التشكيل الجديد لمجلس حقوق الانسان يضم شخصيات تدعو للفخر

[fatfouta]

الدكتور عصام شرف اعاد تشكيل مجلس حقوق الانسان ووضع نشرة على الصفحة الرسمية لمجلس الوزراء باسماء اللجنة الجديدة وبصراحة فيهم شخصيات كتيرة تعدو للفخر

قرار نائب رئيس مجلس الوزراء

رقم 5 لسنه 2011

بشأن إعادة تشكيل المجلس القومي لحقوق الإنسان

[Ahmed Anwer]

شوفي بقه الأخوة النشطاء ،،

رايهم ايه في التعديل ده علي تويتر ،،

مش عاجبهم حاجة في الدنيا

تخيلي مش عاجبهم جورج اسحاق ،،

كنت هأطق و أنا بقري تعليقاتهم !!

فيه مصري يزايد علي جورج اسحاق !!!!

[shawshank]

هو أنا شايف إن ده بنسبة كبيرة وضع مؤقت، لأنه يأتي في سياق إننا مش عارفين إحنا بنتبنى أي نظام سياسي. مفيش لسه رؤية سياسية واضحة. يعني رئيس الوزراء جه لقى فيه مجلس قومي لحقوق الإنسان (بالتوازي مع مجالس قومية أخرى)، فاستمر على ما كان عليه آباؤنا. ده بناء على أي رؤية مستقبلية لسياسة مصر؟ مفيش. لأنه ببساطة لسه بدري على ما تتضح الرؤية دي. لسه فيه دستور جديد وبرلمان جديد ورئيس جديد، ويمكن حزم كتير من القوانين الجديدة.

بس عمومًا أنا كنت أتمنى إن مجلس زي ده مايكونش يتبع الحكومة أصلا. وفي المقابل تقوم الحكومة بجهود تدعم وتشجع بيها عمل المجتمع المدني، اللي تكون حقوق الإنسان من ضمن مسئولياته.

[engmido]

معلش بجد مين جورج اسحاق؟؟؟

[أحمد سيف]

معلش بجد مين جورج اسحاق؟؟؟

المنسق العام لحركة كفايه

[engmido]

معلش بجد مين جورج اسحاق؟؟؟

المنسق العام لحركة كفايه

والله طالما من ريحة ايمن نور تبقى ما تطمنش

بس للامانة انا معرفش الراجل فمنظلموش

تم تعديل 13 أبريل 2011 بواسطة engmido

[أحمد سيف]

معلش بجد مين جورج اسحاق؟؟؟

المنسق العام لحركة كفايه

والله طالما من ريحة ايمن نور تبقى ما تطمنش

بس للامانة انا معرفش الراجل فمنظلموش

ايش جاب جورج اسحاق لأيمن نور ... واحد شيوعي والثاني ليبرالي

والاثنين محترمين وزي الفل بس انت امسح من دماغك تأثير الدعاية السلبية لإعلام النظام البائد والتي لم تستثني أحد وشوهت كل المعارضين بالأكاذيب والافتراءات ... وما زالت

[fatfouta]

شوفي بقه الأخوة النشطاء ،،

رايهم ايه في التعديل ده علي تويتر ،،

مش عاجبهم حاجة في الدنيا

تخيلي مش عاجبهم جورج اسحاق ،،

كنت هأطق و أنا بقري تعليقاتهم !!

فيه مصري يزايد علي جورج اسحاق !!!!

لا ماطقش يا استاذ احمد عادى

انا كمان بصراحة بحترم ورج اسحاق جدا

[جسار]

الى حد كبير جدا التشكيل جيد ويعبر عن تيارات سياسية كثيرة فى البلد ولكن ....

منصب الرئيس محجوز ل بطرس بطرس غالى أعتقد انه قارب على التسعين من عمره

كما أنه كان من المناهضين لفكرة نشر الديمقراطية فى مصر بسبب تفشى الأمية

وهى فكرة رجعية للغاية بل و أستعمارية قديمة من ايام اللورد كرومر .