ليه القعدة ع المنتدي...احلي من المذاكرة و الشغل و الأكل!!!

[لماضة مصرية جدا]

السلام عليكم و رحمة الله و بركاته

في حياتي بحب

انام.....ارجع انام ....و بعدين اصحي من النوم ابقي تعبانة و كده....اقوم انام تاني

بس كل ده اتغير بسبب السؤال اللي فوق دوت

يا تري يا هل توري

ليه بقي

ليه القعدة ع المنتدي....مش مخلياني....انام زي البني آدمين....اشتغل...اذاكر....(اي حاجة من اللي بحبها)

كده خلاص حالتي ميئوس منها....همووووووت يعني...(وش حسين رياض في الفيلم اللي طلعت فيه فاتن حمامة بتقول كاك كاك)

اللي عندة اجابة للسؤال....برضه ع المنتدي....يتفضل يقولي...ليه...ليه...ليه؟؟؟

[م تيمور المراغي]

اوووووووووووووووووووووووفقك وبشدة ,,

وليا عودة رهيبة لما التوبيك يسخن :happy:

[Alattar]

مش انتي لوحدك والله يا أخت لماضة..أنا برضه جالي ما يشبه الادمان

عارفة..قبل ما المدام تسافر..من أسبوع تقريبا...طبعا لو رجعت من الشغل و مسكت الكمبيوتر قدامها تبقي هتتجنن..أصلها بتعتبر ان اللابتوب ده درتها

فكنت آخد التليفون و أدخل المطبخ أعمل قهوة..و أقعد ييجي ساعة.. و أعملها علي مية باردة ووطي النار علي الآآآخر...عشان آخد أطول وقت ممكن

و هي تقوللي..طالما القهوة بتاخد وقت...تعالي اقعد هنا لحد ما تخلص..و أنا أقوللها..ما ينفعش.أصلي لازم أكون جنبها في الظروف دي

والله كنت أحيانا لما بتضيق الخناق عليا جامد..كنت آخد التليفون و أدخل الحمام...و أقفق ورا الباب و أرد علي بعض المواضيع من هذا الوضع المريب

[arkan]

والله عندك حق

انا من شوية بتخيل الباب اتفتح ودخل حرامي وسرقنا وانا قاعدة على النت

جوزى نول مقفلتش الباب وراه ومستمره على الكمبيوتر في اوضة بعيدة شوية عن باب الشقة

وابني متنح زى بس على البلاى ستيشن

وكل شوية اقول هقوم اقرا لى شوية واحضر لشغلي

وبعدين .. رغم كل الى بدخله على النت كام موقع على القد

[mustafagamiel]

مش انتي لوحدك والله يا أخت لماضة..أنا برضه جالي ما يشبه الادمان

عارفة..قبل ما المدام تسافر..من أسبوع تقريبا...طبعا لو رجعت من الشغل و مسكت الكمبيوتر قدامها تبقي هتتجنن..أصلها بتعتبر ان اللابتوب ده درتها

فكنت آخد التليفون و أدخل المطبخ أعمل قهوة..و أقعد ييجي ساعة.. و أعملها علي مية باردة ووطي النار علي الآآآخر...عشان آخد أطول وقت ممكن

و هي تقوللي..طالما القهوة بتاخد وقت...تعالي اقعد هنا لحد ما تخلص..و أنا أقوللها..ما ينفعش.أصلي لازم أكون جنبها في الظروف دي

والله كنت أحيانا لما بتضيق الخناق عليا جامد..كنت آخد التليفون و أدخل الحمام...و أقفق ورا الباب و أرد علي بعض المواضيع من هذا الوضع المريب

ونعم الرجالة ياولدي

مفيش حاجة جابت ليه الكافية غير المنتدى ده

لابد من حل ؟؟

[rewsha]

السلام عليكم و رحمة الله و بركاته

في حياتي بحب

انام.....ارجع انام ....و بعدين اصحي من النوم ابقي تعبانة و كده....اقوم انام تاني

بس كل ده اتغير بسبب السؤال اللي فوق دوت

يا تري يا هل توري

ليه بقي

ليه القعدة ع المنتدي....مش مخلياني....انام زي البني آدمين....اشتغل...اذاكر....(اي حاجة من اللي بحبها)

كده خلاص حالتي ميئوس منها....همووووووت يعني...(وش حسين رياض في الفيلم اللي طلعت فيه فاتن حمامة بتقول كاك كاك)

اللي عندة اجابة للسؤال....برضه ع المنتدي....يتفضل يقولي...ليه...ليه...ليه؟؟؟

انا

ماعنديش اجابه.

