبة.. وترحيل جمال وعلاء إلى سجن مزرعة طرة

[fatfouta]

طبقا للتلفزيون المصرى الان للتو فى خبر عاجل وصل علاء و جمال الى سجن طره بالفعل

[مغتربة]

علاء وجمال مبارك يصلا طرة مقيدين بـ ''الكلابشات''

كتب – سيف الدين إبراهيم:

وصل علاء وجمال مبارك، نجلي الرئيس السابق حسني مبارك إلى سجن مزرعة طرة صباح اليوم الأربعاء، والأغلال في أيديهم ''الكلابشات''، وامتثلوا لتعليمات السجن.

وعقب ذلك قامت إدارة السجن بتسلم الملابس المدنية والهواتف المحمولة وحافظات النقود الخاصة بعلاء وجمال مبارك، وتم تسليمهما مهمات السجن الاحتياطي التي شملت بطانيتين، ومرتبة، و2 بيجامة بيضاء اللون.

وكان المستشار عبد المجيد محمود قد أمر بحبس الرئيس السابق حسني مبارك ونجليه 15 يوماً على ذمة التحقيقات التي تجرى معه، في اتهامات تتعلق بالتحريض على الاعتداء على المتظاهرين اثناء ثورة 25 يناير.

[se_ Elsyed]

بعد حبس العائلة, ماما سوزان تقرر تغيير الشعار من "القراءة للجميع" "الى "السجن للرجاله

إلا كده

إلا التريقه يا فتفوته

ده بدل ما تروحي تساعديها في الطبيخ

دي بتطبخ لتلات رجاله مسجونين دلوقت

أو تاخدي لها طقم حلل عشان تغرف فيه للشباب وتروح لهم الزيارة الجايه

خللي بالك ... الملح يبقى قُليل لجدو مبارك عشان الضغط ..

وجمال بيحب الأكل مشطش ....

أما علاء .. فالله يخليكي إطبخي بزيت دوار الشمس عشان الكوليسترول .... وكتري الطرشي " اللهم ما أطرشه يارب "

أما الحلو فعلى بورتو طُره ..

النوع ده في الصحرا هناك بالهبل

عارف هاتقول لي : وأنا مالي يا أخويا ... ما عندك خديجة وهايدي يساعدوها ؟

يا فتفوته راعي مشاعرهم ... رجليتهم اتحبسوا أمبارح والبنات في حالة نفسية مش كويسة ...

إحنا برضوا ولاد أصل ونفهموا في الأصول ... قومي ربنا يهديكي خرطي مع خالتك سوزان الملوخية ونقي الرُز ..

[fatfouta]

بلدنا رجعت كاملة لينا ومـــــــــــــــصر اليوم فى عيــــــــــــد

http://www.youtube.com/watch?v=ebpcuuc1jhI&feature=youtu.be

[arkan]

بلدنا رجعت كاملة لينا ومـــــــــــــــصر اليوم فى عيــــــــــــد

http://www.youtube.com/watch?v=ebpcuuc1jhI&feature=youtu.be

مبروك ياتوتة ياوش الخير

[fatfouta]

بعد حبس العائلة, ماما سوزان تقرر تغيير الشعار من "القراءة للجميع" "الى "السجن للرجاله

إلا كده

إلا التريقه يا فتفوته

ده بدل ما تروحي تساعديها في الطبيخ

دي بتطبخ لتلات رجاله مسجونين دلوقت

أو تاخدي لها طقم حلل عشان تغرف فيه للشباب وتروح لهم الزيارة الجايه

خللي بالك ... الملح يبقى قُليل لجدو مبارك عشان الضغط ..

وجمال بيحب الأكل مشطش

.

أما علاء .. فالله يخليكي إطبخي بزيت دوار الشمس عشان الكوليسترول .... وكتري الطرشي " اللهم ما أطرشه يارب "

أما الحلو فعلى بورتو طُره ..

النوع ده في الصحرا هناك بالهبل

عارف هاتقول لي : وأنا مالي يا أخويا ... ما عندك خديجة وهايدي يساعدوها ؟

يا فتفوته راعي مشاعرهم ... رجليتهم اتحبسوا أمبارح والبنات في حالة نفسية مش كويسة ...

إحنا برضوا ولاد أصل ونفهموا في الأصول ... قومي ربنا يهديكي خرطي مع خالتك سوزان الملوخية ونقي الرُز ..

ودى تفوتنى برضو يا سى السيد

انا مجهزة الاكل بتاعهم من الصبح اهو

[fatfouta]

بلدنا رجعت كاملة لينا ومـــــــــــــــصر اليوم فى عيــــــــــــد

http://www.youtube.com/watch?v=ebpcuuc1jhI&feature=youtu.be

مبروك ياتوتة ياوش الخير

مبرووووك علينا كلنا يا اركونة يا حبيبتى والله حاسة ان بلدنا رجعت لنا فعلا :wub: