عصام شرف يحضر الحذاء لفلاحة خلعتة علي باب مكتبه

[مغتربة]

فاكرين الصور الشهيره بتاعه احمد عز الى كان واحد واقف ماسكله الجزمه بتاعته لغايه ما يخلص صلاه و بعدين لبسهالوا

طيب ايه رايكم بقى نشوف خبر بس على الجهه المعاكسه علشان نشوف الفروق الحقيقيه بين الرجال

هى يمكن حاجه بسيطه علشان كدا انا حطيته فى موضوعات خفيفه

لكن ليها عندى دلالات كبيره عن الراجل دا

أهم الأنباء

صغار المزارعين البسطاء تحقق أملهم* في نقل شكاواهم* وطموحاتهم الي رئيس الوزراء مباشرة*.. ولأول مرة يلتقي رئيس الوزراء* د*. عصام* شرف بوفد من صغار المزارعين* يمثلون منطقة بدر* بالنوبارية*..

والوفد ضم محمد عبدالمجيد برغش وعبدالمجيد الخولي

والفلاحة راوية محمد سلمي*.. وحيازة كل منهم اقل من خمسة فدادين*.

الطريف ان الفلاحة راوية خلعت حذاءها قبل دخولها* مكتب رئيس الوزراء*

الذي* أحضر لهاالحذاء بسرعة و قال لها " ياست* راوية البسي حذاءك*.."

ثم سأل الوفد عن مشاكلهم* وقضاياهم*..

وطلب الوفد ضرورة عودة المشروع الانمائي* والارشادي لتطوير البيئة الاساسية في الصحراء المصرية والذي تنفذه* د*. زينب* البربر الحاصلة علي درجة الدكتوراه من جامعة السوربون*.

واستمع رئيس الوزراء باهتمام لمطالب المزارعين ايضا التي تركزت في انشاء* مجتمعات زراعية وصناعية في قري* الصحراوي* للحفاظ علي الجزء* المتبقي من الوادي القديم وضرورة تحقيق الاكتفاء* الذاتي من القمح* خلال سنتين*.

[aimen]

اللهم احرسك يا دكتور عصام يارب

كل خبر عن الراجل ده بيزودنى احتراما له

ماشاء الله

اللهم وفقك يارب

دا التطبيق العملى على احترام الأخرين

مش الأشكال اللى فى بورتوا دلوقت

اللى كانت بتلعب على الموبايل ولا تقزقز لب فى مجلس الشعب

مصر قادمة وبأقصى سرعه الى العالم المتقدم

دكتور عصام

شكرا لك فقد اعدت الأمل لنا انت وامثالك من الشرفاء

[Dreamwithme]

فرق شاسع ما بين الرجلين طبعا يا مغتربة

د/عصام شرف أول ما بيهل في التليفزيون بصراحة طلته لوحدها بتريحني وبتنعش في قلبي الأمل إن مصر هتتبني كويس

يمكن يكون موقف صغير لكن دلالته كبيرة جدا

هو إحنا كنا نحلم قبل كده إن رئيس الوزراء يقابل صغار المزارعين أصلا.....سبحان الله

شوفي يا مغتربة أنا من أول الثورة وأن تأكدت لدي معلومة مهمة جدا إن ربنا حارس مصر فعلا وبيختار لها الأفضل

لأن الثورة من أولها إلي الآن مليئة بمشاهد تدل علي رحمة الله عزوجل وإحكام تدبيره

ومن ضمن هذه المشاهد طبعا تولي رجل مثل د/شرف

يارب احمي مصر وجمعنا علي حبها وبناءها

[Dreamwithme]

الله عليك يا أستاذ أيمن فعلا جملة عبرت فعلا عما بداخلي من أمل وتطلع للغد

مصر قادمة وبأقصى سرعه الى العالم المتقدم

دكتور عصام

شكرا لك فقد اعدت الأمل لنا انت وامثالك من الشرفاء

[الغريب]

المحترم محترم

المحترم يفرض إحترامه على الناس كلها

ولن يختلف عليه أحد

عصام شرف رفع الناس وسترفعه الناس

أما الـ**** اللي كانوا بيعاملونا كعبيد فليس لهم عندنا أي قدر ولا إحترام ولا حتى زكرى طيبة

[fatfouta]

ربنا يقدره على مهامه ويحميه يااارب

شوفوا قاعد معاهم فى منتهى التواضع اذاى

[hOuSsAm]

الطريف ان الفلاحة راوية خلعت حذاءها قبل دخولها* مكتب رئيس الوزراء*

الذي* أحضر لهاالحذاء بسرعة و قال لها " ياست* راوية البسي حذاءك*.."