بس هوه ينفع اساْل نفس السؤال معاكي؟؟؟

طب ده انا كمان باْكل واشرب قدام اللاب توب وانا فاتحة المحاورات وكمان (سمسومي ) بنوتي الصغنونه بتبقى على رجلي عماله تخبط بايدها على الكي بورد,وانا اتخانق معاها علشان اعرف اركز

تفتكري ده ادمان يا لماضه يا اوختشي ؟؟؟؟؟

عارفه .لما المحاورات اتقبض عليها من كام يوم وراحت امن الدوله .,,,,,,,,,,,,قصدي لما كان فيها عُطل فني.كنت زي التايهه

حتى على منتدى المطاريد .ماعرفتش اخد راحتي هناك

كنت حاسه بغُربه :closedeyes:

تم تعديل 13 أبريل 2011 بواسطة rewsha

[Alattar]

مش انتي لوحدك والله يا أخت لماضة..أنا برضه جالي ما يشبه الادمان

عارفة..قبل ما المدام تسافر..من أسبوع تقريبا...طبعا لو رجعت من الشغل و مسكت الكمبيوتر قدامها تبقي هتتجنن..أصلها بتعتبر ان اللابتوب ده درتها

فكنت آخد التليفون و أدخل المطبخ أعمل قهوة..و أقعد ييجي ساعة.. و أعملها علي مية باردة ووطي النار علي الآآآخر...عشان آخد أطول وقت ممكن

و هي تقوللي..طالما القهوة بتاخد وقت...تعالي اقعد هنا لحد ما تخلص..و أنا أقوللها..ما ينفعش.أصلي لازم أكون جنبها في الظروف دي

والله كنت أحيانا لما بتضيق الخناق عليا جامد..كنت آخد التليفون و أدخل الحمام...و أقفق ورا الباب و أرد علي بعض المواضيع من هذا الوضع المريب

ونعم الرجالة ياولدي

مفيش حاجة جابت ليه الكافية غير المنتدى ده

لابد من حل ؟؟

لا ده احنا جدعان و نعجبك أوي علي فكره...

فعلا...لازم علاج..

[hOuSsAm]

عشان اللمة حلوة والوحدة وحشة

كلنا فى الغربة محتاجين لمة ونفضل نتكلم ونحكى ونناقش ونضحك ونبكى على حالنا

طيب يبقى ايه طعمه الاكل لما بتبقى لواحدك

وايه لازمة النوم طالما طالما محصلش اشباع ثقافى وفكرى قبله عشان الدماغ يتهد ويدخل فى غيبوبة

فعلا المنتدى معوضنا عن حجات كتيرة اوى محرومين منها اولها الناس المحترمة اللى قاعدين ومتجمعين هنا

بقيت بجيب كل حاجة فى البيت تتاكل وانا عالكمبيوتر عشان مبعدش عنه اطول فترة ممكنة

وبقى الغالب دلوقتى بستسهل ولما اروح البيت مكلش حاجة اقضيها شرب مية وخلاص _:D ايه الناس البخيلة دى :)

حد بقى ينزل باللب والسودانى والبيبسى :)

تم تعديل 13 أبريل 2011 بواسطة hOuSsAm

[mustafagamiel]

لا ده احنا جدعان و نعجبك أوي علي فكره...

واضح جدااااا وباين اوي

هههههههههههههههه

بس تعرف عندك حق كلنا ---

[م تيمور المراغي]

والله كنت أحيانا لما بتضيق الخناق عليا جامد..كنت آخد التليفون و أدخل الحمام...و أقفق ورا الباب و أرد علي بعض المواضيع من هذا الوضع المريب

اتااااري !!

وانا اقول الردوود مالها الردوود مالها ههههه :happy:

[م تيمور المراغي]

تفتكري ده ادمان يا لماضه يا اوختشي ؟؟؟؟؟

هو فعلا ادماااان !!

يعني هوا اكيد فيه دواء ما ,,

يعني كل مدمن بيروح للدكتور ويمدد على الشيزلونج ويستمع له الطبيب بفروغ صبر عشان فيه مرضى تانيين بره وفي الاخر يديلوا روشته فيها علاج ما من صيدلية ما بمبلغ ما وتخلص الليلة ,,

لكن انتم دواكم ايه ؟؟

وحشتوني جدا جدا ,,

وفعلا الايام من غيركم بتمر ثقيله على النفس اكتب خلالها الاشعار وامزقها وارسم في خيالي اجمل اللوحات وامسحها وادندن بصوتي نغمات الحرية وانا سجين في ذكرياتكم وردود افعالكم التي لا تنتهي

احفظ ملامحكم

و اتخيلكم تعبسون وتضحكون وانتم حولي انظر اليكم رأي العين ,,

ما اقساها واطولها من لحظات تمر كالدهور بعد ان كانت سنينا تمر كالثواني ,,!

.................

[Alattar]

والله كنت أحيانا لما بتضيق الخناق عليا جامد..كنت آخد التليفون و أدخل الحمام...و أقفق ورا الباب و أرد علي بعض المواضيع من هذا الوضع المريب

اتااااري !!

وانا اقول الردوود مالها الردوود مالها ههههه :happy:

بعد اذنك يا أخ تيمور...اوهي تفهمني غلط

أنا كنت برد و أنا وقف ورا الباب,,مش خوف منها علي فكره..لأ..علي فكره يعني...لست أنا هذا الرجال

أنا بس كنت بحافظ علي شعورها...

[fatfouta]

انا بقى حكايتى حكاااااااية

هحكيهالكم استنوا......بس اقوم اعمل الرز واج :closedeyes: ى

[م تيمور المراغي]

أنا بس كنت بحافظ علي شعورها...

:happy:

[م تيمور المراغي]

انا بقى حكايتى حكاااااااية

هحكيهالكم استنوا......بس اقوم اعمل الرز واج :closedeyes: ى

هاتيلي طبق يا فتفت حرام عليكي ظروفي معروفه :closedeyes:

[hOuSsAm]

انا بقى حكايتى حكاااااااية

هحكيهالكم استنوا......بس اقوم اعمل الرز واج :closedeyes: ى

هو ابو محمد هيتغدى رز حاف النهاردة ولا فيه حاجة مسبكة جنب الرز :P

طيب سين سين ممكن يجبلنا بطتين من اللى وصلوا مع الكتاب

الا مهان عليه يبعتلى جناح وزة ولا شوية جبنة مش ولا عبرنى فى القاوزوة (تلاقيه فى عقل باله بيقول زى القطط بياكل وينكر)

يالا يا جماعة كل واحد يتبرع بصنف عشان اللمة تحلو واهى لماضة تتغذى البنية من يوم مدخلت المحاورات وهى مش عارفة تذاكر وضعفت عالاخر

انا ممكن اجيب الاطباق والملاعق (وهغسلها بفيرى والله العظيم)

[Alattar]

انا بقى حكايتى حكاااااااية

هحكيهالكم استنوا......بس اقوم اعمل الرز واج :closedeyes: ى

هاتيلي طبق يا فتفت حرام عليكي ظروفي معروفه :closedeyes:

مش انت لوحدك يا تيمو يا حبيبي

أنا كمان المدام سافرت..و حالتي بقت تصعب علي أي حد

و مقضيها بيت الشواية و الرومانسية و كبسة و فراخ..لما الواحد خلاص قرب يكاكي من كتر الفراخ