ينهار ابيض عالاحترام والتواضع

ايه الحلاوة دى ياولاد

الدكتور عصام ده راجل ابن بلد بجد

ومش كدة وبس لاء ده سياسى من الدرجة الاولى (بصرف النظر انها ممكن تكون فطرته واللى هى احترام الاخرين وحفظ حقوق المواطنة دى حاجة دارسينها فى السوفت اسكيلز عشان تقدر تؤثر فى الاخرين)

وكنا بنستخدمها مع الناس البسيطة زى الست راوية عشان نعمل ايس بريك

انا مبهور باللى بيحصل

اخيرا هيبقى فيه مساواة واحترام لكل الناس

ومعتش حد هيتكبر على حد

وكلنا زى بعض ونفس الحقوق والواجبات

كلنا مصريين

ومصر فيها خير لسه

ربنا يوفقه اللى مافيه خير لنا

الفاضلة مغتربة شكرا على نقل الخبر

[arkan]

من تواضع لله رفعه

ربنا يجعله في ميزان حسناته

ويمتعه بالصحة دايما ويرفع قدره في الدنيا والاخرة

مش قولت لكم نفسي يكمل معانا رئيس وزراء على طول

[wahed_masry]

الله أكبو

من تواضع لله رفعه

[ابو محمد بن مصطفي]

هو ده الوجه الحقيقي لمصر والمصريين

الذي ظل النظام السابق لا نري منه الا كل ما هو قبيح

مصر حلوه بينا احنا الشعب المصري العظيم

انسان فعلا محترم .... وهذا مايستحقة الشعب

[mamdowh]

المحترم محترم

المحترم يفرض إحترامه على الناس كلها

ولن يختلف عليه أحد

عصام شرف رفع الناس وسترفعه الناس

أما الـ**** اللي كانوا بيعاملونا كعبيد فليس لهم عندنا أي قدر ولا إحترام ولا حتى زكرى طيبة

ربنا يحفظه ويحميه من بطانة السوء

[الباشمهندس ياسر]

عصام شرف شبعان علي طبيلية ابوه

[محمد عبدالعزيز]

موقف صغير إيه بس.

ده موقف كبير وكبير جداً من إنسان كبير جداً وكل يوم بيكبر فى نظر المصريين.

[mustafagamiel]

اللهم اني احب عصام شرف فيك

يارب ماتخيب ظننا فيه ابدا

يارب امين

[Simba]

هذا الرجل لم يتخلف عليه اثنان منذ توليه رئاسة الوزارة

الناس شايفة انه عنده رؤية بعيدة لمصر وازاي تكون وكفاية انه دايما بيحاول يدي الامل في بكرة

[عادل أبو عمر]

هو الفضل من الله ... إن استجاب دعوة مخلصة من قلب مصري أو مصرية .. اللهم ول علينا خيارنا

بجد أنا جسمي قشعر

تاني مرة من تصرفات هذا الانسان

أول مرة لما اعتذر للدكتور جودت الملط على الهوا من أيام عن خطأ لم يرتكبه في الأصل و يقول له أتشرف أن أكون طرفا معك في هذه المكالمة

فيه تواضع كدة

مش عارف صراحة أحمد ربنا على إيه أكتر على نجاح الثورة و لا على إنها عرفتنا قيمة مثل هؤلاء الرجال ولا نزكي أحدا على الله

ياربي لك الحمد

[masrymasry]

يارب بارك لنا في هذا الرجل

فإنه نعم الرجال

[لماضة مصرية جدا]

السلام عليكم و رحمة الله و بركاته

شخصيا....بشوف دكتور عصام...انسان راااااااقي و دي فئة كنت قربت ابصم بالعشرة انها انقرضت

انسان يتعامل مع كل الناس انه هو بني ادم و اللي حواليه كمان بني آدمين

و هتلاقي ده في كل صفاته و سلوكه و لا نزكي علي الله احدا

دكتور عصام.....استاذي هنا اثبتولي ان لسه فيه امل

ربي يحافظ عليهم

[Handasah]

عصام شرف شبعان علي طبيلية ابوه

تعليق بألف كلمة .................

تعليق مميز ياهندسة

[بركة]

http://www.masress.com/elakhbar/34432

الله يرفع قدره د عصام بس الخبر فيه تصحيح بسيط ممكن نقراه