وان شاء الله قريبا هينضملنا عضو جديد..الأخ أيــمن..مراته مسافرة برضه قريب ان شاء الله

عشان كده ياريت فتفوتة تعمل حسابه في طبق معانا

نفسي أفطر زي ما كان بابي بيفطرني...عصير جريب فروووووت...و فرن كليبس

تم تعديل 13 أبريل 2011 بواسطة Alattar

[Simba]

الفرق بين القعدة علي المنتدي وبين المذاكرة والشغل والاكل :protest:

ايه وجه المقارنة يا فندم بس

المذاكرة والشغل يا اما تعب يا اما روتين مفيهوش اي ابداع

والاكل والتفكير فيه وتجهيزه تعب وارهاق وتشتت للافكار واهدار للوقت والموراد النقدية وسحب من احتياطي المحفظة

هنا المنتدي احنا اخترناه وبايعناه واحنا معاه الي ما شاء الله مع الفارق الكبير ان المنتدي من اكبر تجمعات النت انتقادا للحكومة اللي فاتت الله لا يرجع ايامها

هنا فطاحل المثقفين من زمان اللي الواحد بيبص علي مشاركتهم بس ويستفيد ويخلع دوغري دوغري

هنا تجسيد حي لخفة دم المصريين ودي اول حاجة اكتشفتها في موضوع كنوز فنية نادرة لاستاذ زوهيري

الله يمسيك بالخير يا موديست لما نزلنا موسيقي رقص الهوانم :closedeyes:

هنا المغتربين المغردين عن مشاكلهم واحلامهم الليي دايماكان بيحاول يتغتالها طغيان من أجلك أنت

هنا المواضيع مش قص ولزق مش مشكور وسلمت يمناك

هنا نخبة جميلة من المشرفين ومش هانسي اقول اني مفتقد لولا جدا ورقة مشاركاتها

هنا مدام قلب ابيض واغابي وفتفوتة وتامر والساري وتيمور وحسام والغريب ولماضة وشيكو وريمو ومصرية مغتربة والعظيمة فولانة ومحمد ومحمدين وحسانين وهريدي وعتريس اللي فتح الهويس وفؤادة

هنا الشعب

[م تيمور المراغي]

انا بقى حكايتى حكاااااااية

هحكيهالكم استنوا......بس اقوم اعمل الرز واج :closedeyes: ى

هاتيلي طبق يا فتفت حرام عليكي ظروفي معروفه :closedeyes:

مش انت لوحدك يا تيمو يا حبيبي

أنا كمان المدام سافرت..و حالتي بقت تصعب علي أي حد

و مقضيها بيت الشواية و الرومانسية و كبسة و فراخ..لما الواحد خلاص قرب يكاكي من كتر الفراخ

وان شاء الله قريبا هينضملنا عضو جديد..الأخ أيــمن..مراته مسافرة برضه قريب ان شاء الله

عشان كده ياريت فتفوتة تعمل حسابه في طبق معانا

نفسي أفطر زي ما كان بابي بيفطرني...عصير جريب فروووووت...و فرن كليبس

ولاجل كل ذلك ,, :egyflag:

فاني باسم حركة شباب المغتربين المصريين :happy:

اطالب كل اخت لينا هنا في المحاورات ,,

بعد اخذ رأي ارباب الاسر الكرام ,,

بان يرسلوا لنا معهم

اصنافا من الحاجات الجميلة اللي كاتبها استاذنا سقراط في توقيعه ( الشهي )

والا ,,,

انتوا عارفين بقى اللي فيها ههههه :P :protest:

[Alattar]

هي الأخت فتفوتة كل ده بتعمل الرز؟؟..انتوا عازمين الشارع كله النهاردة ولا ايه؟؟

ولا انتي استمعتي للنداء الموجه لذوي القلوب الرحيمة..و بتجهزي أكل لإخوانك العزاب في المنتدي؟؟

شفت يا عم تيمور..أول ما قلنالها طبق رز..اختفت بلا رجعة